Yɔhana 11:25 - Nyaa Shɔɔ Ɓɔɔ Laa a Ɓɛɛ

²⁵ Yeesɔ kɔɔ wu tɔɔ, “Nkɔ wisi zang paa nɛɛ sàa, nkɔ ti a zang suru bii. Zang ɓɔɔ nɛɛ shing danggn ka bii mɛɛ, náa vɔ doori, nwáng ningkãari ditɔ tɔkn.

Yɔhana 11:25 Σταυροειδείς Αναφορές

Luka 23:43

Yeesɔ kasɛ wu nyaa tɔɔ, “Niizang n kɔɔ mɔɔ, lɛɛkɔ mɔɔ nwang nɛɛ n ka Paradayisi, nɔng ɓɔɔ tĩnang waa nyaa kpang ɓɛɛ.”

Yɔhana 1:4

Suru bii ɓɔɔ waa nyaa kpang ɓi ka bii Ruu keɓe kɔ. Suru bii keɓe wukɔ yakɛ shɔnzang nɔng.

Yɔhana 14:19

Diki yaa kaa tɔkɔlɔng bɛ̀ɛ́ zang koo ri zi m takpang. Nɔɔ zi m manɛ katɔ, ka ruu ɓɔɔ, n naa nwang ningkãari, nɔɔ naa nwang ditɔ ningkãari jong.

Yɔhana 14:6

Yeesɔ kɔɔ wu tɔɔ, “Nkɔ gbalang, nkɔ niizang, nkɔ suru bii. Zang ɓɔɔ nɛɛ tɔɔ wu daa bii Daa, sɔɔ nɛɛ bii mɛɛ kɔ gbete.

Yɔhana 3:16

Laa kasɛ zang ɓɔɔ ka koo keɓe dɔɔli, ka ruu nɔngkɔ, shong nyaa nɛɛ Jaa gbete ɓiɓɛ. Nɛɛ tɔ̀ɔ, zang ɓɔɔ nɛɛ shing danggn ka bii ɓiɓɛ wu shaarɛ kpang, wu wàlɛ̀ suru bii ɓɔɔ waa nyaa kpang kɔ jong.

Yɔhana 3:36

Zang ɓɔɔ nɛɛ shing danggn ka bii Jaa, wàlɛ̀ Suru bii ɓɔɔ waa nyaa kpang tɔ. Zang ɓɔɔ nɛɛ bɛ̃ɛ Jaa wàlɛ̀ suru bii ɓɔɔ waa nyaa kpang ɓi kpang. Jĩng dannang kagn yuu ɓiɓɛ ning.

Yɔhana 5:21

Naa ɓɔɔ Daa wisi zang paa nɛɛ sàa, wu a ri suru bii, Jaa ti a zang ɓɔɔ wu kasɛ, suru bii doo nɔngkɔ.

Yɔhana 5:26

Naa ɓɔɔ Daa kɔ a zang suru bii ɓɛɛ, á Jaa naa doo nɔngkɔ, nɛɛ, wu nwáng zang ɓɔɔ a zang suru bii ɓɛɛ.

Yɔhana 6:35

Yeesɔ kɔɔ ri kati tɔɔ, “Nkɔ borodi ɓɔɔ a zang suru bii ɓɛɛ. Zang ɓɔɔ nɛɛ a ka bìí mɛɛ, nyɔkɔ nyɔ wu takpang. Zang ɓɔɔ nɛɛ ti shing danggn ka bìí mɛɛ, sutu mãa wu takpang.

Yɔhana 6:44

A kɔɔ ri tɔɔ, “Naa Daa mɛɛ ɓɔɔ shong m dɔ̃ zang, zang a ka bii mɛɛ kpang, zang ɓɔɔ zunung anang ka bii mɛɛ nɛɛ yuu ɓiɓɛ kpang. N ti naa wisi wu paa ka diki ɓɔɔ koo waa nyaa ɓɛɛ.

Zang Shonang Yeesɔ 3:15

Nɔɔ nyɔ zang ɓɔɔ zang wàlɛ́ suru bii ka bii ɓiɓɛ kɔ ɓɛɛ. A Laa wisi wu paa nɛɛ sàa, rùu zi wu nɛɛ jĩng ɓuru.

Rooma 4:17

Labeenang Laa kɔɔyi nɛɛ, “N shing mɔɔ tɔ, mɔ́ɔ nwang dabang zang koolaa dɔɔli.” Wukɔ daa ɓuru ka tĩng Laa ɓɔɔ wu shing danggn ka bii ɓiɓɛ ɓɛɛ. Laa ɓɔɔ wisi zang paa nɛɛ sàa, zang nwang ningkãari, a ti mãarɛ vuu shɔɔ katɔ ɓɛɛ.

Rooma 8:2

Ka ruu ɓɔɔ, nyaa dannang Suru Laa ɓɔɔ a ruu suru bii nɛɛ bii Yeesɔ Kirisi, ta m tɔ nɛɛ naa nyaa dannang ɓɔɔ vuu shi kpang nɛɛ ɓɔɔ vɔrɔ.

