Yɔhana 1:29 - Nyaa Shɔɔ Ɓɔɔ Laa a Ɓɛɛ

²⁹ Nɔng naa gãntɛ tɔ, a Yɔhana zi Yeesɔ a kana bìí ɓiɓɛ, a kɔɔyi nɛɛ, “Nɔɔ zirɛ, Jaa Mɛ̀ɛrɛ́ Laa kaɓa, ɓɔɔ naa shingnɛ, Laa yàá zang koo keɓe gbalang vuu shi kpang ɓɔɔ ri pàlɛ̀ ɓɛɛ kɔ.

Yɔhana 1:29 Σταυροειδείς Αναφορές

Matiyu 1:21

Naa yi jaa zang varɛ, mɔ́ɔ ɓaa nung ɓiɓɛ nɛɛ Yeesɔ (zang ɓɔɔ ta yuu zang ɓɛɛ). Ka ruu ɓɔɔ, wukɔ naa ta yuu zang ɓiɓɛ nɛɛ vuu shi kpang ɓarɛ ɓɛɛ.”

Matiyu 20:28

Naa ɓɔɔ n Jaa Shɔnzang n arɛ, nɛɛ zang shong m shonang kpang, n arɛ nɛɛ n shong m zang kɔ jong, n ti mãlɛ́ bii mɛɛ ka ruu zang dɔɔli nɛɛ tɔɔ n ta yuu ɓarɛ.”

Yɔhana 1:35

Nɔng naa gãntɛ tɔ, Yɔhana shii tɔ ka nɔngkɔ tɔkn nɛɛ zang ɓɔɔ ri mantɛ vuu ka bii ɓiɓɛ ziti,

Yɔhana 1:36

a zi Yeesɔ rakɛ. A Yɔhana kɔɔyi tɔɔ, “Nɔɔ zirɛ, Jaa Mɛ̀ɛrɛ́ Laa kaɓa.”

Yɔhana 1:43

Nɔng naa gãntɛ tɔ, Yeesɔ kasɛ nɛɛ wu daa ka Galili. A ĩi Filibu a kɔɔ wu tɔɔ, “A ta nɛɛ n ning.”

Yɔhana 2:1

Diki naa gãntɛ tɔ ziti, zang gee soro ka gari Kaana ɓɔɔ ka tipi Galili ɓɛɛ. Nàá Yeesɔ daa nɔng kaɓa kaa jong.

Yɔhana 3:16

Laa kasɛ zang ɓɔɔ ka koo keɓe dɔɔli, ka ruu nɔngkɔ, shong nyaa nɛɛ Jaa gbete ɓiɓɛ. Nɛɛ tɔ̀ɔ, zang ɓɔɔ nɛɛ shing danggn ka bii ɓiɓɛ wu shaarɛ kpang, wu wàlɛ̀ suru bii ɓɔɔ waa nyaa kpang kɔ jong.

Yɔhana 4:42

A ri kɔɔ jaa soro tɔɔ, “Rùu shing danggn wu ka ruu vuu ɓɔɔ mɔɔ kɔɔ ruu kpang. Ruu tãa ruu ɓiɓɛ tɔ nɛɛ shoo ɓuru, a ruu ti zi tɔ niizang, nɛɛ yɔɔ keɓe kɔ naa ta yuu zang koo.”

Yɔhana 6:51

Nkɔ borodi ɓɔɔ a zang suru bii, ɓɔɔ n a nɛɛ lapa ɓɛɛ. Naa zang ɓɔɔ shaa borodi keɓe, nwáng ningkãari dòndòng. Ɓi bii mɛɛ kɔ borodi keɓe, ɓɔɔ n naa mãlɛ́, tɔ̀ɔ, zang koo ri walɛ suru bii ɓɛɛ.”

Zang Shonang Yeesɔ 13:39

Zang ɓɔɔ nɛɛ shing danggn ka bii Yeesɔ keɓe, nwang zang tɔ̃ɔ ka tĩng Laa. Nɔɔ nwang zang tɔ̃ɔ ka yeti vuu piti ɓɔɔ bɛ̀ɛ́ nyaa dannang Musa risi nɔɔ, nɔ́ɔ nwang zang tɔ̃ɔ ka tĩng Laa kagn kpang ɓɛɛ.

