Zang Shonang Yeesɔ 3:16 - Nyaa Shɔɔ Ɓɔɔ Laa a Ɓɛɛ

¹⁶ Danggn shinnang ka nung Yeesɔ kɔ masɛ yɔɔ kɔ nɔɔ zi nɛɛ jĩng, a nɔɔ ti zì wu nung tɔ ɓee. Ɓi nung Yeesɔ nɛɛ danggn shinnang ka bii ɓiɓɛ kɔ masɛ yɔɔ keɓe dɔ̃ɔ gbete, naa wee nɔɔ zi ɓee.

Zang Shonang Yeesɔ 3:16 Σταυροειδείς Αναφορές

Matiyu 14:29

A Yeesɔ kɔɔ Bituru tɔɔ, “A ta.” A Bituru seepaa nɛɛ yeti tonsi, ra ka yuu paa mii, daa kana bii Yeesɔ.

Matiyu 9:22

A Yeesɔ raa jĩng kɔɔ wu tɔɔ, “Mɔ́ɔ yaa danggn naa kpang manjaa, danggn ɓɔɔ mɔɔ shing ka bii Kpanti Laa masɛ mɔɔ tɔ.” A kɔnang yaa jaa soro bii kaa tantɛnang ka làa kaɓa.

Yɔhana 14:12

N kɔ̀ɔ́ nɔɔ ruu ɓɔɔ niizang kɔ nwani, zang ɓɔɔ nɛɛ shing danggn ka bii mɛɛ, palɛ shonang ɓɔɔ n palɛ ɓɛɛ katɔ. Ti palɛ shonang ɓɔɔ ɓa ɓɔɔ n palɛ katɔ. Ka ruu ɓɔɔ, n gbãayu n daa kaa bìí Daa mɛɛ ɓɛɛ.

Yɔhana 7:23

Naa zang yee jaa shaa katɔ ka Diki Ɔ̃sɔnang, ka ruu ɓɔɔ, zang nɛɛ ta nyaa ɓɔɔ Musa dang ɓɛɛ, a nɔɔ lasɛ yeti nɛɛ n ka ruu ɓɔɔ n masɛ shɔnzang ka Diki Ɔ̃sɔnang ka ruu viya?

Zang Shonang Yeesɔ 14:9

Ɓaa shoo, tã̀á Ruu Laa ɓɔɔ Bulu kɔɔ ɓɛɛ. A Bulu shù wu jĩng ka bii, a zi danggn ɓɔɔ wu shing ɓɛɛ, daa naa ɓɔɔ zang masɛ wu tɔ.

Zang Shonang Yeesɔ 16:18

Pálɛ̀ naa weɓe diki diki, a yeti Bulu naa lasɛ, a raa jĩng kɔɔ suru shi kpang tɔɔ, “N dang mɔɔ nyaa nɛɛ nung Yeesɔ Kirisi, nwangnɛ mɔɔ yaa wu bii.” A suru shi kpang tantɛ nwannang.

Zang Shonang Yeesɔ 3:6

A Bituru kɔɔ wu tɔɔ, “Kɔ́pɔ̀ kagn naa mɛɛ kpang tingkiring, N a mɔɔ m vuu ɓɔɔ n nɛɛ mani ɓɛɛ. Ka nung Yeesɔ Kirisi yɔɔ gari Nazara, n kɔɔ mɔɔ, yupaa ta mɔɔ rarɛ.”

Zang Shonang Yeesɔ 3:8

Yɔɔ zaa ka lapa, a shii nɛɛ doo, a gaayu ranang. A daa yeti Gãa Laa kaa nɛɛ rɛɛ Bituru nɛɛ Yɔhana, rárɛ̀ wu ti zaa ka lapa, ti dɔ̀ɔ́ Laa kana.

Zang Shonang Yeesɔ 4:10

n kaaɓi, n kɔɔ nɔɔ nɛɛ zang Isirela piti faarik, nɛɛ yɔɔ kɔ shii ka tĩng manɛ ɓee, zang masɛ wu nɛɛ nung Yeesɔ Kirisi, yɔɔ gari Nazara ɓɔɔ nɔɔ ɓaa wu naa ka laa, a Làa naa wisi wu paa ka sàa ɓɛɛ.

Zang Shonang Yeesɔ 4:30

Dĩi naa ɓaaɓɛ mɔɔ masɛ zang. Mɔɔ a ruu naa, rúu palɛ vuu ɓɔɔ zang zirɛ zang mã naa ka danggn, nɛɛ nung Yeesɔ, zang shonang ɓaaɓɛ ɓɔɔ shi kpang ɓi kagn bii ɓiɓɛ kpang ɓɛɛ.”

Zang Shonang Yeesɔ 4:7

Zang atɛ Bituru nɛɛ Yɔhana ka tĩng ɓarɛ, a ri hɛ̃ɛ ri tɔɔ, “Nɔɔ walɛ naa vuu palɛnang ka niya nɔɔ palɛ vuu keɓe nɛɛ mani wiya? Nɔɔ palɛ nɛɛ nung wiya?”

Rooma 3:22

Laa shíng zang, zang nwáng zang tɔ̃ɔ ka tĩng ɓiɓɛ, ka ruu danggn ɓɔɔ zang shing ka bii Yeesɔ Kirisi ɓɛɛ. Ɓi ɓɔɔ zang piti ɓɔɔ ri shing danggn ka bii Kirisi ɓɛɛ, ka ruu ɓɔɔ, Laa shɛ̃ɛrɛ zang ɓi kpang ɓɛɛ.

1 Koranti 13:2

Naa Laa a m naa vuu palɛnang, naa ɓɔɔ n kɔɔrɔ vuu ɓɔɔ Laa tusu m ɓɛɛ. Naa n ti zi vuu piti. Vuu ɓɔɔ Laa waasɛ katɔ ka yuu ɓiɓɛ n ti zi tɔ jong. Naa Laa a m dòo zɔ̃ng danggn shinnang ɓɔɔ naa n zunung katɔ, n kɔɔ kɔpɔ wu dɔ̃sɔ ka nɔng ɓɔɔgn. Naa n kasɛ zang kpang, n m vuu ɓɔɔ kpang tingkiring.