Filipi 2:8 - Nyaa Shɔɔ Ɓɔɔ Laa a Ɓɛɛ

⁸ Ka ɓɔɔ wu shɔnzang, sɔɔrɔ yuu ɓiɓɛ ka dii a ti kasɛ nɛɛ zang nyɔ wu vɔrɔ. Vɔ vɔrɔ ɓɔɔ zang ɓaa zang naa ka laa ɓɛɛ.

Filipi 2:8 Σταυροειδείς Αναφορές

Matiyu 17:2

A bii Yeesɔ risi kaa naa ɓɔɔgn ka jĩng ɓarɛ. Waa nyaating ɓiɓɛ kɔlɔ kaa naa làa, a fɔ̃ɔrɔ ɓiɓɛ ti risi nwang ka puru shãa shãa.

Matiyu 26:39

Yeesɔ daa tɔ ka tĩng tɔkɔlɔng, a zuu kaa nɛɛ buru ka tipi, a gaa Kpanti Laa tɔɔ, “Daa mɛɛ, gbalang nɛɛ kagn, kɔsɔ m jĩng dannang keɓe katɔ. Palɛ vuu ɓɔɔ yeti ɓaaɓɛ kasɛ ɓɛɛ, wu vuu ɓɔɔ yeti mɛɛ kasɛ ɓɛɛ kpang.”

Matiyu 26:42

A Yeesɔ ti paarɛ tɔkn, daa gaa Kpanti Laa tɔɔ, “Daa mɛɛ, mɔɔ nɛɛ tɔɔ jĩng dannang keɓe wu ɓa kpang, n dàng katɔ, wu ti nwang naa ɓɔɔ mɔɔ kasɛ ɓɛɛ.”

Luka 9:29

Gaa Laa doo naa, a waa nyaating ɓiɓɛ risi kaa naa ɓɔɔgn. Fɔ̃ɔrɔ ɓiɓɛ nwang kaa puru shãa shãa.

Yɔhana 10:18

Zang ɓɔɔ nyɔ m vɔrɔ kagn gbete kpang. Nkɔ kàsɛ́ zang nyɔ m vɔrɔ, nkɔ ti kàsɛ́ n nwang ningkãari tɔkn. Wee vuu ɓɔɔ Daa mɛɛ kasɛ nɛɛ n palɛ ɓɛɛ kɔ.”

Yɔhana 14:31

N kasɛ nɛɛ zang koo keɓe ri zirɛ nɛɛ n kasɛ ruu Daa katɔ, ka ruu nɔngkɔ, n palɛ vuu piti naa ɓɔɔ wu kɔɔ m nɛɛ n palɛ ɓɛɛ. Nɔɔ yupaa ta ruu daa nɔɔ.

Yɔhana 15:10

Naa nɔɔ ta nyaa ɓɔɔ n dang nɔɔ ɓɛɛ kpang, n kàsɛ́ nɔɔ katɔ sasak. Naa ɓɔɔ n ta rɛɛ nyaa ɓɔɔ Daa mɛɛ dang m kpang, a ti kasɛ m sasak ɓɛɛ.

Yɔhana 4:34

Yeesɔ kɔɔ ri tɔɔ, “Vuu shaanang mɛɛ ɓi palɛnang vuu ɓɔɔ zang ɓɔɔ shong m kasɛ ɓɛɛ, ń ti hangsɛ shonang ɓɔɔ wu a m ɓɛɛ.

Zang Shonang Yeesɔ 8:33

Zang pálɛ́ wu vuu yusɛ̃ɛ a zang ɓɔɔ ti jɛ̃̀ɛ́ wu ruu tɔ̃ɔ kpang. Zang ɓɔɔ zunung ɓɔɔ wu kɔɔ zang ruu ka yuu zɔ̃ng ɓiɓɛ kpang. Ka ruu ɓɔɔ, zang nyɔ wu vɔrɔ bɛ̀ɛ́ diki ɓiɓɛ ka koo keɓe waa nyaa gn kpang ɓɛɛ.

