Yɔhana 10:10 - Nyaa Shɔɔ Ɓɔɔ Laa a Ɓɛɛ

¹⁰ Shɔngɓɔ ri a ɓarɛ nɔng vuu ɓɔɔnang, ri ti nyɔkɔ zang vɔrɔ, a ri lasɛ vuu. N a m nɛɛ tɔ̀ɔ, nɔɔ walɛ suru bii. Tɔ̀ɔ, nɔɔ nwang ningkãari, nɔɔ ti walɛ vuu piti ɓɔɔ nɔɔ kasɛ ɓɛɛ.

Yɔhana 10:10 Σταυροειδείς Αναφορές

Matiyu 18:10

“Nɔɔ palɛ tɔ̃ɔ, nɔ́ɔ pɛ̃́ɛrɛ̀ jaa tɔkɔlɔng gbete ka teteng wujɛ keɓe nɛɛ jĩng gɔɔnang kpang. N kɔɔ nɔɔ, zang nyaa shonang Laa ɓɔɔ ɓarɛ, ɓɔɔ ri ka lapa, ri pɛ̃ɛrɛ ɓi waa nyaating Daa mɛɛ ɓɔɔ ka lapa diki diki.

Matiyu 18:11

Jaa Shɔnzang arɛ nɛɛ wu naa ta ɓi yuu zang ɓɔɔ ri ning katɔ ɓɛɛ.

Matiyu 20:28

Naa ɓɔɔ n Jaa Shɔnzang n arɛ, nɛɛ zang shong m shonang kpang, n arɛ nɛɛ n shong m zang kɔ jong, n ti mãlɛ́ bii mɛɛ ka ruu zang dɔɔli nɛɛ tɔɔ n ta yuu ɓarɛ.”

Matiyu 21:13

A kɔɔ ri tɔɔ, “Zang bee ka labeenang Kpanti Laa nɛɛ Laa kɔɔyi tɔɔ, ‘Gãa mɛɛ, zang naa ɓaa ɓi nɛɛ Gãa Laa gaanang, a nɔɔ raayi nwang nɔɔ manɛ kaa nɔng ɓɔɔ shɔngɓɔ ri waa kagn ɓɛɛ.’ ”

Matiyu 23:13

“Vuu gn kɔnang kagn yuu manɛ zang ɓɔɔ tusu zang vuu nɛɛ zang Farisi, nɔɔ ɓɔɔ nɔɔ nwãarɛ zang nɛɛ vuu palɛnang ɓɛɛ. Ka ruu ɓɔɔ nɔɔ nɔ̀ɔ́ zang gbalang ɓɔɔ zang zi kagn nɛɛ Laa wukɔ Kpanti ɓɛɛ. Nɔɔ ta wu kpang, a nɔɔ ti yàa zang ɓɔɔ ri kasɛ wu tanang katɔ gbalang kpang ɓɛɛ.

Maraku 11:17

A tusu zang vuu, kɔɔ ri tɔɔ, “Labeenang Kpanti Laa kɔɔ kpang nɛɛ ‘Gãa mɛɛ zang naa ɓaa ɓi nɛɛ, Gãa Laa gaanang zang koolaa piti kpang ya?’ Nɔɔ raayi nwang kaa nɔng ɓɔɔ shɔngɓɔ ri kpalɛ zɔɔ kagn ɓɛɛ ka ruu viya?”

Luka 19:10

Ka ruu ɓɔɔ, n Jaa Shɔnzang n arɛ nɛɛ n naa kãa zang ɓɔɔ ri ning gbalang katɔ, tɔ̀ɔ, n ta yuu ɓarɛ kati ɓɛɛ.”

Yɔhana 10:1

Yeesɔ kɔɔyi tɔɔ, “N kɔɔ nɔɔ ruu ɓɔɔ niizang kɔ nwani, zang ɓɔɔ nɛɛ tù yeti vaa mɛ̀ɛrɛ́ nɛɛ nyaa vàa kpang, nɛɛ sɔɔ nɔng ɓɔɔgn ɓi shɔngɓɔ, a ɓi ti zang ɓɔɔ ta zang vuu nɛɛ ɓangge ɓɛɛ.

Yɔhana 10:11

“Nkɔ jagãng ɓɔɔ tɔ̃ɔ ɓɛɛ. Jagãng ɓɔɔ tɔ̃ɔ mãlɛ́ yuu ɓiɓɛ ka ruu mɛ̀ɛrɛ́ ɓiɓɛ.

