Afisa 3:1 - Nyaa Shɔɔ Ɓɔɔ Laa a Ɓɛɛ

¹ Ka ruu vuu keɓe kɔ, n gàá Laa, nkɔ Bulu ɓɔɔ zang mã m ka sãa ka ruu Yeesɔ Kirisi, ka ruu manɛ, zang ɓɔɔ ri zang Isirela kpang ɓɛɛ.

Afisa 3:1 Σταυροειδείς Αναφορές

Luka 21:12

Ɓɔɔ diki keɓe à gn kpang, zang yi nɔɔ zang ti dang nɔɔ jĩng. Zang a nɔɔ rɛɛ zang bang bang gãa zɔɔ kpalɛnang, ri jɛ̃ɛ nɔɔ ruu, ri loo nɔɔ ka sãa. Zang daa nɛɛ nɔɔ ka bii kpanti, nɛɛ bii gɔmna, ka ruu ɓɔɔ, nɔɔ ráng yee mɛɛ ɓɛɛ.

Zang Shonang Yeesɔ 21:33

Zang bang sɔɔja bìí daa ka bii Bulu naabm a yi wu. Kɔɔ zang nɛɛ zang ri mã wu nɛɛ soo saka ziti. A hɛ̃ɛ zang nɛɛ, “Yɔɔ keɓe ɓu wiya, á palɛ zang viya?”

Zang Shonang Yeesɔ 23:18

A yɔɔ sɔɔja daa kaa nɛɛ wu ka bii zang bang sɔɔja a kɔɔyi tɔɔ, “Yɔɔ ɓɔɔ ka sãa zang ɓaa wu nɛɛ Bulu ɓɛɛ, ɓa m nyaa kɔɔ m tɔɔ ń atɛ jasang keɓe ka bii ɓaaɓɛ. Nɛɛ vuu ɓɔɔ jasang keɓe nɛɛ wu kɔɔ mɔɔ kagn.”

Zang Shonang Yeesɔ 26:29

Bulu kasɛ wu nyaa tɔɔ, “Naa nwannang ɓuru bee katɔ kɔ tɔkɔlɔng, n gaa Laa m, n tɔɔ, mɔɔ nɛɛ zang kɔ ri ɓaa shoo, ri tãa m lɛ̀ɛ́kɔ keɓe, ri nwang naa ɓɔɔ n nwang ɓɛɛ nandon. Wu naa ɓɔɔ zang mã m nɛɛ soo saka keɓe kpang.”

Zang Shonang Yeesɔ 9:15

A Kpanti Yeesɔ kɔɔ wu tɔɔ, “Dita ka ruu ɓɔɔ n zɔ̃́ng wu tɔ, nɛɛ wu pàlɛ̀ m shonang ɓɛɛ. Wu daa kɔɔrɔ zang ɓɔɔ ri zang Isirela kpang, nɛɛ rɛɛ kpanti ɓarɛ, nɛɛ zang Isirela, ruu mɛɛ kati ɓɛɛ.

2 Koranti 1:6

Naa ruu dàng jĩng, jĩng dannang ɓuru keɓe, wukɔ mã nɔɔ danggn, wu ti ta yuu manɛ. Laa nɛɛ mã ruu danggn tɔ, mã nɔɔ danggn tɔ jong, tɔ̀ɔ, nɔ́ɔ zunung ɓɔɔ nɔɔ mã danggn kaa jong ka zɔ̃ng jĩng dannang kɔ ruu dang ɓee.

2 Koranti 10:1

Nkɔ Bulu nɛɛ yuu mɛɛ, n gaa nɔɔ, n ɓɔɔ n palɛ vuu hakaka kpang, n ti tuu yuu mɛɛ kpang, naa Kirisi ɓɛɛ. Zang kɔɔrɔ nɛɛ naa n dòo nɛɛ nɔɔ nɔng gbete, n kaa doo vɔrɔ, a n nɛɛ tɔ̀ɔ́ nɛɛ nɔɔ kpang, n kaa vɔrɔ takpang.

2 Koranti 11:23

Ri zang ɓɔɔ palɛ Yeesɔ Kirisi shonang ya? N palɛ Yeesɔ shonang, n ɓa ri katɔ. N rang yee naa zang shoko. N palɛ shonang tɔ gbãng gbãng, n ɓa ri katɔ. Zang mã m ka sãa doo dɔɔli ɓa ri katɔ, zang nyɔ m tɔ nɛɛ gbãa dɔɔli, ɓa ɓɔɔ ɓarɛ katɔ. A zang yàarɛ́ m nung vɔrɔ gbete diki diki.

