Afisa 1:3 - Nyaa Shɔɔ Ɓɔɔ Laa a Ɓɛɛ

³ Ruu zãa Laa ɓɔɔ wukɔ ti Laa nɛɛ Daa Kpanti ɓuru Yeesɔ Kirisi ɓɛɛ, ka ruu ɓɔɔ, shingnɛ ruu tãa tĩnang. Wukɔ ti a ruu vuu piti ɓɔɔ ɓi ɓɔ̀ɔ́ kpanti roonang ɓiɓɛ, ka ruu ɓɔɔ, ruu shing danggn ka bii Kirisi ɓɛɛ.

Afisa 1:3 Σταυροειδείς Αναφορές

Luka 2:28

A Simiyon ta jaa kaa naa ɓiɓɛ, a zãa Laa kati tɔɔ,

Yɔhana 14:20

Diki kaɓa nɛɛ a tɔ, nɔɔ naa zi ka lɛ̀ɛ́kɔ nɛɛ, Daa ka yeti mɛɛ, n ti kagn yeti ɓiɓɛ. A ɓɔɔ n nɛɛ nɔɔ, ruu ti gbete.

Yɔhana 17:21

N gaa mɔɔ nɛɛ ri nwang ka nyaa zɔɔ gbete. Daa mɛɛ, n gaa mɔɔ nɛɛ ri nwang nɛɛ ruu, naa ɓɔɔ mɔɔ nwang nɛɛ n, a n ti nwang nɛɛ mɔɔ ɓɛɛ. Tɔ̀ɔ, zang koo ri shing danggn kati nɛɛ mɔkɔ shong m niizang.

Yɔhana 20:17

Yeesɔ kɔɔ wu tɔɔ, “Mɔ́ɔ yi m naa gn bii kpang, ka ruu ɓɔɔ, n gbãayu gn lapa ka bii Daa mɛɛ kpang ɓɛɛ. Dàa ka bii rɛɛ manzung, mɔɔ daa kɔɔ ri nɛɛ, N gbãayu kana ka bii Daa mɛɛ ɓɔɔ dòo Daa manɛ kɔ ɓɛɛ, Laa mɛɛ, ɓɔɔ ti dòo Laa manɛ kɔ ɓɛɛ.”

Rooma 12:5

Ruu doo nɔngkɔ. Ruu dɔɔli, a ruu nwang kaa naa bii gbete kɔ nwani, ka ruu ɓɔɔ, ruu ɓakɛ bii gbete nɛɛ Kirisi ɓɛɛ. Zang ɓu yi zɔɔ naa ka bii.

Rooma 15:6

Tɔ̀ɔ, nɔ́ɔ goo nyaa kaa gbete, nɔ́ɔ dɔɔ Làá kpanti ɓuru Yeesɔ Kirisi, ɓɔɔ wukɔ ti Daa ɓiɓɛ ɓɛɛ.

1 Koranti 1:30

Nɔɔ ɓákɛ̀ zɔɔ nɛɛ Yeesɔ Kirisi, ka Ruu Laa kɔ gbete. Ti doo Laa kɔ shingnɛ Yeesɔ Kirisi a ruu zũnang ɓɔɔ niizang ɓɛɛ. Ti ka ruu Yeesɔ Kirisi kɔ, Laa zí ruu naa zang ɓiɓɛ ɓɔɔ ri tɔ̃ɔ ɓɛɛ. A ti tá yuu ɓuru tɔ ka vuu shi kpang nandon, risi ruu, ruu nwang zang ɓiɓɛ.

1 Koranti 12:12

Nɔɔ zi tɔ nɛɛ vuu ɓɔɔ ɓakɛ, a raa bii shɔnzang ka zɔ̃ng zɔ̃ng. A bii shɔnzang ɓi kaa gbete kɔ nwani, vuu keɓe ri ɓakɛ zɔɔ nɔng gbete, tɔ̀ɔ, ri nwang kaa bii gbete. Yeesɔ Kirisi nwang doo nɔngkɔ.

2 Koranti 1:3

Ruu zãa Laa ɓɔɔ wukɔ Daa wukɔ ti Làá Kpanti ɓuru Yeesɔ Kirisi ɓɛɛ. Dáa ɓɔɔ gn zang kɔng wu dɔɔli ɓɛɛ. Wukɔ Laa ɓɔɔ mã zang danggn ka zɔ̃ng zɔ̃ng ɓɛɛ.

2 Koranti 11:31

Laa ɓɔɔ wukɔ Laa, wukɔ ti Daa Kpanti Yeesɔ Kirisi ɓɔɔ zang piti dɔɔ wu dòndòng ɓɛɛ, zi tɔ, n suu sèé kpang.

2 Koranti 5:17

Ka ruu nɔngkɔ, zang ɓɔɔ nɛɛ ɓakɛ yuu ɓiɓɛ tɔ nɛɛ Yeesɔ Kirisi, ɓi kaa zang shɔɔ. Gbalang nwannang gbaala ɓiɓɛ ɓa ɓi tɔ. Nwannang ka gbalang shɔɔ gaayu tɔ.

2 Koranti 5:21

Yeesɔ Kirisi palɛ vuu shi kpang ɓi gngn kpang, a ka ruu ɓuru, Laa risi wu naa zang ɓɔɔ pálɛ̀ vuu shi kpang ɓɛɛ. A ka ruu vuu keɓe kɔ, yuu ɓɔɔ ruu ɓakɛ nɛɛ Yeesɔ Kirisi shingnɛ, ruu nwàng zang tɔ̃ɔ ka tĩng Laa.