Yɔhana 12:47

Zang ɓɔɔ nɛɛ tãa ruu mɛɛ, nɛɛ yiti ka yeti ɓiɓɛ kpang, n dɔng wu ruu kpang, ka ruu ɓɔɔ, n arɛ nɛɛ n naa dɔng zang koo ruu kpang ɓɛɛ. N arɛ nɛɛ n ta yuu zang koo katɔ kɔ jong ɓɛɛ.

Yɔhana 12:6

Kɔɔ ruu keɓe, wu ka ruu ɓɔɔ gn zang ɓɔɔ vuu ka naa kpang, kɔng wu katɔ kpang. Ɓi ka ruu ɓɔɔ, wu shɔngɓɔ ɓɛɛ. Wukɔ yiti duku ɓɔɔ ri tɛ̃ɛ saka ɓarɛ kagn, lee ɓɔɔ ti ɓɔɔrɔ saka kagn katɔ ɓɛɛ.

Yɔhana 3:17

Ka ruu ɓɔɔ, Laa shɔng Jaa ɓiɓɛ ka koo nɛɛ wu naa jɛ̃ɛ zang koo ruu kpang, nɛɛ wu naa ta ɓi yuu zang koo kɔ jong ɓɛɛ.

Yɔhana 5:40

A nɔɔ ti kasɛ anang ka bii mɛɛ, n a nɔɔ suru bii kpang.

Yɔhana 6:33

Ka ruu ɓɔɔ, borodi Laa, ɓi zang ɓɔɔ à nɛɛ lapa á zang koo keɓe suru bii ɓɛɛ.”

Yɔhana 6:51

Nkɔ borodi ɓɔɔ a zang suru bii, ɓɔɔ n a nɛɛ lapa ɓɛɛ. Naa zang ɓɔɔ shaa borodi keɓe, nwáng ningkãari dòndòng. Ɓi bii mɛɛ kɔ borodi keɓe, ɓɔɔ n naa mãlɛ́, tɔ̀ɔ, zang koo ri walɛ suru bii ɓɛɛ.”

Rooma 2:21

Kpɛ̃ɛrɛ yuu ɓaaɓɛ jong, mɔɔ nɛɛ tusu zang ɓɔɔ vuu katɔ ɓɛɛ. Mɔɔ ɓɔɔ shɔngɓɔ kpang, mɔɔ nɛɛ kɔɔ zang nɛɛ ri ɓɔ̀ɔ shɔngɓɔ kpang ɓɛɛ.

1 Timoti 1:15

Ruu keɓe niizang kɔ nwani, ti daa naa ɓɔɔ zang piti ri shing danggn kagn ɓɛɛ tɔ. Yeesɔ Kirisi a ka koo nɛɛ wu ta yuu zang ɓɔɔ ri palɛ vuu shi kpang ɓɛɛ. Nkɔ ɓa zang piti vuu shi kpang palɛnang.

Yahudi 6:17

Laa kasɛ nɛɛ wu shingnɛ zang ɓɔɔ ri ta nyaa ɓɔɔ Laa a keɓe ri zirɛ, nɛɛ wu kɔ̃sɔ vuu ɓɔɔ wu kasɛ ɓɛɛ ɓi kpang. Ka ruu nɔngkɔ, tũng vuu tɔ̀ɔ, wu tusu kati nɛɛ, vuu ɓɔɔ wu a nyaa, wu naa palɛ katɔ.

Yahudi 7:25

Ka ruu nɔngkɔ, zunung katɔ, wu ta yuu zang ɓɔɔ ri a ka bii Laa nɛɛ bii ɓiɓɛ katɔ, ka laa kiya piti. Ka ruu ɓɔɔ, wu ɓi ningkãari, diki diki bakɛ Laa ka ruu ɓarɛ ɓɛɛ.

2 Bituru 1:11

Ka gbalang keɓe kɔ, nɔɔ naa walɛ gbalang daanang nɔng ɓɔɔ kpanti ɓuru Yeesɔ Kirisi naa roo kpanti. Yeesɔ ɓɔɔ wukɔ ti ta yuu ɓuru ɓɛɛ. Ruu naa daa nwang nɛɛ wu ka nɔng kaɓa dòndòng.