Yɔhana 10:12 - Nyaa Shɔɔ Ɓɔɔ Laa a Ɓɛɛ

¹² Zang ɓɔɔ mɛ̀ɛrɛ́ wu ɓɔɔ ɓiɓɛ kpang, zang shu wu katɔ, wu shaa zang mɛ̀ɛrɛ́. Naa zi zaa wisi arɛ, yuu katɔ wu yaa mɛ̀ɛrɛ́. Zaa wisi yiki mɛ̀ɛrɛ́, wu ti tantɛ ɓɔɔ yaa ɓɛɛ.

Yɔhana 10:12 Σταυροειδείς Αναφορές

Matiyu 10:16

“Kãntang keɓe, n shong nɔɔ naa mɛ̀ɛrɛ́ ka teteng zaa wisi. Ka ruu nɔngkɔ, nɔɔ zũng katɔ naa sɔkɔ, nɔɔ ti nwang zang tɔ̃ɔ naa koro ɓɔɔ palɛ zang vuu ɓi kpang ɓɛɛ.

Matiyu 7:15

“Nɔɔ gãng jĩng ka zang sèé ɓɔɔ ri tɔɔ, ri zang nyaa shonang Laa ɓɛɛ. Ri a ka bii manɛ náa mɛ̀ɛrɛ́ ɓɔɔ pálɛ̀ zang vuu kpang ɓɛɛ, a yeti ɓarɛ nwang naa zaa wisi ɓɔɔ jĩng raa ri katɔ ɓɛɛ.

Yɔhana 10:13

Zang keɓe yuu ka ruu ɓɔɔgn mɛ̀ɛrɛ́ kɔng wu kpang, a mɛ̀ɛrɛ́ wu ti ɓɔɔ ɓiɓɛ kpang ɓɛɛ.

Yɔhana 10:2

Zang ɓɔɔ nɛɛ sɔɔ nyaa vàa, ɓi wukɔ jagãng mɛ̀ɛrɛ́ niizang.

Yɔhana 10:3

Zang ɓɔɔ gã nyaa vàa, puu wu katɔ. Mɛ̀ɛrɛ́ ɓiɓɛ ri tãa yee ɓiɓɛ katɔ. Ɓaarɛ ri nyaa nɛɛ nung ɓarɛ gbete gbete, wu nwangsɛ ri ka biling.

Zang Shonang Yeesɔ 20:29

N zi tɔ, n nɛɛ daa tɔ, zang ɓɔɔ ri tusu zang vuu, ɓɔɔ ri nwang naa zaa wisi ɓɔɔ shaa varɛ dɔɔli ɓɛɛ, ri naa a ditɔ ka teteng manɛ. Gn manɛ kɔng ri kpang.

1 Timoti 3:3

Wu zang ɓɔɔ ɓoo sàa kpang, wu zang ɓɔɔ gnvɔ ka yeti ɓiɓɛ dɔɔli kpang, gàa nyaa kpang, ti haa nyaa kpang. Wu ti zang ɓɔɔ kasɛ ruu saka dɔɔli kpang.

1 Timoti 3:8

Zang ɓɔɔ ri yi zang naa ka shonang ka Gãa Laa, ri nwang nwannang ɓɔɔ tɔ̃ɔ ɓɛɛ. Ri ti nwang zang ɓɔɔ ta nyaa ziti kpang. Ri ti ɓoo saa kpang, ri ti zang ɓɔɔ ri shing jĩng ka saka kãanang kpang.

2 Timoti 4:10

ka ruu ɓɔɔ, Dema kasɛ ruu vuu koo keɓe, yaa m tɔ, daa tɔ ka gari Tesalonika. Karasika daa ka Galati, a Titu daa ɓi kaa Dalamatiya.

Titu 1:7

Ka ruu ɓɔɔ, zang bang Gãa Laa gãng jĩng ɓi ka shonang Laa, wu nwang ɓi zang ɓɔɔ shi kpang ka bii ɓiɓɛ kpang ɓɛɛ. Wu tuu yuu kpang, wu ti ta yeti gbãngko kpang. Wu zang ɓɔɔ sàa si wu kpang, wu zang ɓɔɔ laa nyaa kpang. Wu ti zang ɓɔɔ shing jĩng ka saka kãanang ɓɛɛ kpang, a wu ti zang ɓɔɔ shaa varɛ dɔɔli kpang.

1 Bituru 5:2

gãng jĩng ka rɛɛ zang Laa ɓɔɔ Laa a nɔɔ ri ka naa ɓɛɛ. Nɛɛ nɔ́ɔ gãng jĩng ka ri naa ɓɔɔ jagãng gãng jĩng ka mɛ̀ɛrɛ́ ɓɛɛ, vuu ɓɔɔ wu lee ri naa ka bii kpang. Nɔ́ɔ gãng jĩng wu naa zang mã nɔɔ nyaa kagn kpang, nɔɔ gãng jĩng naa vuu ɓɔɔ nɔɔ tãa tĩnang palɛnang katɔ nɛɛ yeti gbete ɓɛɛ. Wu ka ruu saka ɓɔɔ zang shu nɔɔ kɔ shɛ̃ɛning kpang, ka ruu ɓɔɔ, nɔɔ kasɛ tɔ ka yeti manɛ nɛɛ nɔɔ palɛ shonang keɓe katɔ ɓɛɛ.

2 Bituru 2:3

Rɛɛ maalang ɓɔɔ tùsú zang vuu sèé kaɓa, ri shing jĩng ɓarɛ ka vuu zang, ka ruu nɔngkɔ, ri naa nwãarɛ nɔɔ nɛɛ sèé, tɔ̀ɔ, ri walɛ vuu kaa naa manɛ. Laa dɔng ri ruu ɓi tɔ dòo tɛ̃ɛ tɛ̃ɛ, kpalɛ bii tɔ nɛɛ wu dang ri jĩng. Diki ɓɔɔ wu naa ningsi ri dɔ̃ɔ gbete, a naabm tɔ.