Afisa 2:2 - Nyaa Shɔɔ Ɓɔɔ Laa a Ɓɛɛ

² Ka laa kaɓa, nɔɔ nwang manɛ nwannang keɓe kɔ, nɔɔ dũlu manɛ gbalang vuu shi kpang ɓɔ̀ɔ́ koo keɓe. Nɔɔ ɓaa shoo manɛ ka nyaa kpanti rɛɛ suru shi kpang. Suru keɓe kɔ ka yeti zang ɓɔɔ ri dũng nyaa ɓɔɔ Laa dang ɓɛɛ kpang ɓɛɛ.

Afisa 2:2 Σταυροειδείς Αναφορές

Matiyu 11:19

Jaa Shɔnzang àrɛ, shaa katɔ, ti ɓoo katɔ. Zang ti kɔɔyi tɔɔ, ‘Nɔɔ zi zang nyɔkɔ keɓe, zang ɓɔɔ ɓoo saa dɔɔli. Wusang zang saka tipi tanang nɛɛ zang ɓɔɔ ri dũng nyaa ɓɔɔ Laa dang kpang kɔ doori ɓɛɛ.’ Zũnang Laa tusu bii ka vuu tɔ̃ɔ ɓɔɔ shɔnzang palɛ ɓɛɛ.”

Matiyu 13:22

Jĩng vuu ɓɔɔ shili ka teteng kɔkɔ, ɓi kaa zang ɓɔɔ ri tãa Ruu Laa, a rɛ̃rɛnang ka yuu vuu ɓɔɔ ka koo keɓe nɛɛ vuu naa kasɛnang, naa mulu Ruu Laa ɓɔɔ ka yeti ɓarɛ kati, a ruu bìí naa nwàng ri vuu kaa takpang.

Matiyu 13:38

Jaa ɓɔɔ zee ta kagn ɓi koolaa. Jĩng zee ɓɔɔ tɔ̃ɔ, ɓi kaa zang ɓɔɔ ri tà Laa, nɛɛ wukɔ Kpanti ɓɛɛ. Zee lɔɔwɔ, ɓi zang ɓɔɔ ri palɛ vuu ɓɔɔ Sheetang kasɛ ɓɛɛ.

Maraku 4:19

a rɛ̃rɛnang ka yuu vuu ɓɔɔ ka koo keɓe nɛɛ vuu naa kasɛnang, nɛɛ vuu piti ɓɔɔ yeti zang kasɛ, naa mulu Ruu Laa ɓɔɔ ka yeti ɓarɛ kati, a ruu bii naa nwàng ri vuu kaa takpang.

Luka 16:8

“A yɔɔ gãa dɔɔ zang shonang ɓiɓɛ ɓɔɔ palɛ vuu tɔ̃ɔ kpang keɓe, ka ruu zũnang ɓiɓɛ. Zũnang zang ɓɔɔ ri shing danggn ka vuu koo keɓe, ɓa ɓɔ̀ɔ́ zang ɓɔɔ ri shing danggn ka vuu Laa katɔ. Ka ruu ɓɔɔ, ri zunung naa ɓɔɔ ri sɔɔ nɛɛ zang ɓɔɔ doo naa rikɔ katɔ ɓɛɛ.”

Luka 22:31

“Siman, ɓaa shoo, zang a Sheetang naa tɔ, nɛɛ wu gãsɛ nɔɔ, tɔ̀ɔ, wu shɛ̃ɛrɛ zang tɔ̃ɔ, wu yaa zang shi kpang, naa ɓɔɔ zang hãlɛ zee ɓɛɛ.

Yɔhana 12:31

Diki ɓɔɔ zang jɛ̃ɛ zang koo keɓe ruu a tɔ. Wee kaa diki ɓɔɔ zang nwangsɛ sheetang, kpanti koo keɓe ɓɛɛ kɔ.

Yɔhana 13:2

Yeesɔ nɛɛ zang ɓɔɔ ri mantɛ vuu ka bii ɓiɓɛ, ri shaa vuu shaanang laarang kana. A sheetang shìng Yahuda Isikariyoti jaa Siman, rɛ̃rɛnang tɔ, ka yeti ɓiɓɛ nɛɛ wu nyɔ yuu Yeesɔ.

