Filipi 2:9 - Nyaa Shɔɔ Ɓɔɔ Laa a Ɓɛɛ

⁹ Ka ruu nɔngkɔ, Laa tuu wu a wu bannang ɓɔɔ bang dɔɔli, a ti a wu núng ɓɔɔ ɓa nung zang piti ɓɛɛ.

Filipi 2:9 Σταυροειδείς Αναφορές

Matiyu 11:27

A Yeesɔ naa risi nyaa, kɔɔ ri tɔkn tɔɔ, “Daa mɛɛ, a m vuu piti tɔ ka naa. Zang ɓɔɔ zi m Jaa Laa, kagn gbete kpang, ɓi Daa mɛɛ kɔ gbete. Zang ɓɔɔ ti zi Daa mɛɛ kagn gbete kpang, ɓi nkɔ Jaa ɓiɓɛ n zirɛ, nɛɛ zang ɓɔɔ n kasɛ nɛɛ n tusu ri Daa mɛɛ ɓɛɛ.

Matiyu 28:18

A Yeesɔ arɛ naa kɔɔ ri tɔɔ, “Laa a m naa tɔ ka yuu vuu ɓɔɔ ka lapa, nɛɛ ɓɔɔ ka tipi nandon.

Luka 10:22

“Daa mɛɛ a m vuu piti tɔ ka naa. A zang ɓɔɔ zi Jaa kagn gbete kpang. Daa kɔ zi wu gbete. Zang ɓɔɔ ti zi Daa kagn gbete kpang, Jaa kɔ zi wu gbete nɛɛ shɔnzang piti ɓɔɔ Jaa kasɛ nɛɛ wu tusu wu Daa ɓɛɛ.”

Yɔhana 13:3

Yeesɔ ti zi tɔ, nɛɛ Daa ɓiɓɛ a wu naa vuu palɛnang tɔ nandon. Ti zi tɔ nɛɛ wu à nɛɛ bii Laa, nɛɛ wu ti gbãayu ka bii Laa ka nɔng.

Yɔhana 17:11

Yaa kaa tɔkɔlɔng n gbãayu kaa tɔ ka bii ɓaaɓɛ. N yaa koo keɓe m kaa tɔ, ri ɓarɛ doo ka koo. Daa, ɓɔɔ shi kpang ka bii ɓaaɓɛ kpang ɓɛɛ, yiti ri waasɛ̃ nɛɛ naa vuu palɛnang ɓɔɔ mɔɔ a m ɓɛɛ. Tɔ̀ɔ, ri nwang kaa gbete naa ɓɔɔ ruu nɛɛ mɔɔ, ruu gbete ɓɛɛ.

Yɔhana 17:12

Ɓɔɔ bɛ̀ɛ́ n doo nɛɛ ri, n yiti ri waasɛ̃ nɛɛ naa vuu palɛnang ɓaaɓɛ, ɓɔɔ mɔɔ á m ɓɛɛ. N yiti ri waasɛ̃, vuu ɓɔɔ lee ri naa ka bii kpang, a ɓɔɔ gbete ti ning kpang. Ɓi zang gbete ɓɔɔ bɛ̀ɛ́ nɛ̀ɛ́ ning ɓi katɔ kɔ nwani kɔ gbete. Ti ning ɓi ka náa ɓɔɔ zang bee ka yeti labeenang Laa tɛ̃ɛ tɛ̃ɛ nɛɛ naa ning ɓi katɔ kɔ nwani ɓɛɛ.

Yɔhana 17:5

Ka ruu nɔngkɔ, Daa, tuu m ta, mɔɔ daa nɛɛ n ka nɔng ɓɔɔ mɔɔ kagn ɓɛɛ. Mɔɔ a m bannang naa ɓɔɔ mɔɔ a m bɛ̀ɛ́ zang mãa koo gn kpang ɓɛɛ.”

Zang Shonang Yeesɔ 5:31

Laa a wu bannang, a shing wu ka nakn ɓiɓɛ, nɛɛ wu nwang zang bang, á wu ti nwáng zang ɓɔɔ ta yuu zang ɓɛɛ. Tɔ̀ɔ, Isirela ri walɛ gbalang ɓɔɔ ri kɔ̃sɔ yeti ɓarɛ, zang wu yaa ri gbalang vuu shi kpang ɓarɛ kati.

