Zang Shonang Yeesɔ 17:4 - Nyaa Shɔɔ Ɓɔɔ Laa a Ɓɛɛ

⁴ Zang Yahudi ɓɔɔ ri ta ruu keɓe, a ri ɓang ka bii rɛɛ Bulu nɛɛ Siila. Rɛɛ zang soro ɓɔɔ zang a ri bannang katɔ ɓɛɛ, nɛɛ rɛɛ zang Heleni ɓɔɔ ri bang Laa ɓɛɛ, ri ɓang jong ka bii ɓarɛ.

Zang Shonang Yeesɔ 17:4 Σταυροειδείς Αναφορές

Yɔhana 7:35

Zang bang bang zang Yahudi ri kɔɔrɔ ka naa ɓarɛ nɛɛ, “Naa daa kaa niya a ruu ĩi wu kpang wiya? Daa kaa rɛɛ gari zang Heleni ɓɔɔ zang ɓuru ri nwalɛ kagn wu tusu zang Heleni vuu ya?

Zang Shonang Yeesɔ 13:43

Zang ri daarɛ tɔ, a zang Yahudi dɔɔli nɛɛ rɛɛ zang ɓɔɔ ri dũng kaa doo gbalang zang Yahudi kɔ nɛɛ yeti gbete ɓɛɛ, ri dũng Bulu nɛɛ Baranaba. A ri rang rɛɛ zang keɓe yee, kɔɔ ri nɛɛ ri yaa gbalang tɔ̃ɔ ɓɔɔ Laa palɛ ri keɓe kpang.

Zang Shonang Yeesɔ 13:50

Rɛɛ zang Yahudi ri dɔ̃lɔ rɛɛ zang soro ɓɔɔ ri bang Laa ɓɛɛ, ɓɔɔ zang a ri bannang katɔ ɓɛɛ, nɛɛ rɛɛ zang bang gari kaɓa. Ri shing zang nɛɛ zang ri dang rɛɛ Bulu nɛɛ Baranaba jĩng. Ri hing ri nɛɛ tipi kaɓa.

Zang Shonang Yeesɔ 14:1

Ka Ikoniya Bulu nɛɛ Baranaba ri daa yeti gãa zɔɔ kpalɛnang ka nyaa zɔɔ. Ri rang yee Laa, a zang dɔɔli, rɛɛ Yahudi nɛɛ zang Heleni ri shing danggn.

Zang Shonang Yeesɔ 14:4

Zang gari ri basɛ zɔɔ tìng ziti. Tìng gbete ri ta nyaa zang Yahudi, a ɓɔɔ gbete ri ta ɓarɛ kaa nyaa rɛɛ zang shonang Yeesɔ.

Zang Shonang Yeesɔ 15:22

A zang shonang Yeesɔ ri nɛɛ rɛɛ zang bang bang, nɛɛ zang ɓɔɔ ri dũng Laa, nyaa ɓarɛ a gbete, nɛɛ ri shɛ̃ɛrɛ zang ɓɔɔ ka teteng ɓarɛ, ri shong ri ka Antakiya nɛɛ ri dàa nɛɛ Bulu nɛɛ Baranaba. A ri zɔ̃ng zang varɛ ziti ɓɔɔ zang ɓɔɔ ri shing danggn tɔ, ri á ri bannang dɔɔli ɓɛɛ. Yahuda ɓɔɔ zang ɓaa wu nɛɛ Basaba ɓɛɛ, ri nɛɛ Siila.

Zang Shonang Yeesɔ 15:27

Rùu shong nɔɔ Yahuda nɛɛ Siila nɛɛ ri kɔɔ nɔɔ nɛɛ nyaa ɓarɛ. Vuu ɓɔɔ ri kɔɔ nɔɔ gbete nɛɛ vuu kɔ ruu bèe nɔɔ ɓɛɛ.

Zang Shonang Yeesɔ 15:32

Yahuda nɛɛ Siila ɓɔɔ ri doo zang nyaa shonang Laa kɔɔ doori, ri rang zang yee sasak. Yee ɓarɛ mã zang danggn kati.

Zang Shonang Yeesɔ 15:40

A Bulu tuu ɓi kaa Siila. Ka knti ɓɔɔ zang ɓɔɔ ri shing danggn tɔ ri gàa ri Laa tɔ nɛɛ Laa wu gãng jĩng ka ri, a ri yi gbalang ri daayi.

Zang Shonang Yeesɔ 16:3

Bulu kasɛ nɛɛ wu daa nɛɛ Timoti, ka ruu nɔngkɔ, yèe wu shaa kati. Yèe wu shaa, ka ruu ɓɔɔ, zang Yahudi ɓɔɔ ri ka tipi kaɓa nandon, ri zi tɔ nɛɛ dáa Timoti zang Heleni ɓɛɛ.

