Yɔhana 1:34 - Nyaa Shɔɔ Ɓɔɔ Laa a Ɓɛɛ

³⁴ N ti naa zi nɔngkɔ nɛɛ jĩng mɛɛ, ka ruu nɔngkɔ, n kɔ̀ɔ nɔɔ nɛɛ yɔɔ keɓe Jaa Laa, bìí kɔ.”

Yɔhana 1:34 Σταυροειδείς Αναφορές

Matiyu 11:27

A Yeesɔ naa risi nyaa, kɔɔ ri tɔkn tɔɔ, “Daa mɛɛ, a m vuu piti tɔ ka naa. Zang ɓɔɔ zi m Jaa Laa, kagn gbete kpang, ɓi Daa mɛɛ kɔ gbete. Zang ɓɔɔ ti zi Daa mɛɛ kagn gbete kpang, ɓi nkɔ Jaa ɓiɓɛ n zirɛ, nɛɛ zang ɓɔɔ n kasɛ nɛɛ n tusu ri Daa mɛɛ ɓɛɛ.

Matiyu 16:16

Siman Bituru kasɛ wu nyaa tɔɔ, “Mɔkɔ Kirisi, (zang ɓɔɔ naa a ɓɛɛ.) Jaa Kpanti Laa ɓɔɔ vɔ ɓi kpang ɓɛɛ.”

Matiyu 17:5

Bituru rang yee doo naa nyaa, sãmbong ɓɔɔ puru shãa shãa arɛ naa zuu ri kati. A ri tãa yee nɛɛ yeti sãmbong nɛɛ, “Wee Jaa mɛɛ ɓɔɔ yeti mɛɛ kasɛ gbãng gbãng kɔ. N tãa tĩnang ɓiɓɛ dɔɔli. Nɔɔ ɓaa shoo ka nyaa ɓiɓɛ ning.”

Matiyu 26:63

Yeesɔ ti ãa nyaa ɓi kagn kpang. A Kpanti zang ɓɔɔ ri dɔɔ vuu kà Gãa Laa, kɔɔ wu tɔɔ, “N zɔ̃ɔrɔ mɔɔ katɔ nɛɛ Kpanti Laa ɓɔɔ ningkãari ɓɛɛ, kɔɔ ruu jong. Mɔkɔ Kirisi Jaa Kpanti Laa ɓɔɔ naa a ɓɛɛ ya?”

Matiyu 27:40

ri kɔɔ wu tɔɔ, “Mɔɔ tɔɔ mɔɔ zunung ɓɔɔ mɔɔ jili Gãa Laa, mɔɔ mãa ɓɔɔgn ka diki taati katɔ, ta yuu ɓaaɓɛ ta. Mɔkɔ nɛɛ Jaa Laa, shooro ta ka tipi, nɛɛ láa kɔ zang ɓaa mɔɔ naa kagn ɓi.”

Matiyu 27:43

Shing danggn ka bii Laa, Laa nɛɛ kasɛ ruu ɓiɓɛ katɔ, wu ta wu ta. Ka ruu ɓɔɔ, kɔɔyi tɔɔ, wukɔ Jaa Laa ɓɛɛ.”

Matiyu 27:54

Yɔɔ zang bang sɔɔja, nɛɛ sɔɔja ɓɔɔ ri gãng jĩng ka Yeesɔ, ri zi naa ɓɔɔ tipi ruutu, nɛɛ vuu piti ɓɔɔ palɛ, bii kàa ri vɔrɔ. Ri tɔɔ, “Bɛ̀ɛ́ yɔɔ keɓe, Jaa Laa kɔ niizang.”

Matiyu 3:17

Ri ti tãa yee nɛɛ lapa tɔɔ, “Wee jaa mɛɛ ɓɔɔ yeti mɛɛ kasɛ wu gbãng gbãng ɓɛɛ kɔ.”

Matiyu 4:3

A Sheetang arɛ naa gãsɛ wu tɔɔ, “Mɔkɔ nɛɛ Jaa Kpanti Laa, risi tari keɓe ta, ri rì borodi.”

Matiyu 4:6

A kɔɔ wu tɔɔ, “Mɔkɔ nɛɛ Jaa Kpanti Laa, shɛ̃ɛ ta ka tipi, ka ruu ɓɔɔ, ruu Kpanti Laa kɔɔyi tɔɔ, “Laa kɔɔ zang nyaa shonang ɓiɓɛ ɓɔɔ ka lapa ruu ka yuu ɓaaɓɛ, ri naa ta mɔɔ ka naa ɓarɛ ka gbalang, ka ruu ɓɔɔ, mɔɔ nɛɛ nyɔ doo ɓaaɓɛ ka tari ɓɛɛ.”

