Zang Shonang Yeesɔ 26:9 - Nyaa Shɔɔ Ɓɔɔ Laa a Ɓɛɛ

⁹ “N rɛ̃̀rɛ̀ m doo nɔngkɔ, n tɔɔ, n palɛ vuu ɓɔɔ n zunung katɔ nandon, n zãa zang nung Yeesɔ yɔɔ Nazara ɓaanang.

Zang Shonang Yeesɔ 26:9 Σταυροειδείς Αναφορές

Yɔhana 15:21

Ri palɛ nɔɔ vuu keɓe piti, ka ruu ɓɔɔ, nɔɔ zang mɛɛ ɓɛɛ. A ri ti zi zang ɓɔɔ shong m kpang ɓɛɛ.

Zang Shonang Yeesɔ 21:13

A kasɛ ruu nyaa tɔɔ, “Nɔɔ palɛ ɓu vi, nɔɔ káarɛ̀ nɔngkɔ, nɔɔ lɔɔrɔ m sisĩng viya? N daa Urushalima keɓe m katɔ. Ri nɛɛ kasɛ ri mã m katɔ kɔ shɛ̃ɛning kpang, ri nyɔ m vɔrɔ ka ruu nung Kpanti Yeesɔ, n kasɛ m tɔ.”

Zang Shonang Yeesɔ 22:3

“N zang Yahudi. Zang yi m ka gari Taasu ka tipi Silisiya, n bang kaa Urushalima ka nihn. N bee laa ka bii Gamaliyel, zang tusu m nyaa dannang rɛɛ dabang ɓuru gbãng gbãng. N ti kasɛ nɛɛ n pàlɛ́ Laa shonang gbãng gbãng naa wee nɔɔ palɛ lɛɛkɔ ɓee.

Zang Shonang Yeesɔ 22:4

N dang zang ɓɔɔ ri dũng gbalang keɓe jĩng, n nyɔ̀kɔ̀ ri ɓɔɔ vɔrɔ. N yiki zang varɛ nɛɛ zang soro n mã ri, n looro ri ka sãa.

Zang Shonang Yeesɔ 22:8

A n hɛ̃ɛ wu nɛɛ, ‘Ɓu mɔkɔ wiya Kpanti.’ Kɔɔ m tɔɔ, ‘Nkɔ Yeesɔ yɔɔ Nazara ɓɔɔ mɔɔ dang m jĩng ɓɛɛ.’

Zang Shonang Yeesɔ 24:5

Ruu zirɛ yɔɔ keɓe, kpãa zang dɔɔli, shing zang Yahudi ɓɔɔ ri ka koo piti nɛɛ ri haa nyaa. Wukɔ ti zang bang rɛɛ vàá zang ɓɔɔ zang ɓaa ri nɛɛ zang Nazara ɓɛɛ.

Zang Shonang Yeesɔ 3:17

“Rɛɛ manzung, n zi tɔ, vuu ɓɔɔ nɔɔ nɛɛ rɛɛ zang bang manɛ, nɔɔ pálɛ́ Yeesɔ, wu nɛɛ gbã́a kpang.

Zang Shonang Yeesɔ 3:6

A Bituru kɔɔ wu tɔɔ, “Kɔ́pɔ̀ kagn naa mɛɛ kpang tingkiring, N a mɔɔ m vuu ɓɔɔ n nɛɛ mani ɓɛɛ. Ka nung Yeesɔ Kirisi yɔɔ gari Nazara, n kɔɔ mɔɔ, yupaa ta mɔɔ rarɛ.”

Zang Shonang Yeesɔ 9:1

Bɛɛ gnvɔ yeti Shaawulu kà gň kpang, ka ɓɔɔ wu kasɛ nɛɛ wu nyɔkɔ rɛɛ zang ɓɔɔ ri mantɛ vuu ka bii Kpanti Yeesɔ vɔrɔ ɓɛɛ. Dàa ka bii kpanti zang ɓɔɔ ri dɔɔ vuu ka Gãa Laa ɓɛɛ,

Zang Shonang Yeesɔ 9:16

Ń ti tusu wu naa ɓɔɔ wu naa dang jĩng dɔɔli, ka ruu mɛɛ ɓɛɛ.”

Rooma 10:2

N kɔɔ ruu katɔ ka yuu ɓarɛ nɛɛ, ri kasɛ katɔ gbãng gbãng nɛɛ ri pàlɛ́ Laa shonang. A ri zi gbalang ɓɔɔ ri pàlɛ́ Laa shonang kaa tɔ̀ɔ́ tɔ̃ɔ kpang.

Filipi 3:6

Ɓeleng n tusu zang naa ɓɔɔ n palɛ vuu zang Yahudi nɛɛ kaka bii mɛɛ nandon ɓɛɛ. Ka ɓɔɔ n dang zang ɓɔɔ ri dũng Yeesɔ Kirisi jĩng. N ta nyaa dannang zang Yahudi ɓɔɔ shing zang, zang nwang zang tɔ̃ɔ ka tĩng Laa wu gbete kpang. Ka ruu nɔngkɔ, zang ɓɔɔ tɔɔ kpang nɛɛ n palɛ vuu shi kpang tɔ kpang.

1 Timoti 1:13

Ka tĩng, n rang yee shi kpang ka yuu ɓiɓɛ, n dang zang ɓiɓɛ jĩng, a n ti palɛ ri nɛɛ ɓangge, a zɔ̃ng m doo nɛɛ mani. A gn mɛɛ kɔng Laa, ka ruu ɓɔɔ bɛ̀ɛ́ n zi vuu ɓɔɔ n palɛ ɓɛɛ kpang. Bɛ̀ɛ́ n ti shing danggn gn kpang ɓɛɛ,