Zang Shonang Yeesɔ 4:2 - Nyaa Shɔɔ Ɓɔɔ Laa a Ɓɛɛ

² Yeti ɓarɛ lasɛ nɛɛ Bituru nɛɛ Yɔhana, ka ruu ɓɔɔ, ri tusu zang vuu, a ti kɔɔ ri nɛɛ Yeesɔ yupaa tɔ nɛɛ sàa, ka ruu nɔngkɔ, zang yupaa katɔ nɛɛ sàa ɓɛɛ.

Zang Shonang Yeesɔ 4:2 Σταυροειδείς Αναφορές

Zang Shonang Yeesɔ 13:45

Ɓɔɔ rɛɛ zang Yahudi ri zi zang ɓɔɔ ri kpalɛ dɔɔli ri kaa sũnyaa gbãng gbãng. Ri laa nyaa vuu ɓɔɔ Bulu kɔɔrɔ ɓɛɛ ri ti dãlɛ wu.

Zang Shonang Yeesɔ 17:18

A zang ɓɔɔ ri dũng vuu ɓɔɔ Epikuru nɛɛ Sitoki ri túsú ɓɛɛ, ri ti a ka bii ɓiɓɛ. A zang ɓɔɔ ka teteng ɓarɛ ri kɔ̀ɔrɔ́ nɛɛ “Yɔɔ kɔ yìkí nyaa katɔ ɓee, naa kɔ̀ɔ́ ɓu viya?” Zang ɓɔɔ ri kɔɔyi nɛɛ, “Mɔɔ kɔɔ nɛɛ kɔ̀ɔ́ rúu ka yuu vuu gãnti ɓɔɔ ruu zi gngn kpang ɓɛɛ.” Ri kɔɔ ruu keɓe waati kpang, ka ruu ɓɔɔ bɛ̀ɛ́ Bulu kɔɔ ruu ka yuu Yeesɔ nɛɛ naa ɓɔɔ wu yupaa nɛɛ saa ɓɛɛ.

Zang Shonang Yeesɔ 19:23

Ka diki kaɓa, zang hàa nyaa dɔɔli ka Afisa ka ruu gbalang keɓe.

Zang Shonang Yeesɔ 24:21

Ɓi ruu gbete ɓɔɔ n mɛ́ɛ nyaa ka teteng ɓarɛ n kɔɔyi nɛɛ, ‘Zang ɓàa m nyaavaa ka bii manɛ, ka ruu danggn ɓɔɔ n shingnɛ nɛɛ, zang naa yupaa ditɔ nɛɛ sàa ɓɛɛ kɔ shɛ̃ɛning.’ ”

Zang Shonang Yeesɔ 26:23

Ri kɔɔyi tɔɔ Kirisi naa dang jĩng ditɔ, wukɔ ti naa yupaa shɔɔnang nɛɛ saa, wu kɔɔ rɛɛ zang Isirela nɛɛ zang ɓɔɔ ri zang Isirela kpang ruu nɔng yakɛnang ɓɔɔ a zang suru bii ɓɛɛ.”

Zang Shonang Yeesɔ 26:8

Ɓɔɔ nɔɔ zang Yahudi, ka ruu vi danggn shinnang nɛɛ Laa wisi zang paa katɔ nɛɛ saa kpãa nɔɔ nɔngkɔ viya?

Zang Shonang Yeesɔ 3:15

Nɔɔ nyɔ zang ɓɔɔ zang wàlɛ́ suru bii ka bii ɓiɓɛ kɔ ɓɛɛ. A Laa wisi wu paa nɛɛ sàa, rùu zi wu nɛɛ jĩng ɓuru.

Zang Shonang Yeesɔ 5:17

Kpanti zang ɓɔɔ ri dɔɔ vuu ka Gãa Laa, nɛɛ rɛɛ zang ɓɔɔ ri nɛɛ wu ɓɛɛ nandon, ɓɔɔ ri ɓarɛ zang Saduki ɓɛɛ, ri kaa sũnyaa, a gnvɔ shaa ri dɔɔli.

Rooma 8:11

Laa ɓɔɔ wisi Yeesɔ paa nɛɛ saa, suru ɓiɓɛ nɛɛ nwàng ka yeti manɛ, Laa keɓe ɓɔɔ wisi Kirisi paa nɛɛ saa, a nɔɔ suru bii ditɔ. A nɔɔ suru bii nɛɛ bii Suru ɓiɓɛ ɓɔɔ nwang ka yeti manɛ ɓɛɛ.

1 Koranti 15:23

Vuu keɓe piti ri palɛ ka laa ɓarɛ. Kirisi kɔ yupaa shɔɔnang nɛɛ sàa. Ka diki ɓɔɔ wu naa gbã́ayu ka koo keɓe, Laa naa wisi zang ɓɔɔ ri ɓarɛ ɓɔ̀ɔ́ Kirisi paa ditɔ nandon.