Zang Shonang Yeesɔ 15:3 - Nyaa Shɔɔ Ɓɔɔ Laa a Ɓɛɛ

³ A zang ɓɔɔ ri dũng Laa, ri shing ri zanti kati. Ri sɔɔ tipi Fonishiya nɛɛ Samariya, ri kɔɔrɔ zang naa ɓɔɔ zang ɓɔɔ ri zang Isirela kpang ri shing danggn tɔ ka bii Laa kati ɓɛɛ. Ruu keɓe shing zang ɓɔɔ ri shing danggn tɔ, ri tãa tĩnang dɔɔli.

Zang Shonang Yeesɔ 15:3 Σταυροειδείς Αναφορές

Luka 15:32

Daa ɓɔɔ ruu shaa vuu shaanang ruu tãa tĩnang tɔ, ka ruu ɓɔɔ, jaa naaɓɛ keɓe nwang naa ɓɔɔ vɔ katɔ a hingsi jĩng tɔkn. Ning katɔ, a n ĩi wu tɔkn ɓɛɛ.’ ”

Zang Shonang Yeesɔ 1:15

Ka diki ɓɔɔ kagn, zang ɓɔɔ ri shíng danggn tɔ laa maani tu bmati, ri kpalɛ zɔɔ. A Bituru seepaa a shiiyi, rang yee.

Zang Shonang Yeesɔ 13:48

Ɓɔɔ rɛɛ zang ɓɔɔ ri zang Isirela kpang ri tãa naa weɓe, ri tãa tĩnang dɔɔli. Ri a Ruu Laa bannang, a rɛɛ zang ɓɔɔ bɛ̀ɛ́ Laa shingnɛ, nɛɛ ri walɛ Suru bii ɓɔɔ waa nyaa kpang katɔ, ri shing danggn ka bìí Laa.

Zang Shonang Yeesɔ 13:52

Zang ɓɔɔ ri dũng Laa ri tãa tĩnang dɔɔli, Suru Laa ti a ka bìí ɓarɛ.

Zang Shonang Yeesɔ 14:27

Ri shɛ̃ɛ Antakiya tɔ, ri kpalɛ zang ɓɔɔ ri dũng Laa ɓɛɛ, a ri kɔɔ ri vuu ɓɔɔ Laa yi ri naa kagn ri palɛ ɓɛɛ. Naa ɓɔɔ Laa puu zang ɓɔɔ ri zang Isirela kpang gbalang tɔ jong nɛɛ ri shing danggn ka bìí ɓiɓɛ ɓɛɛ.

Zang Shonang Yeesɔ 15:1

Zang ɓɔɔgn, ri a nɛɛ tipi Yahudi ka Antakiya, a ri tusu zang ɓɔɔ ri shing danggn tɔ nɛɛ, “Nɔɔ nɛɛ yee shaa naa ɓɔɔ Musa dang nyaa ɓɛɛ kpang, Laa ta yuu manɛ kpang.”

Zang Shonang Yeesɔ 15:12

Zang ɓɔɔ ri kpalɛ zɔɔ, ri nwang kaa kikiri, ka ɓɔɔ ri tãa naa ɓɔɔ Baranaba nɛɛ Bulu ri kɔɔrɔ vuu ɓɔɔ zang zirɛ zang mã naa ka danggn, ɓɔɔ Laa yi ri naa kagn, ri pálɛ̀ ka teteng zang ɓɔɔ ri zang Isirela kpang ɓɛɛ.

Zang Shonang Yeesɔ 15:22

A zang shonang Yeesɔ ri nɛɛ rɛɛ zang bang bang, nɛɛ zang ɓɔɔ ri dũng Laa, nyaa ɓarɛ a gbete, nɛɛ ri shɛ̃ɛrɛ zang ɓɔɔ ka teteng ɓarɛ, ri shong ri ka Antakiya nɛɛ ri dàa nɛɛ Bulu nɛɛ Baranaba. A ri zɔ̃ng zang varɛ ziti ɓɔɔ zang ɓɔɔ ri shing danggn tɔ, ri á ri bannang dɔɔli ɓɛɛ. Yahuda ɓɔɔ zang ɓaa wu nɛɛ Basaba ɓɛɛ, ri nɛɛ Siila.

Zang Shonang Yeesɔ 15:32

Yahuda nɛɛ Siila ɓɔɔ ri doo zang nyaa shonang Laa kɔɔ doori, ri rang zang yee sasak. Yee ɓarɛ mã zang danggn kati.

Zang Shonang Yeesɔ 15:4

Ɓɔɔ ri shɛ̃ɛ Urushalima zang ɓɔɔ ri dũng Laa nɛɛ rɛɛ zang shonang Yeesɔ nɛɛ rɛɛ zang bang bang, ri ta ri waasɛ̃. A Bulu nɛɛ Baranaba ri kɔɔ ri vuu ɓɔɔ Laa yi ri naa kagn a ri palɛ ɓɛɛ.

