Afisa 4:12 - Nyaa Shɔɔ Ɓɔɔ Laa a Ɓɛɛ

¹² Pálɛ̀ vuu keɓe nɛɛ tɔ̀ɔ zang ɓɔɔ ri dũng Laa ri kpalɛ bii ka ruu shonang ɓɔɔ ri naa shòng zang ɓɛɛ. Tɔ̀ɔ ri shingnɛ, zang ɓɔɔ ri shing danggn tɔ ka bii Yeesɔ Kirisi, ri zũng danggn kati.

Afisa 4:12 Σταυροειδείς Αναφορές

Luka 22:32

Siman, n gàa mɔɔ Laa tɔ, ka ruu ɓɔɔ, mɔɔ nɛ̀ɛ́ yaa danggn shinnang ka n ɓɛɛ. Mɔɔ nɛɛ a tɔ ka bii mɛɛ tɔkn, mɔ́ɔ yi rɛɛ ɓaazung ɓɔɔ nɔɔ mantɛ vuu nɛɛ ri ka bìí mɛɛ ɓɛɛ naa ka bii, ri shing danggn waasɛ̃.”

Zang Shonang Yeesɔ 1:17

Bɛ̀ɛ́ Yahuda ka teteng ɓuru, ka ruu ɓɔɔ, Yeesɔ zɔ̃́ng wu nɛɛ wu pálɛ́ shonang keɓe jong nɛɛ ruu ɓɛɛ.”

Zang Shonang Yeesɔ 1:25

ɓɔɔ nwáng zang ɓɔɔ mɔɔ shong ɓɛɛ, wu tèng nɔng ɓɔɔ Yahuda yaayi daa ka nɔng ɓɔɔ ɓi wukɔ nɔng ɓiɓɛ ɓɛɛ.”

Zang Shonang Yeesɔ 11:23

Ɓɔɔ daa shɛ̃ɛ nɔng, a zi naa ɓɔɔ Laa á ri tĩnang tãanang tɔ, tãa tĩnang jong. A mã ri danggn nɛɛ ri dũng Laa nɛɛ yeti ɓarɛ nandon.

Zang Shonang Yeesɔ 20:24

N ti tɔɔ m kpang nɛɛ suru bii mɛɛ daa naa vuu ɓɔɔ tɔ kpang. Ǹ kasɛ n palɛ vuu ɓɔɔ zang shong m ɓɛɛ, n ti hangsɛ shonang ɓɔɔ Kpanti Yeesɔ a m nɛɛ n palɛ ɓɛɛ. Shonang ɓɔɔ nɛɛ n kɔɔrɔ zang rúu, ka yuu tɔ̃ɔ ɓɔɔ Laa pàlɛ́ zang ɓɛɛ.

Zang Shonang Yeesɔ 20:28

Nɔɔ gãng jĩng ka yuu manɛ nɛɛ zang ɓɔɔ Suru Laa, a ri nɔɔ ka naa ɓɛɛ waasɛ̃. Nɔɔ nwang jagãng zang ɓɔɔ ri dũng Laa, ɓɔɔ ri nwàng ka ruu ɓɔɔ, wu hoo ri nɛɛ zĩi Jaa ɓiɓɛ ɓɛɛ.

Zang Shonang Yeesɔ 9:31

Ka diki kaɓa, zang ɓɔɔ ri dũng Laa ɓɔɔ ri ka tipi Yahudi, nɛɛ tipi Galili, nɛɛ tipi Samariya nandon, ri tãa tĩnang nwannang ɓarɛ kati. Suru Laa yi ri naa kagn, a mã ri danggn. Ri shang kaa jong ka ɓɔɔ ri nwangnɛ ri a Laa bannang ɓɛɛ.

Rooma 12:5

Ruu doo nɔngkɔ. Ruu dɔɔli, a ruu nwang kaa naa bii gbete kɔ nwani, ka ruu ɓɔɔ, ruu ɓakɛ bii gbete nɛɛ Kirisi ɓɛɛ. Zang ɓu yi zɔɔ naa ka bii.

Rooma 12:7

Nɛɛ tɔɔ, ruu palɛ zɔɔ shonang, ruu palɛ shonang. Zang ɓɔɔ nɛɛ tusu zang vuu, ka vuu ɓɔɔ wu tusu ɓɛɛ.

