Yɔhana 10:16 - Nyaa Shɔɔ Ɓɔɔ Laa a Ɓɛɛ

¹⁶ Mɛ̀ɛrɛ́ mɛɛ ɓɔɔ ti kagn, ɓɔɔ ri ka vaa keɓe kpang ɓɛɛ. N atɛ ri ditɔ jong. Ri naa tã̀á yee mɛɛ ditɔ, tɔ̀ɔ, ri nwang kaa vàa gbete, jagãng ɓarɛ ti gbete.

Yɔhana 10:16 Σταυροειδείς Αναφορές

Matiyu 17:5

Bituru rang yee doo naa nyaa, sãmbong ɓɔɔ puru shãa shãa arɛ naa zuu ri kati. A ri tãa yee nɛɛ yeti sãmbong nɛɛ, “Wee Jaa mɛɛ ɓɔɔ yeti mɛɛ kasɛ gbãng gbãng kɔ. N tãa tĩnang ɓiɓɛ dɔɔli. Nɔɔ ɓaa shoo ka nyaa ɓiɓɛ ning.”

Luka 15:8

“Yeesɔ kɔɔ ruu ɓɔɔ tɔkn nɛɛ nyaa vuu jeenang tɔɔ, naa zang soro ɓɔɔgn saka ɓiɓɛ kopi, a ɓɔɔ gbete shishi, palɛ biya? Mang waa zàáng sɔɔ, wu ya salang, wu kooro nɔng ɓɔɔ saka ɓiɓɛ shishi kagn tɔ̃ɔ tɔ̃ɔ, wu kãa waasɛ̃, wu ĩiyi.

Yɔhana 10:11

“Nkɔ jagãng ɓɔɔ tɔ̃ɔ ɓɛɛ. Jagãng ɓɔɔ tɔ̃ɔ mãlɛ́ yuu ɓiɓɛ ka ruu mɛ̀ɛrɛ́ ɓiɓɛ.

Yɔhana 10:2

Zang ɓɔɔ nɛɛ sɔɔ nyaa vàa, ɓi wukɔ jagãng mɛ̀ɛrɛ́ niizang.

Yɔhana 10:27

Mɛ̀ɛrɛ́ mɛɛ ri tãa yee mɛɛ ɓarɛ katɔ. N zi ri nung tɔ, a ri dũng m katɔ.

Yɔhana 10:3

Zang ɓɔɔ gã nyaa vàa, puu wu katɔ. Mɛ̀ɛrɛ́ ɓiɓɛ ri tãa yee ɓiɓɛ katɔ. Ɓaarɛ ri nyaa nɛɛ nung ɓarɛ gbete gbete, wu nwangsɛ ri ka biling.

Yɔhana 10:4

Nɛɛ nwangsɛ ri tɔ, wu sɔɔ tĩng a mɛ̀ɛrɛ́ ri dũng wu, ka ruu ɓɔɔ, ri zi yee ɓiɓɛ nung tɔ ɓɛɛ.

Yɔhana 10:5

Ri dũ̀ng zang zanti kpang. Ri yuu zang bìí katɔ kɔ jong, ka ruu ɓɔɔ, ri zi yee ɓiɓɛ nung kpang ɓɛɛ.”

Yɔhana 11:52

Wu ti ka ruu ɓarɛ kɔ shɛ̃ɛning kpang. Vɔrɛ nɛɛ tɔɔ wu kpalɛ zang Laa ɓɔɔ zang tantɛ ri ka koolaa kaa jong nɔng gbete.

Yɔhana 17:20

“N gàá mɔɔ ka ruu ɓarɛ kɔ shɛ̃ɛning kpang. N gàá mɔɔ jong ka ruu zang ɓɔɔ ri naa shing danggn ka bii mɛɛ, ka ruu ruu ɓɔɔ ri naa tãa ka nyaa ɓarɛ ɓɛɛ.

Yɔhana 6:37

Zang ɓɔɔ Laa a m, a kaa bii mɛɛ nandon. Zang ɓɔɔ nɛɛ a ka bii mɛɛ, n hing wu kpang.

Zang Shonang Yeesɔ 15:14

Wee Siman kɔ̀ɔ́ ruu doo naa ɓee, naa ɓɔɔ Laa gaayu kasɛ zang ɓɔɔ ri zang Isirela kpang, a zɔ̃ngkɔ zang ɓɔɔ ka teteng ɓarɛ nɛɛ ri nwang zang ɓiɓɛ tɔ.

