Filipi 2:2 - Nyaa Shɔɔ Ɓɔɔ Laa a Ɓɛɛ

² N gaa nɔɔ katɔ rɛ̃rɛnang manɛ wu daa gbete, nɔ́ɔ kasɛ ruu zɔɔ katɔ, nɔ́ɔ ti ɓakɛ yuu nɛɛ zɔɔ, nɔ́ɔ kasɛ nyaa zɔɔ katɔ, tɔ̀ɔ, n tãa tĩnang kaa nyaa kiiri.

Filipi 2:2 Σταυροειδείς Αναφορές

Yɔhana 3:29

Sinyɛ ɓeevɛ ɓi wukɔ zang sinyɛ. Sinyɛ ɓeevɛ ɓeesang ɓɔɔ shiiyi, ɓaa shoo, tãa tĩnang dɔɔli nɛɛ tãa yee sinyɛ ɓeevɛ tɔ ɓɛɛ. N tãa tĩnang m doo nɔngkɔ. Tĩnang mɛɛ ti daa ɓi tɔ kiiri.”

Zang Shonang Yeesɔ 1:14

Ri kpálɛ̀ zɔɔ diki diki, ri gaa Laa nɔng gbete nɛɛ rɛɛ zang soro ɓɔɔ kagn, nɛɛ Marayamu nàá Yeesɔ, nɛɛ rɛɛ jaa nàá Yeesɔ ɓɔɔ varɛ.

Zang Shonang Yeesɔ 2:1

Diki Pentiku naa arɛ, a zang ɓɔɔ ri shíng danggn tɔ, ri kpalɛ zɔɔ ka nɔng gbete.

Zang Shonang Yeesɔ 2:46

Ri kpálɛ̀ zɔɔ ka Gãa Laa diki diki. A ri ti shaa vuu ɓarɛ ka nyaa zɔɔ ka gãa ɓarɛ. Ri shaa vuu shaanang, ri tãa tĩnang, ri ti ta zɔɔ nɛɛ yeti gbete.

Zang Shonang Yeesɔ 5:12

Rɛɛ zang shonang Yeesɔ, ri palɛ vuu ɓɔɔ zang zirɛ zang mã naa ka danggn dɔɔli ka teteng zang. A zang ɓɔɔ ri shíng danggn tɔ ri kpálɛ́ zɔɔ diki diki ka nɔng gbete, ka nɔng ɓɔɔ zang ɓaa nɛɛ Putali Sulemanu ɓɔɔ ka Gãa Laa ɓɛɛ.

Rooma 12:16

Nɔɔ gãng jĩng ka zang ɓɔɔ, naa ɓɔɔ nɔɔ gãng jĩng ka yuu manɛ ɓɛɛ. Nɔ́ɔ tuu yuu manɛ kpang. Nɔɔ ɓakɛ̀ yuu manɛ nɛɛ zang ɓɔɔ ri zang bang bang kpang. Nɔɔ rɛ̃̀rɛ̀ kpang nɛɛ nɔɔ zũng manɛ katɔ kpang.

1 Koranti 1:10

Manzung, n gaa nɔɔ ka ruu Kpanti ɓuru Yeesɔ Kirisi, nyaa manɛ wu daa gbete, ka vuu ɓɔɔ nɔɔ kɔɔ ɓɛɛ. Nɔ́ɔ ti kusu zɔɔ kpang. Rɛ̃rɛnang manɛ wu daa gbete, nɔ́ɔ ti palɛ vuu gbete.

2 Koranti 13:11

Manzung ɓɔɔ ri dũng doo Laa kɔ ɓɛɛ, n di nyaa labeenang keɓe nɛɛ, “Laa wu nwang nɛɛ nɔɔ.” Nɔɔ palɛ vuu ɓɔɔ shingnɛ nɔɔ nwang nyaa kiiri ɓɛɛ, nɔ́ɔ ɓaa shoo ka vuu ɓɔɔ n kɔɔ nɔɔ ɓɛɛ, nyaa manɛ wu daa zɔɔ gbete, a nɔ́ɔ ti nwang ka nyaa zɔɔ. Laa ɓɔɔ kàsɛ̀ ruu zang katɔ, a ti shingnɛ zang ri nwáng ka nyaa zɔɔ, naa nwang ditɔ nɛɛ nɔɔ.

2 Koranti 2:3

Ka ruu nɔngkɔ, n bèe nɔɔ labeenang kaɓa. N kasɛ kpang n a ka bii manɛ, yeti wu lasɛ m nɛɛ nɔɔ ɓɔɔ nɔkɔ nɛ̀ɛ́ shing m, n tãa tĩnang ɓɛɛ kpang. Ka ruu ɓɔɔ, n zi tɔ ka yeti mɛɛ, n nɛɛ tãa tĩnang tɔ, nɔɔ piti nɔɔ tãa tĩnang tɔ jong.

