Afisa 2:8 - Nyaa Shɔɔ Ɓɔɔ Laa a Ɓɛɛ

⁸ Ka ruu ɓɔɔ, zang ta yuu manɛ ɓi ka ruu tɔ̃ɔ ɓɔɔ Laa palɛ nɔɔ, ka ruu danggn ɓɔɔ nɔɔ shing ɓɛɛ. Ɓi vuu ɓɔɔ nɔkɔ palɛ nɛɛ yuu manɛ kpang, ɓi Laa a nɔɔ waati.

Afisa 2:8 Σταυροειδείς Αναφορές

Matiyu 16:17

Yeesɔ tɔɔ, “Laa wu a mɔɔ tĩnang tãanang ta, Siman Bituru jaa Yunana. Vuu keɓe, wu shɔnzang tusu mɔɔ kpang. Ɓi Daa mɛɛ ɓɔɔ ka lapa tùsù mɔɔ.

Matiyu 20:9

A zang shonang ɓɔɔ ri gaayu jaa lannang nɛɛ laarang naa arɛ, zang shu ri saka ɓɔɔ zang shu zang ka ruu shonang diki gbete ɓɛɛ.

Maraku 16:16

Zang ɓɔɔ nɛɛ tarɛ, nɛɛ shing danggn katɔ, a zang nɛɛ palɛ wu batizima, wukɔ naa walɛ suru bii ɓɔɔ waa nyaa kpang ɓɛɛ. Zang ɓɔɔ nɛɛ ti tãayi, a shing danggn kpang, Laa naa jɛ̃ɛ wukɔ ruu.

Luka 7:50

A Yeesɔ kɔɔ jaa soro kaɓa tɔɔ, “Danggn ɓɔɔ mɔɔ shing ka bii mɛɛ, a mɔɔ suru bii ɓɔɔ waa nyaa kpang tɔ. Dita waasɛ̃.”

Yɔhana 3:36

Zang ɓɔɔ nɛɛ shing danggn ka bii Jaa, wàlɛ̀ Suru bii ɓɔɔ waa nyaa kpang tɔ. Zang ɓɔɔ nɛɛ bɛ̃ɛ Jaa wàlɛ̀ suru bii ɓɔɔ waa nyaa kpang ɓi kpang. Jĩng dannang kagn yuu ɓiɓɛ ning.

Yɔhana 4:10

Yeesɔ kasɛ wu nyaa tɔɔ, “Naa mɔɔ nɛ̀ɛ́ zi vuu ɓɔɔ Laa a zang tɔ. A mɔɔ nɛɛ ti zi zang ɓɔɔ gaa mii ka naa ɓaaɓɛ tɔ. Mɔɔ nɛ̀ɛ́ gàa wu tɔ, wu nɛ̀ɛ́ á mɔɔ mii ɓɔɔ a zang Suru bii ɓɔɔ waa nyaa kpang tɔ.”

Yɔhana 5:24

“N kɔ̀ɔ́ nɔɔ ruu ɓɔɔ niizang kɔ nwani, zang ɓɔɔ nɛɛ tãa ruu ɓɔɔ n kɔɔ ɓɛɛ, nɛɛ ti shing danggn ka bii zang ɓɔɔ shong m, wàlɛ́ suru bii ɓɔɔ waa nyaa kpang katɔ. Laa ti naa dɔng wu ruu ɓi takpang. Ɓa yuu vɔrɔ ɓɔɔ suru tɔ, wɔ ɓi tɔ.

Yɔhana 6:35

Yeesɔ kɔɔ ri kati tɔɔ, “Nkɔ borodi ɓɔɔ a zang suru bii ɓɛɛ. Zang ɓɔɔ nɛɛ a ka bìí mɛɛ, nyɔkɔ nyɔ wu takpang. Zang ɓɔɔ nɛɛ ti shing danggn ka bìí mɛɛ, sutu mãa wu takpang.

Yɔhana 6:37

Zang ɓɔɔ Laa a m, a kaa bii mɛɛ nandon. Zang ɓɔɔ nɛɛ a ka bii mɛɛ, n hing wu kpang.

Yɔhana 6:40

Ka ruu ɓɔɔ, Daa mɛɛ kasɛ nɛɛ zang ɓɔɔ nɛɛ shing jĩng ka bii mɛɛ ɓɔɔ n Jaa, nɛɛ ti shing danggn ka bìí mɛɛ, wu walɛ suru bii ɓɔɔ waa nyaa kpang ɓɛɛ. N ti naa wisi wu paa, n a wu suru bii ka diki ɓɔɔ koo waa nyaa ɓɛɛ.”

Yɔhana 6:44

A kɔɔ ri tɔɔ, “Naa Daa mɛɛ ɓɔɔ shong m dɔ̃ zang, zang a ka bii mɛɛ kpang, zang ɓɔɔ zunung anang ka bii mɛɛ nɛɛ yuu ɓiɓɛ kpang. N ti naa wisi wu paa ka diki ɓɔɔ koo waa nyaa ɓɛɛ.

