Yɔhana 1:42 - Nyaa Shɔɔ Ɓɔɔ Laa a Ɓɛɛ

⁴² A gɔ̃ Siman daa nɛɛ wu ka bii Yeesɔ. Yeesɔ pɛ̃ɛrɛ Siman a kɔɔyi tɔɔ, “Mɔkɔ Siman jaa Yɔhana waa? Zang ɓáa mɔɔ kaa nɛɛ Kefa” (Dĩiri nung keɓe daa gbete nɛɛ Bituru ɓɔɔ zang ɓaa ɓi “Tari ɓɔɔ bang ɓɛɛ”).

Yɔhana 1:42 Σταυροειδείς Αναφορές

Matiyu 10:2

Zang kopi tu ziti ɓɔɔ Yeesɔ shong ri, zang ɓaa nung ɓarɛ nɛɛ, Siman ɓɔɔ zang ti ɓaa wu nɛɛ Bituru ɓɛɛ. Wukɔ tĩng shɔɔnang, nɛɛ jaa niiɓɛ Anduru, a ɓɔɔ Yakub jaa Zebedi nɛɛ jaa niiɓɛ Yɔhana,

Maraku 3:16

Nung zang kopi tu ziti ɓɔɔ Yeesɔ shɛ̃ɛrɛ keɓe. Siman ɓɔɔ (wu naa ɓaa nɛɛ Bituru ɓɛɛ.)

Luka 5:8

Ɓɔɔ Siman Bituru zi naa weɓe, tang nɛɛ gutu ka tĩng Yeesɔ tɔɔ, “N zɔ̃ɔrɔ mɔɔ katɔ Kpanti, daa ɓaa ta, mɔɔ yaa m, ka ruu ɓɔɔ, n m zang ɓɔɔ palɛ vuu shi kpang ɓɛɛ.”

Luka 6:14

Siman ɓɔɔ Yeesɔ naa a wu nung nɛɛ Bituru ɓɛɛ, nɛɛ jaa niiɓɛ Anduru. A ɓɔɔ Yakub nɛɛ Yɔhana nɛɛ Filibu, nɛɛ Batolomi,

Yɔhana 13:18

“N kɔɔ ruu keɓe ka yuu manɛ nandon kpang. N zi zang ɓɔɔ n shɛ̃ɛrɛ ri m tɔ. Vuu keɓe nwáng nɔngkɔ, naa ɓɔɔ zang bee ka yeti Labeenang Laa ɓɛɛ. Labeenang Laa kɔɔyi tɔɔ, ‘Zang ɓɔɔ n basɛ borodi mɛɛ nɛɛ wu, ràa m yuu knti tɔ. Nwáng zang ɓɔɔ shing jĩng nɛɛ n kpang tɔ.’

Yɔhana 21:2

Siman Bituru nɛɛ Tooma ɓɔɔ zang ɓaa wu nɛɛ Jaa bãnang nɛɛ Natanalu, yɔɔ gari Kaana ɓɔɔ ka tipi Galili ɓɛɛ, nɛɛ wujɛ Zebedi ziti, a ɓɔɔ zang ɓɔɔ ri mantɛ vuu doo ka bii Yeesɔ kɔ, ri ziti, ri nɛɛ zɔɔ ka nɔng gbete.

Yɔhana 4:16

Yeesɔ kɔɔ wu tɔɔ, “Daayi mɔɔ daa ɓaa ɓaavɛ nyaa, nɔɔ arɛ.”

1 Koranti 1:12

Vuu ɓɔɔ n kɔɔ nɔɔ keɓe, nɔɔ kúsù yuu manɛ ka vaa vaa. Zang ɓu ka teteng manɛ kɔɔyi nɛɛ, “N dũng m Bulu,” zang ɓɔɔ nɛɛ, “N dũng m Apolo,” zang ɓɔɔ nɛɛ, “N dũng m Bituru”. A zang ɓɔɔ kɔɔyi nɛɛ, “N dũng m Kirisi.”

1 Koranti 15:5

Ɓɔɔ Laa wisi wu paa tɔ, tusu Bituru yuu ɓiɓɛ. A naa tusu zang kopi tu ziti ɓɔɔ ri mantɛ vuu ka bii ɓiɓɛ, yuu ɓiɓɛ jong.

1 Koranti 3:22

Naa doo wiya? Naa doo Bulu, naa Apolo naa Bituru, ri ɓarɛ zang shonang manɛ. Koo nandon, nɛɛ suru bii, nɛɛ vɔrɔ ɓi ɓɔɔ manɛ kɔ nandon. Naa doo vuu ɓɔɔ nɔɔ zili kãntang keɓe, nɛɛ vuu ɓɔɔ a doo ka knti, ri ɓarɛ ɓɔɔ manɛ kɔ nandon.

1 Koranti 9:5

Vuu ɓɔɔ zãyi naa ruu gee zang soro ɓɔɔ dũng Laa ɓɛɛ kagn ya? Jaa soro bìí wu ti daarɛ nɔng ɓɔɔ ruu daarɛ nɛɛ ruu, naa ɓɔɔ Bituru nɛɛ zang shonang Yeesɔ Kirisi ɓɔɔ nimbang nɛɛ rɛɛ jaa nàá Kpanti Yeesɔ Kirisi ri palɛ ɓɛɛ.

Galati 1:18

Sáa naa ɓa tɔ taati, a n daa ka Urushalima, n tɔɔ n daa zi Bituru nung kaa waasɛ̃, a n nwang nɛɛ wu diki kopi tu maani.

Galati 2:11

Ɓɔɔ Bituru a ka gari Antakiya, n tá nyaa ɓiɓɛ kpang ka jĩng zang piti, ka ruu ɓɔɔ, vuu shi kpang ɓɔɔ wu palɛ waasɛ bii katɔ kpang ɓɛɛ.

Galati 2:9

Ka ɓɔɔ rɛɛ zang keɓe, Yakub nɛɛ Bituru a ɓɔɔ Yɔhana ri zirɛ nɛɛ Laa a m shonang keɓe tɔ, ri yi naa mɛɛ nɛɛ ɓɔɔ Baranaba ri jee ruu nyaa. Ka ruu ɓɔɔ, ruu palɛ shonang gbete nɛɛ ri ɓɛɛ, ruu mã zɔɔ naa nɛɛ, ri palɛ shonang ka teteng zang Yahudi, ruu palɛ ɓuru ka teteng zang ɓɔɔ ri zang Yahudi kpang ɓɛɛ.