Afisa 4:14 - Nyaa Shɔɔ Ɓɔɔ Laa a Ɓɛɛ

¹⁴ Tɔ̀ɔ ruu nwàng kaa tɔ̀ɔ́ naa wujɛ ɓɔɔ zang ráarɛ̀ ri yuu, nɛɛ vuu ɓɔɔ zang ɓɔɔ ri nwãarɛ zang, ri tusu ɓɛɛ kpang. Zang sèé keɓe, ri shing zang, zang ri palɛ vuu shi kpang nɛɛ zũnang ɓɔɔ ri nwangsɛ nɛɛ yeti ɓarɛ ɓɛɛ.

Afisa 4:14 Σταυροειδείς Αναφορές

Matiyu 11:7

Zang ɓɔɔ ri mantɛ vuu ka bii Yɔhana naa seepaa daanang tɔ, a Yeesɔ naa kɔɔ zang dɔɔli ɓɔɔ ri kpalɛ zɔɔ ka bii ɓiɓɛ ruu Yɔhana kati. Yeesɔ tɔɔ, “Nɔɔ dàa ɓu vi zinang ka jĩngti viya? Lagaa ɓɔɔ jasung zĩiti ɓɛɛ ya?

Matiyu 24:11

Zang ɓɔɔ ri suu sèé nɛɛ ri zang nyaa shonang Laa, ri naa arɛ ri nwãarɛ zang dɔɔli.

Matiyu 24:24

Ka ruu ɓɔɔ, zang ɓɔɔ ri ɓaa yuu ɓarɛ nɛɛ Kirisi, nɛɛ zang ɓɔɔ ri suu sèé nɛɛ ri zang nyaa shonang Laa naa alɛ ditɔ, ri tusu vuu bang bang ɓɔɔ zang zirɛ, zang mã naa ka danggn, nɛɛ tɔɔ ri nwãarɛ zang kati. Naa ri zunung zang ɓɔɔ Laa shɛ̃ɛrɛ ri nwãarɛnang katɔ, ri nɛɛ nwáarɛ̀ ri katɔ.

Zang Shonang Yeesɔ 23:21

Mɔɔ kàsɛ̀ ɓaa kpang, ka ruu ɓɔɔ, zang kagn ri ɓa laa ziti katɔ, ri waa ka gbalang ri gã́ wu. Ri tũng zɔɔ vuu nɛɛ, ri nɛɛ nyɔ Bulu vɔrɔ gn kpang, ri shaa vuu shaanang kpang, ri ti ɓoo mii kpang. Ri kpalɛ bii tɔ, ri gã ɓarɛ kaa vuu ɓɔɔ mɔɔ kɔ̀ɔ́ ɓɛɛ.”

1 Koranti 12:2

Nɔɔ zi tɔ nɛɛ ɓeleng bɛ̀ɛ́ nɔɔ shing danggn gn ka bii Kpanti Laa kpang, zang tusu nɔɔ gbalang ka zɔ̃ng zɔ̃ng. Ka ruu nɔngkɔ, nɔɔ bang vaka ɓɔɔ nyaa ɓarɛ nɔɔ katɔ ɓɛɛ.

1 Koranti 14:20

Manzung, nɔɔ rɛ̃rɛ naa wujɛ kpang. Nɛɛ a tɔ ka nɔng shi kpang palɛnang, nɔɔ risi yuu manɛ naa wujɛ ɓɔɔ ri palɛ shi kpang ɓarɛ kpang ɓɛɛ. Nɛɛ a tɔ ka nɔng rɛ̃rɛnang, nɔɔ rɛ̃rɛ kaa rɛ̃rɛnang zang bang.

1 Koranti 3:19

N kɔɔ nɔngkɔ, ka ruu ɓɔɔ, vuu ɓɔɔ zang zili ka koo keɓe nɛɛ ɓi zũnang, ka jĩng Laa ɓi vuu shoko. Vuu ɓɔɔ zang bee ka yeti labeenang Laa niizang kɔ nwani. Zang beeyi nɛɛ, “Laa yi zang ɓɔɔ ri zũng dɔɔli ka nɔng ɓɔɔ ri palɛ zang zũnang ɓɛɛ.”

2 Koranti 2:17

Ruu ɓuru naa zang dɔɔli ɓɔɔ, Ruu Laa nwàng ri ɓarɛ kaa gbalang ɓɔɔ ri kãa vuu shaanang nɛɛ mani ɓɛɛ kpang. Ruu palɛ shonang ɓuru nɛɛ yeti gbete. Ruu kɔɔ Ruu Laa ɓuru naa ɓɔɔ Laa tusu ruu gbalang ɓɛɛ. Naa zang nyaa shonang ɓiɓɛ, a ɓɔɔ kaa naa zang shonang Yeesɔ Kirisi.

