Yɔhana 11:52 - Nyaa Shɔɔ Ɓɔɔ Laa a Ɓɛɛ

⁵² Wu ti ka ruu ɓarɛ kɔ shɛ̃ɛning kpang. Vɔrɛ nɛɛ tɔɔ wu kpalɛ zang Laa ɓɔɔ zang tantɛ ri ka koolaa kaa jong nɔng gbete.

Yɔhana 11:52 Σταυροειδείς Αναφορές

Luka 15:8

“Yeesɔ kɔɔ ruu ɓɔɔ tɔkn nɛɛ nyaa vuu jeenang tɔɔ, naa zang soro ɓɔɔgn saka ɓiɓɛ kopi, a ɓɔɔ gbete shishi, palɛ biya? Mang waa zàáng sɔɔ, wu ya salang, wu kooro nɔng ɓɔɔ saka ɓiɓɛ shishi kagn tɔ̃ɔ tɔ̃ɔ, wu kãa waasɛ̃, wu ĩiyi.

Luka 2:32

Wukɔ naa nwang nɔng yakɛnang ɓɔɔ tusu zang ɓɔɔ ri zi kpang, vuu ɓɔɔ mɔɔ kasɛ ɓɛɛ. Wu ti naa shing zang, zang a zang ɓaaɓɛ Isirela bannang.”

Yɔhana 1:12

Zang ɓɔɔ ri ta wu nandon, a ri ti shing danggn ka bii ɓiɓɛ ɓɛɛ, a ri naa nɛɛ, ri nwang ɓarɛ kaa wujɛ Laa.

Yɔhana 1:29

Nɔng naa gãntɛ tɔ, a Yɔhana zi Yeesɔ a kana bìí ɓiɓɛ, a kɔɔyi nɛɛ, “Nɔɔ zirɛ, Jaa Mɛ̀ɛrɛ́ Laa kaɓa, ɓɔɔ naa shingnɛ, Laa yàá zang koo keɓe gbalang vuu shi kpang ɓɔɔ ri pàlɛ̀ ɓɛɛ kɔ.

Yɔhana 10:16

Mɛ̀ɛrɛ́ mɛɛ ɓɔɔ ti kagn, ɓɔɔ ri ka vaa keɓe kpang ɓɛɛ. N atɛ ri ditɔ jong. Ri naa tã̀á yee mɛɛ ditɔ, tɔ̀ɔ, ri nwang kaa vàa gbete, jagãng ɓarɛ ti gbete.

Yɔhana 12:32

Zang nɛɛ naa ɓaa m naa tɔ ka laa, a zang wisi m paa, tɔ̀ɔ, n naa gɔ̃ɔ zang piti, ri a ka bii mɛɛ.”

Zang Shonang Yeesɔ 18:10

N nɛɛ mɔɔ ning. Zang ɓɔɔ palɛ mɔɔ vuu ɓɔɔ kagn kpang, ka ruu ɓɔɔ, zang mɛɛ kagn gari keɓe dɔɔli ɓɛɛ.”

Rooma 3:29

Laa ɓi Laa zang Yahudi kɔ shɛ̃ɛning ya? Ɓi doo Làá zang ɓɔɔ ri zang Yahudi kpang kɔ doori kpang ya? Ɓi doo Laa ɓarɛ kɔ.

Rooma 4:17

Labeenang Laa kɔɔyi nɛɛ, “N shing mɔɔ tɔ, mɔ́ɔ nwang dabang zang koolaa dɔɔli.” Wukɔ daa ɓuru ka tĩng Laa ɓɔɔ wu shing danggn ka bii ɓiɓɛ ɓɛɛ. Laa ɓɔɔ wisi zang paa nɛɛ sàa, zang nwang ningkãari, a ti mãarɛ vuu shɔɔ katɔ ɓɛɛ.

Afisa 1:5

Laa mang ɓi tɔ ka yeti ɓiɓɛ, nɛɛ wu gɔ̃ ruu ka bii ɓiɓɛ nɛɛ bii Yeesɔ Kirisi, rúu nwang wujɛ ɓiɓɛ. Wee vuu ɓɔɔ wu kasɛ, a ti tãa tĩnang ɓiɓɛ kɔ.

