Afisa 1:9 - Nyaa Shɔɔ Ɓɔɔ Laa a Ɓɛɛ

⁹ A tuu zũnang nɛɛ vuu zinang ɓiɓɛ pálɛ̀ vuu ɓɔɔ bɛ̀ɛ́ wu mang ɓɛɛ. A tusu ruu vuu ɓɔɔ bɛ̀ɛ́ wu kasɛ nɛɛ wu palɛ, a waasɛ katɔ nɛɛ bii Kirisi.

Afisa 1:9 Σταυροειδείς Αναφορές

Matiyu 13:11

A kasɛ ri nyaa tɔɔ, “Laa a nɔkɔ náa ruu niizang ɓɔɔ zang waasɛ ka yuu kpanti ɓɔɔ Laa rooyi zinang tɔ, a zang a ri ɓarɛ kpang.

Luka 12:32

“Wee nɔɔ rukutu ɓee, nɔ́ɔ kaa vɔrɔ kpang, Daa manɛ kasɛ tɔ nɛɛ nɔɔ roo kpanti nɛɛ wu ka nɔng ɓɔɔ wu naa roo kpanti ɓɛɛ.

Luka 2:14

“Zang wu dɔɔ Kpanti Laa ɓɔɔ ka lapa kpala kpala ta. Zang ɓɔɔ Laa tãa tĩnang ɓarɛ katɔ ka tipi keɓe, ri ti tãa tĩnang nwannang ta.”

Zang Shonang Yeesɔ 13:48

Ɓɔɔ rɛɛ zang ɓɔɔ ri zang Isirela kpang ri tãa naa weɓe, ri tãa tĩnang dɔɔli. Ri a Ruu Laa bannang, a rɛɛ zang ɓɔɔ bɛ̀ɛ́ Laa shingnɛ, nɛɛ ri walɛ Suru bii ɓɔɔ waa nyaa kpang katɔ, ri shing danggn ka bìí Laa.

Zang Shonang Yeesɔ 2:23

Zang a nɔɔ yɔɔ keɓe, ka naa ɓɔɔ Laa shíng doo ka tĩng ɓɛɛ. Ti Laa kɔ kasɛ a nɔɔ ɓaa wu naa ka laa. Zang ɓɔɔ ri zi Laa kpang ri nyɔ wu vɔrɔ.

Zang Shonang Yeesɔ 4:28

Ri kpalɛ zɔɔ nɛɛ ri pálɛ̀ vuu ɓɔɔ mɔɔ shíng ɓaa doo ka tĩng nɛɛ naa vuu palɛnang ɓaaɓɛ nɛɛ, naa ɓɔɔ mɔɔ kasɛ wu nwang nɔngkɔ ɓɛɛ.

Rooma 11:25

Rɛɛ manzung, ɓɔɔ nɔɔ zang Yahudi kpang, n kasɛ nɔɔ tuu yuu manɛ kpang. Tɔ̀ɔ n kɔɔ nɔɔ dĩiri vuu ɓɔɔ palɛ zang Isirela ɓɔɔ nɔɔ zi kpang ɓɛɛ. Zang ɓɔɔ ka teteng ɓarɛ ri taarɛ yuu dɔɔli. Ri nwáng nɔngkɔ sasak Laa wu ta yuu manɛ zang ɓɔɔ nɔɔ zang Yahudi kpang nandon.

Rooma 8:28

Ruu zi tɔ nɛɛ, ka yeti vuu piti, Laa palɛ shonang ka ruu zang ɓɔɔ ri kasɛ wu katɔ ɓɛɛ. Tɔ̀ɔ, vuu keɓe wu nwàng ri tɔ̃ɔ kati. Rikɔ zang ɓɔɔ Laa ɓaa ri nyaa nɛɛ tɔ̀ɔ, ri palɛ vuu ɓɔɔ wu kasɛ nɛɛ wu pàlɛ́ nɛɛ ri ɓɛɛ.

1 Koranti 1:21

Laa ɓɔɔ zũng dɔɔli ɓɛɛ, kasɛ kpang nɛɛ zang koo ri zi wu nung nɛɛ zũnang ɓarɛ kpang. Nɛɛ wu ta yuu zang ɓɔɔ ri shing danggn tɔ ɓɛɛ kɔ jong, nɛɛ ruu kɔ ruu rangnɛ, a zang risi naa nyaa shoko ɓee.