Yɔhana 13:27

Ɓɔɔ Yahuda ta borodi hn, sheetang ta rɛ̃rɛnang ɓiɓɛ. Yeesɔ kɔɔ wu tɔɔ, “Vuu ɓɔɔ mɔɔ mangnɛ, nɛɛ mɔɔ palɛ ɓɛɛ, palɛ ta pati.”

Yɔhana 14:30

N rang yee tɔ̀ɔ́ nɛɛ nɔɔ, làa bée naa ɓɔɔ n kasɛ ɓɛɛ kpang, ka ruu ɓɔɔ, zang ɓɔɔ wukɔ kpanti koo a ka naa ɓɛɛ. Zunung ɓɔɔ wu palɛ m vuu ɓɔɔ kpang.

Yɔhana 15:19

Naa nɔɔ nɛ̀ɛ́ zang ɓɔɔ ri zi Laa kpang, ri nɛɛ kàsɛ́ nɔɔ katɔ. N shɛ̃ɛrɛ nɔɔ nɛɛ koo keɓe kɔ, nɔɔ manɛ tɔ̀ɔ́ zang ɓarɛ kpang, ka ruu nɔngkɔ, ri kasɛ nɔɔ kpang.

Yɔhana 16:11

A ɓɔɔ ka ruu naa ɓɔɔ Laa naa jɛ̃ɛ zang ruu ɓɛɛ, ka ruu ɓɔɔ, zang dɔng zang ɓɔɔ wukɔ kpanti koo keɓe ruu ɓi tɔ ɓɛɛ.

Yɔhana 7:7

Zang koo keɓe ɓɔɔ ri zi Laa kpang, ri bɛ̃ɛ nɔɔ manɛ kpang. Ri bɛ̃ɛ ɓarɛ nkɔ, ka ruu ɓɔɔ, n kɔɔrɔ ri nɛɛ vuu ɓɔɔ ri palɛ ɓi vuu shi kpang ɓɛɛ.

Yɔhana 8:23

Yeesɔ kɔɔ ri tɔɔ, “Nɔɔ manɛ zang koo keɓe, n a m nɛɛ lapa. Nɔɔ rɛ̃rɛ manɛ ka yuu vuu ɓɔɔ ka koo keɓe, n rɛ̃rɛ m nɔngkɔ kpang.

Yɔhana 8:44

Nɔɔ manɛ wujɛ daa manɛ sheetang, a nɔɔ ti kasɛ manɛ nɛɛ nɔ́ɔ palɛ vuu ɓɔɔ daa manɛ kasɛ ɓɛɛ. Daa manɛ nyɔ̀kɔ̀ zang vɔrɔ ɓi doo ka tĩng. Ruu ɓiɓɛ hãa ɓi kagn nɛɛ ruu ɓɔɔ niizang kpang. Ka ruu ɓɔɔ, niizang ɓi kagn yeti ɓiɓɛ kpang ɓɛɛ. Náa suu sèé, palɛ ɓi vuu ɓɔɔ ka yeti ɓiɓɛ kɔ nwani, ka ruu ɓɔɔ ɓi zang sèé, a sèé ti nwàng ɓi nɛɛ bìí ɓiɓɛ kɔ nwani ɓɛɛ.

Zang Shonang Yeesɔ 19:35

Zang ɓɔɔ wukɔ bèé zang laa ka gari ɓɛɛ, naa palɛ tɔ zang vɔ̃ nyaa tɔ, a rang ri yee tɔɔ, “Ɓɔɔ nɔɔ zang gari Afisa ɓɛɛ, ɓu wi zi kpang nɛɛ gari Afisa kɔ gãng jĩng ka gãa vuu gãnti Aritimi, a ɓɔɔ ti tari ɓɔɔ watɛ nɛɛ lapa ɓɛɛ, kpang wiya?

Zang Shonang Yeesɔ 5:3

Bituru hɛ̃ɛ wu nɛɛ, “Hananiya, ka ruu vi sheetang ta rɛ̃rɛnang ɓaaɓɛ, mɔɔ sùú Suru Laa sèé, a mɔɔ vaa saka tipi ɓɔɔ mɔɔ mãlɛ́ mɔɔ yiti viya?