Galati 3:9

Ibirayi shing danggn, a Laa a wu tĩnang tãanang kati. Ka ruu nɔngkɔ, zang ɓɔɔ ri shing danggn, ri tãa tĩnang doo naa ɓɔɔ wu tãa kɔ.

Afisa 1:10

Diki nɛɛ a tɔ, Laa naa palɛ vuu ɓɔɔ wu mang ka yeti ɓiɓɛ ditɔ. Nɛɛ kpalɛ vuu ɓɔɔ wu mãarɛ ɓɛɛ nandon, vuu ɓɔɔ ka lapa nɛɛ tipi nandon, tɔɔ Kirisi wu nwang zang bang ɓarɛ kati.

Afisa 1:17

N gàá Làá Kpanti ɓuru Yeesɔ Kirisi. Daa, ɓɔɔ zang a wu bannang ɓɛɛ, wu a nɔɔ Suru ɓiɓɛ, ɓɔɔ shing nɔɔ nɔ́ɔ zũngnɛ, a wu ti nwangsɛ nɔɔ Laa, tɔ̀ɔ, nɔ́ɔ zi wu kati ɓɛɛ.

Afisa 1:20

ɓɔɔ wu palɛ shonang nɛɛ mani, ka ɓɔɔ wu wísí Yeesɔ Kirisi paa nɛɛ sàa ɓɛɛ. A shing wu nɛɛ wu nwang ka nakn ɓiɓɛ ka lapa.

Afisa 2:6

Laa wisi ruu paa nɛɛ Yeesɔ Kirisi ka ɓɔɔ ruu shing danggn tɔ ka wu, a shing ruu nɛɛ ruu nwang nɛɛ wu ka lapa ɓɛɛ.

Afisa 3:10

Kasɛ nɛɛ ka koo jaa knti keɓe, wu tusu rɛɛ kpanti, nɛɛ rɛɛ zang bang, zũnang ɓiɓɛ naa ɓɔɔ nwang ka bm bm ɓɛɛ, nɛɛ bii zang ɓɔɔ ri dũng wu ɓɛɛ.

Afisa 6:12

Ka ruu ɓɔɔ, ruu gáa nyaa wu nɛɛ shɔnzang kpang ɓɛɛ. Ruu gaa nyaa ɓuru nɛɛ rɛɛ suru ɓɔɔ yeti ɓarɛ shi kpang, ɓɔɔ ri ka lapa ɓɛɛ, a ɓɔɔ kaa nɛɛ rɛɛ naa vuu palɛnang, nɛɛ rɛɛ kpanti koo jaa knti keɓe ɓɔɔ tɔ̀ɔ katɔ ɓɛɛ.

Filipi 2:11

Zang ɓu ti kɔɔyi nɛɛ nyaa ɓiɓɛ, ka shoo zang piti, nɛɛ Yeesɔ Kirisi kɔ Kpanti ɓiɓɛ. Wu ti naa a Laa ɓɔɔ wukɔ Daa ɓuru bannang.

Yahudi 8:5

Ri palɛ shonang ɓarɛ ka koo, nɔng ɓɔɔ zang gãsɛ ɓi nɛɛ ɓɔɔ ka lapa ɓɛɛ. Nwang ɓi naa jasuru nɔng keɓe ɓɔɔ ka lapa ɓɛɛ. Ka ruu nɔngkɔ, ka ɓɔɔ Musa bɛ̀ɛ́ nɛɛ wu ɓàá Laa kaa putali ɓɔɔ zang bang wu kagn ɓɛɛ, Laa shaarɛ wu nyaa tɔɔ, “Shing jĩng kagn, mɔɔ palɛ vuu piti ka doo naa ɓɔɔ zang tusu mɔɔ ka yuu kɔpɔ ɓɛɛ.”

Yahudi 9:23

Dàa naa ɓɔɔ zang shing rɛɛ vuu ɓɔɔ ri ɓarɛ jasuru vuu ɓɔɔ niizang ɓɔɔ ri ka lapa keɓe, ri nwang tɔ̃ɔ nɛɛ zĩi vuu ɓɔɔ zang dɔɔ Laa naa weɓe tɔ. A vuu ɓɔɔ ri ka lapa, ɓɔɔ ɓi kaa rikɔ ɓɔɔ niizang ɓɛɛ, zang shing ri, ri nwang tɔ̃ɔ ɓi kaa nɛɛ vuu ɓɔɔ zang dɔɔ Laa ɓɔɔ ɓa weɓe katɔ ɓɛɛ.

1 Bituru 1:3

Ruu dɔɔ Laa ɓɔɔ wukɔ Laa nɛɛ Daa Kpanti ɓuru Yeesɔ Kirisi ɓɛɛ. Pàlɛ̀ ruu tɔ̃ɔ gbãng gbãng, ka ruu nɔngkɔ, shingnɛ ruu nwàng zang ɓɔɔ zang yi ruu shɔɔ tɔkn ɓɛɛ, nɛɛ tɔ̀ɔ, gn shinnang ɓuru wu shàarɛ̀ kaa takpang. Ruu walɛ vuu keɓe ka ɓɔɔ zang wisi Yeesɔ paa nɛɛ sàa ɓɛɛ.