Rooma 14:19

Ka ruu nɔngkɔ, diki diki, rúu shing jĩng ka vuu ɓɔɔ shingnɛ zang ri nwang ka nyaa zɔɔ ɓɛɛ. Ruu ti yì zɔɔ naa kagn, ruu shing danggn gbãng gbãng.

Rooma 15:14

Manzung ɓɔɔ ri dũng doo Laa kɔ ɓɛɛ, n nɛɛ yuu mɛɛ n zi tɔ, nɔɔ palɛ tɔ̃ɔ dɔɔli. Nɔɔ ti zi vuu ɓɔɔ nɔɔ palɛ tɔ nandon. Nɔɔ zunung naa ɓɔɔ nɔɔ tusu zɔɔ vuu tɔ.

Rooma 15:2

Zang ɓu wu pàlɛ̀ ɓeezung ɓɔɔ dũng doo Laa kɔ, vuu ɓɔɔ shing wu tãa tĩnang ɓɛɛ, wu ti shing wu, wu zũng danggn.

Rooma 15:29

N zi tɔ nɛɛ n nɛɛ a tɔ ka bii manɛ, n shingnɛ Kirisi wu palɛ nɔɔ tɔ̃ɔ gbãng gbãng.

1 Koranti 12:27

Ɓɔɔ manɛ, nɔɔ nandon nɔɔ ɓakɛ zɔɔ tɔ, nɔkɔ manɛ kaa bii Kirisi ɓɔɔ ɓi gbete ɓɛɛ. Zang ɓu ka teteng manɛ, ka bii keɓe kɔ.

1 Koranti 12:7

Suru Laa tusu zang bii ɓiɓɛ ka bm bm, tɔ̀ɔ, zang kaɓa wu yi zang Laa nandon naa kaa jong ka bii.

1 Koranti 14:12

Ka ruu nɔngkɔ, n kɔ̀ɔ́ nɔɔ, wee nɔɔ shing jĩng ka vuu ɓɔɔ Suru Laa alɛ zang ɓee. Nɔɔ shing jĩng ka vuu ɓɔɔ nɔɔ naa yi zang ɓɔɔ ri dũng Laa naa nɛɛ mani ka bii kɔ gbãng gbãng. Tɔ̀ɔ, ri shii kaa nɛɛ kaka kɔ sasak.

1 Koranti 14:14

N kɔɔ nɔngkɔ, ka ruu ɓɔɔ, naa zang gàa Laa nɛɛ nyaa ɓɔɔ zang kpɛ̃ɛrɛ katɔ kpang, ɓi Suru ɓiɓɛ gaa Laa ɓiri. A yeti ɓiɓɛ zi vuu ɓɔɔ wu kɔɔ ɓɛɛ ɓi kaa takpang.

1 Koranti 14:26

Manzung, nɔɔ nɛɛ n kɔɔ nɔɔ ruu biya? Nɔɔ nɛɛ kpalɛ zɔɔ tɔ nɛɛ nɔɔ bang Laa, zang gbete wu tusu soo ɓɔɔ zang gaa ɓɛɛ. Zang gbete wu tùsù zang Ruu Laa. Zang ɓɔɔ wu tùsù zang vuu ɓɔɔ Laa tusu wu ɓɛɛ. Zang ɓɔɔ wu rang yee nɛɛ nyaa ɓɔɔ wu kpɛ̃ɛrɛ katɔ kpang. Zang ɓɔɔ wu ti kɔɔ zang ɓi dĩiri ruu keɓe. Zang ri palɛ vuu piti naa ɓɔɔ yi zang naa ka bii, zang ri zi Ruu Laa kaa gbãng gbãng ɓɛɛ.

2 Koranti 12:19

Nɔɔ rɛ̃rɛ manɛ ɓu nɛɛ, ruu tɔɔ ruu ta yuu ɓuru ka tĩng manɛ ya? Manzung ɓuru, ɓɔɔ ruu kasɛ nɔɔ dɔɔli ɓɛɛ, ruu ráng nɔɔ yee ka tĩng Laa, wee ruu ɓakɛ yuu tɔ nɛɛ Kirisi ɓee. A vuu piti ɓɔɔ ruu palɛ ɓɛɛ, ruu palɛ nɛɛ tɔɔ ruu yi nɔɔ naa ka bii.