Rooma 12:2

Nɔ́ɔ yi tĩng nɛɛ vuu ɓɔɔ zang koo keɓe kasɛ palɛnang ɓɛɛ kpang. Nɔɔ yaa Laa wu kɔ̃sɔ nɔɔ yeti manɛ, wu a nɔɔ rɛ̃rɛnang ɓɔɔ shɔɔ. Tɔ̀ɔ, nɔ́ɔ zi vuu ɓɔɔ Laa kasɛ ɓɛɛ kati. Vuu ɓɔɔ tɔ̃ɔ, a ti shing wu tãa tĩnang, nɛɛ vuu ɓɔɔ daa naa katɔ ɓɛɛ.

1 Koranti 5:10

N kɔɔ wu nɛɛ nɔɔ nwàng nɔng gbete nɛɛ zang ɓɔɔ ri dũ̀ng Laa kpang, kpang. Zang ɓɔɔ ri dũ̀ng Laa kpang, ri ti palɛ dũndũng, a ri ti shing jĩng ka vuu zang, ri ɓɔɔrɔ vuu, ɓɔɔ ri ti bang vaka, ri ɓarɛ nɛɛ ruu ka koo keɓe diki diki. Ruu palɛ biya ruu nwàng nɛɛ ri kpang viya?

1 Koranti 6:11

Ɓeleng, zang ɓɔɔ ka teteng manɛ, ri nwang nwannang shi kpang keɓe kɔ. A Laa naa kɔsɔ vuu shi kpang manɛ, nɔɔ kaa kalang kalang. A shɛ̃ɛrɛ nɔɔ nɛɛ nɔɔ nwang kaa zang ɓiɓɛ. Laa zí nɔɔ manɛ kaa naa zang ɓɔɔ ri palɛ tɔ̃ɔ, ka ruu ɓɔɔ, nɔɔ a bìí ɓiɓɛ nɛɛ nung Kpanti ɓuru Yeesɔ Kirisi, a ɓɔɔ nɛɛ Suru Laa ɓɔɔ ruu bang wu ɓɛɛ.

2 Koranti 4:4

Ri shing danggn kpang ka ruu ɓɔɔ Sheetang ɓɔɔ wukɔ kpanti koo keɓe, zãa yeti ɓarɛ vuu zinang katɔ ɓɛɛ. Zãa ri zinang nɔng ɓɔɔ yakɛ ka bii ɓarɛ katɔ. Nɔng yakɛnang ɓɔɔ a nɛɛ Ruu Tɔ̃ɔ ɓɔɔ ka yuu bannang Yeesɔ Kirisi, ɓɔɔ wu doo Laa kɔ gbãng gbãng ɓɛɛ.

Galati 1:4

Yeesɔ a zang yuu ɓiɓɛ, nɛɛ tɔ̀ɔ, wu ta yuu ɓuru ɓɔɔ ruu zang shi kpang ɓɛɛ. Wu ti ta ruu nɛɛ gbalang vuu shi kpang ɓɔɔ shɔnzang rɛ̃rɛ a ti palɛ ɓɛɛ. Vuu keɓe nwang nɔngkɔ, ka ruu ɓɔɔ, Daa ɓuru Laa kasɛ nɔngkɔ ɓɛɛ.

Afisa 1:21

Yeesɔ Kirisi roo kpanti ka nɔngkɔ, ɓa yuu rɛɛ kpanti nandon, naa doo zang nyaa shonang sheetang piti, nɛɛ nung piti ɓɔɔ zang ɓaa zang nɛɛ mani, wu ka koo keɓe kɔ shɛ̃ɛning kpang, nɛɛ koo ɓɔɔ naa a ɓɛɛ nandon.

Afisa 2:11

Ka ruu nɔngkɔ, danggn wu ning nɔɔ naa ɓɔɔ nɔɔ nwáng ka tĩng ɓɛɛ kpang. Nɔɔ ɓɔɔ zang yi nɔɔ manɛ zang Yahudi kpang, ɓɔɔ zang Yahudi ri ɓaa nɔɔ nɛɛ zang ɓɔɔ ri yee shaa ka takpang ɓɛɛ. A ri ɓaa yuu ɓarɛ nɛɛ zang ɓɔɔ ri yee shaa ɓarɛ katɔ ɓɛɛ. (Vuu ɓɔɔ shɔnzang ri palɛ ka bii zang nɛɛ naa ɓarɛ ɓɛɛ.)