Matiyu 8:29

Ri sãa nyaa ka lapa nɛɛ, “Rúu ɓaaɓɛ hãa kagn nɛɛ rùu ya, Jaa Laa? Diki a gn kpang, mɔɔ arɛ, nɛɛ mɔɔ naa dang ruu jĩng kaa naa talang ya?”

Maraku 1:1

Wee naa ɓɔɔ Ruu Tɔ̃ɔ Yeesɔ Kirisi Jaa Laa gaayu ɓɛɛ.

Maraku 1:11

A ri ti tãa yee nɛɛ lapa tɔɔ, “Mɔkɔ jaa mɛɛ ɓɔɔ n kasɛ gbãng gbãng kɔ.”

Luka 1:35

A zang nyaa shonang Laa kɔɔ wu tɔɔ, “Suru Laa naa a ditɔ ka bii ɓaaɓɛ. Náa bannang Laa naa zuu mɔɔ ditɔ. Ka ruu nɔngkɔ, jaa ɓɔɔ vuu shi kpang ɓi ka yeti ɓiɓɛ kpang kɔ mɔɔ naa yi ɓee, zang naa ɓaa wu nɛɛ Jaa Laa.

Luka 3:22

a Suru Laa shooro kaa naa koro ka yuu ɓiɓɛ. A ri tãa yee nɛɛ lapa nɛɛ, “Mɔkɔ Jaa mɛɛ ɓɔɔ yeti mɛɛ kasɛ gbãng gbãng ɓɛɛ.”

Yɔhana 1:18

Zang ɓɔɔ zi Laa tɔ kagn gbete kpang. Ɓi jaa gbete ɓɔɔ wu doo naa Laa kɔ, ɓɔɔ nwang ka ɓuru Laa kɔ, tusu naa ɓɔɔ Laa nwang ɓɛɛ.

Yɔhana 1:49

Natanalu kɔɔ wu tɔɔ, “Maalang, mɔkɔ Jaa Laa. Mɔkɔ Kpanti zang Isirela.”

Yɔhana 10:30

Ɓɔɔ n nɛɛ Daa ruu gbete.”

Yɔhana 10:36

a zang ɓɔɔ Daa zɔ̃ngnɛ, a shong wu ka koo ɓɛɛ, nɔɔ kɔɔ ka ruu vi nɛɛ n kɔɔrɔ ruu shi kpang ka ruu ɓɔɔ n kɔɔyi nɛɛ n Jaa Laa viya?

Yɔhana 11:27

Mata kasɛ wu nyaa tɔɔ, “Nn, Kpanti, N shing danggn tɔ nɛɛ, mɔkɔ Kirisi Jaa Laa, ɓɔɔ naa a ka koo ɓɛɛ.”

Yɔhana 19:7

Zang Yahudi ɓɔɔ ri kpalɛ zɔɔ ri kasɛ nyaa tɔɔ, “Nyaa dannang ɓuru ɓɔɔ kɔɔyi nɛɛ zang nyɔ zang ɓɔɔ naa weɓe vɔrɔ kagn. Ka ruu ɓɔɔ, kɔɔyi nɛɛ wukɔ Jaa Laa ɓɛɛ.”

Yɔhana 20:28

Tooma kasɛ wu nyaa tɔɔ, “Mɔkɔ Kpanti mɛɛ nɛɛ Laa mɛɛ.”

Yɔhana 20:31

Zang bee weɓe, nɛɛ tɔ̀ɔ, nɔɔ shing danggn kati, nɛɛ Yeesɔ kɔ Kirisi, Jaa Laa. Nɔɔ nɛɛ shing danggn tɔ ka bii ɓiɓɛ, nɔ́ɔ walɛ suru bii kati.

Yɔhana 6:69

Ruu shing danggn tɔ, a ruu ti zi tɔ nɛɛ mɔkɔ ɓaa zang ɓɔɔ Laa zɔ̃ng katɔ ɓɛɛ.”

