Zang Shonang Yeesɔ 10:9 - Nyaa Shɔɔ Ɓɔɔ Laa a Ɓɛɛ

⁹ Nɔng gãntɛ tɔ rɛɛ zang keɓe, ri yi gbalang tɔ, ri a tɔ naabm nɛɛ Joopa. Bituru vang ɓi kaa gãa lapa bɛ̀ɛ́ laa kaa dalɛ yuu nɛɛ wu gaa Laa.

Zang Shonang Yeesɔ 10:9 Σταυροειδείς Αναφορές

Matiyu 20:5

A yɔɔ jaa kaɓa ti naa paarɛ zang shonang kãanang nɛɛ laagɛ̃ a ɓɔɔ kaa naa ɓɔɔ laa kpɛ̃ɛ tɔ ɓɛɛ. A ti palɛ doo naa ɓɔɔ tĩng shɔɔnang kɔ.

Matiyu 24:17

Zang ɓɔɔ ka yuu gãa, wu shooro tɔ̀ɔ́ tipi, nɛɛ wu naa ya vuu ɓɔɔ ka yeti gãa ɓiɓɛ kpang.

Matiyu 27:45

Nɔng tɔ̀ɔ ka tipi kaɓa nandon nɛɛ laagɛ̃ sasak, laa naa kpɛ̃ɛ nɛɛ mani.

Matiyu 6:6

Mɔɔ nɛɛ tɔɔ mɔɔ gaa Laa, tu ka yeti jaka ɓaaɓɛ, mɔɔ ku nyaa gãa, tɔɔ mɔɔ gaa Daa ɓaaɓɛ ɓɔɔ zang zi kpang ɓɛɛ. Daa ɓaaɓɛ ɓɔɔ zi vuu ɓɔɔ zang waasɛ katɔ ɓɛɛ, tɔɔ wu naa a mɔɔ vuu ɓɔɔ wu shing mɔɔ kati.

Maraku 1:35

A Yeesɔ seepaa nɛɛ yuu gãndi, yaa gãa, daa ka nɔng ɓɔɔ zang kagn kpang daa gaa Laa ka nɔngkɔ.

Maraku 6:46

Jée zang nyaa tɔ, a naa seepaa daa ka kɔpɔ, nɛɛ wu daa gaa Laa.

Zang Shonang Yeesɔ 10:3

Diki ɓɔɔ kagn bɛ̀ɛ́ laa kpɛ̃ɛ tɔ, nung saka taati, Koneliyu rɔ̃kɔ. Ka rɔ̃kɔnang keɓe, zi zang nyaa shonang Laa ɓɔɔ ka lapa ɓɛɛ gbàrɛ gbàrɛ arɛ a ɓaa wu nyaa tɔɔ, “Koneliyu.”

Zang Shonang Yeesɔ 6:4

Rùu ráa jĩng ɓuru kaa Laa gaanang, nɛɛ Ruu Laa kɔɔrɔnang.”

Afisa 6:18

Nɔɔ gaa Laa diki diki naa ɓɔɔ Suru Laa tusu nɔɔ ɓɛɛ. Nɔɔ gaa wu ka yuu vuu ɓɔɔ nɔɔ kasɛ ɓɛɛ nandon. Nɔɔ palɛ vuu keɓe nɔngkɔ, nɔ́ɔ lee kpang. Nɔ́ɔ ti gaa Laa diki diki ka ruu zang Laa nandon.

1 Timoti 2:8

N kasɛ zang varɛ, ri nɛɛ gaa Laa ka nɔng piti ɓɔɔ zang kpalɛ yuu zang gaa Laa ɓɛɛ, ri tuu naa ɓarɛ ka lapa. Yeti ɓarɛ wu lasɛ katɔ kpang, ri ti pálɛ̀ naa ri laa nyaa nɛɛ zɔɔ kpang.