Filipi 1:7 - Nyaa Shɔɔ Ɓɔɔ Laa a Ɓɛɛ

⁷ Daa naa ɓɔɔ n rɛ̃rɛ zɔ̃ng rɛ̃rɛnang keɓe tɔ ka yuu manɛ nandon, ka ruu ɓɔɔ, n kasɛ ruu manɛ katɔ ka yeti mɛɛ dɔɔli ɓɛɛ. Ka ruu ɓɔɔ, nɔɔ nɛɛ n, ruu zi tɔ̃ɔ ɓɔɔ Laa palɛ ruu ka nyaa zɔɔ tɔ. Kãntang kɔ wee zang mã m ka sãa, a ɓɔɔ ti ka laa ɓɔɔ n shii ka nɔng ɓɔɔ zang jɛ̃ɛ zang ruu ɓɛɛ. N tusu zang nɛɛ Ruu Tɔ̃ɔ Laa ɓi niizang kɔ nwani ɓɛɛ.

Filipi 1:7 Σταυροειδείς Αναφορές

Zang Shonang Yeesɔ 20:23

Suru Laa shaarɛ m nyaa ka gari ɓɔɔ n daa kagn piti, nɛɛ zang daa mã m ka sãa, zang ti dang m jĩng.

Zang Shonang Yeesɔ 21:33

Zang bang sɔɔja bìí daa ka bii Bulu naabm a yi wu. Kɔɔ zang nɛɛ zang ri mã wu nɛɛ soo saka ziti. A hɛ̃ɛ zang nɛɛ, “Yɔɔ keɓe ɓu wiya, á palɛ zang viya?”

1 Koranti 13:7

Zang kasɛnang yaa vuu nyaa ka gbalang kpang, shing danggn ɓi sasak, yaa gn naa ka vuu kpang, mã danggn ka vuu piti.

1 Koranti 9:23

N palɛ vuu keɓe piti ka ruu, Ruu Tɔ̃ɔ Laa. Tɔ̀ɔ, n naa walɛ tɔ̃ɔ ɓɔɔ a ka bii zang ka ruu Ruu Tɔ̃ɔ Laa kaa jong.

2 Koranti 3:2

Nɔɔ nɛɛ yuu manɛ, nɔkɔ labeenang ɓɔɔ kɔɔ zang ruu ka yuu ɓuru ɓɛɛ. Labeenang keɓe, zang bèe ka yeti manɛ tɔɔ, zang piti ri zi kati, ri ti gãrɛ.

2 Koranti 7:3

N kɔɔ vuu keɓe nɛɛ, tɔ̀ɔ, n dɔng nɔɔ ruu kpang. Ka ruu ɓɔɔ, naa ɓaasi n kɔ̀ɔ ɓɛɛ, ruu kasɛ nɔɔ dɔɔli, ka ruu nɔngkɔ, naa ruu vɔ doo katɔ, naa ruu doo ningkãari, ruu ɓuru nɛɛ nɔɔ nɔng gbete.

Galati 5:6

Ruu nɛɛ ɓakɛ yuu tɔ nɛɛ Yeesɔ Kirisi, naa ruu yee shaa katɔ, naa ruu yee doo kpang, palɛ vuu ɓɔɔ ɓi kpang tingkiring. Vuu ɓɔɔ zang kasɛ ɓi danggn shinnang ɓɔɔ shing mɔɔ, mɔɔ kasɛ zang ɓɛɛ.

Afisa 3:1

Ka ruu vuu keɓe kɔ, n gàá Laa, nkɔ Bulu ɓɔɔ zang mã m ka sãa ka ruu Yeesɔ Kirisi, ka ruu manɛ, zang ɓɔɔ ri zang Isirela kpang ɓɛɛ.

Afisa 4:1

Ka ruu nɔngkɔ, ǹ ɓɔɔ, zang mã m ka sãa ka ruu ɓɔɔ ǹ palɛ Kpanti Yeesɔ shonang ɓɛɛ, n kɔ̀ɔ́ nɔɔ, nɔɔ nwang nwannang ɓɔɔ daa naa nyaa ɓaanang ɓɔɔ Laa ɓàa nɔɔ ɓɛɛ.

Afisa 6:20

Zang shong m ka ruu Ruu Tɔ̃ɔ keɓe kɔ, a zang mã m ka sãa. Ka ruu nɔngkɔ, nɔɔ gaa m Laa, wu shingnɛ, n rang yee keɓe naa ɓɔɔ n kasɛ ɓɛɛ, n kaa vɔrɔ kpang.