Zang Shonang Yeesɔ 8:32

Nɔng ɓɔɔ yɔɔ kaɓa gãrɛ keɓe, Nwáng naa mɛ̀ɛrɛ́ ɓɔɔ zang daa nɛɛ mani ka nɔng yeenang ɓɛɛ, a puu nyaa ɓiɓɛ kpang. Nwang naa jamɛ̀ɛrɛ́ ɓɔɔ zang kpang shãngti ɓiɓɛ, kaa nyaa kpang ɓɛɛ.

1 Koranti 15:3

N kɔɔ nɔɔ Ruu Tɔ̃ɔ keɓe tɔ ka tĩng, ɓɔɔ Yeesɔ Kirisi kɔɔ m ka tĩng ɓɛɛ. Ruu Tɔ̃ɔ keɓe ɓa vuu piti katɔ, Ruu Tɔ̃ɔ keɓe, kɔɔ ruu nɛɛ Kirisi vɔ ka ruu vuu shi kpang ɓɔɔ ruu palɛ ɓɛɛ. Naa ɓɔɔ zang bée ka yeti labeenang Laa ka tĩng tɛ̃ɛ tɛ̃ɛ nɛɛ wu naa palɛ ɓɛɛ.

2 Koranti 5:21

Yeesɔ Kirisi palɛ vuu shi kpang ɓi gngn kpang, a ka ruu ɓuru, Laa risi wu naa zang ɓɔɔ pálɛ̀ vuu shi kpang ɓɛɛ. A ka ruu vuu keɓe kɔ, yuu ɓɔɔ ruu ɓakɛ nɛɛ Yeesɔ Kirisi shingnɛ, ruu nwàng zang tɔ̃ɔ ka tĩng Laa.

Galati 1:4

Yeesɔ a zang yuu ɓiɓɛ, nɛɛ tɔ̀ɔ, wu ta yuu ɓuru ɓɔɔ ruu zang shi kpang ɓɛɛ. Wu ti ta ruu nɛɛ gbalang vuu shi kpang ɓɔɔ shɔnzang rɛ̃rɛ a ti palɛ ɓɛɛ. Vuu keɓe nwang nɔngkɔ, ka ruu ɓɔɔ, Daa ɓuru Laa kasɛ nɔngkɔ ɓɛɛ.

Galati 3:13

Yeesɔ Kirisi ta yuu ɓuru tɔ, ka nyaa ɓɔɔ Laa nɛɛ kù ruu, ka ruu ɓɔɔ, ruu dũng nyaa dannang kpang ɓɛɛ. Ka ruu ɓɔɔ, Laa kù Kirisi nyaa jong ka nung ɓɔɔ wu nɛɛ kù ruu ɓɛɛ. Ka ruu ɓɔɔ, zang bee ka yeti labeenang Laa tɔɔ, “Zang ɓɔɔ zang nɛɛ haatɛ wu ka lapa, Laa ku wu nyaa tɔ ɓɛɛ.”

1 Timoti 2:6

Wukɔ a yuu ɓiɓɛ, nɛɛ tɔ̀ɔ, wu ta yuu shɔnzang nandon. A yuu ɓiɓɛ teetee ka laa ɓɔɔ bɛ̀ɛ́ Laa kasɛ nɛɛ wu ta yuu zang piti kagn ɓɛɛ.

Titu 2:14

Yeesɔ a yuu ɓiɓɛ ka ruu ɓuru nɛɛ wu ta ruu nɛɛ naa vuu shi kpang nandon. Wu shing ruu, ruu nwang zang ɓiɓɛ kɔ bm gbete. Wu shing rùu rúu nwang zang ɓɔɔ ri kpalɛ bii tɔ, nɛɛ ri palɛ vuu ɓɔɔ tɔ̃ɔ ɓɛɛ.

Yahudi 1:3

Jaa keɓe, nɔng yakɛnang bannang Laa kagn bii ɓiɓɛ. Rùu ti zi naa ɓɔɔ Laa nwàng ɓɛɛ, ka bii ɓiɓɛ kɔ dɔ̃ɔ gbete. Wukɔ ti yiti koo nɛɛ naa vuu palɛnang ruu ɓiɓɛ. Ka knti ɓɔɔ wu sɔɔ zang vuu shi kpang ɓarɛ tɔ, daa nwàng ka nɔng nwannang ɓiɓɛ ka lapa, ka nakn Laa ɓɔɔ ɓa zang piti katɔ ɓɛɛ.

