Zang Shonang Yeesɔ 27:2 - Nyaa Shɔɔ Ɓɔɔ Laa a Ɓɛɛ

² Ruu vang laana ɓɔɔ a nɛɛ gari Adaramitiya ɓɔɔ nɛɛ ri daa ka rɛɛ gari ɓɔɔ ka nyaa waapo tipi Asiya ɓɛɛ. A ruu yupaa daanang kati Arisitaku yɔɔ gari Tesalonika ɓɔɔ ka tipi Makidoniya ɓɛɛ daa nɛɛ ruu ning.

Zang Shonang Yeesɔ 27:2 Σταυροειδείς Αναφορές

Luka 8:22

Diki ɓɔɔgn, Yeesɔ vang tonsi nɛɛ zang ɓɔɔ ri mantɛ vuu ka bii ɓiɓɛ, a kɔɔ ri tɔɔ, “Ruu ta nɔɔ rang ta, ruu daa nɔɔ nyaa rang ɓɔɔ dang.” A ri seepaa daanang kati.

Zang Shonang Yeesɔ 16:17

Dũng ruu nɛɛ Bulu ka knti mɛɛrɛ nyaa, kɔɔyi nɛɛ, “Zang keɓe, ri zang shonang Laa ɓɔɔ ɓa zang piti katɔ ɓɛɛ. Ri kɔ̀ɔ́ nɔɔ, naa ɓɔɔ nɔɔ ta yuu manɛ ɓɛɛ.”

Zang Shonang Yeesɔ 17:1

Bulu nɛɛ Siila ri sɔɔ nɛɛ rɛɛ gari Amfipoli nɛɛ Apoloniya, ri a ka Tesalonika, nɔng ɓɔɔ gãa zɔɔ kpalɛnang zang Yahudi kagn ɓɛɛ.

Zang Shonang Yeesɔ 19:19

Zang dɔɔli ɓɔɔ ri hɛ̃ɛ paa ri sèerè labeenang ɓarɛ nandon, ri dɔ̀ɔrɔ̀ nɛɛ waa ka jĩng zang nandon. Zang gãrɛ nɛɛ naa zang mãlɛ́ rɛɛ labeenang keɓe daa nung Azurufa labang dakn laa ziti tu kopi.

Zang Shonang Yeesɔ 19:29

Nɔng shoo tãanang ɓi tɔ̀ɔ́ ka gari kpang. Zang gari ri yuku ri daarɛ ka nɔng ɓɔɔ zang kpalɛ zɔɔ kagn ka gari ɓɛɛ. Vuu ɓɔɔ ri mang ka yeti ɓarɛ gbete. Zang ti gɔ̃ɔ Gaayu nɛɛ Arisitaku zang Makidoniya ɓɔɔ ri ra doo nɛɛ Bulu ɓɛɛ, zang daa nɛɛ ri ka nɔng bìí.

Zang Shonang Yeesɔ 2:9

Ruu álɛ̀ ɓuru nɛɛ tipi Fatiya, nɛɛ tipi Madiya, nɛɛ tipi Elama, nɛɛ tipi Masopotaami, nɛɛ tipi Yahudi, nɛɛ tipi Kapaadoosiya, nɛɛ tipi Pontu, ɓɔɔ tipi Asiya,

Zang Shonang Yeesɔ 21:5

Ɓɔɔ diki paa yunang ɓuru a ɓiri, ruu yupaa ruu yi gbalang daanang ɓuru. Ri seepaa nɛɛ wujɛ, nɛɛ soro ɓarɛ nandon, ri naa shing ruu. Ruu nwang tɔ nɛɛ ri, ruu yaa yeti gari tɔ, a ruu tang nɛɛ gutu ka nyaa waapo, ruu gaa Laa. Ruu jee zɔɔ nyaa, a ruu basɛ zɔɔ kati.

Zang Shonang Yeesɔ 28:10

Ri alɛ rùu vuu dɔɔli. Ka diki ɓɔɔ ruu vang laana ruu tɔɔ ruu daa kaa tɔɔ, ri tɛ̃ɛ ruu vuu ɓɔɔ naa ruu kasɛ katɔ ɓɛɛ nandon.

Zang Shonang Yeesɔ 28:12

Ruu naa shɛ̃ɛ gari Sirakusa, a ruu roo ka nɔngkɔ diki taati.

Zang Shonang Yeesɔ 28:16

Ɓɔɔ ruu shɛ̃ɛ Rooma, zang yáa Bulu nɛɛ wu nwang ɓi ka bm nɛɛ sɔɔja ɓɔɔ gã wu ɓɛɛ.

Zang Shonang Yeesɔ 28:2

Zang nɔng bìí ri palɛ ruu tɔ̃ɔ dɔɔli. Mii a kana, a sɔɔrɔ ti si katɔ, ka ruu nɔngkɔ, ri tee ruu waa. A ri ti jee ruu nyaa waasɛ̃.

Kolosi 4:10

Arisitaku ɓɔɔ zang mã jong ka sãa nɛɛ n ɓɛɛ, jee nɔɔ nyaa. Maraku ɓɔɔ dabang ɓarɛ gbete nɛɛ Baranaba ɓɛɛ, jee nɔɔ nyaa jong. (N kɔɔ nɔɔ ruu tɔ ka yuu ɓiɓɛ nɛɛ, nɛɛ a tɔ, nɔɔ ta wu waasɛ̃.)

Filimon 1:24

Maraku, nɛɛ Arisitaku, nɛɛ Dema, nɛɛ Luka zang ɓɔɔ ruu palɛ shonang nɛɛ ri ɓɛɛ, ri jee mɔɔ nyaa jong.