Zang Shonang Yeesɔ 4:1 - Nyaa Shɔɔ Ɓɔɔ Laa a Ɓɛɛ

¹ Bituru nɛɛ Yɔhana ri rang yee doo ka naa nyaa nɛɛ zang ɓɔɔ ri kpalɛ zɔɔ ɓɛɛ, a rɛɛ zang ɓɔɔ ri dɔɔ vuu ka Gãa Laa, nɛɛ zang bang zang ɓɔɔ ri gã Gãa Laa nɛɛ rɛɛ Saduki, ri a ka bii ɓarɛ.

Zang Shonang Yeesɔ 4:1 Σταυροειδείς Αναφορές

Matiyu 16:12

A zang ɓɔɔ ri mantɛ vuu ka bii ɓiɓɛ, ri naa zi kaa nɛɛ knti, nɛɛ Yeesɔ, kɔɔ ri ɓarɛ nɛɛ ri gãng jĩng ka yisi ɓɔɔ puu zũng ɓɔɔ zang palɛ borodi nɛɛ mani ɓɛɛ kpang. Nɛɛ ri gãng jĩng ɓarɛ ka vuu ɓɔɔ zang Farisi nɛɛ Saduki ri tusu zang ɓɛɛ.

Matiyu 22:16

A ri shong zang ɓɔɔ ri mantɛ vuu ka bii ɓarɛ nɛɛ zang ɓɔɔ dũng knti Kpanti Hiridu tɔɔ, ri daa kɔɔ Yeesɔ nɛɛ, “Maalang, ruu zi tɔ, mɔɔ suu see ɓáa kpang. Mɔɔ tùsú zang ɓáa vuu ɓɔɔ niizang, ɓɔɔ Laa kasɛ nɛɛ zang wu palɛ ɓɛɛ. Ruu ɓaaɓɛ hãa ɓi kagn nɛɛ vuu ɓɔɔ shɔnzang rɛ̃rɛ ɓɛɛ kpang, ka ruu ɓɔɔ, mɔɔ ti shɛ̃ɛrɛ zang ɓáa kpang ɓɛɛ.

Matiyu 27:20

A zang bang bang zang ɓɔɔ ri dɔɔ vuu ka Gãa Laa, nɛɛ zang bang bang zang Yahudi ri dɔ̃lɔ zang dɔɔli nyaa nɛɛ ri kɔɔ Bilatu nɛɛ wu yaa Baraba kɔ naa, wu nyɔ Yeesɔ.

Matiyu 27:41

Zang bang bang zang ɓɔɔ ri dɔɔ vuu ka Gãa Laa, nɛɛ zang ɓɔɔ ri tusu zang vuu, nɛɛ zang bang bang zang Yahudi, ri ti kpaa wu doo nɔngkɔ. Ri tɔɔ,

Matiyu 3:7

Ɓu doo ɓɔɔ Yɔhana zi zang Farisi nɛɛ zang Saduki, ɓɔɔ ri alɛ̀ gaagaa nɛɛ wu naa pàlɛ̀ ri batizima hn ɓɛɛ, hɛ̃ɛ ri nɛɛ, “Rɛɛ pudi keɓe, ɓu wi kɔɔ nɔɔ nɛɛ nɔ́ɔ yúu jĩng dannang ɓɔ̀ɔ́ Kpanti Laa ɓɔɔ a kana naabm wiya?

Luka 20:1

Diki ɓɔɔgn Yeesɔ tusu zang vuu, a ti kɔɔ zang Ruu Tɔ̃ɔ Laa ka Gãa Laa, a rɛɛ zang bang bang zang ɓɔɔ ri dɔɔ vuu ka Gãa Laa, nɛɛ rɛɛ zang ɓɔɔ ri zi labeenang Laa dɔɔli ɓɛɛ, nɛɛ rɛɛ zang bang bang, ri a ka bii ɓiɓɛ.

Luka 22:4

A Yahuda daa tɔ̀ng zɔɔ nɛɛ rɛɛ kpanti zang ɓɔɔ ri dɔɔ vuu ka Gãa Laa, a ɓɔɔ rɛɛ zang bang bang ɓɔɔ ri gã Gãa Laa ɓɛɛ, naa ɓɔɔ wu nyɔ ri yuu Yeesɔ ɓɛɛ.