Afisa 1:10

Diki nɛɛ a tɔ, Laa naa palɛ vuu ɓɔɔ wu mang ka yeti ɓiɓɛ ditɔ. Nɛɛ kpalɛ vuu ɓɔɔ wu mãarɛ ɓɛɛ nandon, vuu ɓɔɔ ka lapa nɛɛ tipi nandon, tɔɔ Kirisi wu nwang zang bang ɓarɛ kati.

Kolosi 1:18

Wukɔ zang bang zang ɓɔɔ ri dũng wu, ɓɔɔ ri nwáng kaa naa bii ɓiɓɛ ɓɛɛ. Bii keɓe walɛ suru bii nɛɛ bii ɓiɓɛ kɔ. Wukɔ jamari zang ɓɔɔ zang wisi ri paa nɛɛ sàa ɓɛɛ, tɔ̀ɔ, ka vuu piti wukɔ wu nwang kaa tĩng.

2 Tesalonika 1:12

Ka naa weɓe kɔ, zang a Kpanti ɓuru Yeesɔ bannang ka ruu shonang ɓɔɔ wu palɛ nɛɛ bii manɛ ɓɛɛ. A ɓɔɔ nɔɔ ti palɛ nɛɛ bii ɓiɓɛ, ka Ruu Tɔ̃ɔ Laa ɓuru, nɛɛ ɓɔɔ Kpanti ɓuru Yeesɔ Kirisi.

Yahudi 1:4

Ka ruu nɔngkɔ, bannang Jaa Laa ɓa ɓɔɔ rɛɛ zang nyaa shonang Laa ɓɔɔ ri ka lapa kati, naa ɓɔɔ nung ɓɔɔ Laa a wu, ti ɓa ɓɔɔ ɓarɛ doo katɔ kɔ ɓɛɛ.

Yahudi 1:9

Mɔɔ kasɛ ɓaa nɛɛ zang nwang zang tɔ̃ɔ ka tĩng Laa, mɔɔ bɛ̃ɛ shi kpang ɓaa katɔ. Ka ruu nɔngkɔ, nkɔ Laa, ɓɔɔ n Làá ɓaaɓɛ, n shing mɔɔ ka yuu rɛɛ sangvaa ɓaaɓɛ ka ɓɔɔ n nwàa mɔɔ nung, ɓɔɔ shing mɔɔ mɔ́ɔ tãa tĩnang ɓɛɛ.”

Yahudi 12:2

Ruu shing nɔɔ jĩng ka bii Yeesɔ ɓɔɔ wukɔ tusu ruu naa ɓɔɔ ruu shing danggn, ti shingnɛ danggn shinnang ɓuru wu nwang nyaa kiiri ɓɛɛ. Zang ɓɔɔ, ka ruu tĩnang ɓɔɔ Laa naa a wu ka tĩng, mã danggn ka ɓɔɔ zang ɓaa wu naa ka laa ɓɛɛ. Yee laa ka yusɛ̃ɛ náa ɓɔɔ zang ɓaa wu ɓɛɛ kpang, a daa nwàng ka nakn laa nwannang Kpanti Laa.

Yahudi 2:9

A ruu zirɛ, Yeesɔ ɓɔɔ zang shíng wu zang nyaa shonang Laa ɓɔɔ ri ka lapa ri ɓá wu, a diki bee kaa takpang ɓee, zang a wu bannang nɛɛ dɔɔnang ka ruu jĩng ɓɔɔ wu dangnɛ a vɔrɛ ɓɛɛ. Vuu keɓe piti ɓi ka ruu tɔ̃ɔ ɓɔɔ Laa palɛ zang ɓɛɛ, shingnɛ Yeesɔ tãa naa ɓɔɔ vɔrɔ nwang ɓɛɛ ka nung zang piti.

1 Bituru 3:22

Yeesɔ Kirisi daa tɔ ka lapa, nwàng ɓi kaa nɔng nwannang bang ka nakn Laa. Ti roo kpanti jong ka yuu rɛɛ zang nyaa shonang Laa ɓɔɔ ri ka lapa nɛɛ rɛɛ suru ɓɔɔ naa vuu palɛnang ɓarɛ kagn piti.