Yɔhana 6:65

A gisi ruu keɓe tɔkn tɔɔ, “Wee vuu ɓɔɔ palɛ, n kɔɔ nɔɔ tɔɔ, naa Daa dɔ̃ zang, zang a ka bii mɛɛ kpang, zang ɓɔɔ zunung anang nɛɛ yuu ɓiɓɛ kpang kɔ.”

Zang Shonang Yeesɔ 13:39

Zang ɓɔɔ nɛɛ shing danggn ka bii Yeesɔ keɓe, nwang zang tɔ̃ɔ ka tĩng Laa. Nɔɔ nwang zang tɔ̃ɔ ka yeti vuu piti ɓɔɔ bɛ̀ɛ́ nyaa dannang Musa risi nɔɔ, nɔ́ɔ nwang zang tɔ̃ɔ ka tĩng Laa kagn kpang ɓɛɛ.

Zang Shonang Yeesɔ 14:27

Ri shɛ̃ɛ Antakiya tɔ, ri kpalɛ zang ɓɔɔ ri dũng Laa ɓɛɛ, a ri kɔɔ ri vuu ɓɔɔ Laa yi ri naa kagn ri palɛ ɓɛɛ. Naa ɓɔɔ Laa puu zang ɓɔɔ ri zang Isirela kpang gbalang tɔ jong nɛɛ ri shing danggn ka bìí ɓiɓɛ ɓɛɛ.

Zang Shonang Yeesɔ 15:11

Wu nɔngkɔ kpang. Rùu shing danggn tɔ, a Laa yi ruu naa kagn nɛɛ bìí Kpanti Yeesɔ, wu ta yuu ɓuru kati naa ɓɔɔ wu ta yuu ɓarɛ ɓɛɛ.”

Zang Shonang Yeesɔ 16:14

Ka teteng zang soro ɓɔɔ ri tã̀á ruu keɓe, jaa soro ɓɔɔ kagn gbete, zang ɓaa wu nɛɛ Lidiya. Jaa soro keɓe, zang gari Tayatira, màlɛ́ fɔ̃ɔrɔ ɓɔɔ nwɛ̃ɛri ɓɛɛ. Ɓi ti zang ɓɔɔ bang Laa ɓɛɛ. Laa puu wu jĩng nɛɛ, wu zi vuu ɓɔɔ Bulu kɔ̀ɔ́ ɓɛɛ, nɛɛ wu ti shing danggn kati.

Zang Shonang Yeesɔ 16:31

Ri kasɛ wu nyaa tɔɔ, “Shing danggn ka bìí Kpanti Yeesɔ, mɔɔ ta yuu ɓaaɓɛ katɔ. Mɔɔ nɛɛ zang ɓɔɔ ri ka gãa ɓaaɓɛ nandon.”

Rooma 10:14

A zang nɛɛ shing danggn ka bii Laa kpang, zang palɛ biya zang gaa wu, wu ta yuu zang viya? A zang shing danggn biya ka bii zang ɓɔɔ zang tãa ruu ɓiɓɛ gngn kpang viya? Zang nɛɛ kɔɔ katɔ kpang, zang palɛ biya zang tãa ruu ka yuu ɓiɓɛ, tɔ̀ɔ, zang shing danggn kati viya?

Rooma 10:17

Ka ruu nɔngkɔ, zang nɛɛ tãa ruu ɓɔɔ zang kɔɔ tɔ, zang shing danggn kati. Zang tã̀á ruu keɓe, ka ɓɔɔ zang kɔɔ ruu Kirisi ɓɛɛ.

Rooma 4:16

Ka ruu nɔngkɔ, vuu di yuu ɓi ka danggn ɓɔɔ zang shing ka bii Laa ɓɛɛ. Tɔ̀ɔ, Laa wu palɛ vuu ɓɔɔ wu a nyaa nɛɛ wu palɛ ɓɛɛ kati, ka ruu ɓɔɔ Laa palɛ tɔ̃ɔ katɔ ɓɛɛ. Laa a nyaa keɓe wu ka ruu zɔ̃ng Ibirayi ɓɔɔ ri dũng nyaa ɓɔɔ Laa dangnɛ ɓɛɛ kpang. Ɓi ɓɔɔ zang piti ɓɔɔ ri zɔ̃ng Ibirayi ka ruu ɓɔɔ ri shing danggn naa ɓɔɔ wu shing ɓɛɛ. Ibirayi ɓi kaa dabang ɓuru nandon.

Rooma 4:5

A zang ɓɔɔ palɛ shonang tɔ̃ɔ ɓi kpang, nɛɛ shing danggn ɓi ka bii Laa, ɓɔɔ shing zang ɓɔɔ palɛ vuu shi kpang, wu nwang zang tɔ̃ɔ. Zang keɓe, danggn ɓɔɔ wu shingnɛ risi wu, wu nwang zang tɔ̃ɔ ka tĩng Laa.