Filipi 1:12

Manzung ɓɔɔ ri dũng doo Laa kɔ ɓɛɛ, n kasɛ, nɔɔ zirɛ nɛɛ vuu kɔ palɛ m ɓee, shingnɛ Ruu Laa daa ɓi nɛɛ tĩng kɔ jong.

Filipi 1:13

Vuu keɓe kɔ shingnɛ sɔɔja nandon ɓɔɔ ri gã gãa kpanti Rooma nɛɛ zang ɓɔɔ nandon, ri zi kati nɛɛ zang mã m ka sãa, ka ruu ɓɔɔ, n dũng Kirisi ɓɛɛ.

Filipi 1:14

Mãnang kɔ zang mã m ka sãa ɓee, mã̀ rɛɛ manzung mɛɛ ɓɔɔ ri dũng doo Laa kɔ danggn tɔ ka gbalang kpanti Yeesɔ. Ri kɔɔrɔ zang Ruu Laa kana gbãng gbãng ri kaa vɔrɔ takpang.

Filipi 1:5

Ka ruu ɓɔɔ, nɔɔ yì m naa ka bii ka ɓɔɔ n kɔɔrɔ zang Ruu Tɔ̃ɔ Laa ɓɛɛ. Nɔɔ yì m naa kagn ka ɓɔɔ n gáayú ɓɛɛ, à nɛɛ mani kãntang keɓe.

Filipi 2:22

A nɔɔ nandon, nɔɔ zi tɔ nɛɛ Timoti tusu tɔ nɛɛ wu ɓi zang tɔ̃ɔ. N nɛɛ wu, ruu kɔɔrɔ zang Ruu Tɔ̃ɔ Laa ka nyaa zɔɔ. Ka shonang kɔ ruu palɛ ɓee, dũng m, naa ɓɔɔ jaa dũng daa ɓiɓɛ ɓɛɛ.

Filipi 4:14

Naa doo nɔngkɔ, nɔɔ palɛ tɔ̃ɔ ka ɓɔɔ nɔɔ yi m naa ka bii ka ɓɔɔ n dàng jĩng ɓɛɛ.

Filipi 4:15

Nɔɔ zang Filipi, nɔɔ nɛɛ yuu manɛ nɔɔ zi tɔ, nɛɛ ka diki ɓɔɔ n gaayu ɓɔɔ n kɔɔrɔ zang ruu tɔ̃ɔ Laa, n gaayu nɛɛ laa ɓɔɔ n yupaa n yaa Makidoniya ɓɛɛ, nɔkɔ yi m naa ka bii shɛ̃ɛning. Zang ɓɔɔ ri dũng Laa ɓɔɔ, ri ɓakɛ yuu nɛɛ n, ka nɔng zɔɔ vuu alɛnang nɛɛ talɛnang, kpang.

Filipi 4:3

N gaa mɔɔ katɔ, zang ɓɔɔ palɛ shonang nɛɛ n, a ti ɓaa shoo ka nyaa mɛɛ ɓɛɛ. Mɔɔ yì rɛɛ zang soro keɓe naa ka bii, ka ruu ɓɔɔ, ri nɛɛ n, ruu palɛ shonang, a ruu ti dang jĩng nɛɛ zɔɔ, ka ɓɔɔ ruu, kɔɔrɔ zang Ruu Tɔ̃ɔ Laa ɓɛɛ. Naa ɓɔɔ Kilema nɛɛ rɛɛ wusang shonang mɛɛ, ɓɔɔ Laa bée nung ɓarɛ tɔ nandon ka yeti labeenang ɓiɓɛ, ɓɔɔ wu beere nung zang ɓɔɔ ri walɛ suru bii ɓɔɔ waa nyaa kpang tɔ, kagn ɓɛɛ.

Kolosi 4:18

Nkɔ Bulu, n bèe nyaa jeerenang keɓe nɛɛ naa mɛɛ. Danggn wu ning nɔɔ kpang, nɔɔ gàa m Laa katɔ, ka ruu ɓɔɔ, n doo ka sãa ɓɛɛ. Laa wu pàlɛ̀ nɔɔ tɔ̃ɔ.

Kolosi 4:3

Nɔɔ ti gàa rùu Laa jong, tɔ̀ɔ, Laa wu pùu ruu gbalang tɔ̃ɔ jong, ruu rang zang yee ɓiɓɛ. Ruu kɔ̀ɔ zang vuu ɓɔɔ bɛ̀ɛ́ zang waasɛ katɔ ka yuu Kirisi ɓɛɛ. Ka ruu ɓɔɔ, wee zang mã m ka sãa kãntang ɓee, zang mã m ka ruu vuu keɓe kɔ ɓɛɛ.

