Afisa 3:12 - Nyaa Shɔɔ Ɓɔɔ Laa a Ɓɛɛ

¹² Ka yuu ɓɔɔ ruu ɓakɛ nɛɛ wu, a ɓɔɔ danggn ɓɔɔ ruu shing ka bii ɓiɓɛ, ruu daa katɔ ka tĩng Laa, bii zaa ruu kpang. Zang ɓɔɔ ti zãa ruu kpang.

Afisa 3:12 Σταυροειδείς Αναφορές

Yɔhana 14:6

Yeesɔ kɔɔ wu tɔɔ, “Nkɔ gbalang, nkɔ niizang, nkɔ suru bii. Zang ɓɔɔ nɛɛ tɔɔ wu daa bii Daa, sɔɔ nɛɛ bii mɛɛ kɔ gbete.

Rooma 3:22

Laa shíng zang, zang nwáng zang tɔ̃ɔ ka tĩng ɓiɓɛ, ka ruu danggn ɓɔɔ zang shing ka bii Yeesɔ Kirisi ɓɛɛ. Ɓi ɓɔɔ zang piti ɓɔɔ ri shing danggn ka bii Kirisi ɓɛɛ, ka ruu ɓɔɔ, Laa shɛ̃ɛrɛ zang ɓi kpang ɓɛɛ.

Rooma 5:2

Laa pàlɛ̀ ruu tɔ̃ɔ kɔ̀ rùu kagn ɓee, nɛɛ bii ɓiɓɛ kɔ, ka ruu danggn ɓɔɔ ruu shing ɓɛɛ. Ka ruu nɔngkɔ, ruu tãa tĩnang ka wee ruu shing jĩng ka tĩng, nɛɛ Laa naa a ruu bannang ɓiɓɛ jong ɓee.

2 Koranti 3:4

Ruu kɔɔrɔ vuu keɓe, ka ruu ɓɔɔ, Yeesɔ Kirisi shingnɛ, ruu yaa gn naa ka bii Laa kpang ɓɛɛ.

Afisa 2:18

Nɛɛ bii Yeesɔ Kirisi, ruu nandon ruu walɛ gbalang anang ka tĩng Daa nɛɛ bii Suru gbete keɓe.

Yahudi 10:35

Ka ruu nɔngkɔ, nɔ́ɔ yaa gn ɓɔɔ nɔɔ mã ɓɛɛ naa kpang, nwǎng nɔɔ vuu ditɔ bang.

Yahudi 3:6

A Yeesɔ nwáng zang ɓɔɔ zang shing gn katɔ ka bii ɓiɓɛ ka Gãa Laa nandon, ka ruu ɓɔɔ, wu ɓi Jaa ɓɛɛ. Rukɔ Gãa keɓe, ruu nɛɛ yiti danggn ɓɔɔ ruu mãrɛ gbãng gbãng, nɛɛ gn ɓɔɔ ruu shingnɛ kɔ, ruu dɔɔ bii nɛɛ mani ɓee ɓɛɛ.

1 Bituru 3:18

Yeesɔ Kirisi nɛɛ yuu ɓiɓɛ dàng jĩng, ka ruu vuu shi kpang ɓuru a hangsɛ shonang keɓe doo gbete. Zang ɓɔɔ ɓi zang tɔ̃ɔ ka tĩng Laa, vɔ ka ruu zang ɓɔɔ ri palɛ ɓarɛ vuu ɓɔɔ daa bii kpang ɓɛɛ. Nɛɛ tɔ̀ɔ, wu atɛ ruu ka bii Laa. Zang ri nyɔ wu vɔrɔ, a Laa wisi wu paa nɛɛ sàa tɔkn.

1 Yɔhana 2:28

Wujɛ seseere, nɔɔ nwang nɛɛ wu, ka ruu ɓɔɔ nɛɛ nwang nyaa tɔ, ruu naa kaa vɔrɔ kpang ɓɛɛ. Yusɛ̃ɛ ti naa tuu ruu ka tĩng ɓiɓɛ, ka diki ɓɔɔ wu gbãayu ɓɛɛ kpang.

1 Yɔhana 3:21

Masang ɓɔɔ n kasɛ nɔɔ dɔɔli ɓɛɛ, naa rɛ̃rɛnang ɓuru tusu ruu nɛɛ, ruu pálɛ̀ vuu ɓɔɔ shi kpang, kpàng, rùu kaa vɔrɔ ka tĩng Laa kpang.