2 Koranti 4:2

Rùu dɔ̃ vuu ɓɔɔ zang waasɛ katɔ, nɛɛ vuu yusɛ̃ɛ tɔ piti nɛɛ kaa. Ruu palɛ vuu tɔ̀ɔ́ nɛɛ sèé kpang. Ruu ti risi Ruu Laa tɔ̀ɔ́ wu raa sèé kpang. Ruu kɔɔ rúu ɓɔɔ niizang ka dalɛ, ka tĩng Laa. Ruu kasɛ nɛɛ zang ɓu wu zi ka yeti ɓiɓɛ nɛɛ ruu ɓuru zang tɔ̃ɔ.

Galati 3:1

Ɓɔɔ nɔɔ zang tipi Galati nɔɔ shoko niizang. Ɓu wi zuu nɔɔ jĩng nɔngkɔ wiya? Zang kɔɔ ka shoo manɛ naa ɓɔɔ zang ɓaa Yeesɔ Kirisi naa ka laa a vɔrɛ ɓɛɛ.

Afisa 6:11

Nɔɔ hãlɛ vuu waa sĩiri tanang Laa, ɓɔɔ Laa a nɔɔ nandon, tɔ̀ɔ, nɔɔ shi bang kaa nɛɛ mani ka ɓɔɔ Sheetang naa kãa gbalang ɓɔɔ wu nwãarɛ nɔɔ nɛɛ vuu shi kpang ɓɛɛ.

1 Timoti 3:6

Wu ti zang ɓɔɔ shing danggn ka bii Laa diki bee gn kpang, kpang. Ka ruu ɓɔɔ, nɛ̀ɛ́ tuu yuu ɓiɓɛ dɔɔli, zang nɛ̀ɛ́ dɔng wu ruu naa ɓɔɔ zang dɔng Sheetang ɓɛɛ.

2 Timoti 1:15

Mɔɔ zi tɔ nɛɛ, rɛɛ Figelu nɛɛ Hamɔgini nɛɛ zang ɓɔɔ ri dũng Laa ka tipi Asiya nandon, ri yaa m tɔ.

2 Timoti 3:13

A zang ɓɔɔ ri palɛ vuu shi kpang nɛɛ zang ɓɔɔ, ri tuu waa nyaating zang ɓɔɔ ri palɛ vuu nɛɛ mani ɓɛɛ, ri shaarɛ katɔ, shaarɛnang ɓarɛ daa nɛɛ tĩng kɔ jong. Ri nwãarɛ zang, zang ti nwãarɛ ri.

2 Timoti 4:3

Diki naa a ditɔ, diki ɓɔɔ zang ɓaa shoo ka vuu tɔ̃ɔ ɓɔɔ zang tusu kpang. Ri dũng ɓarɛ vuu ɓɔɔ yeti ɓarɛ kasɛ ɓɛɛ. Ri kpalɛ zang ɓɔɔ ri tusu vuu, nɛɛ ri tùsù ri vuu ɓɔɔ bii sháa ri, rì kasɛ tãanang ɓɛɛ.

Yahudi 13:9

Nɔɔ yáa vuu ɓɔɔ zang tusu, ɓɔɔ ka zɔ̃ng zɔ̃ng, nɛɛ ɓɔɔ nɔɔ tãa gngn kpang, wu shing nɔɔ, nɔɔ ning gbalang kpang. Ɓi tɔ̃ɔ ɓɔɔ Laa palɛ ruu kɔ, mã ruu danggn, wu vuu shaanang ɓɔɔ ruu shaa ka zɔ̃ng zɔ̃ng ɓɛɛ kpang. Vuu shaanang keɓe, ti nwàng zang ɓɔɔ ri shaayi vuu tɔ̃ɔ kpang.

Yakubu 1:6

Zang ɓɔɔ nɛɛ gaa vuu ka naa Laa, wu shing gn gbãng gbãng nɛɛ Laa a wu katɔ. Wu yaa gn naa kpang, ka ruu ɓɔɔ, zang ɓɔɔ gaa vuu yaa gn naa katɔ, nwang ɓi naa mii waapo ɓɔɔ gɔnsɔ zɔɔ a jasung ti rãa wu ɓɛɛ.

