Zang Shonang Yeesɔ 2:4 - Nyaa Shɔɔ Ɓɔɔ Laa a Ɓɛɛ

⁴ Suru Laa a kaa bii ɓarɛ, a ri gaayu yee rannang kaa nɛɛ nyaa zang ɓɔɔgn naa ɓɔɔ Suru Laa tusu ri nɛɛ ri rang ɓɛɛ.

Zang Shonang Yeesɔ 2:4 Σταυροειδείς Αναφορές

Matiyu 10:19

Zang nɛɛ daa tɔ nɛɛ nɔɔ, nɔ́ɔ rɛ̃rɛ naa ɓɔɔ nɔɔ daa kasɛ zang nyaa, nɛɛ vuu ɓɔɔ nɔɔ daa kɔɔ ɓɛɛ kpang. Ka ruu ɓɔɔ, Kpanti Laa naa a nɔɔ ruu ɓɔɔ nɔɔ kɔɔ ditɔ ka laa kaɓa ɓɛɛ.

Maraku 16:17

Laa naa a zang ɓɔɔ ri shing danggn ka bii ɓiɓɛ naa vuu palɛnang ɓɔɔ zang zirɛ, zang mã naa ka danggn ditɔ. Ri naa nwangsɛ suru shi kpang nɛɛ nung mɛɛ. Ri ti naa rangkɛ yee nɛɛ nyaa koo ɓɔɔgn.

Luka 1:15

Náa nwang zang bang ka tĩng Kpanti Laa. Naa ɓoo sàa ɓi kpang. Ti naa ɓoo vuu ɓɔɔ zã katɔ ɓɔɔ palɛ zang ɓi kpang. Suru Laa naa gaayu nwannang ka bii ɓiɓɛ bɛ̀ɛ́ wu doo ka yeti niiɓɛ.

Luka 1:41

Ɓɔɔ Alisabatu tãa nyaa ɓɔɔ Marayamu jee wu hn, jaa ɓɔɔ wu tuu ka yeti ruutu bii. A Suru Laa naa arɛ nwang ka yeti Alisabatu,

Luka 1:67

A Suru Laa a ka bii Zakariya daa Yɔhana, a Zakariya kɔɔ zang yee Laa kati tɔɔ,

Luka 12:12

Ka ruu ɓɔɔ, Suru Laa naa tusu nɔɔ vuu ɓɔɔ nɔɔ kɔɔ ɓɛɛ ditɔ ka laa kaɓa ɓɛɛ.”

Luka 21:15

ka ruu ɓɔɔ, n a nɔɔ yee nɛɛ zũnang naa ɓɔɔ zang ɓɔɔ ri kasɛ ruu manɛ kpang, ri zunung naa ɓɔɔ ri laa nyaa nɛɛ nɔɔ kpang ɓɛɛ.

Luka 4:1

Ɓɔɔ Yeesɔ gbãayu kana nɛɛ Rang Urudung, nɛɛ Suru Laa ka bii ɓiɓɛ, a Suru Laa dɔ̃ wu ka waala.

Yɔhana 14:26

Suru Laa ɓɔɔ Daa naa shong wu ka nung mɛɛ, naa tusu nɔɔ vuu ditɔ nandon. Wu ti kpaa nɔɔ danggn vuu ɓɔɔ n kɔ̀ɔ nɔɔ ɓɛɛ nandon.

Yɔhana 20:22

Kɔ̀ɔ́ tɔ naa weɓe, a sha ɔ̃kɔnang ɓiɓɛ nɛɛ nyaa ka bii ɓarɛ, a kɔɔyi tɔɔ, “Nɔɔ ta Suru tɔ̃ɔ Laa ta.

Zang Shonang Yeesɔ 1:5

Ka ruu ɓɔɔ, Yɔhana pàlɛ̀ zang batizima nɛɛ mii. Diki bée takpang, zang pàlɛ́ nɔɔ batizima ditɔ nɛɛ Suru Laa.”

