Yɔhana 11:41 - Nyaa Shɔɔ Ɓɔɔ Laa a Ɓɛɛ

⁴¹ Ka ruu nɔngkɔ, ri dɔ̃ tari ri yaa nɔng. A Yeesɔ tuu jĩng ka lapa kɔɔyi tɔɔ, “Daa mɛɛ, n zãa mɔɔ tɔ, ka ruu ɓɔɔ, mɔɔ tãa m tɔ ɓɛɛ.

Yɔhana 11:41 Σταυροειδείς Αναφορές

Matiyu 11:25

Ka laa kaɓa, Yeesɔ naa risi nyaa gàa Laa tɔɔ, “N zãa mɔɔ tɔ Dada, Kpanti Laa ɓɔɔ mãa lapa nɛɛ tipi ɓɛɛ. Ka ruu ɓɔɔ, mɔɔ wàasɛ̀ zang ɓɔɔ zũng katɔ nɛɛ zang ɓɔɔ ri zi labeenang dɔɔli vuu keɓe, a mɔɔ naa tusu zang ɓɔɔ ri zi vuu kpang kɔ jong ɓɛɛ.

Matiyu 11:26

Nɔngkɔ Dada, mɔɔ pálɛ̀ vuu keɓe, ka ruu ɓɔɔ, mɔɔ kasɛ nɔngkɔ ɓɛɛ.”

Matiyu 27:60

A daa wɔɔ ka yeti sàa shɔɔ ɓiɓɛ, ɓɔɔ wu shu ka tari bang ɓɔɔ naa yeng puru ɓɛɛ. A jĩiri tari bang, ku nyaa sàa ka nɛɛ mani, a daa kati.

Maraku 15:46

A Yusufu hoo fɔ̃ɔrɔ nyaa pɛɛrɛ puru kati. A witi vɔrɔ Yeesɔ ka tipi, kãng kaa nɛɛ fɔ̃ɔrɔ, a daa wɔɔ wu ka yeti saa ɓɔɔ zang ɓee ka tari bang ɓɔɔ shii doo paa ɓɛɛ. A jĩiri tari, ku nyaa saa kaa nɛɛ mani.

Luka 10:21

Ka laa kaɓa, Yeesɔ dɔ̀ɔ Laa kati ka ruu tĩnang tãanang ɓɔɔ suru Laa a wu ɓɛɛ. A kɔɔyi tɔɔ, “N zãa mɔɔ tɔ Dada, Kpanti lapa nɛɛ tipi ka ruu ɓɔɔ, vuu ɓɔɔ mɔɔ wàasɛ̀ zang ɓɔɔ ri zũng katɔ, mɔɔ naa tusu zang ɓɔɔ ri zi vuu kpang ɓɛɛ. Nɔngkɔ Dada, wee naa ɓɔɔ mɔɔ kasɛ nɛɛ mɔɔ palɛ ɓɛɛ kɔ.

Luka 18:13

“A zang ɓɔɔ ta saka tipi shii ɓi nɛɛ nɔng beebang, kasɛ nɛɛ wu wisi jĩng paa kpang tingkiring. A nyɔ naa ka danggn, nwang kaa naa ɓɔɔ zi vuu shi kpang ɓɔɔ wu palɛ tɔ ɓɛɛ. A gàa Laa tɔɔ, ‘Gn mɛɛ wu kɔng mɔɔ jong Laa, n m zang ɓɔɔ palɛ vuu shi kpang ɓɛɛ.’

Luka 24:2

Ri daa ĩiyi, zang dɔ̃ tari tɔ nɛɛ nyaa sàa.

Yɔhana 11:22

N ti zi tɔ, naa mɔɔ gàa dòo viya ka naa Laa kãntang, a mɔɔ katɔ.”

Yɔhana 17:1

Yeesɔ hangsɛ nyaa ruu keɓe tɔ, a tuu jĩng ka lapa, a gàa Laa tɔɔ, “Daa, laa a tɔ. Zang ri zi bannang mɛɛ ta, ɓɔɔ n Jaa ɓaaɓɛ, tɔɔ zang ri zi bannang ɓaaɓɛ kaa bii mɛɛ.

Yɔhana 20:1

Nɔng gãntɛ tɔ gbete ka knti Diki Ɔ̃sɔnang, Marayamu Magadaliya daa ka yuu sàa bɛ̀ɛ́ nɔng yakɛ gn kpang. Zirɛ zang jĩiri tari ɓɔɔ zang ku nyaa sàa nɛɛ mani ɓɛɛ tɔ.

Zang Shonang Yeesɔ 7:55

Suru Laa a ka bii Istifanu, ka ruu nɔngkɔ, tuu jĩng ka lapa, a zi bannang Laa nɛɛ Yeesɔ ɓɔɔ shii ka kagn ɓiɓɛ ɓɛɛ.

Filipi 4:6

Nɔɔ kpãa yuu manɛ ka ruu vuu ɓɔɔ kpang, nɔɔ kɔ̀ɔrɔ̀ Laa vuu ɓɔɔ nɔɔ kasɛ ɓɛɛ kɔ jong. Nɔ́ɔ gàa Laa ka ɓɔɔ nɔɔ rang yee nɛɛ wu, nɔɔ ti zãa wu.