2 Koranti 13:11

Manzung ɓɔɔ ri dũng doo Laa kɔ ɓɛɛ, n di nyaa labeenang keɓe nɛɛ, “Laa wu nwang nɛɛ nɔɔ.” Nɔɔ palɛ vuu ɓɔɔ shingnɛ nɔɔ nwang nyaa kiiri ɓɛɛ, nɔ́ɔ ɓaa shoo ka vuu ɓɔɔ n kɔɔ nɔɔ ɓɛɛ, nyaa manɛ wu daa zɔɔ gbete, a nɔ́ɔ ti nwang ka nyaa zɔɔ. Laa ɓɔɔ kàsɛ̀ ruu zang katɔ, a ti shingnɛ zang ri nwáng ka nyaa zɔɔ, naa nwang ditɔ nɛɛ nɔɔ.

2 Koranti 13:9

Ruu tãa ɓuru tĩnang, ruu nɛɛ lakɛ naa ka bii kpang, a kaka manɛ ɓi kagn ɓɛɛ. Ruu gaa ɓuru Laa, nɔ́ɔ nwang nyaa kiiri, ka vuu piti.

2 Koranti 3:8

Bannang Laa nɛɛ tusu bii, ka ɓɔɔ Laa a zang nyaa dannang ɓɔɔ nyɔ zang vɔrɔ katɔ ɓɛɛ naa weɓe. A bannang ɓɔɔ tusu bii ka ɓɔɔ zang nwangsɛ nyaa dannang shɔɔ keɓe, ɓa ɓɔɔ tĩng shɔɔnang kaɓa bannang katɔ kpang ya?

2 Koranti 4:1

Gn ɓuru kɔng Laa, a á ruu shonang keɓe nɛɛ ruu palɛ. Ka ruu nɔngkɔ, ruu yaa gn naa kpang.

2 Koranti 5:18

Ɓi Laa ɓɔɔ risi ruu, ɓɔɔ ruu shing jĩng nɛɛ wu kpang, ruu nwang wusang ɓiɓɛ kɔ, palɛ vuu keɓe nɛ bii Kirisi. A á ruu shonang nɛɛ ruu risi zang ɓɔɔ ta wu, ri nwang wusang ɓiɓɛ.

2 Koranti 6:3

Ruu kasɛ kpang nɛɛ ruu shing zang wu palɛ vuu shi kpang, kpang, ka ruu nɔngkɔ, ruu kasɛ kpang ruu nɔɔ zang ɓɔɔ gbalang kpang.

2 Koranti 7:1

Rɛɛ masang ɓɔɔ n kasɛ nɔɔ dɔɔli ɓɛɛ, Laa a nyaa keɓe nandon ka ruu ɓuru kɔ. Ka ruu nɔngkɔ, ruu yiti yuu ɓuru tɔ̃ɔ. Ruu yaa vuu piti ɓɔɔ shingnɛ, bii nɛɛ yeti ɓuru nwang shi kpang ka tĩng Laa ɓɛɛ. Ruu a Laa bannang, ruu a wu yuu ɓuru, ruu nwáng kaa zang ɓiɓɛ dɔ̃ɔ gbete.

Afisa 1:23

Zang ɓɔɔ ri dũng Laa keɓe ri nwang kaa naa bii ɓiɓɛ. Rikɔ shingnɛ zang ri zi naa ɓɔɔ wu nwang ɓɛɛ dɔ̃ɔ gbete, ɓɔɔ wukɔ hangsɛ nyaa vuu piti ka nɔng piti ɓɛɛ.

Afisa 4:16

Yeesɔ Kirisi kɔ zang bang zang ɓɔɔ ri dũng wu, ɓɔɔ ri nwang kaa naa bii ɓiɓɛ ɓɛɛ. Bii keɓe, Yeesɔ kɔ yiti nɔng gbete, a shing vuu ɓɔɔ ka bii piti ri palɛ shonang tɔ̃ɔ tɔ̃ɔ. Ka ɓɔɔ bii keɓe bangkɛ, wu lakɛ ka naa ɓɔɔ ri kasɛ ruu zɔɔ ɓɛɛ.

Afisa 4:29

Nɔ́ɔ rangkɛ yee sãnsãnrãng takpang. Nɔɔ ráng kaa yee ɓɔɔ yi zang naa katɔ ka bii ɓɛɛ, zɔ̃ng yee ɓɔɔ shing zang, zang bangnɛ ka doo vuu ɓɔɔ zang kasɛ ɓɛɛ. Tɔ̀ɔ, vuu ɓɔɔ mɔɔ kɔɔ ɓɛɛ wu nwàng zang ɓɔɔ ri tãa mɔɔ vuu tɔ̃ɔ kati.