Rooma 5:19

Naa ɓɔɔ zang gbete ta nyaa dannang Laa, a shingnɛ zang dɔɔli ri raa zang ɓɔɔ ri palɛ vuu shi kpang tɔ ɓɛɛ. Doo nɔngkɔ, zang gbete dũng nyaa Laa, a naa shingnɛ zang dɔɔli ri nwàng zang tɔ̃ɔ ka tĩng Laa.

2 Koranti 8:9

Nɔɔ zi tɔ̃ɔ ɓɔɔ Kpanti ɓuru Yeesɔ Kirisi pàlɛ̀ ruu ɓɛɛ tɔ. Yeesɔ ɓi jaa ying ka vuu suru, a risi yuu ɓiɓɛ nwang zang ɓɔɔ vuu ka naa ɓiɓɛ kpang ka ruu manɛ, nɛɛ tɔ̀ɔ, nɔɔ nwang wujɛ ying kati.

Galati 3:13

Yeesɔ Kirisi ta yuu ɓuru tɔ, ka nyaa ɓɔɔ Laa nɛɛ kù ruu, ka ruu ɓɔɔ, ruu dũng nyaa dannang kpang ɓɛɛ. Ka ruu ɓɔɔ, Laa kù Kirisi nyaa jong ka nung ɓɔɔ wu nɛɛ kù ruu ɓɛɛ. Ka ruu ɓɔɔ, zang bee ka yeti labeenang Laa tɔɔ, “Zang ɓɔɔ zang nɛɛ haatɛ wu ka lapa, Laa ku wu nyaa tɔ ɓɛɛ.”

Titu 2:14

Yeesɔ a yuu ɓiɓɛ ka ruu ɓuru nɛɛ wu ta ruu nɛɛ naa vuu shi kpang nandon. Wu shing ruu, ruu nwang zang ɓiɓɛ kɔ bm gbete. Wu shing rùu rúu nwang zang ɓɔɔ ri kpalɛ bii tɔ, nɛɛ ri palɛ vuu ɓɔɔ tɔ̃ɔ ɓɛɛ.

Yahudi 12:2

Ruu shing nɔɔ jĩng ka bii Yeesɔ ɓɔɔ wukɔ tusu ruu naa ɓɔɔ ruu shing danggn, ti shingnɛ danggn shinnang ɓuru wu nwang nyaa kiiri ɓɛɛ. Zang ɓɔɔ, ka ruu tĩnang ɓɔɔ Laa naa a wu ka tĩng, mã danggn ka ɓɔɔ zang ɓaa wu naa ka laa ɓɛɛ. Yee laa ka yusɛ̃ɛ náa ɓɔɔ zang ɓaa wu ɓɛɛ kpang, a daa nwàng ka nakn laa nwannang Kpanti Laa.

Yahudi 12:4

Ka ɓɔɔ nɔɔ táarɛ̀ yuu nɛɛ vuu shi kpang, nɔɔ shii bang gn daa naa ɓɔɔ zang nyɔ nɔɔ vɔrɔ ɓɛɛ kpang.

1 Bituru 2:24

Yeesɔ ta vuu shi kpang ɓuru ɓɔɔ ruu palɛ ɓɛɛ ka yuu ɓiɓɛ, ka ɓɔɔ zang ɓaa wu naa ka laa ɓɛɛ. Nɛɛ tɔ̀ɔ, ruu yi tĩng tɔ̀ɔ́ nɛɛ vuu shi kpang palɛnang kpang. Ruu nwángnɛ́ ruu pálɛ́ kaa vuu tɔ̃ɔ. Kɔnang ɓuru valɛ tɔ nandon, ka ruu nyaa vuu waa ɓɔɔ zang shĩili wu ka bii ɓɛɛ.

1 Bituru 3:18

Yeesɔ Kirisi nɛɛ yuu ɓiɓɛ dàng jĩng, ka ruu vuu shi kpang ɓuru a hangsɛ shonang keɓe doo gbete. Zang ɓɔɔ ɓi zang tɔ̃ɔ ka tĩng Laa, vɔ ka ruu zang ɓɔɔ ri palɛ ɓarɛ vuu ɓɔɔ daa bii kpang ɓɛɛ. Nɛɛ tɔ̀ɔ, wu atɛ ruu ka bii Laa. Zang ri nyɔ wu vɔrɔ, a Laa wisi wu paa nɛɛ sàa tɔkn.