Afisa 3:11

Laa palɛ vuu keɓe ka doo vuu ɓɔɔ wu mang dòo tɛ̃ɛ tɛ̃ɛ ɓɛɛ. A walɛ gbalang ɓɔɔ wu palɛ vuu ɓɔɔ wu mang keɓe kaa nɛɛ bii Kpanti ɓuru Yeesɔ Kirisi.

Yakubu 1:1

Nkɔ Yakub zang shonang Laa nɛɛ ɓɔɔ Kpanti Yeesɔ Kirisi, n bèé nɔɔ labeenang keɓe, nɔɔ nyaa zang Isirela, laa gãa kopi tu ziti, ɓɔɔ zang tantɛ nɔɔ ka koo nandon ɓɛɛ. N jee nɔɔ nyaa.

1 Bituru 1:1

Nkɔ Bituru zang nyaa shonang Yeesɔ Kirisi, n bèé nɔɔ labeenang keɓe, n jee nɔɔ nyaa, zang ɓɔɔ Laa shɛ̃ɛrɛ ri katɔ ɓɛɛ. Ɓɔɔ zang tantɛ nɔɔ nɛɛ nɔng piti piti ka rɛɛ tipi Pontu nɛɛ Galati nɛɛ Kapaadoosiya nɛɛ Asiya a ɓɔɔ tipi Bitiniya ɓɛɛ. Nɔɔ nwalɛ zanti ka nɔngkɔ ɓɛɛ.

1 Yɔhana 2:2

Laa yàa ruu gbalang vuu shi kpang ɓuru ka ruu vɔrɔ ɓɔɔ Yeesɔ vɔ ɓɛɛ. Vɔ ka ruu vuu shi kpang ɓuru kɔ shɛ̃ɛning kpang, ka ruu vuu shi kpang zang koo piti.

1 Yɔhana 3:1

Nɔɔ zi naa ɓɔɔ Daa kasɛ ruu ɓuru ɓɛɛ. Kasɛ ruu ɓuru dɔɔli, ka ruu nɔngkɔ, ɓaa ruu nɛɛ Wujɛ ɓiɓɛ. Ruu ti wujɛ ɓiɓɛ kɔ niizang. Zang ɓɔɔ ri dũ̀ng Laa kpang, ri zi ruu kpang, ka ruu ɓɔɔ, ri zi Laa ɓarɛ kpang ɓɛɛ.

1 Yɔhana 3:10

Zang ɓɔɔ pálɛ̀ vuu tɔ̃ɔ kpang, ɓi zang Laa kpang. Zang ɓɔɔ ti kasɛ ruu ɓeezung kpang, ɓi doo zang Laa kpang kɔ. Wee naa ɓɔɔ ruu zi zang ɓɔɔ ri wujɛ Laa nɛɛ zang ɓɔɔ ri wujɛ sheetang kagn kɔ.

1 Yɔhana 3:2

Rɛɛ masang ɓɔɔ n kasɛ nɔɔ dɔɔli ɓɛɛ, ruu kaa wujɛ Laa. Naa ɓɔɔ ruu naa nwangnɛ, ruu zi gn kpang. Ruu zi tɔ nɛɛ, naa Yeesɔ nwang nyaa, ruu naa nwang kaa naa wukɔ doori. Ka ruu ɓɔɔ, ruu naa zi wu ka naa ɓɔɔ wu nwang ɓɛɛ.

Vuu ɓɔɔ zang nwangsɛ Yɔhana 5:9

Ri gaa soo shɔɔ, ri kɔɔyi nɛɛ, “Mɔɔ daa naa tɔ, mɔɔ ta labeenang kaɓa, mɔɔ ti tãlɛ lang ɓɔɔ zang ɓang nɛɛ mani ɓɛɛ. Ka ruu ɓɔɔ, zang nyɔ mɔɔ vɔrɔ ka tĩng, a mɔɔ ta Laa yuu zang dɔɔli nɛɛ zĩi ɓaaɓɛ ɓɛɛ. Zang ɓɔɔ mɔɔ ta yuu ɓarɛ keɓe, ri nwangnɛ zɔ̃ng zang piti ka koo keɓe, nɛɛ nyaa ɓɔɔ ka koo piti, ri nwangnɛ tipi piti, a ɓɔɔ nɛɛ tipi rɛɛ kpanti ka bm bm.