Yahudi 2:17

Ka ruu nɔngkɔ, wu nwang naa rɛɛ ɓeezung kɔ gbãng gbãng ka vuu piti, tɔ̀ɔ, wu nwang kpanti zang ɓɔɔ ri dɔɔ vuu ka Gãa Laa kati. Ɓɔɔ gn zang kɔng wu katɔ, a ti zang ɓɔɔ zang shing gn katɔ ka bii ɓiɓɛ ɓɛɛ, ka shonang ɓɔɔ wu pàlɛ́ Laa ɓiɓɛ ɓɛɛ. Tɔ̀ɔ, wu a zang yuu ɓiɓɛ, zang nyɔ wu vɔrɔ, vuu keɓe wu shingnɛ, Laa wu kɔsɔ zang vuu shi kpang ɓarɛ kati.

Yahudi 9:28

Kirisi dòo nɔngkɔ, á zang yuu ɓiɓɛ nɛɛ zang nyɔ wu vɔrɔ doo gbete kak, nɛɛ tɔ̀ɔ, wu kɔsɔ zang dɔɔli vuu shi kpang ɓarɛ kati. Nwang nyaa ditɔ tɔkn, daa kaa doo ziti. Wu ka ruu ɓɔɔ wu naa kɔsɔ zang vuu shi kpang ɓarɛ kpang, nɛɛ tɔɔ wu ta ɓi kaa yuu zang ɓɔɔ ri gã wu ɓɛɛ.

1 Bituru 1:19

Ta yuu manɛ ɓi nɛɛ zĩi bii ɓiɓɛ ɓɔɔ ɓa vuu piti katɔ ɓɛɛ. Yeesɔ Kirisi nwàng naa jaa mɛ̀ɛrɛ́ ɓɔɔ zang zɔ̃ngnɛ nɛɛ zang dɔ̀ɔ́ Laa ɓɛɛ. Ɓi zang tɔ̃ɔ, shi kpang ɓi kagn bii ɓiɓɛ kpang.

1 Bituru 2:24

Yeesɔ ta vuu shi kpang ɓuru ɓɔɔ ruu palɛ ɓɛɛ ka yuu ɓiɓɛ, ka ɓɔɔ zang ɓaa wu naa ka laa ɓɛɛ. Nɛɛ tɔ̀ɔ, ruu yi tĩng tɔ̀ɔ́ nɛɛ vuu shi kpang palɛnang kpang. Ruu nwángnɛ́ ruu pálɛ́ kaa vuu tɔ̃ɔ. Kɔnang ɓuru valɛ tɔ nandon, ka ruu nyaa vuu waa ɓɔɔ zang shĩili wu ka bii ɓɛɛ.

1 Bituru 3:18

Yeesɔ Kirisi nɛɛ yuu ɓiɓɛ dàng jĩng, ka ruu vuu shi kpang ɓuru a hangsɛ shonang keɓe doo gbete. Zang ɓɔɔ ɓi zang tɔ̃ɔ ka tĩng Laa, vɔ ka ruu zang ɓɔɔ ri palɛ ɓarɛ vuu ɓɔɔ daa bii kpang ɓɛɛ. Nɛɛ tɔ̀ɔ, wu atɛ ruu ka bii Laa. Zang ri nyɔ wu vɔrɔ, a Laa wisi wu paa nɛɛ sàa tɔkn.

1 Yɔhana 2:2

Laa yàa ruu gbalang vuu shi kpang ɓuru ka ruu vɔrɔ ɓɔɔ Yeesɔ vɔ ɓɛɛ. Vɔ ka ruu vuu shi kpang ɓuru kɔ shɛ̃ɛning kpang, ka ruu vuu shi kpang zang koo piti.

1 Yɔhana 3:5

Nɔɔ zi tɔ nɛɛ, Yeesɔ arɛ nɛɛ wu naa kɔ̃̀sɔ́ zang vuu shi kpang. Vuu shi kpang ɓi kagn bii ɓiɓɛ kpang.