Afisa 2:13

A kãntang keɓe, ka ɓɔɔ nɔɔ shing gn tɔ nɛɛ Yeesɔ Kirisi ɓɛɛ, nɔɔ ɓɔɔ bɛ̀ɛ́ nɔɔ naabm nɛɛ Yeesɔ kpang, zang atɛ nɔɔ tɔ naabm ka ruu zĩi ɓiɓɛ.

Afisa 2:3

Niizang bɛ̀ɛ́ ɓeleng ruu nandon naa rikɔ, ruu nwáng nwannang ɓuru ka doo vuu ɓɔɔ bii shɔnzang ɓuru kasɛ ɓɛɛ. A ruu palɛ vuu piti dàa naa vuu ɓɔɔ bii ɓuru kasɛ, a rɛ̃rɛnang ɓuru ti kasɛ ɓɛɛ. A gnvɔ ti shaa Laa dɔɔli, ka ruu ɓuru nɛɛ zang piti ɓɔɔ ri palɛ rɛɛ vuu keɓe ɓɛɛ.

Afisa 4:17

N kɔɔ vuu keɓe nɛɛ nung Kpanti Yeesɔ, n ti shaarɛ nɔɔ nyaa. Nɔ́ɔ nwàng nwannang manɛ tɔ̀ɔ́ naa zang ɓɔɔ ri zi Laa kpang, kpang. Zang ɓɔɔ rɛ̃rɛnang ɓarɛ daa naa ɓi kpang tɔ̃ɔri ɓɛɛ.

Afisa 4:22

Ka ruu nɔngkɔ, nɔɔ yaa vuu ɓeleng ɓɔɔ bii manɛ kasɛ ɓɛɛ ta, ɓɔɔ shing nɔɔ, nɔɔ nwang naa ɓɔɔ nɔɔ nwang ɓɛɛ. Vuu ɓɔɔ nwãarɛ nɔɔ katɔ, ɓɔɔ nɔɔ kasɛ ɓɛɛ, bɛ̀ɛ́ lasɛ bii manɛ kana.

Afisa 5:6

Zang ɓɔɔ wu nwãarɛ nɔɔ nɛɛ nyaa shoko kpang. Ɓi ka ruu rɛɛ vuu shi kpang keɓe kɔ, gnvɔ shaa Laa nɛɛ zang ɓɔɔ ri dũng nyaa ɓiɓɛ kpang ɓɛɛ.

Afisa 5:8

Ɓeleng bɛ̀ɛ́ nɔɔ nwang ka nɔng ɓɔɔ tɔ̀ɔ katɔ ɓɛɛ, a wee nɔɔ raa zang Kpanti Yeesɔ tɔ ɓee, nɔɔ manɛ kaa nɔng ɓɔɔ yakɛ katɔ ɓɛɛ. Ka ruu nɔngkɔ, nɔɔ nwang nwannang manɛ kaa naa zang ɓɔɔ ri ɓarɛ kaa zang nɔng ɓɔɔ yakɛ katɔ ɓɛɛ.

Afisa 6:12

Ka ruu ɓɔɔ, ruu gáa nyaa wu nɛɛ shɔnzang kpang ɓɛɛ. Ruu gaa nyaa ɓuru nɛɛ rɛɛ suru ɓɔɔ yeti ɓarɛ shi kpang, ɓɔɔ ri ka lapa ɓɛɛ, a ɓɔɔ kaa nɛɛ rɛɛ naa vuu palɛnang, nɛɛ rɛɛ kpanti koo jaa knti keɓe ɓɔɔ tɔ̀ɔ katɔ ɓɛɛ.

Kolosi 1:21

Diki ɓɔɔ kagn bɛ̀ɛ́ nɔɔ ka bii Laa naabm kpang, bɛ̀ɛ́ nɔɔ shing jĩng nɛɛ wu kpang, ka ruu vuu shi kpang ɓɔɔ nɔɔ rɛ̃rɛ a nɔɔ ti pálɛ́ ɓɛɛ.

2 Timoti 4:10

ka ruu ɓɔɔ, Dema kasɛ ruu vuu koo keɓe, yaa m tɔ, daa tɔ ka gari Tesalonika. Karasika daa ka Galati, a Titu daa ɓi kaa Dalamatiya.