Afisa 4:4

Zang ɓɔɔ ri shing danggn tɔ ka bii Laa, ri kaa bii gbete, a Suru Laa ti gbete, naa ɓɔɔ gn shinnang ɓɔɔ Laa ɓaa nɔɔ nyaa ka ruu ɓiɓɛ ti doo gbete kɔ ɓɛɛ.

Kolosi 1:24

Kãntang keɓe, n tãa kaa tĩnang ka jĩng ɓɔɔ n dang ka ruu manɛ ɓɛɛ. Jĩng kɔ n dang ɓee, hangsɛ ɓi nyaa vuu ɓɔɔ yàa m ka jĩng dannang ɓɔɔ Kirisi shing m, nɛɛ n dang ka ruu zang ɓɔɔ ri dũng wu, ɓɔɔ rikɔ kaa bii ɓiɓɛ ɓɛɛ.

Kolosi 1:28

Ka ruu nɔngkɔ, ruu kɔɔ zang piti, ruu Yeesɔ Kirisi. Ruu shaarɛ zang piti nyaa, a ruu ti tusu ri nɛɛ zũnang ɓuru nandon, tɔ̀ɔ ruu atɛ zang ɓu ka tĩng Laa naa zang ɓɔɔ zũng danggn tɔ, ɓɔɔ ɓakɛ yuu tɔ nɛɛ Yeesɔ Kirisi ɓɛɛ.

Kolosi 4:17

Nɔ́ɔ ti kɔɔ Akipu nɛɛ, “Shing jĩng, mɔɔ hangsɛ shonang ɓɔɔ mɔɔ ta ka bii Kpanti Yeesɔ katɔ.”

1 Timoti 1:12

N zãa Kpanti Yeesɔ Kirisi ɓɔɔ a m kaka, n palɛ shonang mɛɛ nɛɛ mani tɔ. N ti zãa wu tɔ ka ɓɔɔ zirɛ n daa naa tɔ, zɔ̃ng m nɛɛ n shòng wu ɓɛɛ.

2 Timoti 4:11

Ɓi kaa Luka kɔ shɛ̃ɛning nɛɛ n, kãa nɔng Maraku, mɔɔ a nɛɛ wu, ka ruu ɓɔɔ, yi m naa katɔ ka shonang mɛɛ keɓe.

2 Timoti 4:5

Ɓɔɔ ɓaaɓɛ, yiti yuu ɓaaɓɛ waasɛ̃ diki diki, mɔɔ nɛɛ dang jĩng, mã danggn, palɛ ɓaa shonang ɓɔɔ mɔɔ zang ɓɔɔ kɔɔrɔ zang Ruu Tɔ̃ɔ Laa mɔɔ nɛ̀ɛ́ pálɛ̀ ɓɛɛ. Pálɛ́ shonang ɓaaɓɛ nandon naa zang shonang Laa.

Yahudi 13:17

Nɔɔ ɓaa shoo ka nyaa rɛɛ zang bang manɛ, nɔɔ palɛ vuu ɓɔɔ ri kɔɔ nɔɔ ɓɛɛ. Ka ruu ɓɔɔ, rikɔ gãng jĩng ka nɔɔ ɓɛɛ, ri ti naa kɔɔ Laa naa ɓɔɔ ri yiti nɔɔ ditɔ ɓɛɛ. Ri pálɛ́ shonang keɓe nɛɛ tĩnang tãanang, wu nɛɛ yeti lasɛnang kpang. Ka ruu ɓɔɔ, naa ri palɛ nɔngkɔ, nwàng nɔɔ vuu ɓɔɔ kpang ɓɛɛ.

Yahudi 6:1

Ka ruu nɔngkɔ, ruu ɓa nɔɔ vuu tĩng shɔɔnang ɓɔɔ zang tusu ruu ka yuu Kirisi ɓɛɛ, ruu kpɛ̃ɛrɛ kaa vuu ɓɔɔ kpãa katɔ ɓɛɛ, tɔ̀ɔ, ruu zũng danggn kati. Ruu gàa nɔɔ yuu tusunang tɔkn nɛɛ, zang ri kɔ̃sɔ yeti, zang yaa vuu shi kpang palɛnang ɓɔɔ raa zang vɔrɔ, zang ri shing danggn ka bii Laa ɓɛɛ kpang.