Filipi 4:7 - Nyaa Shɔɔ Ɓɔɔ Laa a Ɓɛɛ

⁷ Naa nɔɔ palɛ nɔngkɔ, yeti valɛnang ɓɔɔ a nɛɛ bii Laa, ɓɔɔ ɓa naa ɓɔɔ shɔnzang zi naa ɓɔɔ nwang ɓɛɛ katɔ, naa gãng jĩng ka ɓoro manɛ nɛɛ rɛ̃rɛnang manɛ, tɔ̀ɔ, vuu ɓɔɔ wu lee nɔɔ naa kaa tɔ̀ɔ́ bii kpang, ɓɔɔ nɔɔ zang Yeesɔ Kirisi ɓɛɛ.

Filipi 4:7 Σταυροειδείς Αναφορές

Luka 1:79

Wu yakɛ nɔng kati. Tɔ̀ɔ, zang ɓɔɔ ri nwang ka nɔng ɓɔɔ tɔ̀ɔ katɔ, nɛɛ zang ɓɔɔ ri nwang ka nɔng vɔrɔ ɓɔɔ tɔ̀ɔ katɔ, ri zi nɔng kati. Wukɔ naa tusu ruu gbalang ɓɔɔ ruu nwang nɛɛ Laa waasɛ̃ ɓɛɛ.”

Luka 2:14

“Zang wu dɔɔ Kpanti Laa ɓɔɔ ka lapa kpala kpala ta. Zang ɓɔɔ Laa tãa tĩnang ɓarɛ katɔ ka tipi keɓe, ri ti tãa tĩnang nwannang ta.”

Yɔhana 14:27

“Nɔɔ nwang waasɛ̃, vuu koo keɓe shing nɔɔ, nɔɔ nwáng waasɛ̃ kpang. Nwannang waasɛ̃ keɓe a ɓi nɛɛ bii mɛɛ. Yeti manɛ wu lasɛ kpang, nɔɔ ti kaa vɔrɔ kpang.

Yɔhana 16:33

N kɔɔ nɔɔ vuu keɓe, nɛɛ nɔɔ nwáng nɛɛ n, tɔɔ, nɔɔ nwáng kaa waasɛ̃. Nɔɔ dang jĩng katɔ ka koo keɓe. Nɔ́ɔ mã danggn kagn, n ɓá vuu ɓɔɔ ka koo keɓe yuu tɔ.”

Rooma 1:7

Ka ruu nɔngkɔ, n bèé nɔɔ nandon laa keɓe, ɓɔɔ nɔɔ ka gari Rooma, ɓɔɔ Laa kasɛ ruu manɛ katɔ, a zɔ̃ngkɔ nɔɔ nɛɛ nɔ́ɔ naa nwang zang ɓiɓɛ ɓɛɛ. Daa ɓuru Laa nɛɛ, Kpanti ɓuru Yeesɔ Kirisi ri yi nɔɔ naa ka bii, a ri ti shing yeti manɛ ri valɛ katɔ.

Rooma 14:17

Ka ruu ɓɔɔ, vuu ɓɔɔ Laa kasɛ, wukɔ vuu shaanang nɛɛ vuu ɓoonang kpang. Laa kasɛ nɛɛ zang nwang zang tɔ̃ɔ ka tĩng ɓiɓɛ, ti kasɛ nɛɛ zang nwang ka nyaa zɔɔ nɛɛ wu, a zang ti tãa tĩnang ɓɔɔ Suru Laa shingnɛ ɓɛɛ.

Rooma 15:13

Laa ɓɔɔ wukɔ shingnɛ nɔɔ shing gn ɓɛɛ, wu shingnɛ nɔɔ tãa tĩnang gbãng gbãng ka yeti manɛ, yeti manɛ wu ti valɛ. Tɔ̀ɔ, Suru Laa wu a nɔɔ naa, nɔɔ shing gn kaa gbãng gbãng.

Rooma 5:1

Wee ruu nwang zang tɔ̃ɔ tɔ ka tĩng Laa, ka ruu danggn ɓɔɔ ruu shing ka bii ɓiɓɛ ɓɛɛ. Ruu nwàng kaa nyaa zɔɔ nɛɛ Laa ka ruu Kpanti ɓuru Yeesɔ Kirisi.

