Zang Shonang Yeesɔ 8:3 - Nyaa Shɔɔ Ɓɔɔ Laa a Ɓɛɛ

³ Shaawulu kãa ɓi gbalang ɓɔɔ nɛɛ wu ningsi zang ɓɔɔ ri dũng Laa ɓɛɛ, dɔ̃ɔ gbete. Dàarɛ́ ka gãa gãa, yiki zang varɛ nɛɛ zang soro, wu daa looro ri ka sãa.

Zang Shonang Yeesɔ 8:3 Σταυροειδείς Αναφορές

Zang Shonang Yeesɔ 16:19

Ɓɔɔ rɛɛ zang jaafoo ri zirɛ nɛɛ zang lasɛ ri gbalang ɓɔɔ ri walɛ saka nɛɛ mani tɔ, ri yiki rɛɛ Bulu nɛɛ Siila, ri gɔ̃ ri, ri daa nɛɛ ri ka tĩng rɛɛ zang bang. Ka nɔng ɓɔɔ zang jɛ̃̀ɛ́ zang ruu kagn ka lumang ɓɛɛ.

Zang Shonang Yeesɔ 22:19

N kɔɔ wu n tɔɔ, ‘Kpanti, ri zi naa ɓɔɔ n daarɛ ka gãa zɔɔ kpalɛnang n yiki zang, a n ti nyɔkɔ zang ɓɔɔ ri shing danggn ka bii ɓaaɓɛ ɓɛ̀ɛ́ tɔ.

Zang Shonang Yeesɔ 7:58

Ri nwangsɛ wu nɛɛ yeti gari, a ri luku wu nɛɛ tari. Zang ɓɔɔ ri zi vuu keɓe jĩng ka bii ri tɛ̃̀ɛ, jasang ɓɔɔ bɛ̀ɛ́ ka nɔng, zang ɓaa wu nɛɛ Shaawulu fɔ̃ɔrɔ ɓarɛ nɛɛ wu gãng jĩng kagn.

Zang Shonang Yeesɔ 8:2

Zang ɓɔɔ ri bang Laa nɛɛ yeti gbete ri gbãa Istifanu, ri kaa wu nyavɔ gbãng gbãng.

Zang Shonang Yeesɔ 9:21

Zang ɓɔɔ ri tãa vuu ɓɔɔ wu kɔɔyi, ri mã naa ka danggn, a ri hɛ̃ɛyi nɛɛ, “Wee ɓi yɔɔ ɓɔɔ nyɔ̀kɔ́ zang ɓɔɔ ri ɓaa nung Yeesɔ vɔrɔ ka Urushalima ɓɛɛ kpang ya? Ti a ka nihn ka ruu ɓɔɔ wu yiki ri, wu daa nɛɛ ri ka Urushalima, wu daa a rɛɛ zang bang bang zang ɓɔɔ ri dɔɔ vuu ka Gãa Laa kpang ya?”

1 Koranti 15:9

Ka teteng zang shonang Yeesɔ nandon, nkɔ waa nyaa knti tingkiring. N daa naa ɓɔɔ zang ɓaa m nɛɛ zang shonang Yeesɔ kpang, ka ruu ɓɔɔ, ka ting, n dang zang ɓɔɔ ri dũng Laa jĩng ɓɛɛ.

Galati 1:13

Zang kɔɔ nɔɔ naa ɓɔɔ n nwáng ka tĩng bɛ̀ɛ́ n dũng doo gbalang zang Yahudi nɛɛ yeti gbete ɓɛɛ tɔ. Naa ɓɔɔ n dang zang ɓɔɔ ri dũng gbalang Kirisi jĩng, gn ɓarɛ kɔng m kpang ɓɛɛ tɔ. N pálɛ́ vuu ɓɔɔ n zũnung katɔ nandon, n tɔɔ n ningsi ri dɔ̃ɔ gbete.

Filipi 3:6

Ɓeleng n tusu zang naa ɓɔɔ n palɛ vuu zang Yahudi nɛɛ kaka bii mɛɛ nandon ɓɛɛ. Ka ɓɔɔ n dang zang ɓɔɔ ri dũng Yeesɔ Kirisi jĩng. N ta nyaa dannang zang Yahudi ɓɔɔ shing zang, zang nwang zang tɔ̃ɔ ka tĩng Laa wu gbete kpang. Ka ruu nɔngkɔ, zang ɓɔɔ tɔɔ kpang nɛɛ n palɛ vuu shi kpang tɔ kpang.

1 Timoti 1:13

Ka tĩng, n rang yee shi kpang ka yuu ɓiɓɛ, n dang zang ɓiɓɛ jĩng, a n ti palɛ ri nɛɛ ɓangge, a zɔ̃ng m doo nɛɛ mani. A gn mɛɛ kɔng Laa, ka ruu ɓɔɔ bɛ̀ɛ́ n zi vuu ɓɔɔ n palɛ ɓɛɛ kpang. Bɛ̀ɛ́ n ti shing danggn gn kpang ɓɛɛ,

Yakubu 2:6

Nɔɔ risi zang ɓɔɔ ri zang ying kpang naa vĩi. Wu zang ying kɔ ri dang nɔɔ jĩng kpang ya? Wu rikɔ ɓaa nɔɔ nyaavaa kpang ya?