2 Koranti 7:7

Wu anang ɓiɓɛ kɔ shɛ̃ɛning shingnɛ yeti ɓuru valɛ kpang, ɓɔɔ ti kaa ruu naa ɓɔɔ nɔɔ mã wu danggn, ɓɔɔ wu kɔɔ ruu ɓɛɛ. Kɔɔ ruu naa ɓɔɔ nɔɔ kasɛ m zinang katɔ gbãng gbãng ɓɛɛ, a yeti ti lasɛ nɔɔ tɔ, ka ruu ɓɔɔ, nɔɔ lasɛ m yeti ɓɛɛ. Nɛɛ nɔɔ kasɛ tɔ kati, nɔɔ ta m nyaa kaa tɔ. Kãntang keɓe n tãa kaa tĩnang gbãng gbãng.

Filipi 1:4

Ka laa ɓɔɔ n gàá Laa piti ka yuu manɛ nandon, n tãa tĩnang dɔɔli.

Filipi 2:16

Tɔ̀ɔ, nɔ́ɔ ti kɔɔ zang ruu ɓɔɔ a zang suru bii ɓɛɛ. Naa nɔɔ palɛ nɔngkɔ, ka diki ɓɔɔ Yeesɔ Kirisi naa gbãayu, n naa tãa tĩnang, ka ruu ɓɔɔ, n naa zi kaa wukɔ nɛɛ n nyɔ bii ka nɔng shonang ka dalɛ waati kpang ɓɛɛ.

Filipi 2:20

Timoti kɔ gbete, rɛ̃rɛnang ɓiɓɛ daa gbete nɛɛ ɓɔɔ mɛɛ, wukɔ ti kasɛ ruu manɛ gbãng gbãng.

Filipi 4:2

Ruu ɓɔɔ n kɔ̀ɔ́ Afodiya nɛɛ Sitiki keɓe. N gaa ri gbãng gbãng, n zɔ̃ɔrɔ ri katɔ, ri nwang ka nyaa zɔɔ, ka ruu ɓɔɔ, ri ɓarɛ zang Kpanti Yeesɔ ɓɛɛ.

Kolosi 2:5

Ka ruu ɓɔɔ, naa wee n nɛɛ nɔɔ kpang ɓee, n nɛɛ nɔɔ ka suru. N tãa tĩnang ka ɓɔɔ n zi naa ɓɔɔ nɔɔ palɛ vuu teetee, a nɔɔ ti shii gbãng gbãng ka danggn ɓɔɔ nɔɔ shing ka bìí Kirisi ɓɛɛ.

2 Tesalonika 2:13

Rɛɛ manzung, ruu zã́a Laa katɔ ka diki kiya piti, ka ruu manɛ, ɓɔɔ Laa kasɛ nɔɔ katɔ ɓɛɛ. Ka ruu ɓɔɔ, Laa zɔ̃ng nɔɔ nɛɛ wu ta yuu manɛ kɔ shɔɔnang ɓɛɛ. Nɛɛ wu ta yuu manɛ nɛɛ naa vuu palɛnang Suru ɓiɓɛ, tɔ̀ɔ wu shing nɔɔ, nɔɔ nwang zang Laa, a ɓɔɔ kaa ruu danggn ɓɔɔ nɔɔ shing ka ruu ɓɔɔ niizang ɓɔɔ ka yuu Kpanti ɓuru Yeesɔ Kirisi ɓɛɛ.

2 Timoti 1:4

N nɛɛ kpaa danggn miiri ɓɔɔ mɔɔ tɛ̃ɛ tɔ, n kasɛ n zi jĩng ɓaaɓɛ, tɔ̀ɔ, n tãa tĩnang kaa gbãng gbãng.

Filimon 1:20

Masang ɓɔɔ n kasɛ mɔɔ dɔɔli ɓɛɛ, n gaa Laa, mɔɔ palɛ m tɔ̃ɔ keɓe jong, ka ruu kpanti ɓuru. Shing m yeti mɛɛ wu valɛ, ka ruu ɓɔɔ, mɔɔ manzung ka ruu danggn ɓɔɔ ruu shing ka bii Yeesɔ ɓɛɛ.

2 Yɔhana 1:4

Ɓɔɔ n zi wujɛ ɓaaɓɛ ɓɔɔgn, ri dũng ruu ɓɔɔ niizang, naa ɓɔɔ Daa ɓuru dang ruu nyaa, n tãa tĩnang dɔɔli.

3 Yɔhana 1:4

Tĩnang ɓɔɔ n tã̀á kagn ɓɔɔ ɓa ɓɔɔ zang naa kɔɔ m nɛɛ, wujɛ mɛɛ dũng ruu ɓɔɔ niizang, kagn kpang.