Yɔhana 12:16 - Nyaa Shɔɔ Ɓɔɔ Laa a Ɓɛɛ

¹⁶ Bɛɛ rɛɛ zang ɓɔɔ ri mantɛ vuu ka bii ɓiɓɛ, ri zi vuu ɓɔɔ zang bee keɓe gn kpang. Ri naa zi kaa nɛɛ knti ka ɓɔɔ bɛ̀ɛ́ zang wisi Yeesɔ paa tɔ, Laa ti a wu bannang tɔ ɓɛɛ. Ri naa kpaa danggn kati nɛɛ zang bee vuu keɓe katɔ ka yuu ɓiɓɛ, a zang ti pàlɛ̀ wu vuu bìí tɔ.

Yɔhana 12:16 Σταυροειδείς Αναφορές

Maraku 16:19

Kpanti Yeesɔ hangsɛ ri nyaa yee rannang tɔ, Laa tuu wu kaa ningkãari daa nɔng ka lapa. A daa nwáng ka naa nakn Kpanti Laa.

Maraku 9:32

A zang ɓɔɔ ri mantɛ vuu ka bii Yeesɔ ri zi dĩiri vuu ɓɔɔ Yeesɔ kɔɔ ri ɓɛɛ kpang. Ri tɔɔ ri hɛ̃ɛ wu, ri kaa vɔrɔ.

Luka 18:34

A zang ɓɔɔ ri mantɛ vuu ka bii ɓiɓɛ, ri zi dĩiri vuu ɓɔɔ wu kɔɔ ɓɛɛ gbete kpang. Hã̀a ri kɔɔnang katɔ, ka ruu nɔngkɔ, ri zi vuu ɓɔɔ wu kɔɔ ɓɛɛ, kpang.

Luka 24:25

Yeesɔ rang ri yee tɔɔ, “Nɔɔ manɛ zang ɓɔɔ nɔɔ zũng kpang ɓɛɛ, ɓoro manɛ valɛ bii dɔɔli, ka ruu ɓɔɔ, nɔɔ shing danggn ka vuu ɓɔɔ zang nyaa shonang Laa kɔɔ kpang nandon ɓɛɛ.

Luka 24:45

A á ri naa, tɔɔ, ri zi vuu ɓɔɔ ka labeenang Laa ɓɛɛ kati.

Luka 9:45

Ri zi dĩiri ruu kɔ wu kɔɔ ri ɓee kpang, ka ruu ɓɔɔ Laa waasɛ ri katɔ ɓɛɛ, kasɛ nɛɛ ri zi kpang. Ri tɔɔ ri hɛ̃ɛ wu dĩiri ruu keɓe, a ri kaa vɔrɔ.

Yɔhana 12:23

Yeesɔ kasɛ ri nyaa tɔɔ, “Diki ɓɔɔ zang a Jaa Shɔnzang bannang kagn a tɔ.

Yɔhana 14:26

Suru Laa ɓɔɔ Daa naa shong wu ka nung mɛɛ, naa tusu nɔɔ vuu ditɔ nandon. Wu ti kpaa nɔɔ danggn vuu ɓɔɔ n kɔ̀ɔ nɔɔ ɓɛɛ nandon.

Yɔhana 16:4

N kɔɔ nɔɔ vuu keɓe, ka ruu ɓɔɔ, laa ɓɔɔ ri palɛ vuu keɓe nɛɛ a tɔ, nɔ́ɔ kpaa danggn kati nɛɛ bɛ̀ɛ́ n kɔɔ nɔɔ tɔ ɓɛɛ. N kɔ̀ɔ nɔɔ ruu keɓe ka tĩng kpang, ka ruu ɓɔɔ, bɛ̀ɛ́ n doo nɛɛ nɔɔ ɓɛɛ.

Yɔhana 17:5

Ka ruu nɔngkɔ, Daa, tuu m ta, mɔɔ daa nɛɛ n ka nɔng ɓɔɔ mɔɔ kagn ɓɛɛ. Mɔɔ a m bannang naa ɓɔɔ mɔɔ a m bɛ̀ɛ́ zang mãa koo gn kpang ɓɛɛ.”