Zang Shonang Yeesɔ 17:15

Zang ɓɔɔ ri daa shing Bulu, ri daa nɛɛ wu ka Ataniya. Ɓɔɔ ri tɔɔ ri gbãayu kaa tɔ, Bulu shong ri nɛɛ ri kɔɔ Siila nɛɛ Timoti nɛɛ ri naa ĩi wu pati.

Zang Shonang Yeesɔ 20:38

Yee ɓiɓɛ ɓɔɔ wu kɔɔyi nɛɛ ri zi wu takpang dòndòng ɓɛɛ, kpãa ri ka yeti dɔɔli. Ri daa shing wu kaa nɔng laana.

Zang Shonang Yeesɔ 21:5

Ɓɔɔ diki paa yunang ɓuru a ɓiri, ruu yupaa ruu yi gbalang daanang ɓuru. Ri seepaa nɛɛ wujɛ, nɛɛ soro ɓarɛ nandon, ri naa shing ruu. Ruu nwang tɔ nɛɛ ri, ruu yaa yeti gari tɔ, a ruu tang nɛɛ gutu ka nyaa waapo, ruu gaa Laa. Ruu jee zɔɔ nyaa, a ruu basɛ zɔɔ kati.

Zang Shonang Yeesɔ 28:15

Zang ɓɔɔ ri dũng Laa ka nɔng, ri tãa nyaa nɛɛ ruu a tɔ, ri a sasak ri a ka Lumang Apiyu nɛɛ nɔng ɓɔɔ zang ɓaa nɛɛ Nɔng vuu shaanang taati ɓɛɛ, ri naa kpisi ruu ka nɔngkɔ. Ɓɔɔ Bulu zi ri, zãa Laa, a mã danggn kati.

Zang Shonang Yeesɔ 8:14

Zang shonang Yeesɔ ɓɔɔ ri ka Urushalima, ri tãa nyaa nɛɛ zang Samariya ri ta Ruu Laa tɔ, ka ruu nɔngkɔ, ri dɔ̃ Bituru nɛɛ Yɔhana ka bii ɓarɛ.

Rooma 15:24

N shing gn anang tɔ kati kãntang. N nɛɛ yupaa tipi Asabaniya daanang tɔ, n naa leng nɔɔ ka gbalang. N nɛɛ nwang tɔ nɛɛ nɔɔ diki nɛɛ bee tɔ tɔkɔlɔng, nɔ́ɔ yi m naa kagn, n daa Asabaniya.

1 Koranti 16:11

Zang ɓɔɔ wu pɛ̃ɛrɛ wu naa vĩi kpang. Nɔɔ yi wu naa kɔ jong ka bii, nɔ́ɔ a wu vuu ɓɔɔ wu daa zanti nɛɛ mani ɓɛɛ. Tɔ̀ɔ, wu yi gbalang zanti ɓiɓɛ kaa tɔ̀ɔ́ yeti ɓiɓɛ lasɛ katɔ kpang. Wu ti gbãayu wu naa ĩi m ka nihn. Ruu nɛɛ zang ɓɔɔ ri dũng Laa ka nihn ruu gã wu katɔ.

1 Koranti 16:6

N shing jĩng nɛɛ n naa nwáng nɛɛ nɔɔ diki bee katɔ tɔkɔlɔng. Ǹ naa nwáng nɛɛ nɔɔ pũngku wu waa nyaa nɛɛ mani. N nɛɛ tɔɔ n daa kaa tɔ, nɔ́ɔ a m vuu ɓɔɔ nɔɔ yi m naa nɛɛ mani ka bii ɓɛɛ. Nɔ́ɔ ti daa shing m kaa nɔng ɓɔɔ n kasɛ daanang ɓɛɛ piti.

2 Koranti 1:16

Bɛɛ n mangnɛ nɛɛ, n leng nɔɔ ka gbalang ɓɔɔ n daa Makidoniya ɓɛɛ, n nɛɛ ti gbãayu kaa tɔ, n ti sɔɔ nɔng manɛ. Tɔ̀ɔ, nɔ́ɔ yi m naa kaa bii, nɛɛ vuu ɓɔɔ n daa Yahudi nɛɛ mani ɓɛɛ.

Titu 3:13

Yi Apolo nɛɛ Zeena yɔɔ ɓɔɔ zi nyaa dannang dɔɔli naa ka bii ri yupaa zanti ɓarɛ daanang. Mɔɔ yi ri naa kagn ri walɛ vuu ɓɔɔ ri kasɛ nandon.