Yɔhana 10:1 - Nyaa Shɔɔ Ɓɔɔ Laa a Ɓɛɛ

¹ Yeesɔ kɔɔyi tɔɔ, “N kɔɔ nɔɔ ruu ɓɔɔ niizang kɔ nwani, zang ɓɔɔ nɛɛ tù yeti vaa mɛ̀ɛrɛ́ nɛɛ nyaa vàa kpang, nɛɛ sɔɔ nɔng ɓɔɔgn ɓi shɔngɓɔ, a ɓi ti zang ɓɔɔ ta zang vuu nɛɛ ɓangge ɓɛɛ.

Yɔhana 10:1 Σταυροειδείς Αναφορές

Matiyu 7:15

“Nɔɔ gãng jĩng ka zang sèé ɓɔɔ ri tɔɔ, ri zang nyaa shonang Laa ɓɛɛ. Ri a ka bii manɛ náa mɛ̀ɛrɛ́ ɓɔɔ pálɛ̀ zang vuu kpang ɓɛɛ, a yeti ɓarɛ nwang naa zaa wisi ɓɔɔ jĩng raa ri katɔ ɓɛɛ.

Yɔhana 10:7

Ka ruu nɔngkɔ, Yeesɔ kɔɔ tɔkn nɛɛ, “N kɔɔ nɔɔ ruu ɓɔɔ niizang kɔ nwani, nkɔ nyaa vàa mɛ̀ɛrɛ́.

Yɔhana 3:3

Yeesɔ kasɛ wu nyaa tɔɔ, “N kɔ̀ɔ́ mɔɔ ruu ɓɔɔ niizang kɔ nwani, naa zang yi mɔɔ tɔkn kpang, mɔɔ daa nɔng ɓɔɔ Laa naa roo kpanti kpang.”

Rooma 10:15

A zang ɓɔɔ yuu paa biya wu daa kɔɔ zang Ruu Laa, zang nɛɛ shong wu katɔ kpang ɓɛɛ viya? Labeenang Laa kɔɔyi tɔɔ, “Zang ɓɔɔ ri à Ruu Tɔ̃ɔ kɔɔnang, doo ɓarɛ shili dɔɔli.”

Rooma 16:18

Ka ruu ɓɔɔ, zang ɓɔɔ ri palɛ naa weɓe ri pàlɛ́ ɓarɛ Kpanti ɓuru Kirisi shonang kpang, ri kãa ɓarɛ ɓɔɔ buru ɓarɛ. Ri nwãarɛ zang ɓɔɔ ri zi vuu kpang nɛɛ nyaa ɓɛlɛɓɛlɛ, nɛɛ nyaa tĩnang ɓarɛ.

Titu 1:11

Zãa ri ruu shi kpang ɓɔɔ ri tusu zang ɓɛɛ katɔ. Ri kpantɛ danggn ɓɔɔ zang gaa gaa ri shing ɓɛɛ, nɛɛ vuu ɓɔɔ daa naa tusunang kpang ɓɛɛ. Ri palɛ vuu keɓe, ka ruu ɓɔɔ, ri shing jĩng ɓarɛ ka saka kãanang ɓɛɛ.

Yahudi 5:4

Shɔnzang a yuu ɓiɓɛ, bannang nwannang kpanti zang ɓɔɔ ri dɔɔ Laa vuu ka Gãa Laa kpang. Laa ɓáa wu nyaa katɔ, naa ɓɔɔ wu ɓaa Haruna nyaa ɓɛɛ.

1 Bituru 1:10

Zang nyaa shonang Laa kɔ̀ɔ zang ruu doo ka tĩng tɛ̃ɛ tɛ̃ɛ, ka yuu vuu tɔ̃ɔ ɓɔɔ Laa kɔɔyi, nɛɛ wu a nɔɔ ɓɛɛ. Zang nyaa shonang Laa keɓe ri kãa nɔng, ri hɛ̃ɛlɛ zang nɛɛ ri zǐ vuu ɓɔɔ kagn ka yuu naa ɓɔɔ Laa ta yuu zang ɓɛɛ.

2 Bituru 2:1

Ka tĩng tɛ̃ɛ tɛ̃ɛ, zang nyaa shonang Laa ɓɔɔ sèé, ri nwáng nyaa ka teteng rɛɛ zang Laa. Kãntang keɓe dòo nɔngkɔ, maalang ɓɔɔ ri tusu zang vuu sèé, ri naa nwang nyaa ditɔ ka teteng manɛ. Ri naa arɛ, ri tusu zang vuu sèé ɓɔɔ shing zang, ri ning gbalang ɓɛɛ. Ri naa làá nyaa nɛɛ ri zi dabang ɓuru Yeesɔ Kirisi ɓɔɔ tá yuu ɓarɛ ka vuu shi kpang ɓarɛ kpang. Ka ruu vuu kɔ ri palɛ ɓee, diki bee kpang, jĩng dannang bang a ditɔ ka yuu ɓarɛ, wu nyɔkɔ ri vɔrɔ.

2 Bituru 2:3

Rɛɛ maalang ɓɔɔ tùsú zang vuu sèé kaɓa, ri shing jĩng ɓarɛ ka vuu zang, ka ruu nɔngkɔ, ri naa nwãarɛ nɔɔ nɛɛ sèé, tɔ̀ɔ, ri walɛ vuu kaa naa manɛ. Laa dɔng ri ruu ɓi tɔ dòo tɛ̃ɛ tɛ̃ɛ, kpalɛ bii tɔ nɛɛ wu dang ri jĩng. Diki ɓɔɔ wu naa ningsi ri dɔ̃ɔ gbete, a naabm tɔ.

1 Yɔhana 4:1

Rɛɛ masang ɓɔɔ n kasɛ nɔɔ katɔ dɔɔli ɓɛɛ, nɔɔ shing gn ka zang ɓɔɔ kɔɔyi nɛɛ, Suru Laa kagn bii ɓarɛ kpang. Nɔɔ gãsɛ ri katɔ, nɔɔ zi suru ɓɔɔ ka bii ɓarɛ, nɛɛ ɓɔɔ Laa ɓɛɛ. Ka ruu ɓɔɔ, zang ɓɔɔ ri suu sèé nɛɛ ri zang nyaa shonang Laa, ri nwangsɛ bii tɔ ka koolaa dɔɔli ɓɛɛ.