Zang Shonang Yeesɔ 1:8

Diki ɓɔɔ Suru Laa a ka bii manɛ, nɔɔ nwáng zang ɓɔɔ ri kɔ̀ɔ́ ruu ka yuu mɛɛ ka gari Urushalima, nɛɛ tipi Yahudi nandon, nɛɛ tipi Samariya, nɔɔ daa nɛɛ mani ka nɔng ɓɔɔ koo waa nyaa ɓɛɛ”.

Zang Shonang Yeesɔ 10:46

Ka ruu ɓɔɔ, ri tãayi zang ri rangkɛ yee nɛɛ nyaa ɓɔɔgn, ri dɔɔ Laa, ka ruu bannang ɓiɓɛ ɓɛɛ. A Bituru rang yee tɔɔ,

Zang Shonang Yeesɔ 10:47

“Zang keɓe, Laa a ri Suru ɓiɓɛ tɔ, naa ɓɔɔ a ruu ɓɛɛ. Zang ɓɔɔ zãyi rùu palɛ ri batizima nɛɛ mii kpang kagn ya?”

Zang Shonang Yeesɔ 11:15

Ɓɔɔ n gaayu yee rannang hn, Suru Laa a ka bii ɓarɛ naa ɓɔɔ gaayu a ka bii ɓuru ɓɛɛ.

Zang Shonang Yeesɔ 11:24

Baranaba ɓi zang tɔ̃ɔ, Suru Laa kagn bii ɓiɓɛ, ti shing danggn ka bìí Laa dɔɔli, ka ruu nɔngkɔ, zang dɔɔli ri a ka bii Laa.

Zang Shonang Yeesɔ 13:52

Zang ɓɔɔ ri dũng Laa ri tãa tĩnang dɔɔli, Suru Laa ti a ka bìí ɓarɛ.

Zang Shonang Yeesɔ 13:9

A Shaawulu ɓɔɔ zang ɓaa wu nɛɛ Bulu ɓɛɛ, Suru Laa a ka bii ɓiɓɛ. Shu yɔɔ ɓɔɔ hɛ̃ɛpaa keɓe jĩng ka bii,

Zang Shonang Yeesɔ 15:8

Laa ɓɔɔ zi rɛ̃rɛnang zang tɔ nandon, tusu nɛɛ ri daa wu yeti tɔ, ka ɓɔɔ a ri Suru ɓiɓɛ naa ɓɔɔ wu a ruu ɓɛɛ.

Zang Shonang Yeesɔ 19:6

Bulu shĩili ri naa ɓiɓɛ ka yuu, a Suru Laa a kaa bii ɓarɛ. A ri gaayu yee rannang kaa nɛɛ nyaa ɓɔɔgn. Ri kɔɔrɔ zang Ruu Laa.

Zang Shonang Yeesɔ 2:11

A ɓɔɔ zang Karita, nɛɛ zang Yahudi. Ruu tãayi ri kɔɔrɔ vuu bang bang ɓɔɔ Laa palɛ nɛɛ nyaa zang gãa ɓuru.”

Zang Shonang Yeesɔ 2:3

A ri zi vuu naa rĩiti waa, baa nɔng, a leere zang ɓɔɔ ri ka nɔng piti ka yuu.

Zang Shonang Yeesɔ 4:31

Ri hangsɛ nyaa Laa gaanang tɔ, a nɔng ɓɔɔ ri kpalɛ yuu, ruutu. Suru Laa a ka bii ɓarɛ, a ri gaa tɔɔsung Ruu Laa kɔɔnang, ri kaa vɔrɔ kpang.

Zang Shonang Yeesɔ 4:8

A Suru Laa a kaa bii Bituru, a kasɛ ri nyaa tɔɔ, “Rɛɛ zang bang bang zang Yahudi nɛɛ dabang,

Zang Shonang Yeesɔ 6:3

Ka ruu nɔngkɔ, rɛɛ manzung, nɔɔ shɛ̃ɛrɛ zang manziti ka teteng manɛ ɓɔɔ nɔɔ zi tɔ Suru Laa kagn bii ɓarɛ, a ri ti zũng dɔɔli ɓɛɛ. Rúu shing rikɔ ri gãng jĩng ka vuu shaanang basɛnang.