Rooma 8:6

Naa zang rɛ̃rɛ shi kpang, naa ɓɔɔ bii shɔnzang kasɛ ɓɛɛ kɔ shɛ̃ɛning, nwǎng zang ɓi vɔrɔ. Naa zang rɛ̃rɛ ka yuu vuu ɓɔɔ Suru Laa kasɛ, Laa shingnɛ zang walɛ suru bii ɓɔɔ waa nyaa kpang, a yeti zang ti valɛ katɔ.

2 Koranti 10:5

Ruu ningsi nyaa laanang nɛɛ yuu tuunang, ɓɔɔ zãa zang nɛɛ zang ri zi Laa kpang ɓɛɛ. Ruu kɔsɔ nɛɛ kaaɓa. Ruu shing ri, ri rɛ̃rɛ rɛ̃rɛnang ka doo vuu ɓɔɔ Yeesɔ Kirisi kasɛ ɓɛɛ.

2 Koranti 13:11

Manzung ɓɔɔ ri dũng doo Laa kɔ ɓɛɛ, n di nyaa labeenang keɓe nɛɛ, “Laa wu nwang nɛɛ nɔɔ.” Nɔɔ palɛ vuu ɓɔɔ shingnɛ nɔɔ nwang nyaa kiiri ɓɛɛ, nɔ́ɔ ɓaa shoo ka vuu ɓɔɔ n kɔɔ nɔɔ ɓɛɛ, nyaa manɛ wu daa zɔɔ gbete, a nɔ́ɔ ti nwang ka nyaa zɔɔ. Laa ɓɔɔ kàsɛ̀ ruu zang katɔ, a ti shingnɛ zang ri nwáng ka nyaa zɔɔ, naa nwang ditɔ nɛɛ nɔɔ.

Galati 5:22

A Suru Laa shing zang ɓiri, zang wu kasɛ zang, zang wu tãa tĩnang, yeti zang wu valɛ katɔ, zang wu mã danggn, zang wu palɛ zang tɔ̃ɔ, zang wu pàlɛ̀ vuu ɓɔɔ tɔ̃ɔ ɓɛɛ, zang wu nwang zang ɓɔɔ zang shing danggn katɔ bii ɓiɓɛ.

Afisa 3:19

Nɔ́ɔ ti zi zang kasɛnang kɔ ɓa naa ɓɔɔ zang zi dĩiri ɓiɓɛ katɔ ɓee. Tɔ̀ɔ, vuu piti wu nwang kaa bii manɛ nyaa kiiri.

Filipi 1:1

Labeenang keɓe nɛɛ bii mɛɛ Bulu nɛɛ Timoti, ɓɔɔ ruu jaafoo Yeesɔ Kirisi ɓɛɛ. Ruu bèé nɔɔ, zang Laa nandon, ɓɔɔ nɔɔ shing danggn tɔ ka bii Yeesɔ Kirisi, ɓɔɔ nɔɔ ka gari Filipi ɓɛɛ. A ɓɔɔ nɔkɔ zang bang bang nɛɛ zang ɓɔɔ ri palɛ shonang ka ruu zang Laa ɓɛɛ.

Filipi 1:2

Ruu gàá Daa ɓuru Laa nɛɛ Kpanti ɓuru Yeesɔ Kirisi, ri pàlɛ̀ nɔɔ tɔ̃ɔ, ri ti shingnɛ yeti manɛ wu valɛ katɔ.

Filipi 4:19

Laa mɛɛ, vuu naa ɓiɓɛ kagn dɔɔli, ɓɔɔ wu a zang nɛɛ bii Yeesɔ Kirisi ɓɛɛ, a nɔɔ vuu ɓɔɔ nɔɔ kasɛ ɓɛɛ ditɔ nandon.

Filipi 4:21

Jee m zang ɓɔɔ Yeesɔ Kirisi zɔ̃ngkɔ ri, nɛɛ ri nwang zang ɓiɓɛ nyaa. Zang ɓɔɔ ri dũng Laa, ɓɔɔ ri nɛɛ n ka nihn, ri jee nɔɔ nyaa.