Yakubu 1:27

Laa dũnnang ɓɔɔ Daa ɓuru Laa zirɛ nɛɛ wukɔ kalang kalang, a ti tɔ̃ɔ ka jĩng ɓiɓɛ keɓe, nɛɛ zang lengke jĩng ka rɛɛ javɔ, nɛɛ rɛɛ suvɔ ɓɔɔ ri dang jĩng ɓɛɛ. Zang wu lee naa ka vuu shi kpang ɓɔɔ ka koo keɓe kpang.

Yakubu 1:7

Zang ɓɔɔ naa weɓe, ɓɔɔ ta yeti ziti ka tĩng Laa. Rɛ̃rɛ ɓi jong gbete ka yuu vuu kpang. Zang keɓe wu tɔɔ kpang nɛɛ Laa a wu vuu ɓɔɔ katɔ kpang.

Yakubu 4:4

Nɔɔ zi kpang nɛɛ naa nɔɔ yi wusang nɛɛ vuu koo keɓe nɔɔ nwang naa zang ɓɔɔ palɛ dũndũng ɓɛɛ kpang ya? Zang keɓe nwang ɓi kaa zang ɓɔɔ gaa nyaa nɛɛ Laa ɓɛɛ. Ka ruu nɔngkɔ, zang ɓɔɔ nɛɛ kasɛ ruu koo keɓe risi yuu ɓiɓɛ kaa zang ɓɔɔ gaa nyaa nɛɛ Laa ɓɛɛ.

1 Bituru 1:14

Ka ruu ɓɔɔ, nɔɔ wujɛ ɓɔɔ ɓaa shoo katɔ ka yee ɓɛɛ. Nɔɔ yaa vuu ɓeleng nɔɔ kasɛ palɛnang bɛ̀ɛ́ nɔɔ zi Ruu Tɔ̃ɔ Laa gn kpang ɓɛɛ ta.

1 Bituru 4:3

Nɔɔ suukãng tɔ dɔɔli, ka nɔng ɓɔɔ nɔɔ palɛ vuu ɓɔɔ zang ɓɔɔ ri zi Laa kpang ri palɛ ɓɛɛ. Nɔɔ di nyaa ta ka nɔngkɔ. Ɓeleng nɔɔ nwang manɛ nwannang ɓɔɔ daa naa kpang ɓɛɛ. Nɔɔ palɛ manɛ vuu ɓɔɔ yeti manɛ kasɛ ɓɛɛ, nɔɔ ɓooro vuu ɓɔɔ si nɔɔ ɓɛɛ, nɔɔ gaarɛ zɔɔ nɔɔ tãa tĩnang diki diki, nɔɔ ɓooro sàa, nɔɔ ti bang vaka, vuu ɓɔɔ Laa dang nyaa nɛɛ nɔ́ɔ pálɛ̀ kpang ɓɛɛ.

2 Bituru 2:14

Ri pɛ̃ɛrɛ vuu ɓɔɔ ɓarɛ kpang, diki diki jĩng ɓarɛ ɓi ka zang soro ɓɔɔ ri rakɛ, wàázaa ɓɛɛ, tɔ̀ɔ, ri palɛ dũndũng nɛɛ ri. Ri lee vuu shi kpang palɛnang ɓarɛ kpang. Naa ri zi zang ɓɔɔ shii ka gbalang Laa nɛɛ kaka kpang, ri nwãarɛ ri, ri shing ri, ri palɛ vuu shi kpang. Ri shing jĩng ɓarɛ ka vuu zang kɔ diki, diki. Zɔ̃ng zang ɓɔɔ naa weɓe, Laa dɔng ri ruu ɓarɛ tɔ.

1 Yɔhana 3:10

Zang ɓɔɔ pálɛ̀ vuu tɔ̃ɔ kpang, ɓi zang Laa kpang. Zang ɓɔɔ ti kasɛ ruu ɓeezung kpang, ɓi doo zang Laa kpang kɔ. Wee naa ɓɔɔ ruu zi zang ɓɔɔ ri wujɛ Laa nɛɛ zang ɓɔɔ ri wujɛ sheetang kagn kɔ.

