Filipi 3:5 - Nyaa Shɔɔ Ɓɔɔ Laa a Ɓɛɛ

⁵ Zang yee m shaa, bɛ̀ɛ́ zang yi m tɔ diki mɛɛ daa mantaati. N zang Isirela kirik. N zang zɔ̃ng Biliyaminu. N ti zang Yahudi kɔ nandon. Ka gbalang nyaa ɓɔɔ zang Yahudi ri dang ɓɛɛ, bɛ̀ɛ́ n ka vaa rɛɛ Farisi.

Filipi 3:5 Σταυροειδείς Αναφορές

Luka 1:59

Alisabatu yi jaa tɔ diki daa mantaati, a zang arɛ nɛɛ zang naa yèé jaa kaa shaa. A zang nɛɛ zang ɓaa jaa nung kaa nɛɛ Zakariya ka nung diiɓɛ.

Luka 2:21

Zang yi Yeesɔ tɔ diki daa tɔ mantaati, a zang arɛ nɛɛ zang naa yèé Yeesɔ kaa shaa ka naa ɓɔɔ ri palɛ ɓɛɛ. Zang yee wu shaa tɔ, a zang ɓaa wu nung kaa nɛɛ Yeesɔ. Nung ɓɔɔ zang nyaa shonang Laa ɓɔɔ ka lapa a wu, bɛ̀ɛ́ niiɓɛ tuu wu gn ka yeti kpang ɓɛɛ.

Luka 5:38

Zang tɛ̃ɛ saa shɔɔ ɓi doo ka zàáng ɓɔɔ shɔɔ kɔ doori.

Zang Shonang Yeesɔ 22:3

“N zang Yahudi. Zang yi m ka gari Taasu ka tipi Silisiya, n bang kaa Urushalima ka nihn. N bee laa ka bii Gamaliyel, zang tusu m nyaa dannang rɛɛ dabang ɓuru gbãng gbãng. N ti kasɛ nɛɛ n pàlɛ́ Laa shonang gbãng gbãng naa wee nɔɔ palɛ lɛɛkɔ ɓee.

Zang Shonang Yeesɔ 23:6

Bulu zirɛ nɛɛ zang ɓɔɔ ri jɛ̃ɛ ruu keɓe vaa ɓarɛ ziti. Nyaa dang gbete zang Saduki, nyaa dang gbete ɓi kaa rɛɛ Farisi. A mɛɛ nyaa ka nɔng ruu jɛ̃ɛnang tɔɔ, “Rɛɛ manzung, n zang Farisi, n ti jaa rɛɛ Farisi. Zang nɛɛ zang jɛ̃ɛ m ruu ka ruu danggn ɓɔɔ n shingnɛ nɛɛ zang nɛɛ vɔ tɔ zang naa seepaa ditɔ nɛɛ saa ɓɛɛ.”

Zang Shonang Yeesɔ 6:1

Ka diki kaɓa, zang ɓɔɔ ri shing danggn ka bii Laa ri shang kana dɔɔli, rɛɛ zang Yahudi ɓɔɔ ri ráng nyaa Heleni ri gɔ̃ɔrɔ yee ka yuu rɛɛ zang Yahudi ka ruu ɓɔɔ, zang nɛ́ɛ bàsɛ́ vuu shaanang diki diki, zang yee laa ka rɛɛ suvɔ ɓarɛ kpang ɓɛɛ.

Rooma 11:1

N hɛ̃ɛyi ɓɛɛ, Laa bɛ̃ɛ zang ɓiɓɛ tɔ ya? Kpang. N nɛɛ yuu mɛɛ, n zang Isirela, zɔ̃ng Ibirayi. N m nɛɛ doo laa Biliyaminu.

2 Koranti 11:22

Ri zang Yahudi ya? N m dòo nɔngkɔ. Ri zang Isirela ya? N m dòo nɔngkɔ. Ri zang zɔ̃ng Ibirayi ya? N m dòo nɔngkɔ.