Zang Shonang Yeesɔ 5:5 - Nyaa Shɔɔ Ɓɔɔ Laa a Ɓɛɛ

⁵ Ɓɔɔ Hananiya tãa ruu keɓe naa weɓe, tantɛ watɛnang ka tipi a vɔrɛ. Zang ɓɔɔ ri tãa ruu keɓe piti, ri kaa vɔrɔ dɔɔli.

Zang Shonang Yeesɔ 5:5 Σταυροειδείς Αναφορές

Zang Shonang Yeesɔ 13:11

Náa vuu palɛnang Laa lee mɔɔ ditɔ kãntang keɓe. Jĩng ɓaaɓɛ zuu katɔ, mɔɔ zi nɔng kpang diki bee katɔ tɔkɔlɔng.” A pũngku nɛɛ nɔng tɔɔnang ri zúu Elayima jĩng kati. Rakɛ, tã̀lɛ́ naa, kãa zang ɓɔɔ yí wu naa ɓɛɛ.

Zang Shonang Yeesɔ 2:43

Zang piti ri kaa vɔrɔ a Laa ti palɛ vuu ɓɔɔ zang zirɛ zang mã naa ka danggn dɔɔli nɛɛ naa zang shonang keɓe.

Zang Shonang Yeesɔ 5:13

Zang rang yee tɔ̃ɔ ka yuu ɓarɛ, a zang biling ɓɔɔ shɛ̃ɛ teteng ɓarɛ kaa tɔ̀ɔ́ kagn gbete kpang.

1 Koranti 4:21

Nɔɔ kasɛ wiya? Ɓɔɔ n a nɛɛ gbãa, nɛɛ ɓɔɔ n a nɛɛ yeti ɓɔɔ valɛ katɔ nɛɛ zang kasɛnang, ka bii manɛ ya?

2 Koranti 13:10

Ka ruu nɔngkɔ, n bèé nɔɔ laa keɓe ka wee n gn nɛɛ nɔɔ nɔng gbete kpang ɓee. Tɔ̀ɔ, n nɛɛ a tɔ ka nɔng manɛ, n palɛ nɔɔ vuu kaa tɔ̀ɔ́ nɛɛ gnvɔ, nɛɛ naa vuu palɛnang ɓɔɔ Laa a m ɓɛɛ kpang. Laa a m naa nɛɛ n yi nɔɔ naa ka bii nɔɔ bangkɛ, nɛɛ n ningsi nɔɔ katɔ kpang.

2 Koranti 13:2

N kasɛ, n tɔ̀ɔ́, n shàarɛ́ zang ɓɔɔ ka teteng manɛ ɓɔɔ ri palɛ vuu shi kpang tɔ, ka ting ɓɛɛ, nɛɛ zang nimbang nandon, nyaa. N shàarɛ̀ nɔɔ nyaa tɔ, ka ɓɔɔ bɛ̀ɛ́ n leng jĩng ka nɔɔ dòo doo ziti kɔ nwani ɓɛɛ. N shàarɛ́ nɔɔ nyaa tɔkn ka wee n tɔ̀ɔ́ nɛɛ nɔɔ kpang ɓee. Naa n a tɔkn, zang ɓɔɔ naa wɔ ka naa mɛɛ gbete kpang.

2 Koranti 7:11

Nɔɔ zi vuu ɓɔɔ yeti lasɛnang keɓe ɓɔɔ Laa kasɛ nɔɔ nɛɛ mani, pàlɛ̀ nɔɔ ɓɛɛ ta. Naa ɓɔɔ nɔɔ làabìi, nɔɔ zɔ̃ng yuu manɛ ɓɛɛ. Yeti manɛ lasɛ tɔ ka yuu vuu ɓɔɔ palɛ ɓɛɛ, a nɔɔ ti kaa vɔrɔ vuu ɓɔɔ naa a ka tĩng ɓɛɛ. Shing nɔɔ, nɔɔ kasɛ m zinang katɔ gbãng gbãng, a nɔɔ kasɛ nɛɛ nɔɔ ta m nyaa, nɔɔ dang zang ɓɔɔ palɛ m vuu shi kpang jĩng. Ka vuu kɔ palɛ ɓee nandon, nɔɔ tusu yuu manɛ nɛɛ ruu manɛ hãa ɓi kagn kpang.

Vuu ɓɔɔ zang nwangsɛ Yɔhana 11:13

Nyaa kɔ doo naa ɓee, tipi ruutu nabm, a naa zang basɛ gari bang kaɓa tìng kopi, tìng gbete ka teteng ɓarɛ jirɛ. A tipi ɓɔɔ ruutu ɓee nyɔ shɔnzang labang manziti. A zang ɓɔɔ ri yaa knti, bii kaa ri vɔrɔ dɔɔli, a ri dɔɔ Laa ɓɔɔ ka lapa ɓɛɛ kati.

Vuu ɓɔɔ zang nwangsɛ Yɔhana 11:5

Zang ɓɔɔ nɛɛ tɔɔ wu palɛ ri vuu shi kpang, waa nwangnɛ nyaa ɓarɛ wu shaa zang ɓɔɔ ri shing jĩng nɛɛ ri kpang kaɓa. Wee naa ɓɔɔ zang nyɔkɔ zang ɓɔɔ ri shing jĩng nɛɛ ri kpang kɔ, tɔɔ ri wɔ kaa takpang.