Zang Shonang Yeesɔ 3:1 - Nyaa Shɔɔ Ɓɔɔ Laa a Ɓɛɛ

¹ Diki ɓɔɔgn, Bituru nɛɛ Yɔhana ri daa ka Gãa Laa, ka laa ɓɔɔ zang daarɛ Laa gaanang ɓɛɛ, ka saka taati ɓɔɔ laarang.

Zang Shonang Yeesɔ 3:1 Σταυροειδείς Αναφορές

Matiyu 17:1

Diki mangbete naa ɓa tɔ, Yeesɔ daa kaa nɛɛ rɛɛ Bituru, a ɓɔɔ Yakub nɛɛ jaa niiɓɛ Yɔhana kɔ shɛ̃ɛning ka kɔpɔ beebang.

Matiyu 26:37

A Yeesɔ daa nɛɛ Bituru, nɛɛ wujɛ Zebedi ɓɔɔ ziti ɓɛɛ. A bii soo wu, gaa tɔɔsung rɛ̃rɛnang kati.

Matiyu 27:45

Nɔng tɔ̀ɔ ka tipi kaɓa nandon nɛɛ laagɛ̃ sasak, laa naa kpɛ̃ɛ nɛɛ mani.

Luka 1:10

Zakariya daa tɔ ka yeti Gãa Laa ka laa ɓɔɔ zang dɔ̀ɔ́ Laa vuu ɓɔɔ á sɛ̃ɛ tɔ̃ɔ tɔ̃ɔ ɓɛɛ. Zang dɔɔli ɓɔɔ ri kpalɛ zɔɔ ka biling ri gaa Laa kana.

Luka 18:10

Kɔɔ ri tɔɔ, “Zang ziti ɓɔɔgn, ri daa Laa gaanang ka Gãa Laa. Zang gbete ɓi zang Farisi, a zang gbete ɓi zang ɓɔɔ ta saka tipi ɓɛɛ.

Luka 22:8

Yeesɔ shɔng rɛɛ Bituru nɛɛ Yɔhana, a kɔɔ ri nɛɛ, “Nɔɔ daayi, nɔɔ daa shĩili ruu vuu shaanang nyaalaa ɓɔɔ zang kpaa danggn diki ɓɔɔ Laa tɛɛ ɓɛɛ. Naa ɓɔɔ ruu naa shaa ɓɛɛ.”

Luka 24:53

ri dàarɛ́ yeti Gãa Laa diki diki, ri zãa Laa.

Yɔhana 21:7

Yɔɔ ɓɔɔ mantɛ vuu ka bii Yeesɔ ɓɔɔ Yeesɔ kasɛ wu dɔɔli ɓɛɛ, kɔɔ Bituru tɔɔ, “Ɓi Kpanti Yeesɔ.” Ɓɔɔ Bituru tãayi nɛɛ ɓi Kpanti, lu fɔ̃ɔrɔ ɓɔɔ biling ɓiɓɛ ka bii (ka ruu ɓɔɔ, bɛ̀ɛ́ tùlù fɔ̃ɔrɔ katɔ ɓɛɛ.) A shɛ̃ɛ ka yeti mii nɛɛ wu daa ka bii Yeesɔ.

Zang Shonang Yeesɔ 10:3

Diki ɓɔɔ kagn bɛ̀ɛ́ laa kpɛ̃ɛ tɔ, nung saka taati, Koneliyu rɔ̃kɔ. Ka rɔ̃kɔnang keɓe, zi zang nyaa shonang Laa ɓɔɔ ka lapa ɓɛɛ gbàrɛ gbàrɛ arɛ a ɓaa wu nyaa tɔɔ, “Koneliyu.”

Zang Shonang Yeesɔ 10:30

Koneliyu kasɛ wu nyaa tɔɔ, “Diki daa lɛɛkɔ dɛ̃ɛti bɛ̀ɛ́ n ka yeti gãa mɛɛ, n gàá Laa bɛ̀ɛ́ laa naa weɓe kɔ saka taati. A zang ɓɔɔ hãa fɔ̃ɔrɔ kɔlɔ katɔ nwang nyaa a shii ka tĩng mɛɛ,

Zang Shonang Yeesɔ 2:46

Ri kpálɛ̀ zɔɔ ka Gãa Laa diki diki. A ri ti shaa vuu ɓarɛ ka nyaa zɔɔ ka gãa ɓarɛ. Ri shaa vuu shaanang, ri tãa tĩnang, ri ti ta zɔɔ nɛɛ yeti gbete.

Zang Shonang Yeesɔ 3:3

Ɓɔɔ yɔɔ bìí zi Bituru nɛɛ Yɔhana, ri hãa nyaa kaa yeti Gãa Laa, a gaa vuu ka naa ɓarɛ.

Zang Shonang Yeesɔ 3:4

Ri shu yɔɔ jĩng ka bii, a Bituru kɔɔ wu tɔɔ, “Pɛ̃ɛrɛ ruu karɛ”

Zang Shonang Yeesɔ 4:13

Zang ɓɔɔ ri jɛ̃ɛ zang ruu, ri zi naa ɓɔɔ Bituru nɛɛ Yɔhana ri rang yee ri kaa vɔrɔ kpang ɓɛɛ. A zang ti kɔɔ ri nɛɛ Bituru nɛɛ Yɔhana ɓarɛ zang waati, ri bee laa gngn kpang ɓɛɛ, ri mã naa ka danggn. Ri naa zi kati nɛɛ zang keɓe ri nwáng ɓarɛ nɛɛ Yeesɔ.

Zang Shonang Yeesɔ 5:25

A zang ɓɔɔ arɛ naa kɔɔ ri tɔɔ, “Rɛɛ zang ɓɔɔ nɔɔ loo ri ka sãa, ri shiiri ka Gãa Laa, ri tusu zang vuu.”

Zang Shonang Yeesɔ 8:14

Zang shonang Yeesɔ ɓɔɔ ri ka Urushalima, ri tãa nyaa nɛɛ zang Samariya ri ta Ruu Laa tɔ, ka ruu nɔngkɔ, ri dɔ̃ Bituru nɛɛ Yɔhana ka bii ɓarɛ.

Galati 2:9

Ka ɓɔɔ rɛɛ zang keɓe, Yakub nɛɛ Bituru a ɓɔɔ Yɔhana ri zirɛ nɛɛ Laa a m shonang keɓe tɔ, ri yi naa mɛɛ nɛɛ ɓɔɔ Baranaba ri jee ruu nyaa. Ka ruu ɓɔɔ, ruu palɛ shonang gbete nɛɛ ri ɓɛɛ, ruu mã zɔɔ naa nɛɛ, ri palɛ shonang ka teteng zang Yahudi, ruu palɛ ɓuru ka teteng zang ɓɔɔ ri zang Yahudi kpang ɓɛɛ.