Zang Shonang Yeesɔ 2:1 - Nyaa Shɔɔ Ɓɔɔ Laa a Ɓɛɛ

¹ Diki Pentiku naa arɛ, a zang ɓɔɔ ri shíng danggn tɔ, ri kpalɛ zɔɔ ka nɔng gbete.

Zang Shonang Yeesɔ 2:1 Σταυροειδείς Αναφορές

Zang Shonang Yeesɔ 1:5

Ka ruu ɓɔɔ, Yɔhana pàlɛ̀ zang batizima nɛɛ mii. Diki bée takpang, zang pàlɛ́ nɔɔ batizima ditɔ nɛɛ Suru Laa.”

Zang Shonang Yeesɔ 1:8

Diki ɓɔɔ Suru Laa a ka bii manɛ, nɔɔ nwáng zang ɓɔɔ ri kɔ̀ɔ́ ruu ka yuu mɛɛ ka gari Urushalima, nɛɛ tipi Yahudi nandon, nɛɛ tipi Samariya, nɔɔ daa nɛɛ mani ka nɔng ɓɔɔ koo waa nyaa ɓɛɛ”.

Zang Shonang Yeesɔ 2:46

Ri kpálɛ̀ zɔɔ ka Gãa Laa diki diki. A ri ti shaa vuu ɓarɛ ka nyaa zɔɔ ka gãa ɓarɛ. Ri shaa vuu shaanang, ri tãa tĩnang, ri ti ta zɔɔ nɛɛ yeti gbete.

Zang Shonang Yeesɔ 20:16

Bulu kɔɔ ɓi ka yeti ɓiɓɛ nɛɛ wu tɛɛ ɓi nɛɛ laana wu daa ka Afisa, ka ruu ɓɔɔ, wu kasɛ wu suukãng ka Asiya kpang ɓɛɛ. Làábii nɛɛ wu kasɛ wu shɛ̃ɛ Urushalima ka diki nyaalaa Pentiku.

Zang Shonang Yeesɔ 4:24

Ɓɔɔ ri tãa ruu keɓe hn, ri mɛɛ nyaa dɔ̃ɔ gbete, ka lapa ri gaa Laa tɔɔ, “Dabang ɓuru, zang ɓɔɔ mãa lapa nɛɛ tipi nɛɛ mii waapo nɛɛ vuu ɓɔɔ ka yeti ɓarɛ nandon ɓɛɛ.

Zang Shonang Yeesɔ 4:31

Ri hangsɛ nyaa Laa gaanang tɔ, a nɔng ɓɔɔ ri kpalɛ yuu, ruutu. Suru Laa a ka bii ɓarɛ, a ri gaa tɔɔsung Ruu Laa kɔɔnang, ri kaa vɔrɔ kpang.

Zang Shonang Yeesɔ 4:32

Zang ɓɔɔ ri shing danggn tɔ nandon, yeti ɓarɛ gbete. Zang ɓɔɔ tɔɔ kpang nɛɛ vuu naa ɓiɓɛ, ɓi ɓɔ̀ɔ́ ɓiɓɛ ka bm kpang. Ri basɛ vuu ka naa ɓarɛ nɛɛ zɔɔ ri nandon.

Zang Shonang Yeesɔ 5:12

Rɛɛ zang shonang Yeesɔ, ri palɛ vuu ɓɔɔ zang zirɛ zang mã naa ka danggn dɔɔli ka teteng zang. A zang ɓɔɔ ri shíng danggn tɔ ri kpálɛ́ zɔɔ diki diki ka nɔng gbete, ka nɔng ɓɔɔ zang ɓaa nɛɛ Putali Sulemanu ɓɔɔ ka Gãa Laa ɓɛɛ.

Rooma 15:6

Tɔ̀ɔ, nɔ́ɔ goo nyaa kaa gbete, nɔ́ɔ dɔɔ Làá kpanti ɓuru Yeesɔ Kirisi, ɓɔɔ wukɔ ti Daa ɓiɓɛ ɓɛɛ.

1 Koranti 16:8

N naa nwang ka Afisa ka nihn diki nyaalaa Pentiku wu a nɛɛ mani.

Filipi 1:27

Nwannang manɛ, wu nwang naa ɓɔɔ Ruu Tɔ̃ɔ Yeesɔ Kirisi kɔɔ ɓɛɛ. Wukɔ daayi, tɔ̀ɔ, naa n naa leng nɔɔ, naa n nɛɛ ti leng nɔɔ dòo kpang, n tãa nyaa katɔ nɛɛ rɛ̃rɛnang manɛ dàá gbete. N ti tãa katɔ nɛɛ nɔɔ kpalɛ yuu nɛɛ zɔɔ, nɔɔ shii gbãng gbãng, nɔɔ kasɛ nɛɛ zang ri shing danggn ka Ruu Tɔ̃ɔ Laa.

Filipi 2:2

N gaa nɔɔ katɔ rɛ̃rɛnang manɛ wu daa gbete, nɔ́ɔ kasɛ ruu zɔɔ katɔ, nɔ́ɔ ti ɓakɛ yuu nɛɛ zɔɔ, nɔ́ɔ kasɛ nyaa zɔɔ katɔ, tɔ̀ɔ, n tãa tĩnang kaa nyaa kiiri.