1 Yɔhana 4:10

Zang kasɛnang nwàng ɓi hn. Wu rukɔ gaayu Laa kasɛnang kpang, Laa kɔ kasɛ ruu ɓuru jong, a shong Jaa ɓiɓɛ nɛɛ wu naa nwang kaa naa vuu vàa ɓɔɔ zang dɔ̀ɔ́ Laa, tɔ̀ɔ, Laa wu yaa ruu gbalang vuu shi kpang ɓuru kati ɓɛɛ.

Vuu ɓɔɔ zang nwangsɛ Yɔhana 1:5

Yeesɔ Kirisi ɓɔɔ kɔ̀ɔ́ ɓi ruu ɓɔɔ niizang diki diki ɓɛɛ, ɓɔɔ Laa wisi wukɔ paa shɔɔnang nɛɛ sàa, a wukɔ ti nwang kpanti ka yuu rɛɛ kpanti ɓɔɔ ka koo keɓe, wu palɛ nɔɔ tɔ̃ɔ jong, wu ti shingnɛ yeti manɛ wu valɛ katɔ. Yeesɔ ɓɔɔ kasɛ ruu katɔ, a vɔ ka ruu ɓuru nɛɛ, tɔ̀ɔ, zĩi ɓiɓɛ wu ta ruu kaa nɛɛ naa vuu shi kpang ɓɔɔ ruu palɛ ɓɛɛ.

Vuu ɓɔɔ zang nwangsɛ Yɔhana 12:11

Ri ti ɓa wu yuu tɔ, nɛɛ naa vuu palɛnang zĩi Jaa Mɛ̀ɛrɛ́, a ɓɔɔ ka ruu ruu ɓiɓɛ ɓɔɔ ri kɔɔyi nɛɛ ɓi niizang ɓɛɛ. Ri ti kasɛ tɔ nɛɛ ri vɔrɛ ka ruu ɓiɓɛ.

Vuu ɓɔɔ zang nwangsɛ Yɔhana 13:8

Zang ɓɔɔ ri nwang ka koo nandon ri naa bang wu. Rɛɛ zang ɓɔɔ zang bee nung ɓarɛ doo tɛ̃ɛ tɛ̃ɛ kpang, ka yeti labeenang Jaa Mɛ̀ɛrɛ́ Laa, ɓɔɔ bɛ̀ɛ́ zang nyɔ wu vɔrɔ ɓɛɛ.

Vuu ɓɔɔ zang nwangsɛ Yɔhana 14:1

A n shing jĩng, n zi Jaa Mɛ̀ɛrɛ́ Laa shii ka yuu kɔpɔ Siyona. Shɔnzang labang dakn laa maani tu laa ziti tu dɛ̃ɛti ri shii nɛɛ wu. Zang ɓɔɔ zang bee nung Daa ɓiɓɛ tɔ, nɛɛ nung ɓiɓɛ ka wàá nyaating ɓarɛ ɓɛɛ.

Vuu ɓɔɔ zang nwangsɛ Yɔhana 14:10

Gnvɔ naa shaa Laa nɛɛ wu. Gnvɔ kaɓa, ɓi naa sàa ɓɔɔ la katɔ, zang tɛ̃ɛ mii kagn kpang ɓɛɛ. A zang naa dang wu jĩng nɛɛ waa ɓɔɔ nwãa dɔɔli, nɛɛ mii takong, ka tĩng rɛɛ zang nyaa shonang Laa ɓɔɔ ri ka lapa ɓɛɛ nɛɛ tĩng Jaa Mɛ̀ɛrɛ́.

Vuu ɓɔɔ zang nwangsɛ Yɔhana 14:4

Zang keɓe nandon, ɓi rikɔ zang ɓɔɔ ri palɛ dũndũng nɛɛ zang soro kpang, ri yiti yuu ɓarɛ waasɛ̃ ɓɛɛ. Rikɔ ti dũlu Jaa Mɛ̀ɛrɛ́ ka knti ka nɔng ɓɔɔ wu dàá ɓɛɛ piti. Zang tà yuu ɓarɛ kɔ, nɛɛ teteng rɛɛ shɔnzang, a zang a Laa nɛɛ Jaa Mɛɛrɛ ɓiɓɛ ri.

