Filipi 3:2 - Nyaa Shɔɔ Ɓɔɔ Laa a Ɓɛɛ

² Nɔɔ gãng jĩng waasɛ̃ ka zang ɓɔɔ ri nwang naa zaa ɓɛɛ. Zang ɓɔɔ ri palɛ vuu shi kpang ɓɛɛ. Ri yi tĩng nɛɛ, zang ri yee shaa katɔ ɓɛɛ.

Filipi 3:2 Σταυροειδείς Αναφορές

Matiyu 24:10

Ka diki kaɓa, zang dɔɔli ri naa yaa danggn ɓɔɔ ri shing ka bii Kpanti Laa ditɔ. Ri naa kasɛ ruu zɔɔ takpang, ri naa malɛ yuu zɔɔ ditɔ.

Matiyu 7:15

“Nɔɔ gãng jĩng ka zang sèé ɓɔɔ ri tɔɔ, ri zang nyaa shonang Laa ɓɛɛ. Ri a ka bii manɛ náa mɛ̀ɛrɛ́ ɓɔɔ pálɛ̀ zang vuu kpang ɓɛɛ, a yeti ɓarɛ nwang naa zaa wisi ɓɔɔ jĩng raa ri katɔ ɓɛɛ.

Matiyu 7:6

“Nɔ́ɔ a zaa vuu ɓɔɔ zang a Laa ɓɛɛ kpang. Ka ruu ɓɔɔ ri naa raa jĩng ri yi nɔɔ ɓɛɛ. Nɔ́ɔ ti tàsɛ̀ gãnya vutu jasang palɛnang kpang. Ka ruu ɓɔɔ ri nɛɛ nàalɛ́ nɛɛ doo ɓɛɛ.

Rooma 2:28

Ɓu wi zang Yahudi ɓɔɔ niizang wiya? Ɓi zang ɓɔɔ zang yee wu shaa katɔ, a ti ta bii naa zang Yahudi ɓɛɛ kpang.

2 Koranti 11:13

Ka ruu ɓɔɔ, zang kaɓa ri ɓarɛ zang shonang Yeesɔ ɓɔɔ niizang kpang ɓɛɛ, ri ɓarɛ zang shonang ɓɔɔ sèé. Ri suu sèé ka yuu shonang ɓarɛ, ri risi yuu ɓarɛ naa zang shonang Yeesɔ Kirisi ɓɔɔ niizang ɓɛɛ.

Galati 5:13

Ɓɔɔ manɛ ɓɛɛ, rɛɛ manzung, zang ɓaa nɔɔ nyaa nɛɛ nɔ́ɔ nwang zang ɓɔɔ ri jaafoo kpang ɓɛɛ. A nɔɔ yaayi nwannang manɛ keɓe, wu yàa nɔɔ gbalang vuu ɓɔɔ bii shɔnzang manɛ kasɛ ɓɛɛ palɛnang kpang. Zɔɔ kasɛnang wu shing nɔɔ katɔ kɔ jong, nɔ́ɔ pàlɛ́ zɔɔ shonang.

Galati 5:15

A naa nɔɔ palɛ vuu naa yɔpɔ kpaasi, nɔɔ lasɛ zɔɔ yeti, a nɔɔ ti shing zɔɔ nyaa vuu waa ka bii. Nɔɔ gãng jĩng waasɛ̃ nɔɔ nɛ̀ɛ́ ningsi zɔɔ dɔ̃ɔ gbete.

Galati 5:6

Ruu nɛɛ ɓakɛ yuu tɔ nɛɛ Yeesɔ Kirisi, naa ruu yee shaa katɔ, naa ruu yee doo kpang, palɛ vuu ɓɔɔ ɓi kpang tingkiring. Vuu ɓɔɔ zang kasɛ ɓi danggn shinnang ɓɔɔ shing mɔɔ, mɔɔ kasɛ zang ɓɛɛ.

Filipi 3:19

Zang keɓe, ri daa ɓarɛ ka nɔng waa. Ka ruu ɓɔɔ, ɓi buru ɓarɛ kɔ nwang kaa naa Laa ɓarɛ, ri ti tuu yuu ɓarɛ ka rɛɛ vuu ɓɔɔ yusɛ̃ɛ nɛɛ tuu ri kagn kɔ jong ɓɛɛ. Ri rɛ̃rɛ ɓarɛ ka yuu rɛɛ vuu ɓɔɔ ka koo keɓe kɔ shɛ̃ɛning.

Filipi 3:3

Ka ruu ɓɔɔ, ɓi rukɔ zang ɓɔɔ zang yee ri shaa ɓɔɔ niizang ɓɛɛ. Rukɔ bang Laa nɛɛ naa vuu palɛnang Suru ɓiɓɛ, a ruu ti walɛ bannang ɓuru ka bii Yeesɔ Kirisi. Ruu pãng yuu ɓuru ka rɛɛ vuu ɓɔɔ ɓi ɓɔɔ bìí shɔnzang kpang.

