Zang Shonang Yeesɔ 2:5 - Nyaa Shɔɔ Ɓɔɔ Laa a Ɓɛɛ

⁵ Zang Yahudi kagn ka Urushalima ka diki kaɓa. Zang varɛ ɓɔɔ ri dṹng Laa ɓɛɛ, ɓɔɔ ri a nɛɛ tipi koolaa nandon ɓɛɛ.

Zang Shonang Yeesɔ 2:5 Σταυροειδείς Αναφορές

Matiyu 24:14

Zang naa rang zang koolaa keɓe Ruu Tɔ̃ɔ Kpanti Laa ditɔ nandon, tɔɔ zang ɓɔɔ ka rɛɛ tipi ɓɔɔ ka koo keɓe ri tãa ruu ɓɔɔ niizang kati. Tɔ̀ɔ, koo keɓe wu naa waa nyaa kati.”

Luka 17:24

Ka ruu ɓɔɔ, anang Jaa Shɔnzang naa nwang naa shala ɓɔɔ nwangnɛ, tɛɛ ka lapa, yakɛ dĩiri gbayi gbayi ɓɛɛ.

Luka 2:25

Ka diki kaɓa, yɔɔ ɓɔɔ kagn Urushalima, zang ɓaa wu nɛɛ Simiyon. Simiyon zang ɓɔɔ kasɛ Ruu Laa katɔ, a ti ɓaa shoo ka nyaa ɓɔɔ Laa dang ɓɛɛ tɔ̃ɔ tɔ̃ɔ. Bɛɛ Simiyon kaɓa gã ɓi diki ɓɔɔ Laa naa ta yuu zang Isirela ɓɛɛ. Suru Laa ɓi kagn bii ɓiɓɛ.

Luka 24:18

A zang gbete ka teteng ɓarɛ ɓɔɔ zang ɓaa wu nɛɛ Kiliyopaa, kasɛ wu nyaa tɔɔ, “Mɔkɔ ɓaa zang zanti gbete ka Urushalima, ɓɔɔ zi vuu ɓɔɔ palɛ ka nɔng, diki bee gn kpang ɓɛɛ ya?”

Yɔhana 12:20

Zang Heleni kagn teteng zang ɓɔɔ ri daa Laa bannang ka Urushalima, ka ɓɔɔ zang daa nyaalaa shaanang ɓɛɛ.

Zang Shonang Yeesɔ 10:2

Koneliyu ɓi zang ɓɔɔ dũng Laa ɓɛɛ. Bang Laa nɛɛ zang gãa ɓiɓɛ piti. Yi rɛɛ zang Yahudi ɓɔɔ vuu ka naa ɓarɛ kpang naa ka bii, ti gaa Laa diki diki.

Zang Shonang Yeesɔ 10:7

Ɓɔɔ zang nyaa shonang Laa ɓɔɔ ka lapa ɓɔɔ rang yee nɛɛ wu daa tɔ, Koneliyu ɓaa nyaa ka rɛɛ zang varɛ ziti ka teteng zang ɓɔɔ ri palɛ shonang ka gãa ɓiɓɛ, nɛɛ yɔɔ sɔɔja gbete ka teteng rɛɛ sɔɔja ɓɔɔ ri gã wu ɓɛɛ. Yɔɔ keɓe dũng doo Laa kɔ.

Zang Shonang Yeesɔ 13:50

Rɛɛ zang Yahudi ri dɔ̃lɔ rɛɛ zang soro ɓɔɔ ri bang Laa ɓɛɛ, ɓɔɔ zang a ri bannang katɔ ɓɛɛ, nɛɛ rɛɛ zang bang gari kaɓa. Ri shing zang nɛɛ zang ri dang rɛɛ Bulu nɛɛ Baranaba jĩng. Ri hing ri nɛɛ tipi kaɓa.

Zang Shonang Yeesɔ 2:1

Diki Pentiku naa arɛ, a zang ɓɔɔ ri shíng danggn tɔ, ri kpalɛ zɔɔ ka nɔng gbete.

Zang Shonang Yeesɔ 22:12

“Yɔɔ ɓɔɔ kagn ka gari Damasiku zang ɓaa wu nɛɛ Hananiya. Dṹng nyaa ɓɔɔ Laa dang ɓɛɛ gbãng gbãng, zang Yahudi ɓɔɔ ka gari kaɓa, ri rang ruu ɓiɓɛ tɔ̃ɔ.

Zang Shonang Yeesɔ 8:2

Zang ɓɔɔ ri bang Laa nɛɛ yeti gbete ri gbãa Istifanu, ri kaa wu nyavɔ gbãng gbãng.

Zang Shonang Yeesɔ 8:27

Ka ruu nɔngkɔ, Filibu kpalɛ bii a daayi. Daa kana, a kpisi yuu nɛɛ yɔɔ tipi Habasha ɓɔɔ bii varɛ ɓiɓɛ vɔ katɔ ɓɛɛ, gbãayu dàá kaa tipi ɓiɓɛ. Yɔɔ keɓe zang bang kɔ nwani. Wukɔ yiti saka Kandakatu, jaa soro ɓɔɔ roo kpanti ka tipi Habasha ɓɛɛ. Dàa Urushalima nɛɛ wu daa bang Laa.

Kolosi 1:23

Nɔɔ yi tĩng manɛ ka danggn ɓɔɔ nɔɔ shing ɓɛɛ. Vuu ɓɔɔ wu kɔsɔ nɔɔ ka vuu gn shinnang ɓɔɔ nɔɔ walɛ ka ɓɔɔ nɔɔ tãa Ruu Tɔ̃ɔ Laa ɓɛɛ kpang. Ka ruu Ruu Tɔ̃ɔ keɓe kɔ, n Bulu n raa zang shonang. Ruu Tɔ̃ɔ ɓɔɔ zang kɔɔ zang tɔ nandon ka koo ɓɛɛ.