Vuu ɓɔɔ zang nwangsɛ Yɔhana 15:3

Ri gaa soo ɓɔɔ Musa zang nyaa shonang Laa ri gaa ɓɛɛ, a Jaa Mɛ̀ɛrɛ́ ti gáa jong ɓɛɛ, ri kɔɔyi nɛɛ, “Laa ɓɔɔ mɔkɔ kpanti ɓuru ɓɛɛ, ɓɔɔ mɔɔ ɓa zang piti katɔ ɓɛɛ. Shonang ɓaaɓɛ bang dɔɔli, ti shing zang, zang mã naa ka danggn. Mɔkɔ kpanti zang ɓɔɔ ri ka koo nandon Vuu ɓɔɔ mɔɔ palɛ ɓɛɛ, ɓi tɔ̃ɔ, a mɔɔ ti zang ɓɔɔ palɛ vuu ɓɔɔ niizang.

Vuu ɓɔɔ zang nwangsɛ Yɔhana 17:14

Ri naa ta sĩiri nɛɛ Jaa Mɛ̀ɛrɛ́ Laa, a Jaa Mɛ̀ɛrɛ́ naa shaa ri katɔ, ka ruu ɓɔɔ, wukɔ kpanti ka yuu rɛɛ kpanti nandon. Kpanti roonang ɓiɓɛ, ɓa ɓɔɔ zang piti ɓɛɛ. Zang ɓiɓɛ ɓɔɔ wu zɔ̃ngkɔ, a ɓaa ri nyaa katɔ, ɓɔɔ ri dũng wu nɛɛ yeti gbete, ri naa shaa zang jong ka nyaa sĩiri nɛɛ wu.”

Vuu ɓɔɔ zang nwangsɛ Yɔhana 19:7

Ruu dɔ̀ɔ nɔɔ bii, ruu tãa tĩnang, ruu dɔɔ bannang ɓiɓɛ, ka ruu ɓɔɔ, laa ɓɔɔ Jaa Mɛ̀ɛrɛ́ gee soro ɓiɓɛ kagn a tɔ, a sinyɛ ɓiɓɛ ti kpalɛ bii tɔ ɓɛɛ.

Vuu ɓɔɔ zang nwangsɛ Yɔhana 19:9

A zang nyaa shonang Laa ɓɔɔ ka lapa ɓɛɛ kaɓa, kɔɔ m nɛɛ, “Bée ruu keɓe, Zang ɓɔɔ zang gáarɛ̀ ri, nɛɛ ri naa shaa kn sinyɛ Jaa Mɛ̀ɛrɛ́ ri tãa tĩnang ɓarɛ tɔ.” A ti kɔɔ m nɛɛ, “Ruu keɓe nwangnɛ, nɛɛ nyaa Laa nɛɛ yuu ɓiɓɛ.”

Vuu ɓɔɔ zang nwangsɛ Yɔhana 21:14

Zang loo doo binting bìí ka yuu tari kopi tu ziti. Zang beere nung rɛɛ zang shonang Jaa Mɛ̀ɛrɛ́, ɓɔɔ ri kopi tu ziti ka rɛɛ tari bìí.

Vuu ɓɔɔ zang nwangsɛ Yɔhana 21:27

A vuu shi kpang ɓɔɔ daa ka yeti gari kaɓa kpang. Zang ɓɔɔ ri palɛ vuu baabii, nɛɛ zang ɓɔɔ ri suru sèé ri ti daa yeti gari kaɓa kpang jong. Zang ɓɔɔ ri daa yeti gari kaɓa, ɓi zang ɓɔɔ zang béeré nung ɓarɛ tɔ, ka yeti labeenang Jaa Mɛ̀ɛrɛ́, ɓɔɔ zang beere nung zang ɓɔɔ ri walɛ suru bii ɓɔɔ waa nyaa kpang tɔ kagn ɓɛɛ.