1 Timoti 1:19

Mɔɔ ti yiti danggn ɓɔɔ mɔɔ shing ɓɛɛ, rɛ̃rɛnang ɓaaɓɛ, wu ti nwang tɔ̃ɔ. Zang ɓɔɔ ri yáa danggn ɓɔɔ ri shing ka bii Yeesɔ ɓɛɛ tɔ, ka ruu ɓɔɔ, ri ɓaa shoo ka vuu ɓɔɔ rɛ̃rɛnang ɓarɛ kɔɔ ri kpang ɓɛɛ.

Titu 1:16

Ri kɔ̀ɔ́ ɓarɛ nɛɛ ri zi Laa tɔ, a vuu ɓɔɔ ri palɛ tusu kaa nɛɛ ri zi Laa nung kpang. Ri ɓarɛ vuu ɓɔɔ zang bɛ̃ɛ katɔ ɓɛɛ, ri ɓaa shoo ka nyaa zang kpang, ri daa naa vuu tɔ̃ɔ palɛnang ɓarɛ kpang tingkiring.

2 Bituru 2:22

Vuu kɔ zɔ̃ng zang keɓe ri palɛ ɓee, daa teetee nɛɛ nyaa vuu jeenang ɓɔɔ zang ɓuru ri kɔɔrɔ ɓɛɛ, nɛɛ, “Zaa gbã̀ayu daa sháa jennang ɓiɓɛ, a ɓɔɔ ti nɛɛ gãnya ɓɔɔ zang sɔɔ wu bii katɔ, gbãayu ɓi tɔ, daa gbãa bii ɓi kana ɔ̃ti tɔkn.”

Yahuza 1:4

Zang ɓɔɔ ri dũ̀ng Laa kpang, ɓɔɔ kagn ri hãa tɔ ka teteng manɛ nɛɛ nwĩiri, ruu zi kpang. Zang ɓɔɔ ri kɔ̃sɔ ruu tɔ̃ɔ ɓɔɔ Laa ɓuru pàlɛ́ zang, nwang ri ɓarɛ kaa naa zang yaa ri gbalang dũndũng palɛnang, a ri bɛ̃ɛ Yeesɔ Kirisi ɓɔɔ wukɔ gbete, Kpanti nɛɛ dabang ɓuru ɓɛɛ. Labeenang Laa kɔɔ ruu ɓi tɔ ka yuu ruu kɔ zang dɔ̀ng ri ɓee.

Vuu ɓɔɔ zang nwangsɛ Yɔhana 2:9

N zi jĩng ɓɔɔ nɔɔ dang ɓɛɛ tɔ. N ti zi tɔ, nɔɔ vuu ka naa kpang. A niizang nɔɔ wu vuu ka naa kpang, kpang, nɔɔ manɛ wujɛ ying. N ti zi naa ɓɔɔ zang kaɓa ɓɔɔ ri suu sèé, ri tuu yuu ɓarɛ naa ri zang Yahudi, ri rangkɛ ruu shi kpang ka yuu manɛ tɔ. Ri ɓarɛ zang ɓɔɔ ri dũng Sheetang ɓɛɛ.

Vuu ɓɔɔ zang nwangsɛ Yɔhana 21:8

A ɓɔɔ zang ɓɔɔ ri kaa vɔrɔ, nɛɛ zang ɓɔɔ ri shing danggn ka bii Laa kpang ɓɛɛ, nɛɛ zang ɓɔɔ shi kpang kagn bii ɓarɛ ɓɛɛ, nɛɛ zang ɓɔɔ ri nyɔ zang vɔrɔ ɓɛɛ, nɛɛ zang ɓɔɔ ri palɛ dũndũng, nɛɛ zang ɓɔɔ ri shaa nvaa, nɛɛ zang ɓɔɔ ri bang vaka, nɛɛ zang sèé nandon, zang naa tasɛ ri ɓarɛ ka too waa, ɓɔɔ tari ɓɔɔ ri shaa waa katɔ kagn ɓɛɛ. Wee kɔ vɔrɔ ɓɔɔ zang vɔrɛ daa kaa doo ziti ɓɛɛ kɔ.”

Vuu ɓɔɔ zang nwangsɛ Yɔhana 22:15

Zang ɓɔɔ ri palɛ vuu shi kpang, nɛɛ rɛɛ nvaa, nɛɛ zang ɓɔɔ ri palɛ dũndũng, nɛɛ zang ɓɔɔ ri nyɔkɔ zang vɔrɔ, nɛɛ zang ɓɔɔ ri bang vaka, a zang piti ɓɔɔ ri suru sèé, ɓɔɔ ri ti tãa tĩnnang sèé suunang katɔ ɓɛɛ, ri naa nwang ɓarɛ ka yuu knti gari bìí, ri daa yeti ɓiɓɛ kpang.

Vuu ɓɔɔ zang nwangsɛ Yɔhana 3:9

Ɓɔɔ zang ɓɔɔ ri dũng Sheetang kaɓa, ɓɔɔ ri suu sèé nɛɛ ri zang Yahudi ɓa, n naa shing zang sèé kaɓa, ri arɛ, ri tang nɛɛ gutu ka tĩng manɛ. Ri zi kati nɛɛ n kasɛ nɔɔ katɔ.