Zang Shonang Yeesɔ 3:6 - Nyaa Shɔɔ Ɓɔɔ Laa a Ɓɛɛ

⁶ A Bituru kɔɔ wu tɔɔ, “Kɔ́pɔ̀ kagn naa mɛɛ kpang tingkiring, N a mɔɔ m vuu ɓɔɔ n nɛɛ mani ɓɛɛ. Ka nung Yeesɔ Kirisi yɔɔ gari Nazara, n kɔɔ mɔɔ, yupaa ta mɔɔ rarɛ.”

Zang Shonang Yeesɔ 3:6 Σταυροειδείς Αναφορές

Matiyu 10:9

Nɔ́ɔ daa nɛɛ saka ka baajaa kpang.

Matiyu 7:22

Zang dɔɔli ri naa kɔɔ m ka diki ɓɔɔ, Laa naa jɛ̃ɛ zang ruu nɛɛ, ‘Kpanti, rùu kɔɔ zang Ruu Laa wu nɛɛ nung ɓaaɓɛ kɔ kpang ya? Ruu ti nwangsɛ suru shi kpang nɛɛ bii zang, a ɓɔɔ shonang bang ɓɔɔ ruu palɛ, zang mã naa ka danggn nɛɛ nung ɓaaɓɛ kɔ kpang ya?’

Maraku 14:8

Palɛ ɓi vuu ɓɔɔ wu zunung katɔ ɓɛɛ. Tũuru m ɓi kaa nung ɓɔɔ zang nɛɛ naa tũuru vɔrɔ mɛɛ, tɔ̀ɔ, zang gbãa kati kɔ nwani.

Maraku 16:17

Laa naa a zang ɓɔɔ ri shing danggn ka bii ɓiɓɛ naa vuu palɛnang ɓɔɔ zang zirɛ, zang mã naa ka danggn ditɔ. Ri naa nwangsɛ suru shi kpang nɛɛ nung mɛɛ. Ri ti naa rangkɛ yee nɛɛ nyaa koo ɓɔɔgn.

Yɔhana 19:19

Bilatu kɔɔ zang nɛɛ zang bee vuu, zang ɓaa ka yuu laa ɓɔɔ zang ɓaa Yeesɔ naa kagn ɓɛɛ. Nɛɛ zang beeyi nɛɛ, “Yeesɔ yɔɔ Nazara, Kpanti zang Yahudi.”

Zang Shonang Yeesɔ 10:38

Ruu keɓe ɓi ruu Yeesɔ yɔɔ Nazara. Ɓɔɔ Laa a wu Suru ɓiɓɛ, nɛɛ naa vuu palɛnang ɓɛɛ. Yeesɔ keɓe daarɛ nɛɛ nɔng piti piti, pàlɛ́ zang tɔ̃ɔ, ti masɛ zang ɓɔɔ suru shi kpang ka bii ɓarɛ nandon, ka ruu ɓɔɔ, Laa nɛɛ wu ɓɛɛ.

Zang Shonang Yeesɔ 16:18

Pálɛ̀ naa weɓe diki diki, a yeti Bulu naa lasɛ, a raa jĩng kɔɔ suru shi kpang tɔɔ, “N dang mɔɔ nyaa nɛɛ nung Yeesɔ Kirisi, nwangnɛ mɔɔ yaa wu bii.” A suru shi kpang tantɛ nwannang.

Zang Shonang Yeesɔ 2:22

“Nɔɔ ɓaa shoo ka ruu keɓe, rɛɛ manzung zang Isirela. Yeesɔ yɔɔ Nazara, zang ɓɔɔ Laa tùsù nɔɔ wu ka vuu bang bang ɓɔɔ zang zirɛ zang mã naa ka danggn, ɓɔɔ Laa palɛ nɛɛ naa ɓiɓɛ ka teteng manɛ ɓɛɛ. Naa ɓɔɔ nɔɔ ti zi tɔ ɓɛɛ.

Zang Shonang Yeesɔ 2:36

“Ka ruu nɔngkɔ, zang Isirela, nɔɔ zi ta tɔ̃ɔ tɔ̃ɔ nɛɛ Yeesɔ ɓɔɔ nɔɔ ɓaa wu naa ka laa keɓe, Laa shing kaa wukɔ nwàng Kpanti, wukɔ ti Kirisi zang ɓɔɔ Laa tɔɔ, wu naa a ɓɛɛ.”

Zang Shonang Yeesɔ 3:16

Danggn shinnang ka nung Yeesɔ kɔ masɛ yɔɔ kɔ nɔɔ zi nɛɛ jĩng, a nɔɔ ti zì wu nung tɔ ɓee. Ɓi nung Yeesɔ nɛɛ danggn shinnang ka bii ɓiɓɛ kɔ masɛ yɔɔ keɓe dɔ̃ɔ gbete, naa wee nɔɔ zi ɓee.

