Zang Shonang Yeesɔ 6:7 - Nyaa Shɔɔ Ɓɔɔ Laa a Ɓɛɛ

⁷ Ruu Laa ti bàá nɔng ɓi kana. Zang ɓɔɔ ri mantɛ vuu, ri ti shang kana diki diki ka Urushalima. Zang ɓɔɔ ri dɔɔ vuu ka Gãa Laa ɓɔɔ ri shing danggn ka bìí Laa ri shang kana jong diki diki.

Zang Shonang Yeesɔ 6:7 Σταυροειδείς Αναφορές

Matiyu 19:30

A zang dɔɔli ka teteng zang kɔ ri ka tĩng kãntang keɓe, kɔ naa waa nyaa knti. Zang kɔ ri ka knti kãntang keɓe, kɔ naa sɔɔ zang tĩng kaa jong.”

Luka 2:34

Simiyon shìng ri naa ka yuu ɓarɛ, a gaa ri Laa kati. Kɔɔ Marayamu nàá Yeesɔ tɔɔ, “Laa zɔ̃ng jaa keɓe nɛɛ wu naa nwáng zang ɓɔɔ zang Isirela dɔɔli naa shaarɛ ka ruu ɓiɓɛ. Zang dɔɔli ti naa ta yuu ɓarɛ, ka ruu ɓiɓɛ. Wu ti naa nwáng zang ɓɔɔ zang rang wu katɔ ɓɛɛ.

Yɔhana 12:42

A zang bang bang zang Yahudi dɔɔli, ri shing danggn ka bii Yeesɔ. A ri nwangsɛ yuu ɓarɛ kaa takpang, ka ruu ɓɔɔ, ri kaa vɔrɔ zang Farisi ɓɛɛ. Ri kasɛ nɛɛ zang zãa ri gãa zɔɔ kpalɛnang daanang kpang.

Zang Shonang Yeesɔ 12:24

Ruu Laa ti bàa nɔng ɓi kana daa kana nɛɛ tĩng.

Zang Shonang Yeesɔ 13:8

Yɔɔ ɓɔɔ hɛ̃ɛ paa keɓe zang ɓaa wu nɛɛ Elayima nɛɛ nyaa Heleni, kasɛ nɛɛ wu zãa ri Ruu Laa kɔɔnang katɔ. Kasɛ kpang nɛɛ gɔmna wu shing danggn ka bìí Laa kpang.

Zang Shonang Yeesɔ 14:22

Ri mã zang ɓɔɔ ri shing danggn tɔ danggn, ri kɔɔ ri nɛɛ ri yáa danggn kɔ ri shing ɓee kpang. Ri kɔɔyi nɛɛ, “Rùu dàng jĩng dɔɔli ka gbongkarɛ, tɔ̀ɔ, ruu daa nɔng ɓɔɔ Laa roo kpanti ɓɛɛ kati.”

Zang Shonang Yeesɔ 19:20

Ka ruu nɔngkɔ, Ruu Laa daa nɛɛ tĩng, a ti baa nɔng nandon.

Zang Shonang Yeesɔ 2:47

Ri dɔɔ Laa, a zang piti ti rang yee tɔ̃ɔ ka yuu ɓarɛ, Laa ti gìsí ri zang ɓɔɔ wu ta yuu ɓarɛ tɔ ka zɔɔ diki diki.

Zang Shonang Yeesɔ 21:20

Ɓɔɔ ri tãa naa weɓe, ri dɔɔ Laa. A ri kɔɔ wu nɛɛ, “Manzung ɓuru, mɔɔ zi tɔ waa, zang labang dɔɔli ri shing danggn tɔ ka bii Laa ka teteng zang Yahudi, ri ti pĩiri jĩng nɛɛ nyaa dannang Laa dũnnang kpang.

Zang Shonang Yeesɔ 6:1

Ka diki kaɓa, zang ɓɔɔ ri shing danggn ka bii Laa ri shang kana dɔɔli, rɛɛ zang Yahudi ɓɔɔ ri ráng nyaa Heleni ri gɔ̃ɔrɔ yee ka yuu rɛɛ zang Yahudi ka ruu ɓɔɔ, zang nɛ́ɛ bàsɛ́ vuu shaanang diki diki, zang yee laa ka rɛɛ suvɔ ɓarɛ kpang ɓɛɛ.

Rooma 1:5

Laa a ruu gbalang nɛɛ bii ɓiɓɛ kɔ, a ruu nwàng zang shonang ɓiɓɛ ka ruu Yeesɔ, tɔ̀ɔ, rúu gɔ̃ zang koolaa nandon ri shing danggn, ri ti dũng nyaa ɓiɓɛ.

