Zang Shonang Yeesɔ 3:7 - Nyaa Shɔɔ Ɓɔɔ Laa a Ɓɛɛ

⁷ A yí yɔɔ ka naa nakn ɓiɓɛ, a yì wu naa ka paa yunang. Doo yɔɔ nɛɛ jĩng doo ɓiɓɛ tantɛ lakɛnang.

Zang Shonang Yeesɔ 3:7 Σταυροειδείς Αναφορές

Maraku 1:31

A Yeesɔ arɛ yi wu naa, a wisi wu paa. Bii ɓɔɔ zaa wu, yaa wu nɔng kati. A Bituru ɓeekpeng seepaa a atɛ ri vuu shaanang kati.

Maraku 5:41

A yi naa jaa, kɔɔ wu tɔɔ, “Talita kumi,” (Dĩiri yee keɓe ɓi, “Jaa, n kɔɔ mɔɔ, seepaa ta.”)

Maraku 9:27

A Yeesɔ yi jaa ka naa, a yì jaa naa ka bii, a jaa seepaa kati.

Luka 13:13

A shìng jaa soro naa ɓiɓɛ ka bii, a bii jaa soro shiiri kaa tantɛnang, a jaa soro dɔɔ Laa kati.

Zang Shonang Yeesɔ 3:6

A Bituru kɔɔ wu tɔɔ, “Kɔ́pɔ̀ kagn naa mɛɛ kpang tingkiring, N a mɔɔ m vuu ɓɔɔ n nɛɛ mani ɓɛɛ. Ka nung Yeesɔ Kirisi yɔɔ gari Nazara, n kɔɔ mɔɔ, yupaa ta mɔɔ rarɛ.”

Zang Shonang Yeesɔ 3:8

Yɔɔ zaa ka lapa, a shii nɛɛ doo, a gaayu ranang. A daa yeti Gãa Laa kaa nɛɛ rɛɛ Bituru nɛɛ Yɔhana, rárɛ̀ wu ti zaa ka lapa, ti dɔ̀ɔ́ Laa kana.

Zang Shonang Yeesɔ 4:16

Ri hɛ̃ɛ zɔɔ tɔɔ, “Ruu palɛ biya nɛɛ rɛɛ zang keɓe viya? Ka ruu ɓɔɔ, zang ɓɔɔ ri ka Urushalima nandon, ri zi tɔ nɛɛ zang keɓe ri palɛ vuu ɓɔɔ zang zirɛ zang mã naa ka danggn, ɓɔɔ zang palɛ gngn kpang ɓɛɛ. Daa naa ɓɔɔ ruu ti làá nyaa kpang.

Zang Shonang Yeesɔ 4:9

nɔɔ nɛ́ɛ hɛ̃ɛ ruu, ruu keɓe ka ruu ɓɔɔ, ruu yi zang ɓɔɔ vuu palɛ katɔ naa ka bii, nɛɛ naa ɓɔɔ ruu masɛ wu,

Zang Shonang Yeesɔ 9:41

Bituru yì wu naa ka bii, a shii kaa nɛɛ doo. Bituru, ɓaa nyaa kaa rɛɛ zang ɓɔɔ ri dũng Laa, nɛɛ rɛɛ suvɔ a á ri Tabita kaa ningkãari.