Galati 1:12

N ti ta nɛɛ bii shɔnzang ɓɔɔ kpang. Wu ti shɔnzang tusu m kpang. Ɓi Yeesɔ Kirisi nɛɛ yuu ɓiɓɛ nwàngsɛ̀ m.

Galati 1:15

A Laa palɛ m tɔ̃ɔ, zɔ̃ng m bɛ̀ɛ́ zang yi m gn kpang, a ɓaa m nyaa nɛɛ n naa palɛ wu shonang. A ɓɔɔ wu naa kasɛ ka yeti ɓiɓɛ,

Galati 1:16

nɛɛ wu nwangsɛ m Jaa ɓiɓɛ, nɛɛ tɔ̀ɔ n kɔɔ zang ɓɔɔ ri zang Yahudi kpang, Ruu Tɔ̃ɔ ɓɔɔ ka yuu Jaa keɓe. N daa ka bii zang ɓɔɔ nɛɛ wu kɔɔ m vuu ɓɔɔ wu zi ka yuu vuu keɓe kpang.

Afisa 1:11

Laa zɔ̃ngkɔ ruu ɓɔɔ ruu shing danggn tɔ ka bii Yeesɔ Kirisi ɓɛɛ, nɛɛ ruu nwang zang ɓiɓɛ. Laa zɔ̃ngkɔ ruu ɓi tɔ doo tɛ̃ɛ tɛ̃ɛ, nɛɛ ruu nwang zang ɓiɓɛ, ka ruu ɓɔɔ, wee ɓi vuu ɓɔɔ wu kasɛ ɓɛɛ kɔ ɓɛɛ. Laa kɔ palɛ vuu piti wu daa gbete nɛɛ vuu ɓɔɔ wu mangnɛ, a wu ti kasɛ doo ka ting ɓɛɛ.

Afisa 1:8

Tɔ̃ɔ ɓɔɔ wu palɛ ruu daa naa ɓɔɔ zang gãsɛ ɓɛɛ kpang. Laa zũngnɛ, a ti zi vuu dɔɔli.

Afisa 3:11

Laa palɛ vuu keɓe ka doo vuu ɓɔɔ wu mang dòo tɛ̃ɛ tɛ̃ɛ ɓɛɛ. A walɛ gbalang ɓɔɔ wu palɛ vuu ɓɔɔ wu mang keɓe kaa nɛɛ bii Kpanti ɓuru Yeesɔ Kirisi.

1 Timoti 3:16

Ruu niizang ɓɔɔ Laa nwangsɛ ka yuu gbalang ɓiɓɛ kɔ ruu dũng ɓee, bang dɔɔli. Wu vuu ɓɔɔ zang laa nyaa ɓiɓɛ kpang. Yeesɔ tuu bii shɔnzang a nɔng ka koo. Suru Laa tusu nɛɛ wu ɓi zang ɓɔɔ shi kpang ka bii ɓiɓɛ kpang ɓɛɛ. Zang nyaa shonang Laa ɓɔɔ ri ka lapa, ri zi wu nɛɛ jĩng ɓarɛ. Zang ri kɔɔ ruu ɓiɓɛ ka koo piti. A zang dɔɔli ka koo ri shing danggn tɔ ka bii ɓiɓɛ. Zang tuu wu tɔ, zang daa nɛɛ wu ka lapa, ka tĩng Laa.

2 Timoti 1:9

Wukɔ ɓàa ruu nyaa, a tà yuu ɓuru, nɛɛ ruu nwang nwannang tɔ̃ɔ. Wu ka ruu vuu ɓɔɔ ruu pálɛ̀ ɓɛɛ kpang, ɓi ka ruu tɔ̃ɔ ɓɔɔ wu mang ka yeti ɓiɓɛ ɓɛɛ. Laa pàlɛ̀ ruu tɔ̃ɔ ɓiɓɛ nɛɛ bii Yeesɔ Kirisi bɛ̀ɛ́ zang mãa koo gn kpang.