Filipi 4:9

Vuu ɓɔɔ nɔɔ kpɛ̃ɛrɛ, kɔ́ nɔɔ tarɛ ka bii mɛɛ, kɔ́ nɔɔ nɛɛ tãa ka nyaa mɛɛ, kɔ́ ɓɔɔ nɔɔ zi ka nwannang mɛɛ ɓɛɛ, nɔɔ palɛ wukɔ. Laa ɓɔɔ shingnɛ yeti zang wu valɛ ɓɛɛ, naa nwang ditɔ nɛɛ nɔɔ.

Kolosi 3:15

Yeti valɛnang ɓɔɔ Yeesɔ Kirisi a zang, wukɔ wu nwang ka yeti manɛ gbãng gbãng. Ka ruu ɓɔɔ, Laa ɓaa nɔɔ nyaa nɛɛ nɔɔ nwang bii gbete, tɔ̀ɔ, wu a nɔɔ yeti valabm keɓe kɔ ɓɛɛ. Nɔ́ɔ ti zãa wu katɔ.

2 Tesalonika 3:16

Ruu gaa Laa ɓɔɔ wukɔ shing yeti ɓuru wu valɛ ɓɛɛ, wu shingnɛ yeti manɛ wu valɛ katɔ diki diki, naa ka gbalang kiya piti. Kpanti ɓuru wu nwang nɛɛ nɔɔ nandon.

Yahudi 13:20

N gaa Laa ɓɔɔ shingnɛ, zang nwáng ka nyaa zɔɔ, ɓɔɔ wisi Kpanti ɓuru Yeesɔ paa tɔkn nɛɛ sàa ɓɛɛ. Yeesɔ ɓɔɔ wukɔ kpanti jagãng mɛ̀ɛrɛ́ ɓɛɛ, ka ruu zĩi ɓiɓɛ ɓɔɔ Laa mã nyaa ɓɔɔ gbinggbing nɛɛ mani ɓɛɛ.

Yahuza 1:1

Labeenang keɓe nɛɛ bii mɛɛ Yahuza, zang shonang Yeesɔ Kirisi, ɓɔɔ ti jaa nàá Yakub ɓɛɛ. N bèé zang ɓɔɔ Laa ɓaa ri nyaa ɓɛɛ. Ɓɔɔ Laa ɓɔɔ wukɔ Daa, kasɛ ri katɔ, a Yeesɔ Kirisi ti gãng jĩng ka ri ɓɛɛ.

Vuu ɓɔɔ zang nwangsɛ Yɔhana 1:4

Labeenang keɓe nɛɛ bii mɛɛ, nkɔ Yɔhana n bèé nɔɔ zang Laa ɓɔɔ nɔɔ ka rɛɛ Gãa Laa manziti ɓɔɔ ka tipi Asiya ɓɛɛ. Laa wu palɛ nɔɔ tɔ̃ɔ, wu shingnɛ yeti manɛ wu valɛ katɔ. Laa ɓɔɔ ɓi ningkãari kãntang keɓe, ɓɔɔ bɛ̀ɛ́ ɓi ningkãari, ka ɓɔɔ bɛ̀ɛ́ zang mãa koo gn kpang, ɓɔɔ ti naa gbãayu ditɔ ka koo keɓe ɓɛɛ. Rɛɛ suru Laa manziti ɓɔɔ ri shiiri ka tĩng ɓiɓɛ, ka ɓɔɔ wu nwang ka yuu laa kpanti ɓiɓɛ ɓɛɛ. Ri palɛ nɔɔ tɔ̃ɔ jong, ri ti shingnɛ yeti manɛ wu valɛ katɔ.

Vuu ɓɔɔ zang nwangsɛ Yɔhana 2:17

Zang ɓɔɔ shoo ɓiɓɛ nɛɛ kagn, wu ɓaayi, wu tãa vuu ɓɔɔ Suru Laa kɔɔ rɛɛ zang ɓɔɔ ri dũng Laa ɓɛɛ. Zang piti ɓɔɔ nɛɛ ɓa vuu gãsɛnang yuu, n á wu vuu shaanang ɓɔɔ zang ɓaa nɛɛ maanaa ɓɔɔ zang waasɛ katɔ ɓɛɛ. N ti á wu tari ɓɔɔ kagn puru nɛɛ nung shɔɔ ɓɔɔ zang bee ka yuu tari bìí. Zang ɓɔɔ zi nung bìí kpang ɓi zang ɓɔɔ tarɛ kɔ zi shɛ̃ɛning.”