Yɔhana 1:49 - Nyaa Shɔɔ Ɓɔɔ Laa a Ɓɛɛ

⁴⁹ Natanalu kɔɔ wu tɔɔ, “Maalang, mɔkɔ Jaa Laa. Mɔkɔ Kpanti zang Isirela.”

Yɔhana 1:49 Σταυροειδείς Αναφορές

Matiyu 14:33

Zang ɓɔɔ ka yeti tonsi dɔ̀ɔ Yeesɔ kati. Ri tɔɔ, “Mɔɔ Jaa Laa kɔ niizang.”

Matiyu 2:2

“Jaa ɓɔɔ zang yirɛ nɛɛ wu naa nwang kpanti zang Yahudi ɓɛɛ, ɓu kiya? Ruu zi sang ɓiɓɛ ka paa ɓɔɔ laa nwang nɔng ɓɛɛ. Ka ruu nɔngkɔ, ruu arɛ, ruu tɔɔ ruu naa bang wu.”

Matiyu 21:5

Laa kɔɔyi tɔɔ, “Nɔɔ kɔɔ zang gari Siyona nɛɛ, ‘Kpanti manɛ a kana bii manɛ. Tuu yuu ɓiɓɛ kpang, vang seesaa, ka jaa seesaa.’ ”

Matiyu 23:7

Ri ti kasɛ nɛɛ zang jeere ri nyaa ka nɔng piti ɓɔɔ zang kpalɛ zɔɔ ɓɛɛ. Ri ti kasɛ nɛɛ zang ɓaarɛ ri nɛɛ maalang.

Matiyu 23:8

“Zang wu ɓàa nɔɔ manɛ nɛɛ ‘Maalang kpang.’ Ka ruu ɓɔɔ, Maalang manɛ ɓi gbete kɔ nwani ɓɛɛ. Nɔɔ manɛ kaa naa jaa nàá zɔɔ kɔ nandon.

Matiyu 27:11

Zang a tɔ nɛɛ Yeesɔ ka tĩng gɔmna, a gɔmna hɛ̃ɛ wu tɔɔ, “Mɔkɔ kpanti zang Yahudi ya?” Yeesɔ kasɛ wu nyaa tɔɔ, “Nn, nkɔ.”

Matiyu 27:42

“Ta yuu zang ɓɔɔgn, a zunung ɓɔɔ wu ta yuu ɓiɓɛ kpang. Wu mɔkɔ Kpanti Isirela kpang ya? Náa shóorò nɛɛ laa kɔ zang ɓaa wu naa kagn ɓee, ruu shing danggn katɔ ka bii ɓiɓɛ.

Matiyu 4:3

A Sheetang arɛ naa gãsɛ wu tɔɔ, “Mɔkɔ nɛɛ Jaa Kpanti Laa, risi tari keɓe ta, ri rì borodi.”

Maraku 15:32

Náa Kirisi Kpanti Isirela shooro nɛɛ laa kɔ zang ɓaa wu naa kagn ɓee, rùu shing danggn katɔ bii ɓiɓɛ.” Zang ɓɔɔ ri ta zang vuu nɛɛ ɓangge, ɓɔɔ zang ɓaa ri naa ka laa ka kagn Yeesɔ, ri rang wu nyaa gɛ̃gɛ̃ɛ jong.

Luka 1:35

A zang nyaa shonang Laa kɔɔ wu tɔɔ, “Suru Laa naa a ditɔ ka bii ɓaaɓɛ. Náa bannang Laa naa zuu mɔɔ ditɔ. Ka ruu nɔngkɔ, jaa ɓɔɔ vuu shi kpang ɓi ka yeti ɓiɓɛ kpang kɔ mɔɔ naa yi ɓee, zang naa ɓaa wu nɛɛ Jaa Laa.

Luka 19:38

Ri kɔɔrɔ kana nɛɛ, “Laa wu a Kpanti ɓɔɔ a nɛɛ nung Kpanti Laa tĩnang tãanang. Nwannang ka nyaa zɔɔ kagn lapa. Zang wu ti dɔɔ Laa ɓɔɔ ka lapa kpala kpala ɓɛɛ ta.”

Yɔhana 1:18

Zang ɓɔɔ zi Laa tɔ kagn gbete kpang. Ɓi jaa gbete ɓɔɔ wu doo naa Laa kɔ, ɓɔɔ nwang ka ɓuru Laa kɔ, tusu naa ɓɔɔ Laa nwang ɓɛɛ.

Yɔhana 1:34

N ti naa zi nɔngkɔ nɛɛ jĩng mɛɛ, ka ruu nɔngkɔ, n kɔ̀ɔ nɔɔ nɛɛ yɔɔ keɓe Jaa Laa, bìí kɔ.”

Yɔhana 1:38

A Yeesɔ raa jĩng zi ri, ri dũng wu kana. A hɛ̃ɛ ri tɔɔ, “Nɔɔ kãa viya?” Ri kasɛ wu nyaa tɔɔ, “Rabii, dĩiri nung keɓe, ɓi maalang. Nɔng ɓɔɔ mɔɔ nwàng kagn kiya?”

Yɔhana 1:50

Yeesɔ kɔɔyi tɔɔ, “Mɔɔ kasɛ nyaa nɔngkɔ, ka ruu ɓɔɔ n kɔɔ nɛɛ n zi mɔɔ dòo ka doo laa sĩiri ɓɛɛ ya? Mɔɔ naa zi vuu ɓɔɔ ɓa weɓe ditɔ.”

Yɔhana 18:37

A Bilatu hɛ̃ɛ wu kati tɔɔ, “Mɔɔ ɓu Kpanti ya?” Yeesɔ kasɛ wu nyaa tɔɔ, “Naa ɓɔɔ mɔɔ kɔɔ ɓɛɛ, n Kpanti kɔ. N a ka koo keɓe, a zang yi m nɛɛ n kɔɔ zang ruu ɓɔɔ niizang. Zang ɓɔɔ nɛɛ kasɛ ruu ɓɔɔ niizang katɔ, ɓaa shoo katɔ ka yee mɛɛ.”

Yɔhana 4:31

Ka knti jaa soro, zang ɓɔɔ ri mantɛ vuu ka bii ɓiɓɛ ri yì wu tĩng ka bii nɛɛ, “Shaa vuu shaanang ta, maalang.”