1 Tesalonika 5:5

Nɔɔ nandon, nɔɔ manɛ zang nɔng ɓɔɔ yakɛ katɔ ɓɛɛ, nɔɔ manɛ zang nɔng laagɛ̃. Ruu nandon, ruu nwang ɓuru naa zang nɔng zĩi nɛɛ nɔng ɓɔɔ tɔ̀ɔ katɔ ɓɛɛ kpang.

2 Timoti 1:8

Ka ruu nɔngkɔ, yusɛ̃ɛ wu tuu mɔɔ ka nɔng ɓɔɔ mɔɔ kɔɔ ruu ka yuu Kpanti ɓuru Yeesɔ kpang. Yusɛ̃ɛ wu ti tuu mɔɔ ka yuu mɛɛ ɓɔɔ zang mã m ka sãa ka ruu Kirisi ɓɛɛ kpang. Dang jĩng jong ka ruu Ruu Tɔ̃ɔ Laa, naa ɓɔɔ n dang ɓɛɛ, nɛɛ kaka ɓɔɔ Laa a mɔɔ ɓɛɛ.

2 Timoti 2:9

Ka ruu ɓɔɔ, n kɔɔrɔ zang Ruu Tɔ̃ɔ Laa, n dang jĩng, a zang ti mã m nɛɛ saka, mɔɔ kɔɔ nɛɛ ǹ zang ɓɔɔ palɛ vuu shi kpang ɓɛɛ. A zang mã Ruu Laa bìí, ɓi kaa tɔ̀ɔ́ katɔ kpang.

Filimon 1:13

Bɛ̀ɛ́ n kasɛ n tɔɔ wu nwang nɛɛ n ka nihn, wu pàlɛ̀ m shonang ka nung ɓɔɔ mɔɔ nɛɛ pàlɛ̀ m ɓɛɛ. Ka wee n nwang ka sãa ka ruu Ruu Tɔ̃ɔ Laa ɓɔɔ n kɔɔrɔ ɓɛɛ ɓee.

Yahudi 3:1

Ka ruu nɔngkɔ, rɛɛ manzung ɓɔɔ nɔɔ doo zang Laa kɔ ɓɛɛ, ɓɔɔ Laa ɓáa nɔɔ nyaa tɔ jong ɓɛɛ. Nɔɔ shing rɛ̃rɛnang manɛ ka bii Yeesɔ, ɓɔɔ wukɔ zang shonang nɛɛ kpanti zang ɓɔɔ ri dɔɔ vuu ka Gãa Laa ɓɔ̀ɔ́ danggn kɔ ruu shing ɓee.

1 Bituru 4:13

Nɔ́ɔ tãa tĩnang kɔ jong, ka ruu ɓɔɔ nɔɔ kpalɛ yuu manɛ doo ka jĩng dannang ɓɔɔ Kirisi dang ɓɛɛ kɔ. Ka ruu ɓɔɔ, ka diki ɓɔɔ zang nɛɛ tusu bannang ɓiɓɛ tɔ, nɔɔ tãa tĩnang kaa dɔɔli.

1 Bituru 5:1

Ruu ɓɔɔ n kɔɔ rɛɛ zang bang Gãa Laa ɓɔɔ ri ka teteng manɛ kagn. N m doo zang bang kɔ. N zi jĩng ɓɔɔ Kirisi dang ɓɛɛ nɛɛ jĩng mɛɛ. N ti naa walɛ bannang jong nɛɛ nɔɔ ka diki ɓɔɔ Laa naa a ruu bannang keɓe ɓɛɛ. Ka ruu nɔngkɔ, n gaa nɔɔ n tɔɔ nɔ́ɔ,

2 Bituru 1:13

Ka wee n dòo ningkãari ka koo ɓee, n zirɛ tɔ̃ɔ, ń kpàarɛ̀ nɔɔ danggn rɛɛ vuu keɓe, tɔ̀ɔ nɔ́ɔ kpalɛ bii diki diki.

1 Yɔhana 3:14

Ruu zi tɔ nɛɛ ruu ɓuru tɔ̀ɔ́ ka naa vɔrɔ kpang. Ruu ɓuru kaa zang ningkãari, ka ruu ɓɔɔ, ruu kasɛ ruu zɔɔ ɓuru katɔ ɓɛɛ. Zang ɓɔɔ kasɛ ruu ɓeezung kpang, ɓi dòo ka naa vɔrɔ.