Zang Shonang Yeesɔ 10:4 - Nyaa Shɔɔ Ɓɔɔ Laa a Ɓɛɛ

⁴ Koneliyu ã̀tɛ zang nyaa shonang Laa ɓɔɔ ka lapa ɓɛɛ jĩng ka bii. Bii kaa wu vɔrɔ, a kasɛ nyaa tɔɔ, “Ɓu viya Kpanti.” Zang nyaa shonang Laa ɓɔɔ ka lapa, kasɛ wu nyaa tɔɔ, “Laa tãa gaanang ɓɔɔ mɔɔ gaa wu tɔ. Ti zi tɔ̃ɔ ɓɔɔ mɔɔ pàlɛ́ zang tɔ, ka ruu nɔngkɔ, danggn ɓaaɓɛ ning Laa kpang.

Zang Shonang Yeesɔ 10:4 Σταυροειδείς Αναφορές

Matiyu 26:13

N kɔɔ nɔɔ ruu ɓɔɔ niizang kɔ nwani, nɔng ɓɔɔ zang naa rang tɔ̃ɔ Kpanti Laa kagn koo keɓe piti, zang naa kɔɔ ruu vuu kɔ jaa soro keɓe palɛ ɓɛɛ ditɔ. Ka ruu ɓɔɔ, danggn jaa soro keɓe nɛ̀ɛ́ ning zang ɓɛɛ.”

Luka 1:29

Ɓɔɔ Marayamu tãa naa weɓe, ruu kaɓa kpãa wu ka yeti dɔɔli. Marayamu gaa tɔɔsung rɛ̃rɛnang ka yeti ɓiɓɛ tɔɔ, ɓi lɛ̀ɛ́ nyaa jeenang vi nɔngkɔ viya?

Luka 24:5

Zang soro keɓe ri kaa vɔrɔ dɔɔli, a ri ɓaa yuu ka dii. A zang varɛ bìí ri hɛ̃ɛ ri nɛɛ, “Ka ruu vi nɔɔ kãa zang ɓɔɔ Suru kagn bii ɓiɓɛ ka nɔng ɓɔɔ zang gbãa vɔrɔ viya?

Zang Shonang Yeesɔ 10:31

a kɔɔyi tɔɔ, ‘Koneliyu, Laa tãa gaanang ɓɔɔ mɔɔ gaa wu tɔ, danggn vuu tɔ̃ɔ ɓɔɔ mɔɔ pàlɛ́ zang ti ning wu kpang.

Zang Shonang Yeesɔ 14:9

Ɓaa shoo, tã̀á Ruu Laa ɓɔɔ Bulu kɔɔ ɓɛɛ. A Bulu shù wu jĩng ka bii, a zi danggn ɓɔɔ wu shing ɓɛɛ, daa naa ɓɔɔ zang masɛ wu tɔ.

Zang Shonang Yeesɔ 22:10

N hɛ̃ɛyi n tɔɔ, ‘A ń palɛ ɓu kaa viya Kpanti.’ A Kpanti kɔɔ m tɔɔ, ‘Yupaa mɔɔ daa ka yeti gari Damasiku, zang daa kɔɔ mɔɔ vuu piti ɓɔɔ Laa shingnɛ nɛɛ mɔɔ palɛ wu ɓɛɛ, ka nɔngkɔ.’

Zang Shonang Yeesɔ 3:4

Ri shu yɔɔ jĩng ka bii, a Bituru kɔɔ wu tɔɔ, “Pɛ̃ɛrɛ ruu karɛ”

Filipi 4:18

Nɔɔ a m vuu piti ɓɔɔ daa naa katɔ ɓɛɛ tɔ. Nɔɔ ti gisi vuu ɓɔɔ tɔ dɔɔli ɓa vuu ɓɔɔ n shing gn ɓiɓɛ tɔ. Ɓɔɔ Abafaroditu atɛ m vuu ɓɔɔ nɔɔ alɛ wu. Vuu bìí daa m katɔ, vuu ɓɔɔ n kasɛ ɓɛɛ takpang. Vuu keɓe nwang naa vuu ɓɔɔ á sɛ̃ɛ tɔ̃ɔ ɓɛɛ, vuu ɓɔɔ zang dɔɔ Laa ɓɔɔ shingnɛ Laa tãa tĩnang ɓɛɛ.

Filipi 4:6

Nɔɔ kpãa yuu manɛ ka ruu vuu ɓɔɔ kpang, nɔɔ kɔ̀ɔrɔ̀ Laa vuu ɓɔɔ nɔɔ kasɛ ɓɛɛ kɔ jong. Nɔ́ɔ gàa Laa ka ɓɔɔ nɔɔ rang yee nɛɛ wu, nɔɔ ti zãa wu.

Yahudi 13:16

Danggn wu ti ning nɔɔ tɔ̃ɔ palɛnang nɛɛ vuu basɛnang nɛɛ zɔɔ kpang, ka ruu ɓɔɔ, Laa tãa tĩnang zɔ̃ng vuu keɓe ɓa vuu ɓɔɔ ruu dɔ̀ɔ́ wu katɔ ɓɛɛ.

Yahudi 6:10

Ka ruu ɓɔɔ, Laa ɓi zang ɓɔɔ palɛ vuu gn dang gbete kpang, danggn ning wu shonang manɛ kpang. Nɛɛ naa ɓɔɔ nɔɔ tusu nɛɛ nɔɔ kasɛ wu katɔ, ka ɓɔɔ nɔɔ yí zang ɓiɓɛ naa ka bii, a nɔɔ ti yi ri doo naa ɓɛɛ.

Vuu ɓɔɔ zang nwangsɛ Yɔhana 8:4

A dɔɔ waa ka vuu ɓɔɔ a sɛ̃ɛ tɔ̃ɔ kaɓa, a zĩiri ɓiɓɛ gaayu paa seenang, a daa kaa lapa nɛɛ Laa gàanang zang Laa, ka bii Laa.