2 Bituru 1:17

Ka diki ɓɔɔ Laa tusu ruu bannang nɛɛ naa vuu palɛnang Yeesɔ Kirisi ɓɛɛ, ruu ka nɔng. Ruu ti tãa katɔ ka ɓɔɔ, Laa ɓɔɔ ɓa zang piti bannang kɔɔyi ɓɛɛ nɛɛ, “Wee Jaa mɛɛ ɓɔɔ n kasɛ katɔ gbãng gbãng ɓɛɛ kɔ, shing m n tãa tĩnang dɔɔli.”

3 Yɔhana 1:7

Ri nwang zanti ka ruu shonang Yeesɔ palɛnang. Ri ta vuu ɓɔɔ kagn ka naa zang ɓɔɔ ri dũ̀ng Laa kpang ɓɛɛ kpang.

Vuu ɓɔɔ zang nwangsɛ Yɔhana 1:5

Yeesɔ Kirisi ɓɔɔ kɔ̀ɔ́ ɓi ruu ɓɔɔ niizang diki diki ɓɛɛ, ɓɔɔ Laa wisi wukɔ paa shɔɔnang nɛɛ sàa, a wukɔ ti nwang kpanti ka yuu rɛɛ kpanti ɓɔɔ ka koo keɓe, wu palɛ nɔɔ tɔ̃ɔ jong, wu ti shingnɛ yeti manɛ wu valɛ katɔ. Yeesɔ ɓɔɔ kasɛ ruu katɔ, a vɔ ka ruu ɓuru nɛɛ, tɔ̀ɔ, zĩi ɓiɓɛ wu ta ruu kaa nɛɛ naa vuu shi kpang ɓɔɔ ruu palɛ ɓɛɛ.

Vuu ɓɔɔ zang nwangsɛ Yɔhana 11:15

A zang nyaa shonang Laa ɓɔɔ wukɔ wàa rɛɛ zang nyaa shonang Laa ɓɔɔ ri manziti nyaa knti ɓɛɛ, jee gboo ɓiɓɛ. A n tãlɛ yee nwangnɛ lapa, ri rang yee nabm nɛɛ, “Kpanti roonang koo keɓe, raa ɓɔɔ kpanti ɓuru tɔ, nɛɛ ɓɔɔ Kirisi ɓiɓɛ. Laa kɔ naa roo kpanti gbinggbing.”

Vuu ɓɔɔ zang nwangsɛ Yɔhana 19:16

Ka fɔ̃ɔrɔ ɓiɓɛ, nɛɛ doo sãng ɓiɓɛ, zang bee nung ɓiɓɛ kagn nɛɛ, “Kpanti ɓɔɔ ka yuu rɛɛ kpanti nandon ɓɛɛ, kpanti roonang ɓiɓɛ ɓa ɓɔɔ kpanti piti.”

Vuu ɓɔɔ zang nwangsɛ Yɔhana 3:21

Zang ɓɔɔ nɛɛ shii gbãng gbãng, nɛɛ ɓa yuu vuu gãsɛnang, n kasɛ tɔ, wu naa nwang nɛɛ n, ka laa kpanti roonang mɛɛ. Naa ɓɔɔ n ɓa yuu vuu gãsɛnang ka tĩng, n naa nwàng nɛɛ Daa mɛɛ ka laa kpanti roonang ɓiɓɛ ɓɛɛ.

Vuu ɓɔɔ zang nwangsɛ Yɔhana 5:12

Ri gaa soo ri mɛɛ nyaa nabm nɛɛ, “Jaa Mɛ̀ɛrɛ́ ɓɔɔ bɛ̀ɛ́ zang nyɔ wu vɔrɔ ɓɛɛ, daa naa ɓɔɔ zang a wu naa vuu palɛnang tɔ, nɛɛ vuu naa, nɛɛ zũnang, nɛɛ kaka, nɛɛ bannang, nɛɛ dɔɔnang a ɓɔɔ zɔ̃ɔrɔnang.”