Vuu ɓɔɔ zang nwangsɛ Yɔhana 21:9

A zang gbete, ka teteng zang nyaa shonang Laa ɓɔɔ ri ka lapa ɓɛɛ, ɓɔɔ ri manziti kaɓa, ɓɔɔ ri yiti waka ka naa manziti, ɓɔɔ kɔnang manziti kagn ɓɛɛ. Kɔnang diki ɓɔɔ koo naa waa nyaa kagn ɓɛɛ. A ka bii mɛɛ, a kɔɔ m nɛɛ “Arɛ, n tusu mɔɔ sinyɛ, jaa soro Jaa Mɛ̀ɛrɛ́.”

Vuu ɓɔɔ zang nwangsɛ Yɔhana 5:6

A n zi Jaa mɛ̀ɛrɛ́ shii ka nɔng laa nwannang kpanti naabm, a rɛɛ vuu dɛ̃ɛti ɓɔɔ suru bii ɓarɛ kagn kaɓa, nɛɛ zang bang bmati tu dɛ̃ɛti ri kiiri wu nyaa ka teteng. Jaa mɛɛrɛ bìí mɔɔ kɔɔ nɛɛ bɛ̀ɛ́ zang yée katɔ ka tĩng. Ta jee manziti, a jĩng ɓiɓɛ ti manziti. Rɛɛ jĩng manziti keɓe, ɓi rikɔ Suru Laa manziti ɓɔɔ zang shing ka dalɛ koo piti piti ɓɛɛ.

Vuu ɓɔɔ zang nwangsɛ Yɔhana 5:8

A ɓɔɔ daa ta labeenang kaɓa tɔ, rɛɛ zang bang bmati tu dɛ̃ɛti kaɓa, ri tang nɛɛ gutu ka tĩng Jaa Mɛ̀ɛrɛ́ kaɓa. Zang kaɓa nandon, zang ɓu yiti vũngta ka naa, nɛɛ pii ɓɔɔ zang palɛ nɛɛ zinariya ɓɛɛ. Vuu ɓɔɔ a sɛ̃ɛ tɔ̃ɔ kagn ka yeti pii ka nyaa gaagaa. Vuu ɓɔɔ a sɛ̃ɛ tɔ̃ɔ keɓe, ɓi Laa gaanang rɛɛ zang Laa.

Vuu ɓɔɔ zang nwangsɛ Yɔhana 6:1

A n zirɛ Jaa Mɛ̀ɛrɛ́ Laa, tã́a lang ɓɔɔ tĩng shɔɔnang, a n tãayi vuu gbete ka teteng vuu dɛ̃ɛti ɓɔɔ suru bii ɓarɛ kagn kaɓa, kɔɔyi, yee ɓiɓɛ naa shala mɛɛyi nɛɛ, “Arɛ.”

Vuu ɓɔɔ zang nwangsɛ Yɔhana 6:16

Ri ɓaa rɛɛ kɔpɔ nyaa nɛɛ tari bang nɛɛ, “Nɔɔ watɛ ta ka yuu ɓuru, nɔɔ waasɛ ruu, tɔ̀ɔ, zang ɓɔɔ nwang ka laa nwannang kpanti kaɓa, wu zi ruu kaa takpang, Ruu ti wɔrɛ, Jaa Mɛ̀ɛrɛ́ Laa wu dang ruu jĩng kaa takpang.

Vuu ɓɔɔ zang nwangsɛ Yɔhana 7:14

A n kasɛ wu nyaa nɛɛ, “Dabang, ɓi mɔkɔ zirɛ.” A kɔɔ m nɛɛ, “Wee ɓi rɛɛ zang ɓɔɔ ri wɔ nɛɛ jĩng dannang bang kaɓa ɓɛɛ, a ri sɔɔ fɔ̃ɔrɔ ɓarɛ kaa nɛɛ zĩi Jaa Mɛ̀ɛrɛ́, a tu kaa puru shãa shãa.”

Vuu ɓɔɔ zang nwangsɛ Yɔhana 7:17

Ka ruu ɓɔɔ, Jaa Mɛ̀ɛrɛ́ ɓɔɔ ka nɔng laa nwannang kpanti gãng jĩng katɔ ka ri ɓɛɛ. Sɔ̀ɔ ri tĩng, atɛ ri ka rang mii ɓɔɔ a zang suru bii ɓɔɔ waa nyaa kpang ɓɛɛ. Laa ti naa àlɛ́ ri miiri nandon ka jĩng ɓarɛ.”