Zang Shonang Yeesɔ 7:60 - Nyaa Shɔɔ Ɓɔɔ Laa a Ɓɛɛ

⁶⁰ A tang nɛɛ gutu, mɛɛ nyaa ka lapa tɔɔ, “Kpanti, mɔɔ yiti vuu shi kpang kɔ ri palɛ ɓee ka yeti ɓaaɓɛ kpang.” Kɔɔ vuu keɓe tɔ a vɔ kati.

Zang Shonang Yeesɔ 7:60 Σταυροειδείς Αναφορές

Matiyu 27:52

Nyaa sàa ɓɔɔ zang gbã́alɛ́ vɔrɔ kagn ti pulu, zang Laa ɓɔɔ ri vɔlɔ ka tĩng tɛ̃ɛ tɛ̃ɛ, ri seepaa kati.

Matiyu 5:44

A n kɔɔ nɔɔ, nɔɔ kàsɛ̀ ruu zang ɓɔɔ nɔɔ shing jĩng nɛɛ zɔɔ kpang katɔ. Nɔɔ ti gaa Kpanti Laa ka ruu zang ɓɔɔ ri dang nɔɔ jĩng ɓɛɛ,

Luka 22:41

A yaa ri daa kaa nɔng ɓɔɔgn, naabm, tang nɛɛ gutu ka nɔngkɔ, a gaa Laa kati nɛɛ,

Luka 23:34

A Yeesɔ kɔɔyi nɛɛ, “Daa mɛɛ, yaa ri gbalang vuu keɓe katɔ, ka ruu ɓɔɔ, ri zi vuu ɓɔɔ ri palɛ kpang ɓee.” Ri sháa laa ka naa ɓɔɔ ri basɛ rɛɛ fɔ̃ɔrɔ ɓiɓɛ ɓɛɛ.

Luka 6:28

Nɔɔ gaa Laa ka ruu zang ɓɔɔ ri rang yee shi kpang ka yuu manɛ, nɛɛ zang ɓɔɔ ri dang nɔɔ jĩng ɓɛɛ.

Yɔhana 11:11

Yeesɔ kɔɔ ruu keɓe tɔ, a gisi ɓɔɔ kagn tɔɔ, “Hingro yi wusang ɓuru Liyazaru tɔ. N daa ditɔ, n daa hingsi wu.”

Zang Shonang Yeesɔ 13:36

“Dawuda ka diki ɓiɓɛ pàlɛ́ zang ɓiɓɛ shonang naa ɓɔɔ Laa kasɛ ɓɛɛ. Vɔrɛ, a zang gbãa wu ka sàá rɛɛ dabang ɓiɓɛ, a vɔrɔ ɓiɓɛ pũngnɛ.

Zang Shonang Yeesɔ 20:36

Ɓɔɔ Bulu hangsɛ nyaa ruu keɓe, tang ka tipi, a gaa Laa nɛɛ ri nandon.

Zang Shonang Yeesɔ 21:5

Ɓɔɔ diki paa yunang ɓuru a ɓiri, ruu yupaa ruu yi gbalang daanang ɓuru. Ri seepaa nɛɛ wujɛ, nɛɛ soro ɓarɛ nandon, ri naa shing ruu. Ruu nwang tɔ nɛɛ ri, ruu yaa yeti gari tɔ, a ruu tang nɛɛ gutu ka nyaa waapo, ruu gaa Laa. Ruu jee zɔɔ nyaa, a ruu basɛ zɔɔ kati.

Zang Shonang Yeesɔ 9:40

Bituru nwangsɛ ri nɛɛ yeti gãa nandon, a tang ka tipi, gaa Laa, a raa jĩng ka vɔrɔ, a kɔɔyi tɔɔ, “Tabita, yupaa ta.” A Tabita puu jĩng, ɓɔɔ zi Bituru, yupaa nwang doopaa.

1 Koranti 11:30

Ka ruu vuu keɓe kɔ, zang dɔɔli ka teteng manɛ vuu palɛ ri katɔ. Nɔɔ ti lakɛ naa ka bii kpang. A zang ɓɔɔ ti vɔlɔ.

1 Koranti 15:18

Ti nwang kaa naa ɓɔɔ zang ɓɔɔ ri shing danggn tɔ ka bii Yeesɔ Kirisi a ri vɔlɔ, ri shaarɛ ɓarɛ tɔ ɓɛɛ.

1 Koranti 15:20

Niizang, Laa wisi Yeesɔ Kirisi paa tɔ nɛɛ sàa. Ka teteng zang ɓɔɔ ri vɔlɔ ɓɛɛ, Laa wisi wukɔ paa shɔɔnang, a ruu zi kaa wukɔ nɛɛ Laa naa wisi zang ɓɔɔ ri vɔlɔ tɔ paa ditɔ jong nɛɛ sàa.

1 Koranti 15:51

Nɔɔ ɓaa shoo, n kɔɔ vuu ɓɔɔ bɛ̀ɛ́ zang waasɛ katɔ ɓɛɛ. Ruu vɔlɔ wu katɔ nandon kpang. Zang naa kɔ̃sɔ ruu bii ɓi katɔ kɔ jong nandon tantɛnang,

1 Koranti 15:6

Ka laa ɓɔ̀ɔ́gn ti tusu zang ɓɔɔ ri dũng wu, ri ɓa laa maani dakn maani katɔ yuu ɓiɓɛ, a ri zi wu jong. Ka teteng zang ɓɔɔ ri zi wu kaɓa, zang ɓɔɔ ri vɔlɔ tɔ, a ɓɔɔ nimbang ɓarɛ doo ningkãari.

1 Tesalonika 5:10

Yeesɔ vɔ ka ruu ɓuru nɛɛ tɔ̀ɔ, ruu nwang kaa nɔng gbete nɛɛ wu, naa ruu doo ningkãari, kɔ́ ruu vɔlɔ katɔ, ka diki ɓɔɔ wu a kagn ɓɛɛ.

2 Timoti 4:16

Ka ɓɔɔ tĩng shɔɔnang, zang ɓaa m nyaavaa ɓɛɛ, zang ɓɔɔ tà m nyaa kagn kpang. Zang ri yaa m nandon. N gaa Laa wu tɔɔ kpang nɛɛ ri palɛ vuu shi kpang tɔ kpang.

2 Bituru 3:4

Ri naa kɔɔrɔ nɛɛ, “Yeesɔ Kirisi kɔɔ zang nɛɛ wu gbãayu katɔ niizang, a wu kaa kiya? Dabang ɓuru ɓɔɔ ri ta Ruu Laa, ri vɔlɔ tɔ, vuu piti ɓi doo naa ɓeleng. Ɓu dòo ɓɔɔ koo gaayu katɔ dòo tɛ̃ɛ tɛ̃ɛ ɓɛɛ, vuu ɓɔɔ kɔ̃sɔ bii gn kpang.”