Galati 5:11

Rɛɛ manzung, naa n kɔɔrɔ zang doo naa nɛɛ zang ri yee shaa katɔ ɓɛɛ, a zang dang m jĩng ɓi kaa ruu viya? Naa nɛɛ nɔngkɔ niizang, rúu ɓɔɔ n kɔɔrɔ zang ka yuu laa ɓɔɔ zang ɓaa Yeesɔ naa kagn nɛɛ shingnɛ zang nɛɛ hàa nyaa kpang.

Galati 5:2

Nɔɔ ɓaa shoo ka vuu kɔ nkɔ Bulu n kɔɔ nɔɔ ɓee. Naa nɔɔ kasɛ katɔ nɛɛ zang yee nɔɔ shaa naa ɓɔɔ zang Yahudi ri yee ɓɛɛ. Nɔ̀ɔ shing tɔ Kirisi ɓi tɔ̀ɔ́ vuu ɓɔɔ ka bii manɛ kpang tingkiring.

Galati 5:24

Zang ɓɔɔ nɛɛ ɓi kaa zang Yeesɔ Kirisi yáa vuu ɓɔɔ bii shɔnzang kasɛ ɓɛɛ palɛnang ɓi tɔ nandon.

Afisa 3:11

Laa palɛ vuu keɓe ka doo vuu ɓɔɔ wu mang dòo tɛ̃ɛ tɛ̃ɛ ɓɛɛ. A walɛ gbalang ɓɔɔ wu palɛ vuu ɓɔɔ wu mang keɓe kaa nɛɛ bii Kpanti ɓuru Yeesɔ Kirisi.

Afisa 3:13

Ka ruu nɔngkɔ, n gaa nɔɔ, nɔ́ɔ yaa gn naa ka ruu jĩng ɓɔɔ n dang ka ruu manɛ ɓee kpang. Jĩng dannang mɛɛ keɓe kɔ, a nɔɔ bannang.

Afisa 3:8

Nkɔ ɓɔɔ n daa doo rɛɛ zang Laa ɓɔɔ ri daa doo rɛɛ zang nimbang kpang. Laa a kaa dòo nkɔ gbalang nɛɛ n daa kɔɔ zang ɓɔɔ zang Isirela kpang, Ruu Tɔ̃ɔ ɓɔɔ ka yuu tĩnang ɓɔɔ zang gãsɛ nɛɛ vuu ɓɔɔ kpang, ɓɔɔ zang walɛ nɛɛ bìí Yeesɔ Kirisi ɓɛɛ.

Afisa 4:1

Ka ruu nɔngkɔ, ǹ ɓɔɔ, zang mã m ka sãa ka ruu ɓɔɔ ǹ palɛ Kpanti Yeesɔ shonang ɓɛɛ, n kɔ̀ɔ́ nɔɔ, nɔɔ nwang nwannang ɓɔɔ daa naa nyaa ɓaanang ɓɔɔ Laa ɓàa nɔɔ ɓɛɛ.

Afisa 6:20

Zang shong m ka ruu Ruu Tɔ̃ɔ keɓe kɔ, a zang mã m ka sãa. Ka ruu nɔngkɔ, nɔɔ gaa m Laa, wu shingnɛ, n rang yee keɓe naa ɓɔɔ n kasɛ ɓɛɛ, n kaa vɔrɔ kpang.

Filipi 1:7

Daa naa ɓɔɔ n rɛ̃rɛ zɔ̃ng rɛ̃rɛnang keɓe tɔ ka yuu manɛ nandon, ka ruu ɓɔɔ, n kasɛ ruu manɛ katɔ ka yeti mɛɛ dɔɔli ɓɛɛ. Ka ruu ɓɔɔ, nɔɔ nɛɛ n, ruu zi tɔ̃ɔ ɓɔɔ Laa palɛ ruu ka nyaa zɔɔ tɔ. Kãntang kɔ wee zang mã m ka sãa, a ɓɔɔ ti ka laa ɓɔɔ n shii ka nɔng ɓɔɔ zang jɛ̃ɛ zang ruu ɓɛɛ. N tusu zang nɛɛ Ruu Tɔ̃ɔ Laa ɓi niizang kɔ nwani ɓɛɛ.