Rooma 16:26

A kãntang keɓe labeenang ɓɔɔ zang nyaa shonang Laa ri beere shing tɔ, ruu niizang nwangsɛ bii tɔ. Laa ɓɔɔ nwàng ɓi ningkãari dòndòng, ti kɔɔ tɔ nɛɛ zang koo piti ri zi ruu ɓɔɔ niizang keɓe. Tɔ̀ɔ, zang piti ri ɓaa shoo kaa nyaa Laa, ri shing danggn kaa bii ɓiɓɛ.

Galati 1:23

Ri tãa ɓarɛ ruu ɓɔɔ zang kɔɔ rikɔ shɛ̃ɛning nɛɛ, “Yɔɔ ɓeleng ɓɔɔ dang ruu ɓɔɔ ruu dũng Kirisi jĩng, kãntang keɓe, kɔɔ zang ruu kaa yuu danggn shinnang ɓɔɔ bɛ̀ɛ́ nɛɛ wu ningsi katɔ ɓɛɛ”

Galati 6:10

Ka ruu nɔngkɔ, diki diki naa ɓɔɔ ruu zunung katɔ ɓɛɛ, ruu pàlɛ̀ zang piti tɔ̃ɔ. Ruu pàlɛ̀ manzung ɓuru ɓɔɔ ri shing danggn tɔ ka bii Laa kɔ tɔ̃ɔ gbãng gbãng.

Kolosi 1:6

Ruu Tɔ̃ɔ atɛ zang tĩnang tãanang kana, a tĩnang keɓe, bàa koo tɔ nandon. Naa ɓɔɔ bàa teteng manɛ doo nɛɛ diki ɓɔɔ nɔɔ gaayu tɔ̃ɔ ɓɔɔ Laa palɛ tãanang, a nɔɔ naa zi naa ɓɔɔ nwàng ɓɛɛ nɛɛ mani ɓɛɛ.

2 Tesalonika 1:8

Naa nwang nyaa nɛɛ waa ɓɔɔ shaa katɔ ɓɛɛ, wu dang zang ɓɔɔ ri bɛ̃ɛ Laa katɔ jĩng, nɛɛ zang ɓɔɔ ri dũng Ruu Tɔ̃ɔ ɓɔɔ ka yuu Kpanti ɓuru Yeesɔ kpang ɓɛɛ.

2 Timoti 2:9

Ka ruu ɓɔɔ, n kɔɔrɔ zang Ruu Tɔ̃ɔ Laa, n dang jĩng, a zang ti mã m nɛɛ saka, mɔɔ kɔɔ nɛɛ ǹ zang ɓɔɔ palɛ vuu shi kpang ɓɛɛ. A zang mã Ruu Laa bìí, ɓi kaa tɔ̀ɔ́ katɔ kpang.

Yahudi 11:8

Danggn shinnang Ibirayi shing wu ka ɓɔɔ zang ɓaa wu nyaa nɛɛ wu daa nɔng ɓɔɔ naa nwáng ɓɔɔ ɓiɓɛ ɓɛɛ, ɓaa shoo a daayi. Naa doo ka ɓɔɔ wu zi nɔng ɓɔɔ wu daa kpang ɓɛɛ.

Yahudi 5:9

Ka ɓɔɔ hangsɛ shonang ɓiɓɛ tɔ ɓɛɛ, nwàng zang ɓɔɔ ta yuu zang nandon, ɓɔɔ ri dũng nyaa ɓiɓɛ ɓɛɛ. Tɔ̀ɔ, yuu ɓarɛ ɓɔɔ zang tarɛ, wu nwang kaa ɓɔɔ gbinggbing ɓɛɛ.

Yahuza 1:20

Rɛɛ masang ɓɔɔ manɛ, nɔɔ pálɛ́ vuu ɓɔɔ shingnɛ nɔɔ daa manɛ nɛɛ tĩng kɔ jong ka danggn kɔ nɔɔ shing ka bii Laa ɓee. Suru Laa wu a nɔɔ naa, nɔɔ gaa Laa.

Yahuza 1:3

Masang, ɓɔɔ n kasɛ nɔɔ dɔɔli ɓɛɛ, bɛ̀ɛ́ n wàá doo diki ɓɔɔ n bèé nɔɔ labeenang ka ruu yuu ɓuru ɓɔɔ Yeesɔ ta ɓɛɛ. A vuu ɓɔɔ shing m kãntang keɓe n bèé nɔɔ labeenang, n kasɛ n kɔɔ nɔɔ nɛɛ nɔɔ shii nɛɛ bang, ka ruu danggn shinnang kɔ Laa a zang ɓiɓɛ tɔ dɔ̃ɔ gbete ɓee.