Yɔhana 2:22

Ka ɓɔɔ Laa naa wisi wu paa nɛɛ sàa, zang ɓɔɔ ri mantɛ vuu ka bii ɓiɓɛ ri naa kpaa danggn kati nɛɛ bɛ̀ɛ́ kɔ̀ɔ ri vuu keɓe tɔ kagn. A ri shing danggn kaa vuu ɓɔɔ zang bee ka yeti labeenang Laa, nɛɛ vuu ɓɔɔ Yeesɔ kɔ̀ɔ ɓɛɛ ning.

Yɔhana 7:39

Yeesɔ kɔɔ ruu keɓe, ɓi ka yuu Suru Laa ɓɔɔ Laa naa a zang ɓɔɔ ri shing danggn ka bii Yeesɔ ɓɛɛ. Ka laa kaɓa, bɛ̀ɛ́ Laa a ri Suru bii gn kpang, ka ruu ɓɔɔ bɛ̀ɛ́ zang wisi Yeesɔ paa gn nɛɛ sàa, zang a wu bannang kpang ɓɛɛ.

Zang Shonang Yeesɔ 2:33

Laa wisi wu paa, a shing wu tɔ ka nakn ɓiɓɛ, a á wu suru ɓɔɔ bɛ̀ɛ́ a ruu nyaa nɛɛ wu naa a ruu ɓɛɛ. Vuu ɓɔɔ nɔɔ zirɛ, nɔɔ ti tãa kãntang keɓe, ɓi vuu ɓɔɔ Laa tɔɔ wu a ruu ɓɛɛ kɔ.

Zang Shonang Yeesɔ 2:36

“Ka ruu nɔngkɔ, zang Isirela, nɔɔ zi ta tɔ̃ɔ tɔ̃ɔ nɛɛ Yeesɔ ɓɔɔ nɔɔ ɓaa wu naa ka laa keɓe, Laa shing kaa wukɔ nwàng Kpanti, wukɔ ti Kirisi zang ɓɔɔ Laa tɔɔ, wu naa a ɓɛɛ.”

Zang Shonang Yeesɔ 3:13

Làá rɛɛ dabang ɓuru Ibirayi, nɛɛ Ishaaku, nɛɛ Yakubu kɔ a zang shonang ɓiɓɛ Yeesɔ bannang ɓɔɔ waa nyaa kpang ɓɛɛ. A nɔɔ a zang bang bang Yahudi wu nɛɛ zang nyɔ wu vɔrɔ. Nɔɔ bɛ̃ɛ wu ka tĩng kpanti Bilatu, ka ɓɔɔ Bilatu kɔ̀ɔ́yi tɔ nɛɛ wu yaa wu naa kaa tɔ ɓɛɛ.

Yahudi 12:2

Ruu shing nɔɔ jĩng ka bii Yeesɔ ɓɔɔ wukɔ tusu ruu naa ɓɔɔ ruu shing danggn, ti shingnɛ danggn shinnang ɓuru wu nwang nyaa kiiri ɓɛɛ. Zang ɓɔɔ, ka ruu tĩnang ɓɔɔ Laa naa a wu ka tĩng, mã danggn ka ɓɔɔ zang ɓaa wu naa ka laa ɓɛɛ. Yee laa ka yusɛ̃ɛ náa ɓɔɔ zang ɓaa wu ɓɛɛ kpang, a daa nwàng ka nakn laa nwannang Kpanti Laa.

Yahudi 8:1

Gbãng gbãng ruu ɓɔɔ ruu kɔɔrɔ ɓɛɛ keɓe. Kpanti zang ɓɔɔ ri dɔɔ Laa vuu, ɓɔɔ ɓuru kagn naa weɓe, ɓɔɔ nwang ka nakn laa nwannang Kpanti Laa ɓɔɔ bannang piti ɓi ɓɔɔ ɓiɓɛ ɓɛɛ, ka lapa.