Zang Shonang Yeesɔ 6:5

Ruu rɛɛ zang kopi tu ziti keɓe, daa zang piti ka yeti. A zang shɛ̃ɛrɛ rɛɛ Istifanu, yɔɔ ɓɔɔ shing danggn ka bii Laa dɔɔli, a Suru Laa ti kagn bii ɓiɓɛ ɓɛɛ, a ɓɔɔ Filibu, nɛɛ Porokoru, nɛɛ Nikana, nɛɛ Timon, nɛɛ Barimina, nɛɛ Nikola yɔɔ tipi Antakiya ɓɔɔ bɛ̀ɛ́ dũng gbalang zang Yahudi ɓɛɛ. Kãntang keɓe dũng kaa Yeesɔ Kirisi.

Zang Shonang Yeesɔ 6:8

Laa pàlɛ̀ Istifanu tɔ̃ɔ dɔɔli, a ti a wu naa vuu palɛnang, ka ruu nɔngkɔ, pálɛ́ vuu bang bang dɔɔli ɓɔɔ zang zirɛ zang mã naa ka danggn ɓɛɛ ka teteng zang.

Zang Shonang Yeesɔ 7:55

Suru Laa a ka bii Istifanu, ka ruu nɔngkɔ, tuu jĩng ka lapa, a zi bannang Laa nɛɛ Yeesɔ ɓɔɔ shii ka kagn ɓiɓɛ ɓɛɛ.

Zang Shonang Yeesɔ 8:17

Bituru nɛɛ Yɔhana ri shĩili naa kaa yuu ɓarɛ, a Suru Laa a kaa bii ɓarɛ.

Zang Shonang Yeesɔ 9:17

A Hananiya daayi, daa hãa nyaa ka yeti gãa, shing naa ka yuu Shaawulu, a kɔɔyi tɔɔ, “Manzung Shaawulu, Kpanti Yeesɔ ɓɔɔ nwáng nyaa ka mɔɔ ka gbalang, ka ɓɔɔ mɔɔ a ka nihn ɓɛɛ, wukɔ shong m. Shong m nɛɛ tɔ̀ɔ, mɔɔ zi nɔng kaa tɔkn, nɛɛ tɔ̀ɔ, Suru Laa wu a kaa bii ɓaaɓɛ”.

Rooma 15:13

Laa ɓɔɔ wukɔ shingnɛ nɔɔ shing gn ɓɛɛ, wu shingnɛ nɔɔ tãa tĩnang gbãng gbãng ka yeti manɛ, yeti manɛ wu ti valɛ. Tɔ̀ɔ, Suru Laa wu a nɔɔ naa, nɔɔ shing gn kaa gbãng gbãng.

1 Koranti 12:10

Zang ɓɔɔ zang a ri naa, ri palɛ vuu ɓɔɔ zang zirɛ zang mã naa ka danggn ɓɛɛ. Zang ɓɔɔ zang a wu ɓi naa, nɛɛ wu kɔɔ vuu ɓɔɔ Laa tusu wu ɓɛɛ. Zang ɓɔɔ zang a ri ɓarɛ naa, ri zi vuu ɓɔɔ a nɛɛ bii Suru Laa, nɛɛ ɓɔɔ a nɛɛ bii Suru Laa kpang ɓɛɛ. Zang ɓɔɔ zang a ri naa, ri rang nyaa ɓɔɔ ri kpɛ̃ɛrɛ katɔ kpang ɓɛɛ. Zang ɓɔɔ zang a ri ɓarɛ naa, ri kɔɔ zang dĩiri nyaa kaɓa.

1 Koranti 13:1

Naa n zunung yee rannang doo katɔ nɛɛ nyaa shɔnzang ɓɔɔ ka koo, a ɓɔɔ nɛɛ nyaa zang nyaa shonang Laa ɓɔɔ ri ka lapa ɓɛɛ. A n kasɛ zang kaa takpang, n nwang naa gbongshɛng ɓɔɔ kaa nyaa ɓɛɛ. N ti nwang naa gbongbolong ɓɔɔ ri goo nyaa ɓɛɛ.

