Afisa 2:16 - Nyaa Shɔɔ Ɓɔɔ Laa a Ɓɛɛ

¹⁶ Ka vɔrɔ ɓɔɔ Yeesɔ Kirisi vɔ ka yuu laa, wukɔ ningsi jĩng ɓɔɔ bɛ̀ɛ́ ri shing nɛɛ zɔɔ kpang ɓɛɛ. Zɔ̃ng zang ziti keɓe, Yeesɔ ɓakɛ ri yuu nɛɛ bii laa ɓɔɔ zang ɓáa wu naa kagn ɓɛɛ, a sũuru ri tɔkn nɛɛ Laa.

Afisa 2:16 Σταυροειδείς Αναφορές

Rooma 5:10

Ka ɓɔɔ bɛ̀ɛ́ ruu shing jĩng gn nɛɛ Laa kpang, Laa shingnɛ ruu nwáng nɛɛ wu ka nyaa zɔɔ ka ruu Jaa ɓiɓɛ ɓɔɔ vɔ ka ruu ɓuru ɓɛɛ. Wee ruu nwang tɔ ka nyaa zɔɔ nɛɛ Laa ɓee, Jaa ɓiɓɛ ta yuu ɓuru katɔ, ka ruu ɓɔɔ, nwàng ɓi ningkãari ɓɛɛ.

Rooma 6:6

Ruu zi ɓuru tɔ nɛɛ, zang ɓáa nwannang ɓɔɔ ɓeleng ruu nwang ka tĩng ɓi tɔ ka laa nɛɛ Yeesɔ. Tɔ̀ɔ, bii ɓuru ɓɔɔ kasɛ vuu shi kpang palɛnang wu shaarɛ. Tɔ̀ɔ ruu nwang kaa tɔ̀ɔ́ naa jaafoo vuu shi kpang palɛnang kpang.

Rooma 8:3

Vuu ɓɔɔ nyaa dannang Laa zunung palɛnang kpang, ka ruu ɓɔɔ, bii shɔnzang lakɛ naa bii kpang, Laa palɛ tɔ. Laa ningsi vuu shi kpang ka bii shɔnzang, ka ɓɔɔ wu shong nyaa nɛɛ Jaa ɓiɓɛ ɓɔɔ arɛ, tuu bii naa bii shɔnzang ɓɔɔ palɛ vuu shi kpang ɓɛɛ.

Rooma 8:7

Ka ruu ɓɔɔ, naa zang shing rɛ̃rɛnang zang, ka yuu vuu ɓɔɔ bii zang kasɛ ɓɛɛ kɔ shɛ̃ɛning, zang risi yuu zang kaa naa zang ɓɔɔ shing jĩng nɛɛ Laa kpang ɓɛɛ. Ka ruu ɓɔɔ, dũ̀ng nyaa ɓɔɔ Laa dangnɛ ɓi kpang ɓɛɛ. Niizang, zunung dũnnang ɓi kpang tingkiring.

1 Koranti 10:17

Ɓɔɔ ruu shaa borodi kaɓa, ruu dɔɔli, a borodi ɓɔɔ ruu shaayi, ɓi kaa gbete. Wukɔ tusu ruu nɛɛ ruu ɓuru gbete nɛɛ zɔɔ.

Galati 2:20

Zang ɓaa m naa m tɔ laa nɛɛ Kirisi, ɓi tɔ̀ɔ́ nkɔ nwang ningkãari kpang. Ɓi kaa Kirisi ɓɔɔ ka bii mɛɛ kɔ nwang ningkãari. Nwannang kɔ n nwang kãntang ɓee, n nwang m kaa nɛɛ danggn ɓɔɔ n shing ka bii Jaa Laa ɓɔɔ kasɛ m, a á zang yuu ɓiɓɛ, nɛɛ zang nyɔ wu vɔrɔ ka ruu mɛɛ ɓɛɛ.

Afisa 2:15

Shing tɔ zang pálɛ̀ shonang tɔ̀ɔ́ nɛɛ nyaa dannang zang Yahudi nɛɛ vuu ɓɔɔ nyaa dannang keɓe kasɛ piti ɓɛɛ kpang. Palɛ nɔngkɔ nɛɛ tɔ̀ɔ, wu shingnɛ zɔ̃ng zang piti keɓe, ri nwang shɔnzang ɓɔɔ shɔɔ dɔ̃ɔ gbete, ka ɓɔɔ wu a zang bii ɓiɓɛ, zang nyɔ wu vɔrɔ ɓɛɛ. Ka naa weɓe kɔ, wu shing ri, ri nwang ka nyaa zɔɔ.

Afisa 3:6

Vuu waasɛnang keɓe, ɓi ka wukɔ, nɛɛ bìí Ruu Tɔ̃ɔ Laa, Laa shingnɛ zang ɓɔɔ ri zang Isirela kpang, ri nwang wujɛ Daa kaa jong nɛɛ zang Isirela. Ri nandon ri nwang kaa gbete ka nyaa ɓɔɔ Laa a nɛɛ bìí Yeesɔ Kirisi ɓɛɛ.

Afisa 4:4

Zang ɓɔɔ ri shing danggn tɔ ka bii Laa, ri kaa bii gbete, a Suru Laa ti gbete, naa ɓɔɔ gn shinnang ɓɔɔ Laa ɓaa nɔɔ nyaa ka ruu ɓiɓɛ ti doo gbete kɔ ɓɛɛ.

Kolosi 2:14

Laa ningsi nyaa dannang tɔ, nɛɛ vuu ɓɔɔ wu kasɛ ɓɛɛ, a àlɛ̀ vuu shi kpang ɓɔɔ zang bee ka yuu ɓuru ɓɔɔ nɛ̀ɛ́ nwang ruu naa nyaa kɔ́pɔ́ ɓɛɛ tɔ. Ningsi tɔ nandon ka ɓɔɔ wu ɓaa vuu keɓe jong ka laa ɓɔɔ zang ɓaa Yeesɔ naa kagn ɓɛɛ.

Kolosi 3:15

Yeti valɛnang ɓɔɔ Yeesɔ Kirisi a zang, wukɔ wu nwang ka yeti manɛ gbãng gbãng. Ka ruu ɓɔɔ, Laa ɓaa nɔɔ nyaa nɛɛ nɔɔ nwang bii gbete, tɔ̀ɔ, wu a nɔɔ yeti valabm keɓe kɔ ɓɛɛ. Nɔ́ɔ ti zãa wu katɔ.