Zang Shonang Yeesɔ 18:10

N nɛɛ mɔɔ ning. Zang ɓɔɔ palɛ mɔɔ vuu ɓɔɔ kagn kpang, ka ruu ɓɔɔ, zang mɛɛ kagn gari keɓe dɔɔli ɓɛɛ.”

Zang Shonang Yeesɔ 22:14

Kɔɔ m tɔɔ, ‘Làá rɛɛ dabang ɓuru zɔ̃ng mɔɔ nɛɛ mɔɔ zi vuu ɓɔɔ wu kasɛ ɓɛɛ, nɛɛ mɔɔ zi zang shonang ɓiɓɛ ɓɔɔ tɔ̃ɔ ɓɛɛ, nɛɛ mɔɔ ti tãa ruu nɛɛ nyaa ɓiɓɛ.

Rooma 11:25

Rɛɛ manzung, ɓɔɔ nɔɔ zang Yahudi kpang, n kasɛ nɔɔ tuu yuu manɛ kpang. Tɔ̀ɔ n kɔɔ nɔɔ dĩiri vuu ɓɔɔ palɛ zang Isirela ɓɔɔ nɔɔ zi kpang ɓɛɛ. Zang ɓɔɔ ka teteng ɓarɛ ri taarɛ yuu dɔɔli. Ri nwáng nɔngkɔ sasak Laa wu ta yuu manɛ zang ɓɔɔ nɔɔ zang Yahudi kpang nandon.

2 Tesalonika 2:13

Rɛɛ manzung, ruu zã́a Laa katɔ ka diki kiya piti, ka ruu manɛ, ɓɔɔ Laa kasɛ nɔɔ katɔ ɓɛɛ. Ka ruu ɓɔɔ, Laa zɔ̃ng nɔɔ nɛɛ wu ta yuu manɛ kɔ shɔɔnang ɓɛɛ. Nɛɛ wu ta yuu manɛ nɛɛ naa vuu palɛnang Suru ɓiɓɛ, tɔ̀ɔ wu shing nɔɔ, nɔɔ nwang zang Laa, a ɓɔɔ kaa ruu danggn ɓɔɔ nɔɔ shing ka ruu ɓɔɔ niizang ɓɔɔ ka yuu Kpanti ɓuru Yeesɔ Kirisi ɓɛɛ.

Yahudi 13:20

N gaa Laa ɓɔɔ shingnɛ, zang nwáng ka nyaa zɔɔ, ɓɔɔ wisi Kpanti ɓuru Yeesɔ paa tɔkn nɛɛ sàa ɓɛɛ. Yeesɔ ɓɔɔ wukɔ kpanti jagãng mɛ̀ɛrɛ́ ɓɛɛ, ka ruu zĩi ɓiɓɛ ɓɔɔ Laa mã nyaa ɓɔɔ gbinggbing nɛɛ mani ɓɛɛ.

1 Bituru 2:10

Ɓeleng nɔɔ manɛ zang Laa kpang. Kãntang keɓe nɔɔ raa zang Laa tɔ. Ɓeleng nɔɔ zi gn zang ɓɔɔ kɔng Laa ɓɛɛ kpang, kãntang keɓe gn manɛ kɔng wu kaa tɔ.

1 Bituru 2:25

Ɓeleng nɔɔ nwang manɛ naa mɛ̀ɛrɛ́ ɓɔɔ ning katɔ ɓɛɛ, kãntang keɓe, nɔɔ gbãayu tɔ, nɔɔ dũng kaa zang ɓɔɔ gã nɔɔ, kasɛ kpang nɛɛ vuu ɓɔɔ wu lee nɔɔ naa ka bii kpang.

1 Bituru 5:4

Naa nɔɔ palɛ nɔngkɔ, ka diki ɓɔɔ Yeesɔ Kirisi ɓɔɔ wukɔ kpanti jagãng tusu yuu ɓiɓɛ nɛɛ tɔ̀ɔ, zang piti ri zi wu nɛɛ jĩng, naa a nɔɔ bannang. Zang kãng nɔɔ lapoo yuu kpanti ɓɔɔ kɔlɔ katɔ ɓɛɛ ka yuu. Kɔlɔnang lapoo keɓe tù ɓi kpang dòndòng.

Vuu ɓɔɔ zang nwangsɛ Yɔhana 3:20

Nɔɔ zirɛ, n shii ka nyaa gãa, n waa nyaa gãa. Zang ɓɔɔ nɛɛ tãa yee mɛɛ, nɛɛ puu nyaa gãa, n shɛ̃ɛ ka yeti gãa ɓiɓɛ. Ruu shaa vuu shaanang nɛɛ zɔɔ nɔng gbete.