1 Koranti 13:8

Zang ɓɔɔ kàsɛ̀ zang katɔ, di nyaa zang kasɛnang ɓi kpang. Diki a kana ɓɔɔ zang ri naa yaa vuu ɓɔɔ Laa tusu ri kɔɔrɔnang. Diki a kana ɓɔɔ zang ri naa kɔ̀ɔrɔ̀ ruu tɔ̀ɔ́ nɛɛ nyaa ɓɔɔ ri kpɛ̃ɛrɛ kpang, kpang. Vuu zinang ti naa waa nyaa kaa tɔ.

1 Koranti 14:18

N zãa Laa tɔ, ka ruu ɓɔɔ, Suru ɓiɓɛ a m naa tɔ, n ráng yee nɛɛ nyaa ɓɔɔ n kpɛ̃ɛrɛ katɔ kpang, n ɓa nɔɔ katɔ nandon ɓɛɛ.

1 Koranti 14:5

N kasɛ nɛɛ Suru Laa wu a zang ɓu naa wu kɔɔ ruu nɛɛ nyaa ɓɔɔ wu kpɛ̃ɛrɛ katɔ kpang ɓɛɛ. Naa nɔɔ kɔɔrɔ zang ruu ɓɔɔ a nɛɛ bii Laa, n kàsɛ̀ wukɔ gbãng gbãng. Zang ɓɔɔ kɔɔrɔ zang ruu ɓɔɔ a nɛɛ bii Laa ɓa zang ɓɔɔ rang yee nɛɛ nyaa ɓɔɔ wu kpɛ̃ɛrɛ katɔ kpang katɔ. Zang ɓɔɔ nɛɛ kagn ɓɔɔ nwàngsɛ́ zang ɓɔɔ ri dũng Laa dĩiri ruu bii kpang ɓɛɛ.

Afisa 3:19

Nɔ́ɔ ti zi zang kasɛnang kɔ ɓa naa ɓɔɔ zang zi dĩiri ɓiɓɛ katɔ ɓee. Tɔ̀ɔ, vuu piti wu nwang kaa bii manɛ nyaa kiiri.

Afisa 5:18

Nɔ́ɔ yaa sàa wu si nɔɔ kpang, lasɛ nɔɔ katɔ. Nɔɔ yaa Suru Laa kɔ jong wu nwang ka yeti manɛ.

Afisa 6:18

Nɔɔ gaa Laa diki diki naa ɓɔɔ Suru Laa tusu nɔɔ ɓɛɛ. Nɔɔ gaa wu ka yuu vuu ɓɔɔ nɔɔ kasɛ ɓɛɛ nandon. Nɔɔ palɛ vuu keɓe nɔngkɔ, nɔ́ɔ lee kpang. Nɔ́ɔ ti gaa Laa diki diki ka ruu zang Laa nandon.

1 Bituru 1:12

A Laa tusu ri nɛɛ ri pàlɛ́ ɓi yuu ɓarɛ shonang kpang, ri pàlɛ́ ɓi nɔkɔ. Kãntang keɓe, zang ɓɔɔ ri kɔ̀ɔrɔ̀ nɔɔ Ruu Laa, ri kɔɔ nɔɔ rɛɛ vuu keɓe tɔ, naa ɓɔɔ Suru Laa ɓɔɔ à nɛɛ lapa a ri naa ɓɛɛ. Zang nyaa shonang Laa ɓɔɔ ri ka lapa, ri kasɛ nɛɛ ri zi rɛɛ vuu keɓe jong.

2 Bituru 1:21

Ruu ɓɔɔ rɛɛ zang nyaa shonang ri kɔɔyi nwang ɓi nɛɛ rɛ̃rɛnang shɔnzang kpang. Ɓi Suru Laa kɔ a zang naa, wu ti shing zang, zang kɔɔ ruu ɓɔɔ a nɛɛ bii Laa ɓɛɛ.