Kolosi 1:24

Kãntang keɓe, n tãa kaa tĩnang ka jĩng ɓɔɔ n dang ka ruu manɛ ɓɛɛ. Jĩng kɔ n dang ɓee, hangsɛ ɓi nyaa vuu ɓɔɔ yàa m ka jĩng dannang ɓɔɔ Kirisi shing m, nɛɛ n dang ka ruu zang ɓɔɔ ri dũng wu, ɓɔɔ rikɔ kaa bii ɓiɓɛ ɓɛɛ.

Kolosi 4:18

Nkɔ Bulu, n bèe nyaa jeerenang keɓe nɛɛ naa mɛɛ. Danggn wu ning nɔɔ kpang, nɔɔ gàa m Laa katɔ, ka ruu ɓɔɔ, n doo ka sãa ɓɛɛ. Laa wu pàlɛ̀ nɔɔ tɔ̃ɔ.

Kolosi 4:3

Nɔɔ ti gàa rùu Laa jong, tɔ̀ɔ, Laa wu pùu ruu gbalang tɔ̃ɔ jong, ruu rang zang yee ɓiɓɛ. Ruu kɔ̀ɔ zang vuu ɓɔɔ bɛ̀ɛ́ zang waasɛ katɔ ka yuu Kirisi ɓɛɛ. Ka ruu ɓɔɔ, wee zang mã m ka sãa kãntang ɓee, zang mã m ka ruu vuu keɓe kɔ ɓɛɛ.

2 Timoti 1:16

Kpanti Yeesɔ Kirisi wu palɛ Onɛsiforu nɛɛ zang gãa ɓiɓɛ tɔ̃ɔ, ka ruu ɓɔɔ, lée ka ɓɔɔ wu yi m naa ka bii diki diki kpang ɓɛɛ. Yusɛ̃ɛ ɓɔɔ zang mã m ka sãa tuu wu kpang.

2 Timoti 1:8

Ka ruu nɔngkɔ, yusɛ̃ɛ wu tuu mɔɔ ka nɔng ɓɔɔ mɔɔ kɔɔ ruu ka yuu Kpanti ɓuru Yeesɔ kpang. Yusɛ̃ɛ wu ti tuu mɔɔ ka yuu mɛɛ ɓɔɔ zang mã m ka sãa ka ruu Kirisi ɓɛɛ kpang. Dang jĩng jong ka ruu Ruu Tɔ̃ɔ Laa, naa ɓɔɔ n dang ɓɛɛ, nɛɛ kaka ɓɔɔ Laa a mɔɔ ɓɛɛ.

Filimon 1:1

Labeenang keɓe nɛɛ bii mɛɛ, nkɔ Bulu, ɓɔɔ zang mã m ka sãa, ka ruu ɓɔɔ, n pàlɛ́ Yeesɔ Kirisi shonang ɓɛɛ, a ɓɔɔ Timoti ɓɔɔ nwang kaa naa jaa nàá ɓuru ka ruu danggn ɓɔɔ ruu shing nɛɛ wu gbete ɓɛɛ. Ruu bee Filimon wusang shonang ɓuru, ɓɔɔ ruu kasɛ mɔɔ dɔɔli ɓɛɛ.

Filimon 1:23

Epafara, masang ɓɔɔ zang mã m nɛɛ wu ka ruu Yeesɔ Kirisi ɓɛɛ, jee mɔɔ nyaa.

Filimon 1:9

Ka ruu ɓɔɔ, ruu kasɛ zɔɔ katɔ ɓɛɛ, n gaa mɔɔ katɔ kɔ jong. N gaa mɔɔ ka ruu ɓɔɔ n m zang nyaa shonang Yeesɔ Kirisi ɓɛɛ, a zang ti mã m ka sãa ka ruu ɓiɓɛ ɓɛɛ.

Vuu ɓɔɔ zang nwangsɛ Yɔhana 2:10

Nɔ́ɔ kaa vɔrɔ jĩng dannang ɓɔɔ yaa kaa tɔkɔlɔng nɔɔ dǎng kaa tɔ kaɓa kpang. Nɔɔ ɓaa shoo, Sheetang naa gãsɛ nɔɔ ditɔ, naa shingnɛ zang wu mã zang ɓɔɔ ka teteng manɛ ka sãa. Zang naa dang nɔɔ jĩng diki kopi kɔ nwani. Nɔ́ɔ yaa danggn ɓɔɔ nɔɔ shing ka bii mɛɛ kpang, naa zang nyɔ nɔɔ doo vɔrɔ ɓɛɛ. Tɔ̀ɔ, n a nɔɔ suru bii ɓɔɔ waa nyaa kpang, nɔ́ɔ walɛ bannang kati.