Yɔhana 15:20

Danggn wu ning nɔɔ vuu ɓɔɔ n kɔɔ nɔɔ ɓee kpang. N kɔɔ nɔɔ nɛɛ, ‘Zang shonang ɓɔɔ ɓa dabang gãa ɓiɓɛ katɔ ɓi kagn kpang.’ Zang ɓɔɔ ri dang m jĩng, ri naa dang nɔɔ jĩng doo katɔ kɔ. Ri nɛɛ ɓaa shoo ka vuu ɓɔɔ n tùsù ri, ri naa ɓaa shoo katɔ ka ɓɔɔ manɛ kɔ doori.

Yɔhana 18:3

Ka ruu nɔngkɔ, Yahuda sèe rɛɛ sɔɔja nɛɛ zang ɓɔɔ ri gã Gãa Laa, ɓɔɔ rɛɛ zang bang zang ɓɔɔ ri dɔɔ vuu ka Gãa Laa nɛɛ rɛɛ zang Farisi ri shong ri ɓɛɛ, a daa nɛɛ ri ka vɔ̀ɔ́ laa inabi. Zang keɓe ri tùurù vuu waa ka naa, nɛɛ waa zàáng sɔɔ a ɓɔɔ waa tooshi.

Zang Shonang Yeesɔ 4:6

Ri kpalɛ zɔɔ nɛɛ rɛɛ Anas, kpanti zang ɓɔɔ ri dɔɔ vuu ka Gãa Laa ɓɛɛ, nɛɛ Kayifa, nɛɛ Yɔhana, nɛɛ Alezanda, a ɓɔɔ kaa kpanti zang ɓɔɔ ri dɔɔ vuu ka Gãa Laa ɓeezung.

Zang Shonang Yeesɔ 5:17

Kpanti zang ɓɔɔ ri dɔɔ vuu ka Gãa Laa, nɛɛ rɛɛ zang ɓɔɔ ri nɛɛ wu ɓɛɛ nandon, ɓɔɔ ri ɓarɛ zang Saduki ɓɛɛ, ri kaa sũnyaa, a gnvɔ shaa ri dɔɔli.

Zang Shonang Yeesɔ 5:24

Ɓɔɔ kpanti zang ɓɔɔ ri gã Gãa Laa, nɛɛ rɛɛ zang bang bang zang ɓɔɔ ri dɔɔ vuu ka Gãa Laa, ri tãa naa weɓe, ri mã naa ka danggn, ka ruu ɓɔɔ, ri zi naa ɓɔɔ ruu keɓe naa dii nyaa kpang ɓɛɛ.

Zang Shonang Yeesɔ 5:26

A rɛɛ kpanti zang ɓɔɔ ri gã Gãa Laa nɛɛ zang ɓiɓɛ, ri daayi nɛɛ ri daa atɛ ri. Ri atɛ ri wu nɛɛ bàng kpang, ka ruu ɓɔɔ, ri kaa vɔrɔ, zang nɛɛ luku ri nɛɛ tari ɓɛɛ.

Zang Shonang Yeesɔ 6:12

Ɓɔɔ ri tãa ruu keɓe naa weɓe, yeti zang nɛɛ ɓɔɔ zang bang bang zang Yahudi, nɛɛ zang ɓɔɔ ri tusu zang labeenang Laa ɓɛɛ, lasɛ dɔɔli. Ri arɛ, ri naa yi Istifanu ri daa nɛɛ wu ka bii zang ɓɔɔ ri jɛ̃ɛ zang ruu ɓɛɛ.

Zang Shonang Yeesɔ 6:7

Ruu Laa ti bàá nɔng ɓi kana. Zang ɓɔɔ ri mantɛ vuu, ri ti shang kana diki diki ka Urushalima. Zang ɓɔɔ ri dɔɔ vuu ka Gãa Laa ɓɔɔ ri shing danggn ka bìí Laa ri shang kana jong diki diki.