1 Koranti 15:18

Ti nwang kaa naa ɓɔɔ zang ɓɔɔ ri shing danggn tɔ ka bii Yeesɔ Kirisi a ri vɔlɔ, ri shaarɛ ɓarɛ tɔ ɓɛɛ.

1 Koranti 15:29

Zang ɓɔɔ kagn zang palɛ ri batizima, ka ruu zang ɓɔɔ ri vɔlɔ tɔ ɓɛɛ. Naa nɛɛ niizang kɔ, zang ɓɔɔ ri vɔlɔ tɔ, ri yupaa tɔ̀ɔ́ nɛɛ sàa kpang, ka ruu vi zang kaɓa ri kɔɔyi nɛɛ ri palɛ batizima ka nung zang ɓɔɔ ri vɔlɔ tɔ viya?

2 Koranti 4:14

Ruu zi tɔ, Laa ɓɔɔ wisi Kpanti Yeesɔ paa nɛɛ saa naa wisi ruu paa ditɔ jong naa ɓɔɔ wu wisi Yeesɔ ɓɛɛ. Wu tuu ruu nɛɛ nɔɔ dɔ̃ɔ gbete, wu daa nɛɛ ruu ka ting Yeesɔ.

Filipi 1:23

N shii kaa teteng vuu ziti keɓe. N kasɛ gbãng gbãng, n yaa koo keɓe, n daa nwang kaa nɛɛ Yeesɔ Kirisi. Ka ruu ɓɔɔ, wukɔ tɔ̃ɔ, ɓa nwannang ningkãari ka koo keɓe katɔ ɓɛɛ.

Filipi 3:10

N kasɛ m vuu gbete, wukɔ nɛɛ, n zi Kirisi nɛɛ yuu ɓiɓɛ, n ti zi naa vuu palɛnang ɓɔɔ nwangnɛ, ka ruu ɓɔɔ, Laa wisi wu paa nɛɛ saa. N kasɛ n ɓakɛ yuu jong nɛɛ wu, n dang jĩng, n nwang kaa jong naa wu ka vɔrɔ ɓɔɔ wu vɔ ɓɛɛ.

1 Tesalonika 4:14

Ruu shing danggn tɔ nɛɛ, Yeesɔ vɔrɛ, a yuu paa tɔkn, a ruu ti shing danggn tɔ nɛɛ, Laa naa sɔɔrɔ zang ɓɔɔ ri shing danggn ka bii ɓiɓɛ, ɓɔɔ ri vɔlɔ tɔ ditɔ jong nɛɛ Yeesɔ Kirisi.

Vuu ɓɔɔ zang nwangsɛ Yɔhana 1:18

Nkɔ ti zang ɓɔɔ ningkãari ɓɛɛ. Bɛ̀ɛ́ n vɔ katɔ, a kãntang keɓe, n kaa ningkãari dòndòng. Saka ɓɔɔ zang puu nyaa gãa zang ɓɔɔ daa nɔng vɔrɔ nɛɛ ɓɔɔ koo rɛɛ suru, ka naa mɛɛ kɔ.

Vuu ɓɔɔ zang nwangsɛ Yɔhana 20:5

Zang ɓɔɔ yaa knti ɓɔɔ ri doo ka sàa ɓɛɛ, ri yupaa ɓarɛ kaa knti, ɓɔɔ sáa labang gbete ɓa tɔ ɓɛɛ.

Vuu ɓɔɔ zang nwangsɛ Yɔhana 21:4

Naa àlɛ́ ri miiri ɓɔɔ ka jĩng ɓarɛ ɓɛɛ. Zang naa vɔ̀lɔ̀ takpang. Zang ri zàa takpang, ri kaa nyavɔ takpang, ri ti tãa kɔnang takpang, ka ruu ɓɔɔ, vuu ɓɔɔ bɛ̀ɛ́ ri nwáng ka tĩng, ri tɛɛ tɔ ɓɛɛ.”

Vuu ɓɔɔ zang nwangsɛ Yɔhana 22:1

Zang nyaa shonang Laa ɓɔɔ ka lapa ɓɛɛ kaɓa, ti tusu m rang mii, ɓɔɔ a zang suru bii ɓɔɔ waa nyaa kpang. Mii ɓiɓɛ kɔlɔ katɔ naa vĩilaa. Nwangnɛ laa nwannang kpanti Laa, nɛɛ ɓɔɔ Jaa Mɛ̀ɛrɛ́.

Vuu ɓɔɔ zang nwangsɛ Yɔhana 22:17

Suru Laa nɛɛ sinyɛ Jaa Mɛɛrɛ, ri kɔɔyi nɛɛ, “Arɛ” Zang piti ɓɔɔ nɛɛ tãa ruu keɓe tɔ, wu kɔɔ jong nɛɛ, “Arɛ” Zang ɓɔɔ sutu nɛɛ maa wu, wu arɛ, zang ɓɔɔ nɛɛ kasɛ katɔ, wu naa zã mii ɓɔɔ a zang suru bii ɓɔɔ waa nyaa kpang waati wu ɓooyi.