Rooma 1:4

Ka nwannang ɓiɓɛ ɓɔɔ shi kpang ɓi kagn kpang ɓɛɛ, Laa túsù nɛɛ naa vuu palɛnang ɓiɓɛ nɛɛ, Yeesɔ Kirisi kɔ Jaa ɓiɓɛ, ka ɓɔɔ wu wisi wu paa nɛɛ saa ɓɛɛ.

2 Koranti 1:19

Ka ruu ɓɔɔ, Yeesɔ Kirisi Jaa Laa, ɓɔɔ Siila nɛɛ Timoti, a ɓɔɔ nkɔ, ruu kɔɔ ruu ɓiɓɛ ka teteng manɛ ɓɛɛ, ɓi zang ɓɔɔ kasɛ nyaa nɛɛ “Nn” a ɓɔɔ nɛɛ “Kpang, kpang.” Yeesɔ kɔɔ ɓi ruu ɓɔɔ niizang kɔ diki diki, ta nyaa ziti ɓi jong kpang.

Yahudi 7:3

Daa ɓiɓɛ kagn kpang, nàá ɓiɓɛ ti kpang, zang zi dĩiri zɔ̃ng ɓiɓɛ kpang. Zang ti zi diki ɓɔɔ zang yi wu kagn ɓɛɛ kpang, a ɓɔɔ diki ɓɔɔ wu vɔ kagn ɓɛɛ kpang. Nwáng ɓi naa Jaa Laa, ka ruu ɓɔɔ, ɓi zang ɓɔɔ dɔɔ Laa vuu ɓɛɛ dòndòng.

1 Yɔhana 2:23

Zang ɓɔɔ bɛ̃ɛ Jaa, Daa ɓi kagn yeti ɓiɓɛ kpang. Zang ɓɔɔ nɛɛ ta Jaa, Daa ɓi kagn yeti ɓiɓɛ kɔ doori.

1 Yɔhana 3:8

Zang ɓɔɔ palɛ vuu shi kpang sasak, ɓi jaa Sheetang, ka ruu ɓɔɔ, Sheetang pálɛ́ vuu shi kpang ɓi doo ka tĩng ɓɛɛ. Jaa Laa arɛ nɛɛ wu naa jili vuu ɓɔɔ Sheetang pálɛ́ kɔ.

1 Yɔhana 4:9

Laa tusu ruu naa ɓɔɔ wu kasɛ ruu ɓuru ka Jaa gbete ɓiɓɛ ɓɔɔ wu shong ka koolaa ɓɛɛ. Laa shong wu nɛɛ tɔɔ ruu walɛ suru bii ɓɔɔ waa nyaa kpang ka bii ɓiɓɛ.

1 Yɔhana 5:20

Ruu zi tɔ nɛɛ, Jaa Laa arɛ tùsù ruu gbalang ɓɔɔ ruu zi Laa ɓɔɔ wukɔ niizang ɓɛɛ. Ruu ɓuru ɓɔɔ Laa keɓe kɔ, ka ruu ɓɔɔ, ruu ɓuru ɓɔɔ Jaa ɓiɓɛ Yeesɔ Kirisi ɓɛɛ. Yeesɔ Kirisi keɓe wukɔ Laa niizang, wukɔ ti suru bii ɓɔɔ waa nyaa kpang ɓɛɛ.

2 Yɔhana 1:9

Zang ɓɔɔ dũ̀ng vuu ɓɔɔ Kirisi tusu kpang, palɛ ɓi naa ɓɔɔ wu kasɛ ɓɛɛ, Laa ɓi kagn yeti ɓiɓɛ kpang. Zang ɓɔɔ dũng vuu ɓɔɔ Yeesɔ tusu, Laa kagn yeti ɓiɓɛ nɛɛ Jaa piti.

Vuu ɓɔɔ zang nwangsɛ Yɔhana 2:18

A kɔɔ m tɔkn nɛɛ, “Bèe zang nyaa shonang Laa ɓɔɔ ka lapa ɓɔɔ gãng jĩng ka zang Laa ɓɔɔ ri ka gari Tayatira ɓɛɛ ruu keɓe, mɔɔ kɔɔ wu nɛɛ: Wee ruu ɓɔɔ nwang nɛɛ nyaa Jaa Laa, ɓɔɔ jĩng ɓiɓɛ yakɛ nɔng naa nyɛlɛ waa ɓɛɛ, doo ɓiɓɛ kɔlɔ naa saka ɓɔɔ zang ɓaa nɛɛ tagula ɓɔɔ zang mɔlɔ bii ɓiɓɛ nɛɛ waa ɓɛɛ.