Yakubu 3:4

Laana kɔ nɔɔ zirɛ bang ka yuu mii, jasung dɔ̃ ɓee. Jaa saka ɓɔɔ zang ɓɔɔ zaayi raa nyaa ɓiɓɛ nɛɛ mani ɓi tɔkɔlɔng hn. Wu ti zaa nɛɛ mani wu daa ka nɔng ɓɔɔ wu kasɛ ɓɛɛ.

2 Bituru 2:18

Ri rangkɛ yee bang bang ɓɔɔ waati ka yuu ɓarɛ. Ri ti kasɛ ri nwãarɛ zang ɓɔɔ ri kasɛ nɛɛ ri yaa vàá zang ɓɔɔ ri zi gbalang Laa kpang ɓɛɛ. Maalang ɓɔɔ ri tusu zang vuu sèé keɓe, ri kasɛ nɛɛ ri shing zang, zang ri palɛ zɔ̃ng dũndũng piti nɛɛ vuu shi kpang, shi kpang ɓɔɔ ri tãa tĩnang palɛnang doo katɔ kɔ ɓɛɛ.

1 Yɔhana 2:19

Ri nwáng nɛɛ teteng ɓuru, ka ruu ɓɔɔ, bɛ̀ɛ́ ri ɓarɛ zang ɓuru ɓɔɔ niizang kpang kɔ nwani ɓɛɛ. Naa ri nɛɛ zang ɓuru, ri nɛɛ nwàng dòo nɛɛ ruu. Daanang ɓarɛ kɔ tusu zang nɛɛ, zang ɓuru kagn teteng ɓarɛ gbete kpang.

1 Yɔhana 2:26

N bèé nɔɔ vuu keɓe, ka yuu zang ɓɔɔ ri kongso nɛɛ ri nwãarɛ nɔɔ ɓɛɛ.

1 Yɔhana 4:1

Rɛɛ masang ɓɔɔ n kasɛ nɔɔ katɔ dɔɔli ɓɛɛ, nɔɔ shing gn ka zang ɓɔɔ kɔɔyi nɛɛ, Suru Laa kagn bii ɓarɛ kpang. Nɔɔ gãsɛ ri katɔ, nɔɔ zi suru ɓɔɔ ka bii ɓarɛ, nɛɛ ɓɔɔ Laa ɓɛɛ. Ka ruu ɓɔɔ, zang ɓɔɔ ri suu sèé nɛɛ ri zang nyaa shonang Laa, ri nwangsɛ bii tɔ ka koolaa dɔɔli ɓɛɛ.

Yahuza 1:12

Ri nwàng ɓarɛ naa vuu rĩiti, ka teteng manɛ ka nɔng ɓɔɔ nɔɔ shaa vuu shaanang ɓɔɔ nɔɔ tusu zɔɔ nɛɛ nɔɔ kasɛ zɔɔ katɔ ɓɛɛ. Ri lasɛ nɔɔ nɔng nɛɛ vuu ɓɔɔ ri palɛ yusɛ̃ɛ tuu ri kpang ɓɛɛ. Ri gãng jĩng ɓarɛ ka yuu ɓarɛ kɔ shɛ̃ɛning. Ri ɓarɛ naa sãmbong ɓɔɔ mii kagn kpang, jasung rãayi ɓɛɛ. Ri ɓarɛ naa laa ɓɔɔ ra jaa kpang, naa doo nɛɛ guusi ɓɛɛ. Ri nwàng naa laa ɓɔɔ zang ru katɔ nɛɛ dĩiri, a vɔ dɔ̃ɔ gbete ɓɛɛ.

Vuu ɓɔɔ zang nwangsɛ Yɔhana 19:20

A zang yi yɔpɔ jĩngti kaɓa ka nyaa sĩiri, nɛɛ yɔɔ ɓɔɔ suu sèé nɛɛ wu kɔ̀ɔ́ zang Ruu Laa ɓɛɛ. Ɓɔɔ palɛ vuu ɓɔɔ zang zirɛ zang mã naa ka danggn ka tĩng yɔpɔ jĩngti bìí ɓɛɛ. (Nɔɔ nwãarɛ zang nɛɛ mani, a zang ɓang zang vuu yɔpɔ jĩngti ka nyaating. A zang ɓɔɔ ri bang vuu ɓɔɔ zang palɛ nwang wu ɓɛɛ). Zang ziti keɓe zang tasɛ ri ningkãari ka too waa kaɓa ɓɔɔ shaayi, tari ɓɔɔ shaa waa katɔ ti kagn ɓɛɛ.