Yɔhana 10:24 - Nyaa Shɔɔ Ɓɔɔ Laa a Ɓɛɛ

²⁴ Rɛɛ zang Yahudi ri kpalɛ zɔɔ ka bii ɓiɓɛ, ri hɛ̃ɛ wu nɛɛ, “Mɔɔ yaa ruu ɓu kaa naa weɓe kɔ sasak, ruu zi mɔɔ nung kpang ya? Mɔkɔ nɛɛ Kirisi, kɔɔ ruu faarik, mɔɔ wàasɛ̀ ruu kpang.”

Yɔhana 10:24 Σταυροειδείς Αναφορές

Matiyu 11:3

nɛɛ ri daa hɛ̃ɛ Yeesɔ nɛɛ, “Ɓu mɔkɔ yɔɔ ɓɔɔ zang tɔɔ naa a ɓɛɛ ya, kɔ ruu gãng jĩng ka zang ɓɔɔgn?”

Maraku 8:32

Kɔɔ ri ruu keɓe nɛɛ nyaa vuu jeenang kpang, kɔɔ ri waati, naa ɓɔɔ ri zi katɔ ɓɛɛ. Ka ruu nɔngkɔ, Bituru gɔ̃ɔ wu dang gbete, a mangkɛ wu.

Luka 3:15

Bii shaa zang kana dɔɔli. Zang dɔɔli ri gaa tɔɔsung rɛ̃rɛnang ka yeti ɓarɛ nɛɛ, naa ɓu bɛ̀ɛ́ Yɔhana kɔ zang ɓɔɔ Laa naa shong ɓɛɛ ya?

Yɔhana 1:19

Zang bang bang zang Yahudi ɓɔɔ ka Urushalima ri shong zang ɓɔɔ ri dɔɔ vuu ka Gãa Laa, nɛɛ zang Leevi, ka bii Yɔhana ɓɔɔ palɛ zang batizima ɓɛɛ, nɛɛ ri naa hɛ̃ɛ wu nɛɛ, “Mɔɔ ɓaa ɓu wiya?”

Yɔhana 10:31

A zang Yahudi ri daa yakɛ tari tɔkn, nɛɛ ri luku wu nɛɛ mani.

Yɔhana 10:33

Zang Yahudi ri kasɛ wu nyaa tɔɔ, “Ruu luku mɔɔ wu ka ruu vuu tɔ̃ɔ ɓɔɔ mɔɔ palɛ ɓɛɛ kpang. Ruu luku mɔɔ, ka ruu ruu shi kpang ɓɔɔ mɔɔ kɔɔ ɓɛɛ. Ka ruu ɓɔɔ mɔɔ shɔnzang waati, mɔɔ kɔɔyi nɛɛ mɔɔ ɓaa Laa ɓɛɛ.”

Yɔhana 16:25

“N kɔɔ nɔɔ ruu keɓe nɛɛ nyaa vuu jeenang. Diki a ka naa, ɓɔɔ n kɔ̀ɔ nɔɔ ruu tɔ̀ɔ́ nɛɛ nyaa vuu jeenang kpang ɓɛɛ. N kɔ̀ɔ́ nɔɔ ruu kaa yuu Daa mɛɛ faarik.

Yɔhana 8:25

Ri hɛ̃ɛ wu nɛɛ, “Mɔkɔ ɓu wiya?” Yeesɔ kɔɔ ri tɔɔ, “Nkɔ zang ɓɔɔ n kɔɔ nɔɔ doo ka tĩng nɛɛ nkɔ wukɔ ɓɛɛ.

Yɔhana 8:53

Mɔɔ ɓa dabang ɓuru Ibirayi ɓɔɔ vɔ ɓɛɛ, ɓu kaa tɔ ya? Rɛɛ zang nyaa shonang Laa, ri ti vɔlɔ jong. Mɔɔ ɓaa ɓu ka wiya?”

Yɔhana 9:22

Rɛɛ zang ɓɔɔ yi yɔɔ ri kasɛ nyaa nɔngkɔ, ka ruu ɓɔɔ, ri kaa vɔrɔ zang Yahudi bii katɔ ɓɛɛ. Rɛɛ zang Yahudi ri kɔɔ tɔ nɛɛ, zang ɓɔɔ nɛɛ kɔɔyi nɛɛ, wu kasɛ tɔ nɛɛ Yeesɔ kɔ Kirisi, ri zãa wu gãa zɔɔ kpalɛnang daanang katɔ.

2 Koranti 3:12

Ka ruu ɓɔɔ, ruu shing gn naa weɓe, ruu rang yee, nyaa zàa ruu kpang.