Zang Shonang Yeesɔ 9:2 - Nyaa Shɔɔ Ɓɔɔ Laa a Ɓɛɛ

² a gaa wu nɛɛ wu bee wu labeenang ɓɔɔ wu daa a zang ka rɛɛ gãa zɔɔ kpalɛnang ɓɔɔ ka gari Damasiku ɓɛɛ. Wu nɛɛ daa ĩi zang ɓɔɔ ri dũng Gbalang keɓe kagn nɔng, zang varɛ nɛɛ zang soro, wu yiki ri, wu mãlɛ naa ɓarɛ, wu a nɛɛ ri ka gari Urushalima.

Zang Shonang Yeesɔ 9:2 Σταυροειδείς Αναφορές

Matiyu 10:17

Nɔɔ gãng jĩng kagn, ka ruu ɓɔɔ, zang naa yi nɔɔ ditɔ, zang daa nɛɛ nɔɔ ka tĩng zang ɓɔɔ ri jɛ̃ɛ zang ruu ɓɛɛ, ri ti naa nyɔ nɔɔ nɛɛ gbãa ka gãa zɔɔ kpalɛnang ɓarɛ.

Yɔhana 14:6

Yeesɔ kɔɔ wu tɔɔ, “Nkɔ gbalang, nkɔ niizang, nkɔ suru bii. Zang ɓɔɔ nɛɛ tɔɔ wu daa bii Daa, sɔɔ nɛɛ bii mɛɛ kɔ gbete.

Zang Shonang Yeesɔ 18:25

Zang tusu wu gbalang Laa tɔ gbãng gbãng. Suru Laa shing wu kɔ̀ɔ́ ruu, a ti tusu zang ruu ɓɔɔ niizang ka yuu Yeesɔ nɛɛ yeti gbete. A zi ɓi kaa doo batizima Yɔhana kɔɔ shɛ̃ɛning.

Zang Shonang Yeesɔ 19:23

Ka diki kaɓa, zang hàa nyaa dɔɔli ka Afisa ka ruu gbalang keɓe.

Zang Shonang Yeesɔ 19:9

Zang ɓɔɔ ri taarɛ yuu, ri shing danggn kpang. Ri kɔɔ ruu shi kpang ka yuu gbalang keɓe, ka tĩng zang ɓɔɔ ri kpalɛ zɔɔ ɓɛɛ nandon. Ka ruu nɔngkɔ, Bulu yaa ri, sèe kaa zang ɓɔɔ ri dũng Laa kɔ shɛ̃ɛning daa nɛɛ ri ka yeti gãa ɓɔɔ zang tusu zang labeenang kagn ɓɔɔ zang ɓáa nɛɛ nung Tirana ɓɛɛ. Laa nyaa nɛɛ ri ka nɔngkɔ, ka yuu Ruu Laa diki diki.

Zang Shonang Yeesɔ 24:14

N kàsɛ́ nyaa katɔ ka tĩng ɓaaɓɛ nɛɛ, n bang Làá rɛɛ dabang ɓuru ka gbalang kɔ ri ɓaa nɛɛ shi kpang ɓɛɛ kɔ. N ti shing danggn ka vuu ɓɔɔ zang bee ka yeti labeenang nyaa dannang Musa nɛɛ ɓɔɔ labeenang rɛɛ zang nyaa shonang Laa.

Zang Shonang Yeesɔ 24:22

Filiku zi ruu Gbalang keɓe tɔ gbãng gbãng ka ruu nɔngkɔ, kɔɔ ri tɔɔ, “Zang bang sɔɔja Lisiya nɛɛ a tɔ, tɔ̀ɔ, n naa dɔng nɔɔ ruu manɛ.” A di nyaa ruu ɓarɛ tãanang kaa nɔngkɔ.

Zang Shonang Yeesɔ 26:10

N palɛ nɔngkɔ ka Urushalima. Zang bang bang zang ɓɔɔ ri dɔɔ vuu ka Gãa Laa, ri yaa m gbalang, a n mãlɛ zang Laa ka sãa dɔɔli. Ɓɔɔ zang nyɔkɔ ri vɔrɔ, n kàsɛ̀ nyaa kagn.

Zang Shonang Yeesɔ 26:12

“N palɛ naa weɓe kɔ, a diki ɓɔɔ kagn zang bang zang ɓɔɔ ri dɔɔ vuu ka Gãa Laa ri yàa m gbalang, a ri a m nyaa shonang ɓarɛ nɛɛ n daa ka Damasiku.

Zang Shonang Yeesɔ 6:9

A zang ɓɔɔ ri ka gãa zɔɔ kpalɛnang ɓɔɔ zang ɓaa nɛɛ gãa zɔɔ kpalɛnang “Zang ɓɔɔ zang yaa ri naa tɔ”, ɓɔɔ ri ɓarɛ zang Yahudi nɛɛ gari Kiranɛ nɛɛ gari Alezandiriya, a ɓɔɔ nɛɛ tipi Silisiya nɛɛ tipi Asiya ri kasɛ ruu ɓiɓɛ kaa takpang. Zang keɓe ri gaayu nyaa laanang kaa nɛɛ wu.

Zang Shonang Yeesɔ 7:19

Kpanti keɓe ta yeti shi kpang, nɛɛ rɛɛ zɔ̃ng ɓuru, dàng rɛɛ dabang ɓuru jĩng, ka ruu ɓɔɔ, shíng ri nɛɛ gbãng gbãng ning nɛɛ ri vang jaa rɛ̃ɛting ɓarɛ ka biling nɛɛ tɔ̀ɔ, ri vɔlɔ ɓɛɛ.

Zang Shonang Yeesɔ 9:14

Wee à ka Damasiku ɓee, ɓi rɛɛ zang bang bang zang ɓɔɔ ri dɔɔ vuu ka Gãa Laa, a wu naa nɛɛ wu naa yiki zang ɓɔɔ ri ɓaa nung ɓaaɓɛ ɓɛɛ nandon.”

Zang Shonang Yeesɔ 9:21

Zang ɓɔɔ ri tãa vuu ɓɔɔ wu kɔɔyi, ri mã naa ka danggn, a ri hɛ̃ɛyi nɛɛ, “Wee ɓi yɔɔ ɓɔɔ nyɔ̀kɔ́ zang ɓɔɔ ri ɓaa nung Yeesɔ vɔrɔ ka Urushalima ɓɛɛ kpang ya? Ti a ka nihn ka ruu ɓɔɔ wu yiki ri, wu daa nɛɛ ri ka Urushalima, wu daa a rɛɛ zang bang bang zang ɓɔɔ ri dɔɔ vuu ka Gãa Laa kpang ya?”

2 Koranti 11:32

Ɓɔɔ bɛ̀ɛ́ n ka Damasiku, Gɔmna ɓɔɔ kpanti Areta yi ɓɛɛ, shing zang nɛɛ, zang gã nyaa gãa ɓɔɔ zang shɛ̃ɛ nɛɛ mani ka yeti gari ɓɛɛ, nɛɛ tɔ̀ɔ zang ri yi m.

Galati 1:17

N ti daa ka Urushalima ka bii zang ɓɔɔ ri nwang zang shonang Yeesɔ doo ka tĩng ɓɛɛ kpang. N daa m katɔ kɔ jong ka tipi Arabiya, a n gbãayu ka Damasiku.