Yɔhana 11:21 - Nyaa Shɔɔ Ɓɔɔ Laa a Ɓɛɛ

²¹ Mata kɔɔ wu nɛɛ, “Kpanti, naa mɔɔ nɛɛ ka nihn, jaa nàá mɛɛ nɛɛ vɔ kpang.

Yɔhana 11:21 Σταυροειδείς Αναφορές

Matiyu 9:18

Yeesɔ rang yee doo naa ka nyaa nɛɛ ri, yɔɔ zang bang Yahudi arɛ naa tang nɛɛ gutu ka tĩng ɓiɓɛ. A kɔɔ Yeesɔ tɔɔ, “Jaa mɛɛ ɓɔɔ soro kɔng vɔrɔ doo kãntang, arɛ mɔɔ daa ĩi wu naa ɓaaɓɛ jong ka bii, tɔɔ wu gãntɛ jĩng kati.”

Yɔhana 11:2

Marayamu keɓe, kɔ tũuru Yeesɔ nung ɓɔɔ pũ̀ngkù tɔ̃ɔ tɔ̃ɔ ka doo, a àlɛ̀ nɛɛ suuyuu ɓiɓɛ. Liyazaru ɓɔɔ vuu palɛ keɓe, jaa niiɓɛ kɔ.

Yɔhana 11:3

Rɛɛ ɓeenaa soro ziti keɓe, ri shòng Yeesɔ nyaa tɔɔ, “Kpanti, vuu palɛ zang ɓɔɔ mɔɔ kasɛ wu dɔɔli ɓɛɛ katɔ.”

Yɔhana 11:32

Marayamu naa shɛ̃ɛ nɔng ɓɔɔ Yeesɔ kagn tɔ. Ɓu doo ɓɔɔ zi wu hn, daa tang ka tĩng ɓiɓɛ kɔɔ wu tɔɔ, “Kpanti, naa mɔɔ nɛɛ ka nihn, jaa nàá mɛɛ nɛɛ vɔ kpang.”

Yɔhana 11:37

A zang ɓɔɔ ri kɔɔ ɓarɛ nɛɛ, “Zang ɓɔɔ másɛ̀ jĩng zang ɓɔɔ jĩng ringtang, zunung ɓɔɔ wu zãa Liyazaru vɔnang kpang ya?”