1 Yɔhana 3:8

Zang ɓɔɔ palɛ vuu shi kpang sasak, ɓi jaa Sheetang, ka ruu ɓɔɔ, Sheetang pálɛ́ vuu shi kpang ɓi doo ka tĩng ɓɛɛ. Jaa Laa arɛ nɛɛ wu naa jili vuu ɓɔɔ Sheetang pálɛ́ kɔ.

1 Yɔhana 4:4

Wujɛ mɛɛ, nɔɔ manɛ zang Laa. Nɔɔ ɓa ri yuu manɛ tɔ. Ka ruu ɓɔɔ, Suru Laa ɓɔɔ ka yeti manɛ, ɓa suru Sheetang ɓɔɔ ka yeti zang ɓɔɔ ka koolaa keɓe katɔ ɓɛɛ.

1 Yɔhana 5:19

Ruu zi tɔ, ruu ɓuru wujɛ Laa. Zang ɓɔɔ dũ̀ng Laa kpang, ri ɓarɛ ka naa Sheetang.

1 Yɔhana 5:4

Ka ruu ɓɔɔ, zang ɓɔɔ zang Laa, Laa a wu naa ɓɔɔ wu ɓa yuu vuu ɓɔɔ nwãarɛ zang ka koo keɓe tɔ ɓɛɛ. Danggn ɓɔɔ ruu shing ka bii Laa wukɔ á ruu naa, ruu ɓa yuu vuu ɓɔɔ nwãarɛ zang ka koo keɓe ɓɛɛ.

Vuu ɓɔɔ zang nwangsɛ Yɔhana 12:9

A ri nwangsɛ sɔkɔ bang nɛɛ lapa, ri tasɛ wu ka koo nɛɛ rɛɛ zang ɓɔɔ ri dũng wu nandon. Sɔkɔ bang kaɓa zang ɓaa nung ɓiɓɛ nɛɛ Sheetang, wukɔ kpanti rɛɛ suru shi kpang. Wukɔ ti nwãarɛ zang ka koo dɔɔ tɛ̃ɛ tɛ̃ɛ.

Vuu ɓɔɔ zang nwangsɛ Yɔhana 13:14

Tuu vuu ɓɔɔ zang a wu naa palɛnang ka tĩng yɔpɔ jĩngti ɓɔɔ tĩng shɔɔnang kaɓa, a nwãarɛ zang piti, ɓɔɔ ri nwalɛ ka koo nandon nɛɛ mani. Kɔɔ ri nɛɛ, ri pálɛ́ vuu ɓɔɔ nwang yɔpɔ jĩngti ɓɔɔ tĩng shɔɔnang, ɓɔɔ bɛ̀ɛ́ zang shing wu nyaa vuu waa ka bii nɛɛ yere bang a nwang doo ningkãari ɓɛɛ, ri a wu bannang nɛɛ mani.

Vuu ɓɔɔ zang nwangsɛ Yɔhana 13:8

Zang ɓɔɔ ri nwang ka koo nandon ri naa bang wu. Rɛɛ zang ɓɔɔ zang bee nung ɓarɛ doo tɛ̃ɛ tɛ̃ɛ kpang, ka yeti labeenang Jaa Mɛ̀ɛrɛ́ Laa, ɓɔɔ bɛ̀ɛ́ zang nyɔ wu vɔrɔ ɓɛɛ.

Vuu ɓɔɔ zang nwangsɛ Yɔhana 16:17

A zang nyaa shonang Laa ɓɔɔ ka lapa ɓɛɛ ɓɔɔ daa ka manziti ɓɛɛ, arɛ ɓaa kɔnang ɓɔɔ ka waka ɓiɓɛ ɓɛɛ, ka jasung waati. A yee nwangnɛ laa nwannang kpanti ka yeti Gãa Laa, mɛɛ nabm kɔɔyi nɛɛ, “Zang hangsɛ vuu piti tɔ.”

Vuu ɓɔɔ zang nwangsɛ Yɔhana 20:2

Yi sɔkɔ bang kaɓa, ɓɔɔ nwang doo ka tĩng tɛ̃ɛ tɛ̃ɛ ɓɛɛ, ɓɔɔ zang ɓaa wu nɛɛ Sheetang, kpanti suru shi kpang ɓɛɛ. A mã wu nɛɛ sáa yɔ̀ng bang nɛɛ wu nwang ka nɔngkɔ saa labang gbete.