Zang Shonang Yeesɔ 17:10

Ɓɔɔ nɔng tɔ̀ɔ hn, zang ɓɔɔ ri dũng Laa, ri tantɛ Bulu nɛɛ Siila shinnang nɛɛ ri dita gari Beriya. Ɓɔɔ ri shɛ̃ɛ nɔng, ri daa ka nɔng zɔɔ kpalɛnang zang Yahudi.

Zang Shonang Yeesɔ 17:12

Zang Yahudi dɔɔli, ri shing danggn nɛɛ rɛɛ zang soro Heleni dɔɔli ɓɔɔ zang a ri bannang ɓɛɛ. Rɛɛ zang Heleni dɔɔli zang varɛ, ri shing danggn jong.

Zang Shonang Yeesɔ 17:14

Zang ɓɔɔ ri dũng Laa, ri tantɛ Bulu dɔ̃nang nɛɛ wu daa ka nyaa waapo. A zang yaa Siila nɛɛ Timoti ɓarɛ kaa Beriya ka nɔngkɔ.

Zang Shonang Yeesɔ 17:17

Ka ruu nɔngkɔ, laa zɔɔ nyaa ka gãa zɔɔ kpalɛnang nɛɛ rɛɛ Yahudi nɛɛ zang ɓɔɔ ri zang Isirela kpang, ɓɔɔ ri dũng kaa Laa ɓɛɛ. Ti rang yee jong nɛɛ rɛɛ zang ɓɔɔ ri alɛ ka nɔng ɓɔɔ zang ri kpalɛ zɔɔ kagn ka gari ɓɛɛ.

Zang Shonang Yeesɔ 17:34

Zang ɓɔɔ ri shing danggn tɔ ri ɓang ɓarɛ kaa nɛɛ wu. Zang keɓe ɓi rɛɛ Diyonisiyu ɓɔɔ ka teteng rɛɛ zang Ariyopagu ɓɛɛ. A ɓɔɔ jaa soro ɓɔɔ zang ɓaa wu nɛɛ Damari nɛɛ rɛɛ zang ɓɔɔ ɓɛɛ.

Zang Shonang Yeesɔ 18:4

Bulu ri làá zɔɔ nyaa nɛɛ zang Yahudi nɛɛ zang Heleni ka Diki Ɔ̃sɔnang ka gãa zɔɔ kpalɛnang diki diki. Kasɛ nɛɛ ri ta ruu ɓɔɔ wu kɔɔ ri ɓɛɛ.

Zang Shonang Yeesɔ 19:10

Pálɛ́ nɔngkɔ, saa ziti ka ruu nɔngkɔ, zang ɓɔɔ ri ka tipi Asiya ri tãa Ruu Laa, zang Yahudi nɛɛ zang ɓɔɔ ri zang Isirela kpang ɓɛɛ nandon.

Zang Shonang Yeesɔ 2:44

Zang ɓɔɔ ri shing danggn tɔ, ri nwang ka nɔng gbete, ri bàsɛ́ vuu naa ɓarɛ nɛɛ zɔɔ.

Zang Shonang Yeesɔ 21:28

Ri gòo nyaa nɛɛ “Zang Isirela nɔɔ yi ruu naa ka bii. Wee yɔɔ ɓɔɔ tusu vuu nɛɛ nɔng piti piti, nɛɛ zang ri kasɛ ruu zang ɓuru kpang, nɛɛ zang ri dũng nyaa ɓɔɔ Musa dang ɓɛɛ kpang, kɔɔrɔ ruu shi kpang ka yuu Gãa Laa keɓe. Palɛ wu ti vuu keɓe kɔ shɛ̃ɛning kpang, átɛ̀ zang ɓɔɔ ri zang Isirela kpang ka yeti Gãa Laa keɓe. Shing tɔ nihn nwang nɔng shi kpang tɔ ka jĩng Laa.”

Zang Shonang Yeesɔ 28:24

Zang ɓɔɔ ri ta ruu ɓiɓɛ katɔ, a zang ɓɔɔ ri ta ɓarɛ kaa takpang.

Zang Shonang Yeesɔ 4:23

Ɓɔɔ zang yáa Bituru nɛɛ Yɔhana naa, ri tantɛ daanang ka bii zang shonang ɓɔɔ nimbang. Ri daa kɔɔ ri vuu ɓɔɔ rɛɛ zang bang bang zang ɓɔɔ ri dɔɔ vuu ka Gãa Laa, nɛɛ rɛɛ zang bang bang zang Yahudi ri kɔɔ ɓɛɛ.

2 Koranti 8:5

Vuu ɓɔɔ ri pálɛ́ ɓa ɓɔɔ ruu shing gn katɔ. Ri gaayu ri a Kpanti Yeesɔ yuu ɓarɛ, a ri ti naa a ruu yuu ɓarɛ kaa jong naa ɓɔɔ Laa kasɛ ɓɛɛ.