Rooma 9:16

Ka ruu nɔngkɔ, wu vuu ɓɔɔ shɔnzang kasɛ, nɛɛ vuu ɓɔɔ wu palɛ kɔ shingnɛ, Laa wu zɔ̃́ng wu kpang, ɓi gn zang ɓɔɔ kɔng wu ɓɛɛ, kɔ shingnɛ.

Galati 3:14

Yeesɔ Kirisi palɛ vuu keɓe nɛɛ, tɔ̀ɔ wu shingnɛ, tĩnang ɓɔɔ Laa a Ibirayi nyaa ka yuu ɓiɓɛ, wu raa kaa ɓɔ̀ɔ́ zang ɓɔɔ ri zang Yahudi kpang, ri nɛɛ shing gn ka bii ɓiɓɛ ɓɛɛ. Tɔ̀ɔ, rùu ɓɔɔ ruu shing danggn tɔ ka bii Kirisi, Laa wu a ruu Suru ɓiɓɛ ɓɔɔ a ruu nyaa ka ruu ɓiɓɛ kati.

Galati 3:22

A zang bee ɓi tɔ, ka labeenang Laa nɛɛ, shɔnzang ɓɔɔ ka koo nandon, ri nwàng ɓarɛ naa ɓɔɔ vuu shi kpang mã ri ka sãa ɓɛɛ. Tɔɔ vuu ɓɔɔ Laa a nyaa ka yuu ɓiɓɛ ka doo danggn shinnang ka bii Yeesɔ Kirisi wu raa ɓɔ̀ɔ́ zang ɓɔɔ ri shing danggn tɔ kati.

Afisa 1:19

A ɓɔɔ ti naa ɓɔɔ naa vuu palɛnang ɓiɓɛ ɓɔɔ bang dɔɔli, palɛ shonang ka bii ɓuru ɓɛɛ. Naa vuu palɛnang kɔ ka bii ɓuru ɓɔɔ ruu shing danggn tɔ ɓee, ɓi doo naa kaka ɓiɓɛ ɓɔɔ bang dɔɔli,

Afisa 2:10

Laa kɔ mãa ruu, ka yuu ɓɔɔ ruu ɓakɛ nɛɛ Yeesɔ Kirisi, nɛɛ ruu nwang nwannang ɓɔɔ ruu palɛ shonang ɓɔɔ tɔ̃ɔ, ɓɔɔ Laa kpàlɛ̀ ruu bii, doo ka tĩng, nɛɛ ruu naa palɛ ɓɛɛ.

Afisa 2:5

Ka ɓɔɔ bɛ̀ɛ́ ruu nwang naa ruu vɔlɔ katɔ, ka ruu vuu shi kpang ɓɔɔ ruu palɛ ɓɛɛ. Laa shingnɛ ruu nwang ningkãari nɛɛ Yeesɔ Kirisi. Ɓi tɔ̃ɔ ɓɔɔ Laa palɛ kɔ shingnɛ zang ta yuu manɛ.

Filipi 1:29

Laa ɓɔɔ yàa nɔɔ gbalang nɛɛ nɔ́ɔ shing danggn ka bii Kirisi ɓɛɛ, ti yaa nɔɔ gbalang tɔ nɛɛ nɔ́ɔ dang jĩng ka ruu ɓiɓɛ.

Kolosi 2:12

Ka ruu ɓɔɔ, ka ɓɔɔ zang palɛ nɔɔ batizima, nwang naa ɓɔɔ zang gbãa nɔɔ katɔ nɛɛ Yeesɔ Kirisi ɓɛɛ. Kaa batizima kɔ nwàng naa ɓɔɔ zang ti wisi nɔɔ paa jong nɛɛ Yeesɔ, ka ruu danggn ɓɔɔ nɔɔ shing ka naa vuu palɛnang Laa ɓɔɔ wisi wu paa nɛɛ saa ɓɛɛ.

2 Tesalonika 1:9

Ri naa dang jĩng ɓɔɔ waa nyaa kpang, ɓɔɔ zang ningsi ri dòndòng ɓɛɛ. Laa naa ku ri ka biling, ri daa nɔng ɓɔɔ Kpanti ɓuru kagn kpang. Ri zi bannang ɓiɓɛ kpang dòndòng.

Yahudi 6:4

Ka ruu ɓɔɔ, naa zang ɓɔɔ ri a tɔ kagn ri zi gbalang Laa tɔ, Laa ti a ri vuu ɓɔɔ wu a zang nɛɛ lapa tɔ, a ri ti walɛ Suru Laa tɔ jong,

1 Bituru 1:5

Laa ti gã nɔɔ nɛɛ naa vuu palɛnang ɓiɓɛ, nɔɔ ɓɔɔ nɔɔ shing danggn ka bii ɓiɓɛ ɓɛɛ. Tɔ̀ɔ, zang piti ri zi kati nɛɛ jĩng ɓarɛ, nɛɛ Laa ta yuu manɛ ditɔ ka diki ɓɔɔ koo waa nyaa kagn ɓɛɛ.