Zang Shonang Yeesɔ 3:5

A shu ri jĩng ka bii, kɔɔ ɓi naa ri a wu vuu.

Zang Shonang Yeesɔ 3:7

A yí yɔɔ ka naa nakn ɓiɓɛ, a yì wu naa ka paa yunang. Doo yɔɔ nɛɛ jĩng doo ɓiɓɛ tantɛ lakɛnang.

Zang Shonang Yeesɔ 4:10

n kaaɓi, n kɔɔ nɔɔ nɛɛ zang Isirela piti faarik, nɛɛ yɔɔ kɔ shii ka tĩng manɛ ɓee, zang masɛ wu nɛɛ nung Yeesɔ Kirisi, yɔɔ gari Nazara ɓɔɔ nɔɔ ɓaa wu naa ka laa, a Làa naa wisi wu paa ka sàa ɓɛɛ.

Zang Shonang Yeesɔ 4:7

Zang atɛ Bituru nɛɛ Yɔhana ka tĩng ɓarɛ, a ri hɛ̃ɛ ri tɔɔ, “Nɔɔ walɛ naa vuu palɛnang ka niya nɔɔ palɛ vuu keɓe nɛɛ mani wiya? Nɔɔ palɛ nɛɛ nung wiya?”

Zang Shonang Yeesɔ 9:34

Bituru kɔɔ wu tɔɔ, “Aniya Yeesɔ Kirisi masɛ mɔɔ tɔ. Yupaa mɔɔ palɛ latãng ɓaaɓɛ waasɛ̃.” A Aniya tantɛ paa yunang.

1 Koranti 4:11

Wee ruu rang yee ka nyaa ɓee, nyɔkɔ nyɔ ruu katɔ, sutu mã ruu, ruu hã̀lɛ̀ ɓuru sɛ̃ɛ fɔ̃ɔrɔ ka bii, zang dang ruu jĩng, a gãa ɓɔɔ ruu nwáng kagn ti kpang.

2 Koranti 6:10

Zang làsɛ́ ruu yeti katɔ, a ruu tãa kaa tĩnang diki diki, mɔɔ kɔɔ nɛɛ vuu ka naa ɓuru kpang, a ɓi rukɔ shing zang ri wàlɛ́ vuu naa. Mɔɔ kɔɔ nɛɛ vuu ka naa ɓuru kpang, a ɓeekpang vuu piti ɓi ka naa ɓuru.

2 Koranti 8:12

Mɔɔ nɛɛ kasɛ tɔ ka yeti ɓaaɓɛ nɛɛ, mɔɔ a zang vuu, Laa tãa tĩnang vuu ɓɔɔ mɔɔ a ɓɛɛ katɔ. Nɔɔ á dɔɔli naa ɓɔɔ nɔɔ zunung katɔ ɓɛɛ. Laa tɔɔ kpang nɛɛ mɔɔ a vuu ɓɔɔ ka naa ɓaaɓɛ kpang, kpang.

2 Koranti 8:9

Nɔɔ zi tɔ̃ɔ ɓɔɔ Kpanti ɓuru Yeesɔ Kirisi pàlɛ̀ ruu ɓɛɛ tɔ. Yeesɔ ɓi jaa ying ka vuu suru, a risi yuu ɓiɓɛ nwang zang ɓɔɔ vuu ka naa ɓiɓɛ kpang ka ruu manɛ, nɛɛ tɔ̀ɔ, nɔɔ nwang wujɛ ying kati.

Yakubu 2:5

Manzung ɓɔɔ n kasɛ nɔɔ dɔɔli ɓɛɛ, nɔɔ ɓaa shoo. Laa zɔ̃ng zang ɓɔɔ ri zang ying kpang, ɓɔɔ ri ka koo keɓe, nɛɛ ri nwang zang ying ka danggn ɓɔɔ ri shing ka bii Laa ɓɛɛ. Shing ri tɔ, ri walɛ vuu ɓɔɔ Laa tɔɔ wu shing zang ɓɔɔ ri kasɛ ruu ɓiɓɛ katɔ ka ɓɔɔ wu roo kpanti ɓɛɛ.

1 Bituru 4:10

Laa palɛ nɔɔ tɔ̃ɔ tɔ ka gbalang náabm̀ náabm̀. Laa a zang ɓu naa vuu palɛnang wu palɛ vuu ka zɔ̃ng zɔ̃ng. Ka ruu nɔngkɔ, zang ɓu wu palɛ tɔ̃ɔ, wu palɛ shonang nɛɛ naa ɓɔɔ Laa a wu, wu yi zang ɓɔɔ naa ka bii.